ليش منصب "دكتور" بالجامعه شبه مستحيل؟

[kustudent1]

السلام عليكم

هل صحيح ان الدكاتره بجامعة الكويت صارو دكاتره بواسطه؟
سمعت مؤخرا ان صعب جدا اي احد يصير دكتور بالجامعه بعد ما ياخذ شهادة الدكتوراه لان المساله فيها واسطه او تفرقه طائفيه او شيء من هذا القبيل, بس هذا مجرد كلام سمعته وما ادري شنو الصج...
بس اللي لاحظته ان نااادر نلقى دكاتره صغار بالعمر, وهذا شي غريب! لان الدكتوراه عقب الجامعه باربع سنين تقريبا, فلو حسبنه الجامعه 5 سنين يعني يخلص عمره 22 بعدين 4 سنين دكتوراه يصير عمره 26! بصراحه انا ولا مره شفت ولا سمعت عن دكتور/دكتوره عمره 26 سنه؟؟ ليش؟؟؟ انا بس شفت يمكن دكتورين يعتبرون مو كبار وايد بقسم الانجليزي يعني شكلهم ثلاثينات, هذيل كبار يعتبرون بس بالنسبه للجامعه اصغر شي..
هالملاحظة تدعم اللي سمعته ان التوظيف يصير بالواسطه, او بعد في ظاهره منتشره ان الدكتور ما يتقاعد الا لما ولده يصير دكتور ويعطيه مكانه! وبعد سمعت ان ممكن يرشون الدكتور عشان يتقاعد؟؟
بصراحه شي غامض والمفروض تكون واضحه الخطوات والمؤهلات او الاختبارات اللي منها ينقون دكاتره الجامعه!
الدكاتره كله شياب وعيايز مع احترامي لهم! قصدي اغلبيتهم طبعا...

+لو تلاحظون الجامعه كله فيها نقص شعب فمعناته فيها نقص دكاتره, والمفروض يعينون دكاتره يدد حق النقص! بس مانشوف دكاتره يدد الا من وييييين لي وين! ليِش؟؟


اللي عندها اي فكره عفيه لا تبخل علينا, وشكرا.

 

[kustudent1]

محد يعرف شي ؟ المشكله ما اقدر اسال دكتور او دكتوره عن شلون نصير دكاتره بالجامعه لان فشله! وبااط جبدي الموضوع لانه مو وااضح :/

 

[m-3atboha]

خــــآططري أصييــر دككتوره و هذا طموحي و ان شاء الله بحققـــه
تدريــن دكتوري يقول صعب جداً انج تصيرين دكتوره
اسلــوبه جداً يحبّــط
يقــول : وآيـد صارت زجمممه على منصب الدكتور فصعب انج تحققينه
يعني شعب قليله .. ! اي وظفـــوا دككااتره ليش جذي
لا ويسوون بايفورس و الشعبب مسككره ! الله

 

[ms mooka]

السلام عليكم

هل صحيح ان الدكاتره بجامعة الكويت صارو دكاتره بواسطه؟

لآ حبيبتي الكلآم غير صحيح

س معت مؤخرا ان صعب جدا اي احد يصير دكتور بالجامعه بعد ما ياخذ شهادة الدكتوراه لان المساله فيها واسطه او تفرقه طائفيه او شيء من هذا القبيل, بس هذا مجرد كلام سمعته وما ادري شنو الصج...

