(✿◕‿◕) تفسيــــــــــر الاحلام (◕‿◕✿)

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

حلمت اني بالجامعه ودكتوري الانجليزي طالب مشروع وسويناه والمفروض احنا نربح وخلا مجموعه٢ تفوز انا قمت اعترضت ورحت لولد حماتي( توه من شهر مطلق زوجته) ولاحظته انه يتودد لي ويتغزل وانا اتجاهله حييل وكان زوجي موجود وكنت مشتطه ابي يحل الموضوع بس كنت خايفه منه يسويلي شي فقمت اتحرش بزوجي بس اقهره بعدها دشينا غرفه وقمت ابي زوجي يجامعني وماكان يبي بس انا غصبته ولا اشوف خدامه اختي تطالعني وسويت نفسي مااسوي شي وبس

انا حامل

الشـــــــــــروط لتفسير حلمــــــــــج

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

السلام عليكم


أنا حلمت بأنه مسؤولي بالدوام داق علي ويقولي أحبج وأبيج

حتى أنا استغربت من الحلم لانه ماكو اي شيء بينا مجرد شغل وبس

مو حامل وعندي ولدين وباقي على دورتي أسبوع شنو التفسير الله يعافيج

الشـــــــــــروط لتفسير حلمــــــــــج

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

حلمت اليوم جني ببر والمكان ربيع يهبل والارض خضرا
وانا امشي شفت سياره جيب تمشي لونها ابيض وفجاه صفطت
وقوتها كنت بالحلم ادور شي لي مادري شنو


للعلم اني حامل وماعرف جنس البيبي

حبيبتي ولد والعلم عند الله

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

حلمت ان زوجي تزوج متعه
فتره وجوده بالغربه للدراسه
و لما دريت عنه تركته و رحت
جاء و باسني بشفايفي و جامعني

للعلم انا حامل

الشـــــــــــروط لتفسير حلمــــــــــج

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

السلام عليكم اختي مفسره اتمنى تفسرين حلمي حلمت قبل ثلاثه ايام اني بمحل بالسوق وكان المحل حيل كبير واني مع امي وبعض من حريم اعرفهم اهل امي معاي بالمحل وقاعده اطالع شناط حلوين لونهم اسود عجبوني بغيت اشتري وحده منهم بس بعدين هونت وشريت اخر شي دلال شاي وحده لونها احمر والثانيه مو متاكده بس يمكن لونها اخضر وحيل عاجبيني وحاسبت وكان معاي بنات خالتي الصغار وبنت صغيره موجوده بالعربه بس ماعرفها وانتهى الحلم وانا مخطوبه مملجه باقي على زواجي تقريبا ثلاثه شهور وعمري 26 وغير موضفه ومتخرجه من الجامعه

حبيبتي الحلم اطغاث احلام وتوتر والف مبرووووك وربي يتمم امورج على خير انشالله
​

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

السلام عليكم
الله يعطيك العافيه
وماتشوفي شر غناتيً

كلامك صحيح
اني شايله هم جنس الجنين لان في وحده من اهل زوجي تقولي انشالله تجيبين بنت (حملي الاول )
واني ما احب احد يتدخل بحياتي كل من قمت وجلست انشالله تجيبين بنت ولما تشوف امي تقول لها فلانه فيها بنت
كرهتني بحياتي وتلعوزت بحملي الاول
ضغط مرتفع وصار الي تسمم حمل ولاده مبكره والطفل تعب (والحمدلله الان صحته زينه )وثلاثه شهور بعد الولاده شلل ما امشي والمستشفيات ماعرفت السبب 3 الشهور الي بعدها رحله العلاج
ولما عرفت اني جبت ولد ماصدقت تقولي توقعتك تجيبي بنت

ولما عرفت اني حامل الان غمزت الي تقول صحيح وقلت لها إيه ما باركت الي انقهرررررررت

