فلانه كشخه ؟؟؟؟؟؟؟

[*ام فهودي*]

مرحبا كويتيات ڜڵـۆڼـكم شخباركم

ٱنــ♡ــٱٱ عندي موضوع حابه اتناقش معاكم فيه وهو عن الكشخه

شنـِْ♡̷̴̬̩̃̊ـِْۈۋۈ تفسير معني كشخه من وجهة نظركم يعني لم بتقولين فلانه كشخه شنـِْ♡̷̴̬̩̃̊ـِْۈۋۈ قصدج

هل الكشخه بنظرج بالجنطه والجوتي ؟
او بالساعه والخاتم ؟
او بطريقة وضع الميك اب ؟
او طريقة لبس الملفع والوان الملابس؟

ياريت گـِْ♡̨̐ـِْلِْ وحده تقوللنا تفسير كلمة فلانه كشخه من وجهة نظرها

حياكم

 

[برونزية رشيقة]

يشرفني أكون أول وحدة ترد على موضوعج ..

حبيبتي ((الكشخة)) من وجهة نظري هي من عدة نواحي :::

1- النظافة الشخصية بالمقام الأول .. يعني شنو الفايدة بنت لبسها انيق بس تفوح منها ريحة عرق !

2- تلبس شي مناسب حق سنها .. أنقهر من حرمة عمرها 48 سنة وتلبس لبس بنات 19 و20 سنة

3- تناسق الألوان يعني مو سمرة وتلبس ألوان مو لايقة عليها .. أو لونها أبيض تلبس شي يبهت لون بشرتها ..


4- اهتم باللبس الأنيق ومن ثم الجنطة الماركة وبعدين ساعتها


وبس سوري عالإطالة .. بس موضوعج عجبني ...............

 

[~mmm~]

اهم شي عندي العطووور واذا كبيره بالعمر او متزوجه تكون متبخره
احب تكون ريحتها حلوووه
وبعدين اكيد بطالع ملابسها وجنطتها وساعتها حتى تكرمين الشوز
اكسسوارتها
تناسق الالوان
اذا كل شي فيها عجبني بقول عنها كشخه
اما شي حلو وشي لا بقول مثلا جنطتها كشخه بس ماقول كلها كشخه

 

[يــــارا♥]

اهم شي بالنسبة لي هي الجنطة....
مهما كانت البنت لابسة اذا جنطتها كشخة هي اكيد كشخة
عقبها الساعة والملابس

ـ وصج الكشخة تكون من عدة نواحي مو من شي واحد بس ومثل ما قالوا النظافة والريحة الحلوة اهم شي

*​

 

[sh_mashael]

لا طبعا

اعرف ناس مايلبسون إلا ماركات

بس الذوق ××

الكشخه اهي الذوق باللبس
الذوق بالنظرات و الحديث

و عدم الغرور

تشوفين الناس كلهم نفس الشي
مو حسب لبسهم

يعني ما ارافج إلا اللي يلبسون ماركات ؟؟

وايد جذي استغفر الله

 

[PuPa^^SWeeT]

بالنسبة لي


يكوون اللبس انيق و بسيط من غير تكلف


بساطتها بالحديث


اكسسوارتها متناسقة مو مزدحمة



العطر يكوون لايق لعمرها

يعني المراهقات علي فواكه

العشرينات علي عطور ورود ولا مسك ولا عطور غيرلان



الثلاثينات شانيل


الاربعينات شانيل ولا بخور



و المكياج اتحط مكياج يناسب المكان


و همن بعيد عن التكلف و كثرة الالوان



و اللبس يناسب عمرها و المكان



انيي للجنطة



طبعا مع كثرة التقليد


ما اح اقوولج لازم ماركة


بس تكون حجمها يناسبها و يناسب المكان


و الوانها مه اللبس




بالنهاية الكشخة احبها لما ماتكثر بالالوان

يعني حدها باللبس ٣ الوان متناسقة

 

[مزيوونة]

ألكشخه ب اشياء واجد مو شرط ب اللبس
انا من وجهه نظري البنت او المره اذا كانت مهتمه بكل النواحي بتكون كشخه
يعني نظيفه لبسها نظيف وحلو عطرها هادس او بخورها تركيبها للملابس وتناسق الالوان وكل ما كانت انعم كانت اكشخ ساعه جنطه شوز تكرمون
عبتيه مكياج ناعم بتكون اكشخ
وبس
موفقه

 

[brettey]

اهم شي تكون نظيفه
وبرايي العطور رمز الكشخه البساطه مع الفخامه بس مو الاوفر
تنسيق الالوان

 

[Môre N!Ce]

كشخة يعني .. لبسها حلــــــو ، وتكون مرتبة في شكلها..