رآح تسمعين وتسمعين والنـآس تتحجى هل كلآم النـآس كله صحيح .. لآ طبـعآ نـآس تجذب ونـآس تزيد حجي ونـآس ...الخ
المسأله مافيهـآ وآسطه ولا شي كل ما في المسأله انـه ان الدكتور في جآمعه الكويت طرشته الجآمعه يدرس برآ ع حسـآب الحكومه وكمل درآستهـ واهني عطـوه مكـتب مسجل بأسمه بعد ما يـآب الشـهـآده واهي ( دكتورآه ) . واصلا شكو القبآيل وجي لآآآ حبيبتي انتي قاعده اتشوفين الدكآتره كلهم شيعه ؟؟ كلهم سنه ؟؟ كلهم بدو؟؟ لآ طبعـآ ومستحيل بيصير جذي في دكـآتره بدو وحضر وشيعه وسنه وعـآدي ماله عـلآقه بالوظيفه هذا الشي


بس اللي لاحظته ان نااادر نلقى دكاتره صغار بالعمر, وهذا شي غريب! لان الدكتوراه عقب الجامعه باربع سنين تقريبا, فلو حسبنه الجامعه 5 سنين يعني يخلص عمره 22 بعدين 4 سنين دكتوراه يصير عمره 26! بصراحه انا ولا مره شفت ولا سمعت عن دكتور/دكتوره عمره 26 سنه؟؟ ليش؟؟؟ انا بس شفت يمكن دكتورين يعتبرون مو كبار وايد بقسم الانجليزي يعني شكلهم ثلاثينات, هذيل كبار يعتبرون بس بالنسبه للجامعه اصغر شي..

اولآ ع حسـب مده الدرآسه انتي ماتدرين عن حيـآته يمكن ارتـآح سنـه متـآخر سنه بالدرآسه قبل .. طول بالدرآسهـ وخذا شوي مواد ..


هالملاحظة تدعم اللي سمعته ان التوظيف يصير بالواسطه, او بعد في ظاهره منتشره ان الدكتور ما يتقاعد الا لما ولده يصير دكتور ويعطيه مكانه! وبعد سمعت ان ممكن يرشون الدكتور عشان يتقاعد؟؟


لآ مو شرط ان الدكتور لآآآآآآزم ولده دكتور لآ حبيبتي كل انسـآن وحسب ميولهـ وماكو شي سهل وبواسطه حطي ابالج كل شي بالدنيـآ يبيله مجهود وتعب عشـآن يصير حسب اللي انتي تبينه


بصراحه شي غامض والمفروض تكون واضحه الخطوات والمؤهلات او الاختبارات اللي منها ينقون دكاتره الجامعه!

طبعا اكييد ..


الدكاتره كله شياب وعيايز مع احترامي لهم! قصدي اغلبيتهم طبعا...


الدكتور << كلمه سهله تنطقينهـآ ضيعوا نص عمرهم واهمه يدرسون عشـآن يدرسونج ويدرسون الآجيال المتقدمه
وتقولين عيايز ؟؟ جم ضيع من عمره الدكتور 10 سنين تقريبا عشان بس ياخذهـآ وتقولين هالكلمه .. عسى الله يطول بأعمارهم


+لو تلاحظون الجامعه كله فيها نقص شعب فمعناته فيها نقص دكاتره, والمفروض يعينون دكاتره يدد حق النقص! بس مانشوف دكاتره يدد الا من وييييين لي وين! ليِش؟؟

ما ادري واللهـ

اللي عندها اي فكره عفيه لا تبخل علينا, وشكرا.

العفووو حبيبتي

 

[ms mooka]

خــــآططري أصييــر دككتوره و هذا طموحي و ان شاء الله بحققـــه
تدريــن دكتوري يقول صعب جداً انج تصيرين دكتوره
اسلــوبه جداً يحبّــط
يقــول : وآيـد صارت زجمممه على منصب الدكتور فصعب انج تحققينه
يعني شعب قليله .. ! اي وظفـــوا دككااتره ليش جذي
لا ويسوون بايفورس و الشعبب مسككره ! الله o.o

لآ تسمعين النـآس سوي اللي انتي اتشوفيه صح ..