وحالياً متوتره وخايفه
اهمشي الصحه والعافيه سواء ولد او بنت

والحمد لله على كل حال

حياتي انتي دام في رب بالسماء لا يهمج من في الارض
وموضوع الغيره شي طبيعي ومنتشر بين الحريم وفي ناس ربج مبتليها بهذا المرض وهو الحسد اعوذ بالله خلي امورج دايما بالكتمان واستودعي نفسج وبيتج وعيالج والحافظ ربج ويارب يرزقج اللي تتمنينه بالف صحه وسلامه امين وتفرحين في عيالج حبيبتي
​

 

[فجوره]

رد: (✿◕‿◕) تفسيــــــــــر الاحلام (◕‿◕✿)

الشـــــــــــروط لتفسير حلمــــــــــج

حبيبتي أنا كاتبه معلومات عني متزوجه وعندي ولدين وحاليا مو حامل
وما بقى شيء عالدوره والحلم تقريبا قبل أسبوع

 

[(سلام)]

رد: (✿◕‿◕) تفسيــــــــــر الاحلام (◕‿◕✿)

هلا اختي سبق وكتبت حلمي واحدى الاخوات ماقصرت فسرته انه ولد يعطيها العافيه
بس اللي محيرني ليش حلمت بضرس عقل مو ضرس عادي
وهل فيه فرق بين ضرس العقل والضرس العادي؟
متزوجه وعندي بنت وولد وحاليا حامل

 

[خالتي قموش]

رد: (✿◕‿◕) تفسيــــــــــر الاحلام (◕‿◕✿)

المشاركة الأصلية كتبت بواسطة خالتي قموش
مشكوره حيبتي ع التفسير و سلامتج ما تشوفين شر ان شاء الله

انتي قلتي حلم واحد بليوم وانا عندي حلم و حابة انج تفسرينه

حلمت اني قاعده اقول اكبر بصوت عالي و كنت اكررها اكثر من مره

وعيدج


حبيبتي انا متزوجه بس ماكو عيال

 

[~حكايـة طمـوح~]

رد: (✿◕‿◕) تفسيــــــــــر الاحلام (◕‿◕✿)

اختي كتبتلج حلمي اكثر من مره ومافسرتيه ليش :eh_s(11):

السلام عليكم
اختي انا طالبة مو متزوجه بس ياليت تفسيريلي حلمي

حلمت اني لابسه دبلتين واسورتين الي ذاكرته اني كنت لابسه دبله عاديه اعتقد كانت ذهب بايدي اليسار مع اسواره عاديه بعد
وبايدي اليمين كنت لابسه دبله لولو والاسواره فيها شريطه برتقاليه
واذكر اني كنت محتاره بالدبله الي بيدي اليسار فاذكر شلتها وحطيتها فوق الدبله الي بيدي اليمين
والي بيدي اليمين كان عاجبني شكلها اكثر لانه فيها لولو واذكر كنت بمبنى يمه بحر

بلييييييييييييز ناطره التفسسسير

 

[اخت خالتهم]

رد: (✿◕‿◕) تفسيــــــــــر الاحلام (◕‿◕✿)

حياتي ما طوفته بس لان الاخت توحه1 فسرتلج فما اقدر افسره بعد ما يتفسر لانه الحلم يقع على ما يفسر عليه بالاول واذا ما تبين احد يفسر لج حلمج وتبين التفسير مني شخصيا حطي ملاحظه نهايه الكتابه لاني ما اقدر امنع العضوات من كتابه الردود بالموضوع والسموحه ياقلبي منج
​

اهي قالت فيج ولد وكلامها غلط لان فيني بنت !!!! وثلاث سونارات كلهم بنت وحيل واضح
تفسيرها غلط وانا هالحلم حلمته بعد ماعرفت ان فيني بنت الله يخليج فسريه لان حيل حيل في بالي والله

 

[miss_q887]

