تجمع لمعلمات الميداني ، تعالو نتبادل ونتشارك بالافكار وكل ماايهمنا ويخصنا..

[what's up]

الله يعطيج العافية هاللو كيتي
حتى الي امس راحو اللقاء التنويري طلع اللقاء بس للموجهين مو لنا

انا طلع اسمي بمدرسة صبيان و من الحين الاوادم قاعدين يهولون علي السالفه ... استغفر الله الاوادم ودي اجعمهم اف يبطون جبدي
صج مجتمعنا متعود على كسر المجاديف ... ان شاء الله اثبت عكس كلامهم

 

[هيللو كيتي]

غير النااس والله مادري عنهم يمكن حسب التخصص ..
......

واتس اب حبيبتي الله يعاافيج
انا بعد بمدرسة صبيان عاد تبين الصج والله صج انا احاتيهم لان ٣ و ٤ من عيالنا لاتجمعوا في البيت مانقدر نسيطر عليهم فشلوون بصف ومدرسه ومناوبه ..
صج مسؤليتهم كبيرة وخاصه الي بخامس بداية مراهقه .. يعني بنصير فيلم
بس الكل يقولي خلج حاااازمة وشدديدة معاهم ..
وانا حتي صوتي يالله ينسمع ..

بس الله يقدرنا عليهم يارب ،، ويكونون خفيفين عسل ع قلووبنااا ..

 

[هيللو كيتي]

عاد انا فكرت اغريهم باشرطة بلايستيشن

بقول الشاطر واللي يسمع كلامي راح اعطيه الخميس شريط بلايستيشن ..

تهقوون عادي ولاا مخاالفه وممنوع علي!!!



]

 

[بنت الكويت90]

هههههههههههه وااي الحمدلله اني مارحت الكليه لان كنت ناويه اروح اخذ الورقه جان اتكييييسل وقلت اذا داومت باخذها من بنت معااي واطبعها بالمدرسه


ههههههههههه




شلون استعدادكم للمدرسه ؟؟ انا حدي متحمسسسسه

 

[ام اللقافه]

انا ودوني مدرسة صبيان و حيل تحبطت
بس الحمد الله اهلي كلهم شجعوني و قالولي الصبيان احسن
على قولتهم البنات دلوعين
عاد ما ادري نداوم و نشوف

 

[Bnt-USA]

بنات متى اخر يوم دوام بالميداني ؟

 

[what's up]

هللو كتي سالي المدرسه الاولى بس ما اعتقد انه يصير .. اخاف تييب من وراها مشاكل و تبطل بيبان عليج
انا اتمنى يعطوني اولى و ثانية بتدائي
بنت امريكا جنه أخر يوم ميداني 24/12

 

[هيللو كيتي]

هااااي بناات

شلونكم

وبداا العد التنازلي

 

[¤§ زيتونة §¤]

الله يوفقكم يا معلمات المستقبل القريب

شدو حيلكم وهمتكم وخلكم نشيطين ومتحمسين للشغل واول شي طالعو الاجر من رب العالمين وبعدين من الادارة ورئيسة القسم

وصدقوني التدريس حلو وانتي يالمعلمه اللي تحددين مرتاحه فيه ولا لا

مو مسالة صبيان ولا بنات

ياما مرو علي بنات بس الصبيان احسن واعقل منهم والعكس هم صحيح


استعدو نفسيا لكل الظروف ووتفاءلوا بالتجربة اليديدة عليكم وعيشوها عدل واستفيدو منها عشان بعدين تردون معلمات عارفين كل شي ومتهيئين لكل شي في سلك التعليم والتدريس



الله يوفقكم حبايبي

 

[هيللو كيتي]

ززيتونه حبيبتي يعطيج العاافيه علا هالكلااام وان شاءلله انفذذذ اللي قلتي ..


 

[بنت الكويت90]

مشكوووووووره زيتووونه جزاج الله خير

















ها بنااااااااااااااااات زاهبين ؟؟؟ بدا العد التنازلي باااجر الوووووووووعد

 

[غير النآآآس]

يعطيج العافية زيتونه

بنات اي ساعه نروح المدرسه ؟

يصير ع الساعه 8

 

[العصامية]

السلام عليكم
معاكم طالبة ميداني تخصصي انجليزي وحطوني مدرسة بنات
يوم اللقاء التنويري عطونا ورقة المشاهده

بالتوفيق للكل

 

[@أحلى بنوته@]

الله يوفقكم باجر وان شاءالله مشرفاتكم سهالات ويكونون متعاونين معاكم

وحيل حبيت كلامكم وان شاءالله الله يعطيكم علا نياتكم وموفقين خير

بس استانسوا شعور حلو يكبر اسمج من طالبة الى ابلة

انا بعدني طالبة سنة ثانية شوقتوني حيل صراحة بس حسيت بشعوركم بالخوف والتوتر
والله يلحقني فيكم واخذ عاد ذاك الوقت من نصايحكم لي

موووفقين وطمنئونا شيصير معاكم باجر:eh_s(7):

 

[العصامية]

غير الناس

اللي سمعته لازم قبل 7 ونص وتحضرين الطابور

 

[what's up]

باللقاء التنويري قالو 7:30 لازم نكون بالمدرسه او قبلها يعاملونا معاملة الدرسه و انا ودي احضر مبجر عشأن أعطي انطباع جيد
و نخلص 12:30

 

[غير النآآآس]

بشروا بنات شنو انطباعكم عن اول يوم ..؟

انا بصراحه مثل ما رحت جيت من الصبح لما الظهر واحنا قاعدين بالقسم عند الابلات ما جت المشرفه ورئيسة القسم ما حددت لنا حصص المشاهده

 

[بنت الكويت90]

غير الناااس















انا مثلج قعدت ولاحضرت حصص وووزهقنا قاعدين لي ال11 وربع لاشغل ولامشغله


جان كلمنا رئيسة االقسم وقالت اذا بتروحون روحو لان ماراح تي المشررفه


جان رحنا الوكيله استئذنا ورحنا بيوتنا



ماعجبني اليوم كللللللللللش ممل وكئيب وتعب والله يابنات رديت ابجي احس اني مخنوووقه اعوذ بالله ان شالله باااجر فيه هدف وتجي المشرفه وونحضر حصص لان جد زهقنا اليوم

 

[هيللو كيتي]

هاي ابلات
شلونكم


افا بنت الكويت حياتي لاتضايقين ان شاءلله تستمتعين يارب..
ولاتحاتين لان شعورج عادي لان الوضع جديد عليج ..

والله احنا بعد اليوم قاعدين بالقسم ما سوينا شي و ١٢ طلعنا ..لان ممنوع قبلها..
وفعلا ممل لان ماكو هدف
بس من باجر نبدي حصص مشاهدة باذن الله ..


وبالتوفيق للكل

 

[أبله أريج]

شلونكم؟؟؟؟؟؟؟؟؟