خريجة شريعه وعندي مقابله بالتربيه انقذوني يامعلمات الاسلاميه

[توته999]

السلام عليكم.. موضوعي مثل ماشفتوه بالعنوان

يوم الاربعا عندي مقابله شخصيه بوزارة التربيه للوظيفه وانا خريجة شريعه تخصصي اصول فقه وماااني عارفه شنو طبيعة الاسئلة اللي يسألونها لي
فيدوني جزاكم الله خير والله حدي متوهقه وخايفه

 

[شرقاويه14]

وعليكم السلام ورحمة الله وبركاته ...

موفقه اختي انا سعوديه تخصص دراسات اسلاميه قابلت مرتين بس للاسف مانجحت الاسئله سهله ماتحتاج بس الحياء والخوف ولارتباك نسيت كل شي كاني اول مره اسمع الاسئله ان شاء الله بجيب اسئله لك

بغيت اسالك اختي انتي سعوديه ولا كويته ...؟
واذا تعرفي عن تقديم السعوديات فتح بالوزاره او لا ...؟

 

[شرقاويه14]

مقاابلتي كانت عباره عن امتحانين الاول على الاوراق كان السوال الاول عباره عن اكملي الايات وكانت من وسط سورة الرحمن <<طبعا ما كنت حافظه خليته فاااضي <<بدايه الخير...

والسوال الثااني اكملي الحديث وكاان قوله صلى الله عليه وسلم عجبا لامر المؤمن ان وجد خير....))


والسوال الثالث صح او خطا

السوال الرابع ميزي بين المكي والمدني من خلال العبارت الاتيه ... بيان العقيده .....قصص الامم السابقه

السوال الخامس كان عللي

هــذا بالنسبه لامتحان الاوراق ....

اما المقابله تكوون بعد الامتحان مباشره .....
كان رجالين وحرمه ....اولا شي قريت سورة الجن طبعا مع التجويد لانهم مدققين حيييل ع التجوويد ...
سالوني ....اسئله المقابله سهله وبسيطه وكانت......
ماهي انواع الاهداف...؟ماالهدف من الهدف الوجداني ...؟
بماذا عاقب الله الذين يسترقوون السمع ...؟
ماهي اركان الصلاه....؟
هل يعتبر التشهد الاول من اركان الصلاه....؟
من اين ناخذ حديث الرسول صلى الله عليه وسلم ....؟((يقصد الكتب السته))
اسم كتاب قراتيه عن السيره...؟
ماانوع التوحيد...؟ توحيد الله بافعاله من اي انواع التوحيد...؟
قوله تعالى ...((قالوا ان...))ما الحكم التجويد فيه ؟



. والله يوووفق الجميييع يااارب ...







سبحان الله والحمد لله ولااله الا الله والله اكبر...

 

[توته999]

هلا حبيبتي.. انا كويتيه والله ماعندي فكره عن تقديم السعوديات
روحي الوزاره نفسها مبنى 2 اعتقد وتأكدي منهم يفيدونج ان شاءالله
ومشكوره ياقلبي عالاسئله الله يوفقج وان شاءالله تنجحين بالمقابله الجايه يارب
انا باجر مقابلتي الله يستر

 

[أروى المطيري]

الله يعين انا بعد بكره مقابلتي نفسج الساعه ٨

 

[بنفسج ..~]

بنات حبايبي هاه بشروا شنو نوع الأسئلة اللي جتكم ؟؟؟؟
يا ليت تحطونها انا بعد متوهقة حدي خايفة من الأسئلة ..
تكفون مو تطنشون -_-

 

[توته999]

حياتي بنفسج اليوم خلصت مقابلتي الحمدلله وايد سهالات اول شي عطونا امتحان تحريري مدته ربع ساعه حيل سهل اسئلة عامه يتني سورة الملك اكتبي من قوله تعالى هو الذي جعل لكم الارض ذلولا الى قوله فكيف كان نذير
واكملي الحديث ان الله يبسط يده بالليل.....
وبعدين اسئلة صح وخطأ واختياري وبس
عقب دشيت المقابله كان في حرمتين وريال
قالولي عرفي عن نفسج
وبعدها خلوني اقرا سورة الجمعه وسألوني بأحكام تجويديه فيها
ادغام بغنة الناقص وبغير غنه الكامل وسألوني شنو حروف الادغام وليش قلتي ادغام ناقص
وكلمة ان كانو والحكم اخفاء حقيقي وحروف الاخفاء
وسألوني عن آداب يوم الجمعه وبس
الحمدلله سهالااات
بس اهم شي عندهم التجويييييييد ادا شافوج شاطره بالتلاوه والتجويد خلاص يمشونج
والله يوففج حبيبتي