وكل كشخة تختلف؛ حسب الوقت والمكان والمناسبة.. من ناحية الميك اب و الشعر و اللبس وغيره ..,

 

[manoooram]

مفهوم الكشخة يختلف من شخص لآخر
ويعتمد على الوقت والمكان اللي بكون فيه
وأبدا أبدا ما كانت قيمة القطعه مقياس للكشخه

أولا وأهم شي النظافة الشخصية واستخدام العطور المناسبة
بالفترة الصباحية تكون خفيفه وبالفترة المسائية خفيفه أو قوية ما يفرق
واستخدامها للبخور السنع أكيد


ملابسها تناسب جسمها فما تكون ضيقة ولا وسيعه بشكل مبالغ فتكون مبهذلة
تكون محتشمة ومرتبه ونظيفة وما تشف

اختيارها للألوان الهادية والناعمة بالفترة الصباحية
وبالفترة المسائية تدمج ما بين الألوان الهادية والفاقعه
مع استخدام الاكسسوارات المناسبة للبس وعدم المبالغة بلبسها

تراعي انتقاءها لدرجات الألوان اللي تتناسب مع لون بشرتها اللي تجملها وتحليها
مو تخليها ملفتة للنظر وتكون مصدر للسخرية

دمجها للألوان وتركيبها لها يكون متناسق ..
حتى لو اللبس بسيط تكون الشطارة بشلون تبرز لبسها
بمجموعة الألوان اللي تركبها مع بعض

الميك اب ضروري ضروري ان يناسبج من رسمة العين واستخدام البلاشر وكريم الأساس
فأي مبالغة فيه أو خطأ يخرب جمال مظهرج وكشختج
حلاته يكون ناعم وبسيط الصبح
وبالليل يكون نوعا ما ثقيل بس بصورة حلوة ومعقولة
أو تخليه خفيف ما يمنع بعد بس حلاته الرتوش من اضاءه خفيفه وغيرها

 

[أحلى قصة]

اهم شي النظافه وتختار العطور المناسبه يعني عطور النهار غير عطور الليل والسهرات
وتعرف تختار الوان الملابس المناسبه لبشرتها وتعرف تختار الملابس المناسبه لجسمها وبعد تختار الملابس المناسبه حسب المكان الارايحه له واكيد الشنطه والشوز تكرمين له دور في الكشخه والشعر دايم يكون مرتب وايضا مناسب للمكان يعني موتروح الدوام بتسريحه مثلا هههههه والميك المناسب النهاري يختلف عن الليل واهم شي الانوثه مو الدفاشه يعني تكون ناعمه واتكيت
اي ونسيت بعد عطورات الجسم والكريمات والاهتمام بالبشره والشعر يعني من والى
موضوعج حلو حبيبتي

 

[لي لي الحلوة]

ياااااااااااااابوي

اموت على هالسوالف

النظافه ريحه البخور والعطور والذرابه والكلام الطيب


تناسق الالوان

يشد الانتباه


انا دقيقه احب اطالع اللبس والاتيكيت

هذي الكشخه

 

[كتالونيه]

بالنسبه لي الكشخه
اهم شي النظافه وريحة العطر
احب البنت الي تهتم بلبسها يكوون ذرب وراقي
مو دفش
وتهتم بالميك اب يكوب متناسق وتهتم باظافرها
وتغير اللوك وايضا بالنسبه لي الكشخه
الحقيقه
هي انج تبتكرين الشي وتسووينه وانه الكل يقلدج
مو انتي تقلدين احد

 

[Mjnont '3lay]

