** تجمع الي مسوين جراحة الفك**

[أبتسامة حلوة]

مرحباً رجعت لكم بعد ما سويت العمليه والحمد لله تمت بفضل الله ومنته والحمد لله راح اكتب لكم التفاصيل

 

[da3doda]

عيون الدوحه

انا صارلي 3 اسابيع والله يسهل ادعولي يا بنات

 

[عيون الدوحة]

مرحباً رجعت لكم بعد ما سويت العمليه والحمد لله تمت بفضل الله ومنته والحمد لله راح اكتب لكم التفاصيل

مرحبتين حبيبتي ، والف الحمدلله على السلامة ، وان شاء الله تطلع النتيجة مثل ماتمنيتيها وافضل باذن الله.

ناطرين تجربتج
..............................................

 

[عيون الدوحة]

عيون الدوحه

انا صارلي 3 اسابيع والله يسهل ادعولي يا بنات

الله يسهل عليج ان شاء الله ، وتكونين مثل ماتمنيتي وافضل ، بس اصبري شوي وباذن الله تكونين افضل ، لان الانتفاخات في الوجه وخاصه الخشم يحتاج وقت لما يرجع لوضعه الطبيعي والدائم ..

 

[أبتسامة حلوة]

هلا فيكم حبيباتي مشكلتي كانت قمي سمايل العمليه حقتي قص الفك العلوي ويرفعه لفوق وتقديم بالفك السفلي طبعاً انا سويتها بمستشفي الحرس عند الدكتور منصور القضاة النتيجة الكل معجبته والدكتور خيط انفي علشان ما يفرش وطالع مره كيوت والانتفاخ عادي مو مره بس الدكتور يقول عطيناك ابره عن الانتفاخ. صار لي من سويت العمليه عشره ايام الآلام خفيفه حتى ما تحتاج مسكن بس اخذ المضاد الحيوي بصراحة اقولها لكم ما توقعت العمليه تكون بهذه السهوله والحمد لله والشكر الحين راح اقولكم اهم الاشياء اللي استخدامتها أولاً الاذكار والدعاء والصلاه على الرسول بصراحه اقولها لكم من قعدت اقولها وانا مرتاحه حتي وانا بغرفه العمليات مره مرتاحه والدكتور كان مبسوط مني طبعاً دخلت العمليه الساعه ٨:٣٠ وطلعت لللعنايه الساعه ٢ جلست في العنايه يوم وبعدين رحت التنويم العادي طبعاً. كل هذا وانا على المغذي والمسكن علشان كذا ما كنت حاسه اني مسويه عمليه تنفسي كان مع فمي صعب شوي بس الحمد لله فيه شيء صار لي مو كويسه انهم عطوني ابره عن الاستفراغ ما ناسبتني خلت جسمي يرجف بعد كذا وقفوها نقطه مهمه راح يعطيك المستشفى مكمل غذائي انا ما حبيته ولا قدرت اشربه علشان كذا جاتني الرجفه بجسمي بس أمي الله يحفظها لي حطت تمر بمويه وسوته مثل العصير والله يا حبيباتي من شربته وانا قايمه مثل الحصان نشاط ولا احتجت اشرب شي ثاني مره رهيب يعطيك نشاط مو طبيعي اي سؤال انا جاهزة

 

[خوووخه 1]

ماشاءالله تبارك الله الله يعطيك احلى مماتوقعين وعقباااالي ياااارب اطلع بااحلى نتيجه دعووواتكم تكفوون

 

[أبتسامة حلوة]

حطو اسمي بالقائمة الحديديه ��

 

[نرجس 0]

السلام عليكم
كيفكم بناااااااااااااات
وحشتوني والله
والحمد لله ان الحجب انرفع عن المنتدى :ggdw:
والحمد لله على سلامات كل البنات اللي عملوا العملية
وعقبال اللي لسى ماعملوها
واهلا بكل الاخوات الجدد اللي انضموا للتجمع


