~ياحلو ايطاليا وأهل ايطاليا~بلد الرومنسية والجماال//حياكم بتقريري

[om MaRyooM]

السلااام




حمدلله على سلاامتي اولا


الحمدلله حلمي تحقق ورحت ايطاليا من بعد لوووية الفيزا والتجهيزات وكل شي :ggdw:


السفرة كانت اخر شهر10 .. يعني عز البررد والمطر هناك



الفيزا خذيتها عن طريق مكتب القبس .. كلفتني 39دينـار وطلعت بعد اسبوعين من الزحمة







...



بالنسبة للتذاكر كانت على طيران Lufthansa الالمانية خذيناها على 340دينار
والفندق كان MARIOTT HOTEL بمنطقة wagner بعيد عن الدومو

يعني لازم مترو
بس سهالات وبسرعه نوصل



يلا بســــم الله ~


وصلنا المطاااار
وخذينا قهوة لزوم التصحصح







صار موعد الاقلاع ... ركبنا طيارتنا












هذا خط الرحلة
5ساعات ونص الى فرانكفورت .. ترانزيت ساعتين وبعدين ساعتين الى ميلانو










~سبحـان الذي سخر لنا هذا وماكنا له مقرنين .. وانا الى ربنا لمنقلبون ~






تابعـــوني ، ، ،

 

[om MaRyooM]

الحمدلله وصلنا بخير وسلامة

كانت الساعه 8ونص الصبح

يعني اليوم كله لنا ...






وهذا كان مخططي للاسبوع اللي بنقعد فيه

1- ريحنا شوي + طلعنا لي الدومـــو
2- سيرفالي اوت لت
3- شارع الدومـو + شارع كورسو بوينس (اشهر شارع للتسوق في ميلان وفيه كل المحلات)
4- مدينة فينيسيـا (البندقيــة)
5- منطقـة لوغانو السويســرية
6- جاردا لاند (ثاني اكبر مدينة العاب في اوربا) .. خياااااليـة

****************






بسم الله



وصلنا الفندق قطينا اغراضنا ورحنا نستكشف المكان





فندق ماريوت

للي بتسال عن سعر الليلة جيكو موقع booking.com

وكان مطرررررر ... وبررررررد واحنا يايين مصيفين مساكين لووول


والتكسي خذا منه 95 يـورو بس من المطار للفندق 25دقيقة







الغرفة

موديلها قديم نوعا ما .. بس نظيييف الفندق وايد
والفراش جدا مريييييييييييييح


















وهذا مطل الغرفة



منظر يشرح النفس وهوا نقي باارد






لوبي الفندق :








سوينا الcheck in وطنت حاطة نوت ان بنوصل مبجر .. لأن عادة الجيك ان يكون من الساعه 12 الظهر
واشوا ماقصرو معانا
كان اسلبوهم جدا لطيف وخدومين عكس اللي سمعناه





يلا نقط اغراظنا ونتمشى نستكشف الشارع ونشوف شنو فيه مافيه









طبعا بررررررد برد .. ومطر
شرينا مظلات وقمنا نتمشى









يحلات المنظر

والله هالديرة ترد الروووح








يلا كل وحدة تاخذلها وردة
















محل ورد ثاني









شرايكم بس باللقطة القوية .. لووول










طبعا شفت هالمحل ماقدرت الا وقفت عنده وشريت تارت
لذيذ لذيذ لذيييييذ




والحين نروح الجمعية .. اشوا كان فيه قبال الفندق
شرينا جم شغلة وقلنا نطلع لي الدومو





مالذ وطاب




طحت في غراامه










يلا نروح الدومووووووووووو ... ايوا ايوااااااااا



طبعا ماعرف ولااااشي عن هالديرة وطريقة التنقل والمواصلات


رحت الرسبشن وسالتهم وماقصرو

وطلعت السالفة سهلة اكثر من ما تصورت


يعطونج خريطة ويقولولج طريقة المترو وشلون تروحين لاي منطقة تبينها


والتذكرة روحة ردة بس ب3يورو يعني دينار تقريبا... اما اذا بروح بتاكسي رح يكلفني 40 يورو روحة رودة تخيلو...يعني 16دينار تقريبا

فطبعا رح اختار الطريقة التوفيرية احم احم









هذي التذاكر
وهذي الخريطة


يلا نتوكل





رحنا مشي لي محطة المترو ..اللي لونها احمر
(لأن في احمر واخضر واصفر...لازم تعرفين المنطقة ولونها )





نخطر الشارع










حبيب الشعب






لقينا اللافته





يلا ننزل وننطر المترو اللي يروح لخط سير منطقة SESTO وننزل عند الدومو

 

[om MaRyooM]

نزلنا وعلطول وصلنا لي شارع الدومو اللي فيه الكاثدرائية وشارع المطاعم والسوووق والماركات العالمبة











احلى منظر





















طق يامطرررر طق ...