رد: (✿◕‿◕) تفسيــــــــــر الاحلام (◕‿◕✿)

السلام اختي
انا حلمت اني اجهضت وكانو توأم وكنت ابجي حق امي اقول لها اني اجهضت ولد خالتي اسمه مشعل كلمني وقالي اييبهم انشوف اذا بعيشون ولا لا وانا قلت حق نفسي انهم صغار اكيد ماراح يعيشون وقااكل كاكاو
هذا الحلم ثاني مره يتكرر بس بطريقه غير بس اكون اني اجهضت وولد خالتي مشعل يكلمني
انا متزوجه وحامل وعندي بنت وطالبة وكان الفير يوم الخميس

 

[cutaaa..]

رد: (✿◕‿◕) تفسيــــــــــر الاحلام (◕‿◕✿)

اماانه فسرولي حلمي الله يحقق اللي في بالي يارب

حلمت ان عندي حصانين لونهم بني واحد منهم كان حيييل هادي ومطيع والثاني العكس يسوي مشاكل وينط وازعاج وفكرت اني اخذه اوديه اشوف له حل او ابيعه وبس انتهى الحلم



- وقت الحلم يعني تقريبا 9 بالليل وصار من يومين -متزوجه من ثلاث شهور - بداية حمل - طالبه سنه تطبيقي بالجامعه

 

[om3abod]

رد: (✿◕‿◕) تفسيــــــــــر الاحلام (◕‿◕✿)

السلام عليكم
تاريخ الحلم 29/10/2012
وقت الحلم الساعه 6 الصبح وكنت نايمة على وضوء
الحالة الاجتماعية متزوجه وحامل بالشهر الثالث ووهذا اول حمل
الحاله العملية : مدرسة
الحلم..
حلمت اني ولدت بنتين توام بس كانو سمر استغربت انهم سمر بس استانست عليهم وكنت طول الوقت اسال انا ولدت طبيعي والا قيصري قالولي ولدتني ولاده طبيعيه الحمدالله
انا بالواقع اذا جتني بنت قلت بسميها ميار وبالحلم كنت مستانسة انهم بنتين قلت بسمييهم ميار وفدك ومسكت التلفون اكتب شعر للاستقبال الولاده باسم ميار بس
رحت لغرفتي ابي البس خواتمي... بالاصح دبلي.. هديت الدبله الذهب الاصفر... ولبست خاتم الماس باليسار وذهب ابيض باليمين وقلت الذهب لاصفر مابيه.. وكنت ناطره زوجي اييي عشان نحدد اسامي البنات وبس سلامتج

 

[MS.REEM]

رد: (✿◕‿◕) تفسيــــــــــر الاحلام (◕‿◕✿)

السلام عليكم
مره كنت نايمه وصحيت من نومي لقيت بقعة دم على بلوزتي وما ادري من وين جات
بنفس الليله زوجي حلم انه كان طالع من باب الشقه وسمع صوت بغرفة النوم فقام يناديني يا ريم وطلعت له زوجة اخوه من غرفة النوم ولابسة بجامتي نفسها اللي كان عليها دم وكانت حاطه روج وميك اب ووجها لونه اسود وقالت انا مو ريم انا فلانه < ذكرت اسمها ولصقت بالجدار ونزلت راسها وبعدها طردها زوجي من الشقه ..

