تفسير احلام الحوامل

[فرفشه منعنشه]

انا مو حامل

بس في حلم مخليني متفائله ..


حلمت قبل جم يوم ان كنت بمكان مو بالكويت .وقاعد يطق مطر قويييييي وانا مستانسه وكنت ادعي ان الله يرزقني بالياهل ..؟؟؟

شنو تفسيرة ؟؟

باذن الله استجابه دعاء وربي يرزقج الحمل قريب
​

 

[فرفشه منعنشه]

صباح الخير

شخباركم

اتمنى تفسير الحلم


قبل لا اعرف اني حامل بأسبوع حلمت فمجموعه بيض حمام وفجأه ولا تطلع حمامه صغيره من البيضه
لونها اسود وكان ذيلها منفوش وحيل كنت مستانسه فيها وقلت باخذها لي


وسلامتكم

بنت والله اعلم
​

 

[موكا لاتيه]

حلمت اني راكبه سياره يم اللي يسوق
وجنه بالحلم شفت حمامه بيضه بقفص

 

[أم زايد ويزن]

يزاتج الله خير فرفشه
ما تقصرين معانا
يالغاليه

 

[كلهم مايعجبوني!]

فرفشه حبيبتي

الخاتم اللي نصه ذهب ونصه فضه وكبير وحلو شكله
وخاتم فضه ساده

ماتفسيره انا حامل

الله يجعله في موازين حسناتك ماتقدمين

 

[زبــــــــدة]

باذن الله استجابه دعاء وربي يرزقج الحمل قريب​

الله يسمع منج يااارب مشكووورة :eh_s(17):

 

[$قطوه$]

مشكوره حبيبتي على التفسير ..

 

[Ms.lool]

انا حامل و حلممت اني يبت بنت و كااانت الولادة سهله حيلل لكنها مبجره عن وقتها يعني جنه ولدت بالثامن

 

[om Fouz]

السلام عليكم

انا حامل بال6 وفيني بنت حلمت اني اجهز للحج بس ما كنت مجهزة عدل وكل شوي اتذكر شي واحطه وان يعني اليوم بنمشي وبسرعه بسرعه

 

[قمة بس دقمة]

السلام عليكم
حامل وتوني بالبدايه ..اليوم الفجر حلمت اني طالعه من مجمع الا تو الشيخ جابر الله يرحمه يسفط سيارته وينزل بسرعه ولابس بشته الاسود ومن

فرحتي اركض اناديه وهو يبتسم ويمشي بخطوات سريعه ..الا اشوف حرمتين يبتسمون لي وعطتني وحده نظارته وقالت عطيها

الشيخ واركض وراه واعطيه نظارته وطول الوقت وجه مبتسم ويجنن الله يرحمه

 

[أمونيتا ~]

انا حامل بالشهر الثاني حلمت ان امي كان عندها ملابس مواليد جدد وخاشتهم وقلت لها ابيهم

قامت عطتني ملابس مولود لونها اخضر ساده وكأنه فيها ربطه لونها بني وقالت بس هذا اللي عندي

اللبس كان ساده وعادي بس عجبني وخذيته

شنو تفسيره ؟

اللي اعرفه انه اللون الاخضر بالحلم زيييييييييين حتى قبل ما اتزوج كنت متردده وحلمت اني لابسه اخضر وزوجي لابس اخضر وعقب الحلم تزوجنا ههههههههه​

 

[اخت خالتهم]

حلمت اني قاعد اشوف نفسي بالمنظرة ثنتين
وحاطة حمره حمرا و كاشخه
واطالع نفسي بوناسه ..

انا حامل واعرف جنس البيبي

 

[مصحف الله]

يعطيك العافيه حبيبتي وجزاك الجنه

 

[قسي قلبك تعيش]

السلام انا حامل ولله الحمد حلمت اني بغرفتي جايين 2 من خالاتي وانا تفشلت لانه غرفت نومي شوي عفيسه وانظف واقولهم قعدوا بالصاله الحين بجي ولا اشوف وانتي بكرامه عند باب حمامي تفاحه صفرا ماكول نصها ومقطوطه وعليها نمل وناموس واقول غريبه يعني من زمان هني ليش ماشلتها اكيد من بناتي قاطينها وسلامتج


ومشكووووره مقدماا

 

[om la6ofa]

يعطيج العافيه والله يجازيج خير انشاالله
الله يسلمج انا موحامل. انا عندي بنتين وولد عمرة سنه
حلمانه ان جني ولدت و خلصت و ريلي يابلي ولدي باللفه وانا فرحانه و بعدبن لقيتهم اثنين اقوله هذا الثاني مال منو انا بس ولدت واحد يقولي لا انتي يبتي اثنين وقالي هذا سالم وةالثاني محمد وانا فرحت فيهم تالي طلعلي من كبت قلاصين و صحنين و ملعقتين و اغراض وايد بس كل على اثنين اثنين و قاعد ايوريني اياهم و يابلي عربانه الياهال التوم ام اثنين و فتحلي اياها و كان وايد فرحان
مع العلم انا اب غربة حاليا و قاعده امنع الحمل طبيعي
ماقصرتي

 

[Nosy]

السلام عليكم بغيت تفسير حلم الوالده حلمت أنها حامل وبشهرها وللعلم أمي مو حامل ويت يدتي تبي تولدها تصير حق أمي مرت أبوها ويمها يهال وأمي مستحيه تولد جدامهم وتقوم أمي تسكر الستاره ومرت أبوها تقول لها عادي وبعدين حست بعوار وولدت ويابت ولد بس الولد أعور بس قالت الحمدالله وبتسمت

 

[kaakty]

بليز فسروولي

متحلمه اني بالسياره بس مااسووق وجنا اختي معااي واكل 3 تمرات لذيذييين وشكلهم حلووو

 

[موكا لاتيه]

انا حامل وماعرفت شنو فيني المهم
حلمت اني شفت عورة مراه ماعرفها والا تكرمون اشوف ينزل منها دم

 

[كتلة تفاؤل]

مرحبا اختي
الله يجزاك خير ابيك تفسرين هالحلم
مو لي لمرة اخوي بس الحلم فيني
هي حامل بالشهر التاسع حلمت فيني
اني حامل بالشهر الخامس وتقولي بالحلم بطنك كبران ياكتله
وتخبيني عن امها تقول لا تشووفك وانا بس ماغير اتخبى عنها ..
وسبق اني اجهضت بحملي الاول



وانا حلمت كم قبل يوم اني احلل تحليل منزلي وطلع خطين واضحين ومستانسه
وصحيت واحس اني مرتاحه ..

وجزاك الله خير الجزاء ..
للعلم لسى ماحملت عقب الاجهاض ..

 

[Nosy]

السلام عليكم أنا حلمت قبل 4 شهور أني رايحه السوق مع زوجي وشريت تنوره وايد عجبتني وبعدين شريت قطعه خام لونها وردي حيل عجبتني بالحلم ومعهااكسسوار البايعه عطتني أيها بس قلت وي خاف أمي ماتعجبها وبعدين طلعت من السوق ومشيت أنا وزوجي وقلت له يوه نسيت أشتري شيله ورديت وشريت شيله لونها أبيض بأزرق للعلم أنا عندي بنتين والحين حامل بالشهر الثالث وأكون شاكره لج لوفسرتي حلمي