ولله الحمد اخيرا ركبت التقويم يوم السبت :ggdw: من ها الاسبوع بعد مرمطت المواعيد
وان شاء الله ربي يسهلها ويمر الوقت واعمل العمليه يااااااااااااارب :yaaaaaarb:
وشكرا شكرا لصديقتي الغالية اخت الامل
وشكرا شكرا لدكتور الرائع عبد الله القرشي
ما راح انسى فضلكم عليا بعد الله
وكل اخواتي في هالتجمع الرائع كمان

احبــــــــــــــــكم :hjy5jewf::eh_s(7):





​

 

[بروانا]

بنات مرحبا اشتقتلكم خاصه ( اسراء ) الغاليه جدا اشتاقيتلج بس اعذروني للتقصير بالاساس والله جيت حتى اسلم بس والله جدا مشغوله هالفتره ميه شغله عندي من زمان ماصار عندي ضغط بجدولى بهالشكل
اسراء الحمد لله الانتفاخ وايد افضل والخشم اتحسن خمسين بلميه
بس الى الان مااقدر اطابق اشفايفي طبيعي بدون مااشدهم دعواتك لان الموضوع مضايقنى
وعكب باجر عندي تنظيف لثه مع دكتورى الله كريم
تحياتي

 

[عيون الدوحة]

هلا فيكم حبيباتي مشكلتي كانت قمي سمايل العمليه حقتي قص الفك العلوي ويرفعه لفوق وتقديم بالفك السفلي طبعاً انا سويتها بمستشفي الحرس عند الدكتور منصور القضاة النتيجة الكل معجبته والدكتور خيط انفي علشان ما يفرش وطالع مره كيوت والانتفاخ عادي مو مره بس الدكتور يقول عطيناك ابره عن الانتفاخ. صار لي من سويت العمليه عشره ايام الآلام خفيفه حتى ما تحتاج مسكن بس اخذ المضاد الحيوي بصراحة اقولها لكم ما توقعت العمليه تكون بهذه السهوله والحمد لله والشكر الحين راح اقولكم اهم الاشياء اللي استخدامتها أولاً الاذكار والدعاء والصلاه على الرسول بصراحه اقولها لكم من قعدت اقولها وانا مرتاحه حتي وانا بغرفه العمليات مره مرتاحه والدكتور كان مبسوط مني طبعاً دخلت العمليه الساعه ٨:٣٠ وطلعت لللعنايه الساعه ٢ جلست في العنايه يوم وبعدين رحت التنويم العادي طبعاً. كل هذا وانا على المغذي والمسكن علشان كذا ما كنت حاسه اني مسويه عمليه تنفسي كان مع فمي صعب شوي بس الحمد لله فيه شيء صار لي مو كويسه انهم عطوني ابره عن الاستفراغ ما ناسبتني خلت جسمي يرجف بعد كذا وقفوها نقطه مهمه راح يعطيك المستشفى مكمل غذائي انا ما حبيته ولا قدرت اشربه علشان كذا جاتني الرجفه بجسمي بس أمي الله يحفظها لي حطت تمر بمويه وسوته مثل العصير والله يا حبيباتي من شربته وانا قايمه مثل الحصان نشاط ولا احتجت اشرب شي ثاني مره رهيب يعطيك نشاط مو طبيعي اي سؤال انا جاهزة

ألف ألف الحمدلله على السلامه ، والحمدلله رب العالمين على النتيجه ..
بس عزيزتي كم كانت مدة العملية ؟ وهل وجهج صغر وصار دائري اكثر ولا كيف ؟ لان انا نفس حالتج تقريبا بزيادة تقديم الذقن للامام ، ومش عارفه كيف بيكون وجهي ...