الغاليريا

في كل الماركات نفس برادا و ال في و شوارفسكي و TODS و غوتشي وكافيه غوتشي ووايد محلات ومطاعم ايطالية وكافيهات




















والحين نتغدا ونشرب قهوة























وطلع الحساب 20 يورو




وكملنا شوبينغ واكتشاف الشارع







فيراري ستور
طبعا ماشرينا منه شي لأن نااار غالي حيل .. كنا ناطرين نروح الاوت لت ثاني يوم ونشتري منه لأن موجود هناك







زاراا







و ديزني .. يمااااا يهبل








نتوقف قليلا لنأكل الجيلاتو .. ايس كريم لذييييييييذ

من عند كافي SAVINI داخل الغاليريا


















وردينا الفندق ريحنا وطقيناها نومة لي ثاني يوم عشان موعدنا مع اوتلت سيرفالي الجميل ،،،،

 

[CrystalQ8]

الله يهنيكم

 

[طيبة83]

واااااااااااااي

ياااااااااااا حلوووووووو هل ديره

الاوادم كلهم حلوووووين فيها :eh_s(22):

صدقتي والله

خاطري اروح لها في الشتا

بس عندي ملاحظة

ليش حاجزين ع اللوفثهانزا صارت لكم مده الرحله 7 ونص

وايطاليا دربها 4 ساعات بس

لو رايحين ع القطريه جان طلع لكم ارخص واسرع!!!

 

[غنيمة بوالريش]

الحمدلله ع السلامة
كملي ياحلوة ,,,,,,,,,,,,,,,,,,,,,

 

["*آآآنؤؤؤقهـ*"]

حياتووو ام مريومه الحمدلله ع سلاااامتج

وعليج بالعاافيه واهم شي،استانستوووووو يالغلا



متااابعين وبقووووه

 

[toofaa79]

الحمدلله على السلامة وماشاءالله الله يهنيج من الدول الي خاطري اروح لها ادعيلي اروح لها قريب

 

[مدّهره !]

الحممد لله ع سلاامة الوصول خيتوو ...’

مااشاء الله ,,, الله يهنيك وويتمم هالسعااده يااعسل ^^

 

[om MaRyooM]

بعد عمري الله يسلمكم مشكوريييييييييييين












حمستوني اكمل

 

[قره عين زوجها]

الحمدلله ع سلامتك... متابعينك

 

[om MaRyooM]

بــاك







*اليـوم الثاني : موعدنا مع اوت لت سيرفالي Serevalle


قعدنا تريقنا بالفندق

طبعا ريوق الفندق وايد حلو وفي تشكيلة















كان فاظي مادري ليش










وهذا ريوقي


يم يم








خطيييييييرة هالكيكة







ورحنا الرسبشن حجزنا حق رحلة الاوت لت
دقولنا على الشركة وحجزو مقاعدنا .. قررنا نروح بباص لأن التاكسي وايد رح يكلفنا
والباص كانت التذكرة لشخصين 80 يورو روحة ردة ..يعني 30 دينار تقريبا


وعطانا الرسبشن الفاتورة عشان نروح للمكتب وننطر الباص على مايحرك (الطريج ياخذله ساعتين تقريبا من ميلان)







هذا باصنا

يلا تفضلو كل وحدة تقعد مكانها







وهذي اسم الشركة



وايد معروفة هناك وموجود المكتب بكل مكان
يا انكم تروحون للمكتب وتحجزون لأي رحلة تبونها.. او من استقبال الفندق نفسه عادي اهو يحجزلكم وتاخذون الفاتورة














يلا بسم الله
لاتنسون دعاء الركووووب يا شطار










بعد ساعتين ونص ..زين مامات سايق الباص من كثر ماكان بطييييييء
وصلنا بالسلامة





























ونزلنا وخذينه خريطة الموقع اللي فيها كل المحلات والمطاعم



الحلو بهالاوت لت بنات ان مبطل .. يعني اذا كان الجو حلو رح تستمتعووووون وايد وانتو تتمشون

الاوت لت عجيب وايد عجبني وخذيت منه شغلات

مع ان وايد بنات مامدحوه لي .. وقالولي اوتلت فوكس تاون احلى
بس الحمدلله عجبنييييي وكل المحلات اللي فيه عجيبة وكواليتي ممتازة واسعار حللللوة







وهذي الخريطة

نمسكها ونتوكل على الله
لاتنسون دعاء السوق

انا نسيته بصراحة لووووول


























و أول محل صادفناه فيـراري ستــور

























وايد حلو وشريت جم شغلة منه
















يلا نكمل










مممممممممم

منو يقدر يقــاوم !!
اكيد مو أنا










ونكمممممل المشوار

 

[om MaRyooM]

وهذي صور منوعة من الاوت لت الحلو















تقريبا اغلب الماركات فيه
موسكينو
ديزل
بلغاري
جست كفالي
بربري
مكياج بوبا و KIKO
نايك و بوما
CK
FURLA