 

[أحلى البشر]

جامعه 4 سنوات

ماستر 2 سنوات

دكتوراه 4 سنوات

يعني اقل شي يتخرج 28 والا غلب يتأخر بالدراسه يعني يتخرج من الجامعه يتوظف بعدين ياخذ اجازه دراسيه بعد اربع سنوات من الوظيفه وبعدها يمكن يتزوج وبعدها يسافر بره للدكتوراه الخ,,,,,,,,,
نادر اللي يدرس جامعه وماستر ودكتوراه صبه وحده لابد تمره ظروف فمن جذي على مايخرجون الا اهمه كبار بالثلاثينات

 

[أحلى البشر]

وما اظن في واسطات لان النقص بالجامعه رهيب

 

[~.ąvȍƈaȚ.~]

اي السالفة فيها واسطات و أحزاب

و خاصة بتوظيف الكويتيين للأسف شروط عجيبة غريبة أولها ان يكون موفد من الجامعة نفسها (بعثة الجامعة) بس غير الكويتيين شروطهم أسهل
عندنا دكتور جم مره يتحلطم على سالفة قسم الفرنسي بالجامعة و الكل يدري إن من أردى الاقسام نقص كتب و نقص دكاترة مع ان وايد تقدموا و حسب كلامه من أقوى جامعات فرنسا و لهم بحوث بمجلات علمية عالمية لكن الجامعة كانت شروطهم تعجيزية عالكويتيين
آخر شي عينوا مو كويتية لا و شهادتها سكه و حتى حجيها الفرنسي مكسر

و عندنا دكاترة بكليتنا تكلموا عن سالفة حزبية جمعية أعضاء هيئة التدريس على ما اعتقد انهم ينتمون لأحد الأحزاب بدون ذكر أساامي عشان ما تقولون شي المهم ان الناس ضدهم يعرقلونهم و ما يخلونهم يتوظفون (هالموضوع تكلم عنه د.مرضي العنزي بالحقوق عن دكتور اسمه أحمد العنزي على ما اعتقد و دكتور ثاني نسيت اسمه و تلقونهم بتويتر عشان محد يقول اني مألفة)

و أحيانا البلا يكون بعميد الكلية نفس اللي ابالي

و يمكن يكون في أسباب ثانية


اييي صح شدعوه ماكو دكاترة صغار عندنا أكثر من دكتور بالحقوق عمرهم 30 و يمكن أقل أغلبهم يدد تعينوا قبل سنتين أو سنة

 

[DaLoo3t BaBaTii]

.



آلموضوع مآ فيه وآسطآت نهآئيا ..

.

 

[ZaiN Kw]

خوش موضوع :*

 

[~ طـــواري ليل ~]

البنات تكلموا عن الدكاتره بِــ̯͡سّ عندي نقطه


خريجين الماستر بعد , المفروض يقبلونهم ك معيدين بالجامعه

لان شكثر في نقص والطلبه كل مالهم يزيدون

ع الاقل المواد الاختياريه مثل ثقافه اسلاميه , حقوق انسان , اساليب تفكير ...الخ

المفروض يوظفون حملة شهاده الماجستير , ويشيلون شوي من الضغط على الدكاتره


انآ ٣ اعرفهم , خريجين ماستر كويتيين , ولا احد فيهم انقبل
انه يدرس ك معيد بالجامعه , ٢ خريجين بالكويت ماستر
و ١ برآ الكويت




وحبوبه مستحيل تلاقين دكتور عمره من ٢٥ - ٢٩


احسبي بكالوريس [ ٤ - ٥ سنين ]
ماستر [ ٢ - ٣ سنين ]
دكتوراه [ ٣ - ٤ سنين ]

تقريباً من ١٠ - ١٢ سنه دراسه متواصله



ومشكوره على الطرح

 

[ام حديجان]

ماشوف الموضوع فيه واسطة

لكن الخلل بادارة الجامعة بشروط التعيين

و من ناحية العمر

في دكاترة صغار لكن قليلين

لان موضوع انك تصير دكتور بجامعة الكويت مو شين هين

الدكاترة يعانون مثل ما نعاني احنا

فنادر اللي يتجهون لها من الشباب بعد ماياخذون الشهادة


وانا معاج بنقطة ان السالفة غامضة

اذا تبين تسألين لازم تفرين على خمسين مكتب عشان تعرفين الشروط

المفروض تكون المعلومات واضحة ومتاحة للكل عشان الطالب يعرف يمشي صح

 

[MayOumii~]

مآتوقع لموضوع فيه وآسطة !!

