واقفه انطر دوري ولا اللي يت جدامي اشكره @@اختي بالدور لو سمحتي!!

[انسام الكويت]

اكره هالحركه هاذي اصلا قلة ادب وذووووق اللي تسوي جذي ومن هالنوعيه تسمحلي

أهي ماهي سنعه ولا تعرف الذوق والاتكيت أنا اكثر شي يصير لي هالموقف ويا حريم

اما الرياييل لا وربي محترمين ومايداحرون ويتعدون غيرهم ويصيرلي هالموقف اكثر

شي بالمستوصف لمن انطر دوري عشان ندخل عالدكتور والله يدرعموون عقد ماكو احترام للناس اللي تنطر

الحين كل وحده رقمها بيدها وبالدور شماله التدرعم ولا بعد يوقفون عند باب الدكتور والدور مؤ دورهم

امبيه والله استحي من نفسي اسوي جذي عيب وآخر مره صارله نفس هالموقف ناطره دوري وتيم وحده

وتقعد وكان اكو أنا ووحده ثانيه دورها قبلي لمن دشت اللي كانت قبلي عاد الأخت اللي يايه بعدي علطوول قامت ووقفت يم الباب

خيييير ان شاء الله وانا قاعده شسوي المشكله أنا تعبانه واهي يايه على عشر سنغات وأقوم اووقف يم الباب مع أني

ماحب هالحركه بس دوري وتعبانه ولمن طلعت اللي قبلي دشيت علطول صج قلة ادب وذوق ياربي احترموا الاودام

مؤ الاتكيت حق برا لي سافرتوا واهني استغفرالله مداحر وقلة ذوق. <<<<<. قلبي مترووووسه من هالحركه ههههههه

 

[روز بآريس]

آآآب آآآب

 

[LoLaTi]

يا كثر ماتصير هالحركات
هـــــــــــــــــــــــــــــــــــــــــــــــــــــــــــــــــــلاقه ناس هيـــــلق خصوصا سالفه المصافط :rgewrg:

 

[i afnan]

وقاااااااااحه هالحررركه وتنرفزني مرره خاصه اذا كنت مستعجله

انا الحمدلله ماصادفت وحده زرقت قدامي كلهم يستاذنون واقول لا ههههههه الا اذا كنت مروقه ماوراي شي اخليها عادي

 

[أحلى البشر]

انا بالمستوصف اسكت لهم لان ماتدرين يمكن تعبانين حيل انا مره كنت رايحه المستوصف وعلي الدوره والالم قاتلني شوي واطيح والمصيبه اني كنت رايحه المستوصف بروحي وكان يوم جمعه يعني خفاره بعيد ودشيت والا زححححححمه والله من شدة الالم ما اشووف جدامي ودشيت قبلهم والحمد لله طلعوا فاهمين ومتفهمين

 

[عمرها السعودية]

وعععععع اكرة هالنماين خصوصا عند المحاسبة مرة بسيتي ماكس جات وحدة حااااشرة روحها هي وجيشها وكل واحد خلاقينة معة

وتصدم بهالحريم الصافيين وتصف اوبس وتنادي بعيالها فشلوها كثير قالو بالدور لو سمحتي وهي عمك اصمخ وانهدو عليها عصبو

اخر شي راحتىصوب محاسبة الرجال وترز عمرها قدام لاحيا ولا مستحى استحححو ماتكلمو والموظف يقول هذا للرجال تقول لا مستعجلة

كرهت العالم بالتسوق الله يقطع عالاشكال وش كثر تحصل معي بس ماسكت ابرد قلبي صح

 

[Bloom]

ينرفزوووووووووون تخيلي اليوم فالجمعيه يات هندديه وتطوف الكل تخيلي وتطول لسانها قمت سكت عنها

 

[روحي محمد]

شكثر اكره هالنوعيه
مره صارت معاي بشرق انا وامي وخواتي وكان حيل حيل زحمه
لقينا مصفط بعيد وساعه ننطر السياره تطلع
اخر شي جان تجي سيارة فيها عايله ابو وعياله عكس السير
ويدخل بسرعه المصفط واهوه وعياله ميتين ضحك علينا
جعمتنا امي ماخلتنا نتكلم ولقينا مصفط ثاني جان نمر بالسياره اختي تقول لامي عطيني المفتاح بحك السياره
جان ترفض امي من الحره جان تطلع روج وتشخط عالسياره من جدام لورا
بس جد صارلها كم سنه السالفه من قد ماحرتني طريقته هو وعياله مو قادره انساها

 

[Bnt-USA]

اي والله ويييييييييييييييييييييييع
اخيس حركة بالدنيا
بإستثناء الطبيب اذا كانت مره عودة
او حالة طارئة


خصوصا ايام الكلية كننا بالتسجيل نوقف بالدور
تيي وحده معاها زوجها
على بونه ريال بيندعس بين الحريم
@@
ويلززززززززززززق بالبنات
واللي معاه لاتعليق عادي عندها


تصدقون ب امريكا والدول الاجنبية ما عندهم جذي !!
كل واحد يحترم الدور



​

 

[نبض شرياني]