ووايد محلااات



































كاهو محل فيرلا
شريت منه جم شغلة .. بس جناط الكاندي مو منزلينهم بهالمحل








مكياج بوبا .. يهبل وعندهم بعد ستات عطور وكريمات ..خذيتهم صوايغ واسعارهم حللوة




ومحل ck خذيتلي جنطة وبوك




الكولكشن كان وايد حلو ورخيص








حان وقـت البـــلعة /














وردينا الباص لأن كان بيمشي 6ونص .. كان والقت شوية ومامدانا للاسف خلصنا بسرعه بسرعه


وصلنا الفندق 9تقريبا

بدلنا ونزلنا تحت ندورلنا مطعم حلو

مالت الرسبشن مدحتلي مطعم ايطالي اصلي على كلامها تقول وايد حلو

وجربناه على مسؤوليتها





هذا اسم المطعم

موجود بشارع اسمه جورج واشنطن






وطلبنا باستا و سمج





















وهذا الشيف ياحلوه ايي يطمن على طلبنا ويقصصلنا السمجة









الاكل كان جدا جدا جدا جدا لذيييذ وممتع



ووووو خلص اليوم الثاني



نطروني مع اليوم الثالث ورحلتنا الى السووووووووووووق

 

[om MaRyooM]

اليوم الثالث


كان يصادف الاحـــد
وقلنا انسب يوم لزيارة شارع الدومـــو لأنهم يسوون اشياء حلووة ويتفنتكون والشارع يكون زححمة







رحنا بالمترو من الفندق الى الدومو



وكان مطر بعد والجو برررد قارص












المناظر عجيييبة مال تقعدين بالساعات بس وتصورين





وديرو بالكم من المصاروة والافارقة اللي اييون يتلزقون عند العرب يعطوكم اكل للحمام وبعدين يلزقو فيكم
واحد لزق فينا الا يبي 100 يورو كااااااااااك ... ومعصب يقول يلا يا شييييخ محنا عرب واخوان ايدك على مية يورو والنبي !
ولزق بريلي الا يبي ياخذ منه وزعل لأن ريلي عطاه 5يورو لووول

والافارقة يخرعووون
واحد يالي فجاة اسمع صوت يقولي : واكاا واكااا ! ماحسيت على نفسي الا صارخت وطرت من مكاني لووووول

صراحة المكان عجيب وروعة وروووووووووومنسي
بس لو مو هالاشكال اللي مخربينه !!!





المهم
يلا نكمل







كانو مسوين ذكرى مايكل جاكسون







جان ايي هالحلو ويقعد يرقص عالوحدة ونص على اغاني مايكل جاكسون


طبعا مايبيله ام مريوم لازم تصفق معاهم دام ماتقدر ترقص خخخخخخ








جان نشووووف عروسة وعروس






يحلووووهم طبعا مايبيله رزيت فيسي قتلها كان آي تيك بكجر وذ يوووو !!!
مسكينة زين ما طاحت غشيانه من الفرحة قالتلي او كووووورس

صورت يمها واهي متجمده تررررررجف من البرد
بس كانت مضطرة تتفصخ المسكينة
خخخ















ودشينا الغاليريا




كافيه غوتشي

يقولون حلو بس للامانة ماجربته







حبيب الكـــل














و في مجمع اسمه LA RINACANTE وايد حلووووو وفي اغلب الماركات ومحلات العطور والمكياج انصحكم فيه







جان نيووووع وقررنا نبلع

اخترت هالمطعم حسيته حلو وشيك






دشيناه وفعلا كان من الذ المطاعم اللي كليت فيها والجو فيه هاااادي وكانو مشغلين الدفايات
يعني كان بالظبط ناقصنا قلاص لبن ومخدة علطووووول !!











طبعا مايبيلة
2ببسي وبيتزا وسباغيتي ومع السلامة
















قعدنا فوق






اجواء المطعم عجييبة كانت




















وصل وصل الاكلللللللل















خلصنا ودفعنا وخذيت كرت المطعم احتفظت فيه











يلا قووومو


ركبنا المترو مرة ثانية






ورحنا حق شارع CORSO BUENOUS AIRUS شارع في محلات على مد البصر
كل الماركات العادية والغالية موجودة فيه وااايد حلو

بس ملاقة يصكرون الساعه 7 بالليل



خلصنا وردينا الفندق





تصبحون على خير



نطروني في تقرير اليوم الرابع
مع رحلة البندقــــية !

 

[عزاااه]

اب ابالحمدالله على السلامه

 

[قانونية]

حمدلله عالسلامه ام مريومه

في وصوره وانتي ماسكه المظله والشارع كله مطر

بدون مبالغه حسيت بنسمه الهوا البرااااااد

عجيبه
تتهنوووون يارب

 

[كويتية بروما]

سؤال
وابيج تجاوبين بصراحه

ايهو احلاااااااا
تايلند ولا ايطاليا


ناطرينج كملي
الله يهنيكم

 

[نـازك الملائكة]

تقرير روعة ماشاء الله كملي
اكثر شيء عجبني شارع الديمو الله يكتب لي زيارة لا يطاليا قريب بسلامتي

 

[نياره]

حمدالله علي السلامه

 

[toofaa79]

uuuup