اعرف وحدة اختهآ دكتورة بالطب عآدي مو شغل وآسطآت /:

يمكن شروطهم فيهآ خلل أو شي جذي الله العالم
لكن ترى الحين عندهم نقص كبير وفي وظآيف شآغرة بالجآمعة دخلي شوفي شنو نوع الوظآيف
لآن غريبة بروحه الهيئة التعليمية مو مكفية الطلبة بعد مآ يوظفون !

 

[kustudent1]

msmooka
المسأله مافيهـآ وآسطه ولا شي كل ما في المسأله انـه ان الدكتور في جآمعه الكويت طرشته الجآمعه يدرس برآ ع حسـآب الحكومه وكمل درآستهـ واهني عطـوه مكـتب مسجل بأسمه بعد ما يـآب الشـهـآده واهي ( دكتورآه ) . واصلا شكو القبآيل وجي لآآآ حبيبتي انتي قاعده اتشوفين الدكآتره كلهم شيعه ؟؟ كلهم سنه ؟؟ كلهم بدو؟؟ لآ طبعـآ ومستحيل بيصير جذي في دكـآتره بدو وحضر وشيعه وسنه وعـآدي ماله عـلآقه بالوظيفه هذا الشي

لو هذا الكلام صحيح ما كان في نقص في الدكاتره ولا الشعب في الجامعه! لان في ناس يروحون يدرسون على حساب الجامعه بس مانشوفهم دكاتره, صحيح في بالدكاتره من جميع فئات المجتمع الكويتي بس سعات تلاحظين فئه غالبه ولما تلاحظينها (اذا لاحظتيها...) راح تلاحظين انها نفس الفئات الموجوده بوزاره التربية.. صدفه؟ كلام فاضي؟ يمكن.. الله اعلم! وعلى فكره انا ماعندي اي فكره عن الموضوع, هذا مجرد طرح للسؤال مو عشان اعطي معلومات, ما احب اءلف فراح تلاحظين قبل كل كلامي (يمكن...سمعت...لاحظت..الخ) فكله اشياء مو مثبته على ارض الواقع!


اولآ ع حسـب مده الدرآسه انتي ماتدرين عن حيـآته يمكن ارتـآح سنـه متـآخر سنه بالدرآسه قبل .. طول بالدرآسهـ وخذا شوي مواد ..
يمككن يكون هالكلام صحيح, بس لماذا الاغلبية جذي؟ كلهم ظروف؟ ارتاحو سنه كلهم؟ والله مادري...

لآ مو شرط ان الدكتور لآآآآآآزم ولده دكتور لآ حبيبتي كل انسـآن وحسب ميولهـ وماكو شي سهل وبواسطه حطي ابالج كل شي بالدنيـآ يبيله مجهود وتعب عشـآن يصير حسب اللي انتي تبينه
ههه... انا هل قلت شرط؟ انا قلت هالشي تبع الاشياء اللي سمعته, من ظواهر توظيف الدكاتره! اصلا بالعقل هذا ما يصير يكون شرط يعني... وانا قلت ان مايبيله مجهود وتعب؟ والله ادري ان يبيله تعب وفي ناس تعبو تعب وماصارو دكاتره! انا مو قاعدع اتكلم عن الجهد المبذول, هذا شي خالصين منه ومو معقوله بتكلم عن هالشي... انا قاعده اسال عن طرق توظيف الدكاتره وليس مقدار المجهود المبذول للوصول الى منصب الدكتور!