مشكورين بنات ع تفاعلكم


مثل ماقلنا يعتمد على التربيه والذوق وفرض الاحترام

 

[Anfal dy]

مشششش محترميين :d

خصوصا المدرسه اخخخ يا طابور المقصف عوار قلب :'(
واذا بغيتي تحاسبين توقف جدامج و تسحب معاها قومها يخرب بيتج كنت ثاني وحده اشلون صار جدامي 100 كائن حي

طبعآ انا بهاللحظه لمن توقف جدامي وحده ودي ازفها بسس استحي
بيني و بينكم انا وحده اتخيل اني امسكها وانتف شعر راسها بملقط و اخذ ابره و اقزها برجولها ادخلها من صوب واطلعها من صوب و اربط اذونها الثنتين بحبل واجرها ع شارع فيه صخر و قزاز متكسر و احذفها ب حوض ليمون واطلعها اقط عليها بانزين و اشب فيها لييييمن تصير رماد

هههههههههههههههههههههههههههههههههه
ضحكني تفكيرج اجرامي
لا لا تسكتين و لا تستحين خلج لسان و قوليلها عفواً اختي اعتقد اني واقفه شكبري شطولي شعرضي معقوله ما تشوفيني
رجاءً اوقفي بالدور
عشان جذي ايام المدرسه كنت اشتري بالحصص او بينهم ;p

 

[اميره^_^بحلآها]

يووووهـ شكثر صارت فيني بس انا ما اسكت صراحهه و خاصه اذا انا بمحل و ابي احسسب اغراضي و تجي وحدهـ جدمي ارد عليها و في بعض البنات تسمع الكلام و ترد مكانها و بعضهم قطع اسلوب خايس
بس جد ما اسكت بس بقول لج موقف صار لنا انا و اختي ..~ مرهـ كنت بمعرض و اختي عجبهـا نفنوف و تجي تاخذ النفنوف بتروح اتقيس و انا رحت مع اختي بالحمامات و انتوا بكرامه و انا كنت برا و اختي دخل ولا تجي بنت وتبي تدخل الحمام مال اختي و اختي اصلن دخل جان اقول لها اختي لو سمحتي في وحده دخل جان تخز فيني و تقول لي ترا اشوف و تخز فيني من فوق لتحت @@ امبي جد هلاقه و اسلوب ماكو يعني امانهه عليج منو الغلط انا و اهي

 

[نبض شرياني]

هههههههههههههههههههههههههههههههههه
ضحكني تفكيرج اجرامي
لا لا تسكتين و لا تستحين خلج لسان و قوليلها عفواً اختي اعتقد اني واقفه شكبري شطولي شعرضي معقوله ما تشوفيني
رجاءً اوقفي بالدور
عشان جذي ايام المدرسه كنت اشتري بالحصص او بينهم ;p

اي ذكرتيني بالذي مضى كنت انقهر من هالموقف ولساني يصير شطوووووله مع ان مو من طبعي بس احتر صارلي وقت انطر ويدشون علي وتخلص الفرصه وماااكل ههههههههههه

بس صار لساني طويل بالفرصه خاصه وانا انطر اقول لوسمحتي ورا اخر وحده اوقفي مايصير تعدين كل هالبنات:rgewrg:

 

[Kocheko]

هالحركات كلا اشوفها من حريم

مره كنت رايحه النقره واقفه وطاقه اشاره انطر صاحب الموقف يطلع

وأول ماطلع وتيي الاخت بارده مبرده تلف بسرعه تسفط تاخذ الموقف

وافتح الدريشه واقولها لوسمحتي انا صارلي مده انطر تأشر بايدها يعني ولي

قمت صفت وراها في العرض وخليت راسها يابس ورحت المجمع

وبعدين طليت من دريشه المحل اشوفها واقفه يم سيارتي تتحلطم

وتالي ركبت سيارتها تطق هرنات وانا حقرته وكملت شوبينق

بعد ساعة رحت الباركينق وتنزل تسب وتصرخ وتهدد تقول اتصلت عالشرطه

سويتلها نفس الحركه اللي سوتها لي يعني ولي

وركبت سيارتي ورحت

يا قوووووووويه عجبتيني

 

[نبض شرياني]

اب اب

 

[نبض شرياني]

اب اب

 

[نبض شرياني]

اب اب

 

[sho-sho_93]

ههههههه صارت فيني قبل جم يوم موديه امي الطبيب ناطرين من الصبح والناس ايون يدرعمون ليش جذي استغفر الله هههه اخر شي انغيث جان ادش مثلهم
انا بفهم ليش الاجانب ما يسون جذي حتن بقمت الزحمه تلقون دور شطووووووووووووووووووووووووووووووووووووله ويصفونه

 

[سلاسل الذهب]

انا اذا وحده خذت دوري اقولها بكل احترام لو سمحتي دوري ان رضت كان بها ما رضت اسكت شسوي يمكن تطلع وحده عوبه تفشلني مالي خلق

 

[نبض شرياني]

هههههههههه اللي فوقي واذا عوبه ع نفسها بالعكس الفشيله عليها مو عليج

اي والله مع ان دينا دين الاخلاق ليش الاجانب احين منا في شغلات وايد