وسالفه التمر الي مع الماي ؟ كيف هذه الخلطه ؟ يعني بس اخلط تمر وماي واشرب الماي ؟
وكم يوم جلستي في المستشفى ؟ وشلون الانتفاخ واللآلام معاج الحين ؟
وهل من الضروري اخذ ابرة الاستفراغ في وجهت نظرج ؟

سوري على الاسئلة

والف الحمدلله على السلامة مرة ثانية

 

[عيون الدوحة]

السلام عليكم
كيفكم بناااااااااااااات
وحشتوني والله
والحمد لله ان الحجب انرفع عن المنتدى :ggdw:
والحمد لله على سلامات كل البنات اللي عملوا العملية
وعقبال اللي لسى ماعملوها
واهلا بكل الاخوات الجدد اللي انضموا للتجمع


ولله الحمد اخيرا ركبت التقويم يوم السبت :ggdw: من ها الاسبوع بعد مرمطت المواعيد
وان شاء الله ربي يسهلها ويمر الوقت واعمل العمليه يااااااااااااارب :yaaaaaarb:
وشكرا شكرا لصديقتي الغالية اخت الامل
وشكرا شكرا لدكتور الرائع عبد الله القرشي
ما راح انسى فضلكم عليا بعد الله
وكل اخواتي في هالتجمع الرائع كمان

احبــــــــــــــــكم :hjy5jewf::eh_s(7):





​

ان شاء الله تمر مرحلة التقويم بسرعة وماتنتظرين واجد .
وبالبركة ان شاء الله

 

[عيون الدوحة]

بنات قدرن تراسلون الاخت Q6ryah على الخاص ، لان مشاركاتي ماتسمح ، ابيها ترد على اسئلتي بخصوص الدكتوره الي نصحتها تسويها برع ، والاستفسارات في الصفحه 418 بتاريخ 6\10\2012. لان احنا من نفس الديره ويمكن تساعدني كثير.

ويعطيكم العافية

 

[لوليزه]

بنننننننننننننننات فيه احد يعرف دكتور شاطر في مستشفى العسكري او الشميسي في الرياااااض تقووووولي والله يجززززاها الجنه مقدمااا

 

[o0KHALID0o]

السلام عليكم
ابي اقولكم قصة حياتي وابي مساعدتكم
تحذير: سواليفي كثيره مره وعليكم بالصبر ^ـ^
انا يوم كنت صغير اتذكر عمري كان ١٢ الظاهر رحت انا وابوي لطبيب اسنان كان عندي حشوات او زي كذا ، المهم ابوي سآل الطبيب عن البروز اللي عندي بآسناني الدكتور قاله اني احتاج عملية بالفك علشان يصححون المشكلة ابوي رفض الموضوع وقتها وقال نو واي ادخل ولدي جراحة بنج كامل
المهم مرت الايام ويوم كنت بالثانوي رحت لطبيب اسنان واستشرته وبرضو قالي تحتاج جراحه بالفك
وقلتي لامي وابوي قالوا لا مايحتاج ومدري ايش وخاصة امي كانت رافضة الموضوع لانها تخاف علي كثير وتوسوس الله يطول بعمرها المهم انا نسيت الموضوع وبعد ماتخرجت من الجامعة وتوظفت واحد من اصحابي كان عنده خلع اسنان وخلع عند زهيد حيدر وجلس يسولف علي يقول انه جراح ممتاز مره وكذا ، انا علطول تذكرت موضوع جراحة الفك مره ثانية ^_^
بحثت عن زهير حيدر في قوقل وطحت بالجزء الاول من الموضوع هذا وجلست اقرا واقرا
وقررت اني اخذ موعد عند الدكتور زهير ، رحت له وقالي اشوف انك ماتحتاج جراحه لكن اللي يقرر الشيء هذا طبيب التقويم طلبت من صاحبي يسأل ابوه باطباء تقويم كويسين (ابوه عميد كليه طب الاسنان بجامعة الملك سعود )
نصحني بالدكتور مهنا المهنا ، رحت له بعد معاناة مع المواعيد (سيجال مواعيدهم معاناة)
شرحت له قصتي وقلت شلون اول كانوا يقولون لي يبي لك جراحة فك وهالحين زهير يقول مايحتاج
قال انه يمكن الفك مع الوقت يتعدل وضعه لكن انت اذا تبي تحل مشكلة القمي سمايل (اوفر بايت)
تحتاج جراحه
لاحول انا رجعت للحيره وكذا ، المهم اللي مستغرب منه انكم تقولون تقويم الجراحه غير التقويم التصحيحي
لأني سأالت الدكتور قلت اقدر اركب التقويم واذا خلصت اشوف النتيجة اذا اعجبتني اوكي واذا مااعجبتني سويت جراحه قالي ايه تقدر!!
انا هالحين لي شهرين بالتقويم وباقي لي سنة وعشر شهور بس ^_^
انا مشكلتي اني انسان مرح وكل سواليفي تنكيت ومزح فاتحصلني اربع وعشرين ساعة اوزع ابتسامات
حتى بالنت والمنتديات مواضيعي ومشاركاتي انواع الفيسات
ههههههههههههههههه
علشان كذا ودي اصحح القمي سمايل
هالحين بعد ماقصيت لكم قصة حياتي نجي للاسئلة
-التنميل بعد العملية يروح والا لا؟
-الانف يخرب بشكل كبير والا لا
-هل الجميع ينزل وزنهم بعد العملية؟ ما ابي وزني ينزل لاني نحيف اصلا (وزني ٦٠)
-الكلام والنطق يتغير بعد العمليه؟
-كم تجلس لين يرجع وضعك طبيعي وتروح الانتفاخات وترجع تاكل؟
الله يعافيكم ويوفقكم واسف على كلامي الكثير