شنو تفسير حلمه الله يعافيج :bbbiu:

 

[طالبة انجلش]

رد: (✿◕‿◕) تفسيــــــــــر الاحلام (◕‿◕✿)

عادي تفسرين للبنات المتزوجات واللي مو حوامل ؟


الحاله الاجتماعيه عرسي بعد ايام ربي يتمم لي على خير .
وطالبه وموظفه
انا تحلمت ان زوجي مسك ايدي وخذاني مع بعض قبل لا املج
ومرتين مسك ايدي وبالمسكه عطاني حلاوه

سؤال ثاني بس موحلم
العازيه المخطوبه يوم تتحلم باساور ذهب صج تكون ذريتها بنات ؟؟
ولا بس اذا حامل اهو يتحدد اذا الذريه اولاد ولا بنات ؟

 

[بنتي نور عيني]

رد: (✿◕‿◕) تفسيــــــــــر الاحلام (◕‿◕✿)

انا متزوجه وحامل بالسابع وعندي بنت
والحلم باليل حلمته وماكنت افكر بشي

حلمت اني رايحه بيت خالي وكانوا الحجيج متحمعين رحت اسلم عليهم واتحمدلهم بالسلامه دشيت بسلم علا اول وحده مره خالي كبري وعندها ولد ولا ينغزوني اول سلمي علا عمنا بدر (( ماعندنا عم اسمه بدر) لفيت اشوفه ولا شايب عووود بس متين قمت حبيت راسه وكملت سلام علا الباقي وجتني بنت خالتي تقول انا حاجزه بوفيه وين احطه رحنا غرفه لها مدخلين طلعنا من الصبيان كانوا يدرسون وحطيناه وقلمت امي اخذت صحن فيه عيش وذقته معاها وقعدنا نمدح فيه طبعا قبل لااروح لبيت خالي كنت بالصيدليه اقيس وزني ولا نااازل حيييل جربته علا ميزانين الي بوميه والي بدينار ونص وطلعوا نفس الوزن نازل حييييل استانست حيييل ورحت للطبيب اقولهم وزني وسفت يده مالت السونار حطيتها علا بطني ولا اشوف ولدي وجهه عدل وملامحه كان جمييييل وحطيت بين ريوله ولا بايته (( اكياس الصفن والعصو صغيير)) واقول لاختي ولد ورحت بشرت زوجي وبس

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

حبيبتي أنا كاتبه معلومات عني متزوجه وعندي ولدين وحاليا مو حامل
وما بقى شيء عالدوره والحلم تقريبا قبل أسبوع

حبيبتي انا ذاكره ان تاريخ الحلم عندي شهر مهم ووايد يمهني بتفسير الحلم اذا عارفه التاريخ اتمنى تذكرينه واذا ما تعرفينه فانشالله افسرلج احلام ثانيه وضروري تذكرين التاريخ والسموحه ما ابي افسر اي كلام والسلام
​

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

هلا اختي سبق وكتبت حلمي واحدى الاخوات ماقصرت فسرته انه ولد يعطيها العافيه
بس اللي محيرني ليش حلمت بضرس عقل مو ضرس عادي
وهل فيه فرق بين ضرس العقل والضرس العادي؟
متزوجه وعندي بنت وولد وحاليا حامل

حبيبتي لكل سن وجهته معنى وتفسير علشان جذي ما افسر حلم تفسر من قبلي لانه حيل يفرق من شخص لاخر بالتفسير والطريقه والحلم يقع على ما يفسر عليه ومثل ما قلت اذا حابتني شخصيا افسرلج اذكري ملاحظه نهاية كتابتج للحلم لانه الاخت توحه1 وبعض البنات جزاهم الله الف خير اللي بعضهم عندهم خلفيه لبعض معاني الاحلام يمكن يكتبون لج التفسير وانا ما راح اقدر افسرلج من بعدهم
​

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

المشاركة الأصلية كتبت بواسطة خالتي قموش
مشكوره حيبتي ع التفسير و سلامتج ما تشوفين شر ان شاء الله

انتي قلتي حلم واحد بليوم وانا عندي حلم و حابة انج تفسرينه

حلمت اني قاعده اقول اكبر بصوت عالي و كنت اكررها اكثر من مره

وعيدج


حبيبتي انا متزوجه بس ماكو عيال

حياتي مافهمت قصدج باكبر هل تكبير او اسم اكبر واتمنى تاريخ الحلم اذا ذاكرته
​