بالنسبه لي النظافه بالدرجه الاولى بس اللي تطلع من البيت متعطره ويشمها رجال اجنبي تعتبر زانيه ومافي وحده فيكم تحب تنوصف بهالوصف قدام الناس فمابالكم قدام الله فالنظافه تكفي وتوفي مو لازم عطر
اما اذا كان العطر خفييف حيل بس مجرد يلزق باللبس ويعطي ريحه هاديه وما تنشم مافي مانع غير اللي تمشي عن بعد 10 امتار اشم ريحتها !!!
والشغله الثانيه احب اللي لبسها ناعم ومرتب ماحب التهول بالالوان وفي بنات الله يهديهم عشرين لون تحط والمشكله الوان مو متناسقه وتقول كسر الوان !!!! وين كسر الوان والله هلاقه سوري يعني
وحلاته الوحده تكسر لونين ببعض مو عشرين لون !!
والشغله الثالثه بما اني منقبه اركز اكثر شي على اناقة المنقبات اشوف شنو جناطهم وشنو شوزهم اكرمكم الله
يعني ماحب اللي تلبس جنطه مثلا حمرا وشوز اسود احب الشوز والجنطه والساعه نفس اللون احلى وارقى
والعبايه ما تكون مكلفه حيييل يعني مجمع او سوق ولابسه عبايه تبرق عن بعد 10 امتار قمممه بالاحراج صراحه
وكلللللللللللش ماااحب المتحجبه او المنقبه اللي تلبس عبايه ومبطله من تحت ولابسه برموده او الرجل من تحت طالعه ربعها!! بصراحه مرو علي جذي وانصدمت ولاعت جبدي
يعني باختصار مفهوم الكشخه عندي الوحده المرتبه والنظيفه والهاديه والمحتشمه لانه لو الوحده كشخت بس نقصها شي رح يخرب على كشختها وبدال الناس لا تمدحها تقعد تذمها

 

[ام زوغه]

انا عندي معناااها اني اكشخ لنفسي مو للغير
احب اهتم بعمري مو الا ماركات بس شئ ذرب ومرتب
مو بهذل

يسلموووو قلبي

 

[ḟẩἡṫảṤῩ ῶỗṝḽḑ]

اكيد المكيب والعبايه وشيله وشو لابسه تحت عبايه ونوع شنطتها وساعتها ولون شعرها
##

 

[dubai girl]

النظافه اول شي يعني مب حاطه ميك اب وشعر في ويها والشنب شطوله

وعقب الميك اب مب تحط لي لون يبين لونها رمادي وشدو وردي وروج احمر وعععع

وبعدين اللبس ماااحبه يكون مبهدل ووسيع وعليه عرق لالا

وبعدين العباه مااتكون مغبره ومعفسه

وبعدين النعال مايكون وصخ وفصه طايحه واللون رايح

وبعدين الشنطه والاكسسوارات ماادقق عليهم كثر الي فوق يعني الي فوق اهم من الشنط والاكسسوارات

ومب شرط كل الي تلبسه ماركات عشان اقول كشيخه لالا

بعض الاشياء ماركه وبعضهم من المحلات العاديه اهم شي تعرف كيف تنسق

 

[*ام فهودي*]

برونزيه رشيقه ~mmm~ يارا البارونه pupa^^sweet مزيوونه brettey


more nice manooram احلي قصه لي لي الحلوه كتالونيه mjnont '3lay


ام زوغه dubai girl


يعطيكم الف عافيه علـّۓ الردود الاكثر من رۈۋ‏عـِھّ يعطيكم العافيه علـّۓ المشاركه

 

[*ام فهودي*]

گـِْ♡̨̐ـِْلِْ اللےْي شاركوا بالموضوع مشكورين وما قصرتوا صراحه اثريتوا الموضوع بردودكم الروعه واتمني الكل يستفيد ‏​‏​منـِْهـ♡̨̐ـِْا وفعلا مثل ما كلكم اجمعتوا علـّۓ النظافه والذوق فعلا هذيله اهم الاشياء اللےْي تخليج تقولين عن اي وحده انها كشخه




يعطيكم العافيه

 

[*ام فهودي*]

ردودكم كلها علـّۓ راسي واستمتعت بقراءتها جدا جدا