الدكتور << كلمه سهله تنطقينهـآ ضيعوا نص عمرهم واهمه يدرسون عشـآن يدرسونج ويدرسون الآجيال المتقدمه
وتقولين عيايز ؟؟ جم ضيع من عمره الدكتور 10 سنين تقريبا عشان بس ياخذهـآ وتقولين هالكلمه .. عسى الله يطول بأعمارهم
اولا: نحن في بلد ديموقراطي ولي الحق بحرية الكلام
ثانيا: الفاظي لا اعني بها التقليل من الاحترام, ولو كنتي تقرين اللي انا كاتبته عدل جان قريتي (مع احترامي..)
ثالثا: هل تسمين الدراسه تضييع عمر؟ شي يضحك بصراحه...
رابعا: قاعده توجهين علي تهمه التنزيل من مستوى الدكاتره بكلمتج (دكتور كلمه تنطقينها بسهوله)! اختي مع احترامي لج, بس قبل لا تعلقين على كلام الناس فهمي عدل شنو كاتبين وشنو قصدهم! وحطي ابالج ان لهم حريه التعبير بنفس الوقت! وبنفس الوقت تذكري ان مو اي شخص يكون بمحل ان يعطي محاضره عن "احترام الدكتور" او يقعد يقول ليش ما نحترم الدكاتره واهو مو فاهم الناس شقاع تقول بالاول قبل لا ينصح نصيحه مو بمحلها ولا احد يبيها اصلا...
بحثي كلمه "عجوز" بالقاموس العربي وشوفي اذا اهي اهانه ولا لا! لاهي اهانه باللغه ولا اهانه بالطريقه اللي قصدتها.. فلوسمحتي تفهمين الناس قبل لا تدخلين عليهم بالقوه وكانهم مجرمين...


شكرا لكل من شارك بالموضوع, واريد ان اذكر لمن يجهل هالشي او لم يكن واضح له, ان الموضوع عباره عن تساؤلات ونريد ان نسمع من اصحاب المعرفه فقط وشكرا

 

[جلكسيه اس 3]

ليش مستغربين من انه في واسطه
انا كويتيه و متاكده ماكو مكان يخلاة من الواسطات الحين
يت علا هالوظيفه يعني ما راح يسوون واسطه

صار كل شي واسطه عندك واسطه تنجح ما عندك تفشل عموما الله كريم وانا اتمنا
يتغير كل شي للاحسن

 

[بلوبري]

مووضوع ووايد يبيله ناااقش

انا اقول ان الواسطه بكل مكان مو بس بالجامعه من ناحية التعيين الدكاتره

من ناحية ليش ما عندنا دكاترة صغاار انا اقول تراه الدراسه يبيله وقت و ناس تقعد ترتاح عقب

عندي الدكتور الشايب احسن من الشباب لانه عنده خبره ووايد

و كل واحد و رايها

تقبلي مروري

 

[حجابي جهادي]

موضوع مهم يستحق المناقشه ،،،،

 

[اسيل الصمت]

ماله اي علاقه بالواسطة ,,,,,,,,,

تحياتي

 

[عادت ذكرياتي]

جايز واسطات الله العالم بكل شي


آنا سمعت وشفت بعيني وظايف بواسطات وطلبة معدلاتهم متدنية ،،، وغيرهم معدلات عالية ما حصلت لهم وظايف وعندهم واسطات بس ما يحبون يستعينون فيها ^_^

 

[&موناليزا&]

اتوقع اذا كانت الدراسه على الحساب الخاص ممكن يحتاج واسطه

لان زوج خالتي و ولد عمتي درسوا برا ماستر ودكتوراه على حسابهم ولما صار التعيين اذكر ولد عمتي كان يقول لي قالوا لازم البعثه تكون على جامعة الكويت

بس بالنهاية تعينوا بالجامعه

بس انتي تأكدي من الموضوع افضل ؟