 

[innocence]

مرحبااااااا..من زماااان عنكم من بعد مالغي الحجب دخلت واكتشفت اني نسيت الباسوورد

اخباركم ..ماشالله قروب كامل جديد

الحمد لله على سلامة اللي سووا العمليه والله يسهل اللي في الطريق

ماقريت كل المشاركات

لكن بالنسبه لك لوليزه اقري القائمة الحديديه فيه بنات مسوين عند العسكري..د.عبد الله العتل..وفي الشميسي .. د.عبد العزيز الوتيد اسأليهم
وانت خالد كل المضاعفات اللي ذكرتها مؤقته لكن بشكل عام شكلك بعد شهر الى شهرين جدا طبيعي
والوزن ترجع تكتسبه بسرعه بعد مايسمحون لك بالاكل اللين يعني بعد اسبوعين او شهر على حسب حالتك وطريقة الدكتور في مدة التربيط
والانف يتغير بشكل بسيط

 

[أبتسامة حلوة]

مرحبا عيون الدوحه الله يبارك فيك وعقبالك ايوه وجهي صغر وصار دائري بس مره كيوت والحمد لله انا دخلت غرفه العمليات 8:30 وطلعت الساعه2 تشمل ساعات الافاقه لاني طولت شوي فيها بالنسبه للتمر مع الماء ايوه زي ما قلتي الالام خفيفه اصل ما تحسين باي الم لانك بتكوني على المسكن والانتفاخ خفيف بس هم عطوني ابره عن الانتفاخ بالنسبه لابره الاستفراغ انا طلبتها لانه فمي بسكرونه وخفت استفرغ لانه المره الاولي لما شلت اضراس العقل استفرغت كثير بعد البنج علشان كذا اطلبت هذه الابره

 

[أبتسامة حلوة]

بنات اللي ماسوووا الجراحه وخايفين منها اقولكم مريت بها الشعور بس والله لما سويتها شفتها سهله كثير كثير كثير والله يوفقكم وسهل عمليتكم زي ما سهل عمليتي

 

[خوووخه 1]

امين يااارب الله يسهل علي وع الجميع ونبشركم بااحلى نتيجه

 

[خوووخه 1]

اختي ابتسامه حلوه كم جلس التقويم عليك قبل العمليه

 

[أبتسامة حلوة]

خمس سنوات لاني ااجل مواعيد العمليه بسبب الخوف بس الحمد لله