 

[بنفسج ..~]

^^^^


الله يطمنج يا حياتي كنت احاتي حيل
بس المشكلة التجويد ما أضبطه إلا على اللي حافظته -_-
يعني الاجزاء الأخيرة الثلاثة أخاف يجيبون من غيرها
تهقين يجيبون من غير الاجزاء الثلاث الاخيرة ؟؟؟


الله يوفقج يا حياتي ومبروك مسبقاً ع الوظيفة
الله يعطيج خيرها ويكفيج شرها يارب ^_^

 

[بنفسج ..~]

صح نسيت أسأل
قريتي سورة الجمعة عن غيب ولا فتحتي المصحف ؟؟؟؟؟؟؟

 

[خشف الشمال]

اذا انتي كويتيه غصب عليهم يقبلونج عندهم نقص ويبون مدرسات سواء جاوبتي صح اوغلط

من سابق تجربه

 

[شرقاويه14]

ماشاء الله الله يسهل لك اختي توووته موووفقه ياارب

الله يوفقكم بنات بالمقابله وتجتازونها بكل سهوله ويسر باذن الله ...

ياارب يفتح تقديم السعوديات قريب ياارب بنات اللي تعرف اي معلومه عن التقديم تفيدنا جزاها الله خير ...

 

[sasa1234]

بسألج ليش ما قدمتي على وزارة الاوقاف ؟؟
شنو اللي خلاج تفضلين وزارة التربيه على الاوقاف ؟؟

 

[أروى المطيري]

الحمد لله نجحت من المقابله

 

[قهوه وشاهي]

بالتوفيق يارب

 

[شرقاويه14]

مبرووك اختي اروى الله يوفقك ...

 

[أحلى من الخيال]

مبروك
بس اشتبين بالتربية
جان رحتي الأوقاف​

 

[توته999]

الحمدلله نجحت بالمقابله بنات
وبنفسج بالنسبه للقرآن قريته تلاوه حبيبتي مو عن غيب
هذا بالمقابله بس بالامتحان التحريري عن غيب بس سهالات لاتحاتين ان شاءالله وماتوقع يجيبون من الاجزاء الاولى
لان كل اللي كانو معاي جابولهم من الاجزاء الاخيره اللي ورا
مثل سورة التحريم والحشر والمجادله وانا جابولي الجمعه
شدي حيلج وموفقه ان شاءالله

 

[توته999]

الله يبارك فيج احلى من الخيال
انا ابي التربيه لاني حابه جوها اكثر من الاوقاف
انا كنت قبل ادرس بالاوقاف ودور القرآن ومراكز فعارفه نظامهم عرفتي شلون
مادري اغلب البنات مصريات وفلسطينيات وماتحسين بحضور قوي او التزام بالدراسه واحس الاوقاف بكبرها مخربطه يعني ماعندهم شي يمشون عليه ضايعين
التربيه احسن من ناحية التنظيم والالتزام والحضور
احس اني ألقى نفسي فيها
واذا بالنسبه للتعب
والله بكل مكان تعب هني وهناك تعب
وفي تحضير وناظره على راسج واشراف
والاوقاف مقابلتهم حيل صعبه متشددين يبونج تحفظين 4او 5 اجزاء وتشرحين جم درس وتدرسين كتب من المذاهب المختلفه
يعني لويه وعوار راس صراحه
ففضلت التربيه احسن عندي وكل واحد له وجهة نظر خاصه حياتي والله يوفقج

 

[توته999]

السموحه بنات تأخرت عليكم بالرد كنت مسافره واليوم رجعت الكويت الحمدلله
واي وحده تبي تستفسر عن شي بالنسبه للمقابله لايردها الا كيبوردها ههههههههه

 

[أروى المطيري]

السموحه بنات تأخرت عليكم بالرد كنت مسافره واليوم رجعت الكويت الحمدلله
واي وحده تبي تستفسر عن شي بالنسبه للمقابله لايردها الا كيبوردها ههههههههه

بغيت اسال رحتي خذيتي اوراق الفحص الطبي