~ تجهيزاتكم لمعرض الكتاب الدولي 2012 (قوآئم+مشتريآت) ~

[سدددن]

السلام عليكم

بنات المعرض متى مبطل الصبح أي أيام؟ و شنو وقت فترة الصبح؟

يوميا مفتوح

الجمعة من 4 لين 10

و باجي الايام من 10 لين 1 صباحا

و من 4و نص لين 10 مساءا

 

[kefy ba6a]

يعطيكم العافيه بناتو

بس باخذ رايكم

انا احب الروايات الرومانسيه حتى لو كانت اجنبيه مترجمه
واحب كتب علم النفس ولغة الجسد وعلم الطاقه ... الخ

فأبي اقتراحاتكم بالكتب ودار النشر اللي احصلهم لاني ناويه اروح هالاسبوع


ويعطيكم العافيه

 

[DaByaH]

مساء الخير


هذه مشترياتي لليوم فقط :

 

[RowTow]

شكرا سددن

رحت اليوم و حصيلتي حلوه الحمدلله. بس لي عوده السبت الجاي فترة الصبح بإذن الله, لأني ما أرتاح بالليل و باجر مالي مزاج أروح.

ظبيه من بين كتبج شريت الجهل المقدس مثلج, و الحيله عند العرب شاريته من أسبوعين من مكتبة آفاق.

 

[عادت ذكرياتي]

ما شاء الله خوش ...


نبي آراءكم مبدئيا بالمعرض والدور اللي نازلة لا هنتوا ؟؟؟

 

[نبض الجود]

بنآت منو عندهآ خريطه للمعرض ،
ليلحين مآرحت ،
وبغيت اسالكم دآر العبيكآن وين ؟
اي قآعه وآي بوث ؟

،

وترا الكآتب فيصل الجآسم نآزل ببوث بروحه
قاعه 6 بوث 64 ،​

 

[نبض الجود]

تقسيمه المعرض خذيتهآ من احد الموآقع ،​

تم تخصيص الصالة رقم 5 لتكون لدور النشر من مصر وسوريا ولبنان والصالة رقم 6 لدور النشر من الخليج العربي و الاردن والمحلية والصالة رقم 7 ستكون مخصصة لكتب وروايات الاطفال مع وجود انشطة خاصة بهم


انشطه وفعآليآت المعرض

http://www.nccal.gov.kw/media/Gallery/128/131/196/جدول.pdf​

 

[نبض الجود]

بغيت اسال اللي رآحوا عن اماكن :​

- نوفا بلس
- الفارابي
- الساقي
- الدار العربيه للعلوم

،

وهذا موضوع المعرض مآل السنه اللي طآفت ،
يمكن يفيدكم بالقآئمه ،
http://www.q8yat.com/t945441.html​

 

[bnt-jaber]

,


احححلى بآآآكـ


رحت ثآني اليوم المعرض
وطبعاً نسيت ام القآئمه مع اني كآتبتهآ بس دشيت بأجواء ثآنيه
وي حلآتهآ من اجواء ,,

بغض النظر اذا مسوين قائمه او لا
الآختيآر بالمعرض له طعم ثآني
وحلو تستفيدون من الدور الي هنآك


طبعاً اول شي دخلت قآعه 6
وأول دآر كآنت العبيكآن - دار سعوديه واغلب كتبهآ كآنت عن التنمية
كيف تطور نفسك بالعمل , بالحياة ... وإلخ
قلت امرهم بعدين اخذ منهم ونسيت لي عوده لهم

ثآني دار وقفت عندهآ والي اهيا مجآبله العبيكان اعتقد
المركز الثقآفي العربي - المغرب
اخييييييه شنو اتعب وانا اقول فوق الوصف هالدآر
فريت المعرض كله والله ولا لقيت نفس روعتهآ
بغض النظر عن اغلفتهآ الجميله والمريحه نفسياً

الكتب فيهآ فوق الروعه لدرجة تحتآرون شتآخذون وشتخلون
حصيلتي منهآ كآنت 6 روآيآت ولي عودة لهآ بعد

2 منهم بالقائمه
البؤساء
طوق اليآسمين - واسيني الآعرج

4 اختيآر من اغلفتهم

وكآنوآ

رقصة وداع - ميلآن كونديرا
الحياة في مكآن آخر - ميلان كونديرا
وبعد... غيوم ميسوو

وطبعاً هالروايات الثلاثه لـ كُتآب فرنسيين مترجمه

والأخيره كآنت للكآتبه والشآعره المغربيه فآتحه مرشيد
وانا اقرآ الي ع الغلآف حسيت اني اقرا لأحلآم مستغآنمي من روعتهآ
مآترددت وخذيتلهآ رواية " المُلهمآت

الي يحب الروآيآت ضروري ضروري يجيك ع الي كتبتهم

وعموماً هالدآر كل كتبهآ بقووتهم وروعتهم انصحكم فيهآ من قلب

,


بعدهآ مريت نوفا
وخذيت منهم كتآب حالات نادره 2 - عبدالله الوهآب السيد مع توقيعه :$
ورواية افلاطونيا لـ ابرار الغصآب

مع اني بصرآحة كلش ماتابع الروائيين الكويتيين مو من مودي كلش
بس شدتي افلاطونيا بعض من عنآوينهآ لآمستني

ومفكره ارد اخذ ستمطر من نوفا
قريت جم صفحه منهآ وكآنت لذيذه


,

وروآية twilfth Night لـ شكسبير من جرير

وآخر كتآب من صآلة 6 كآن " الأسود يليق بك
مآذكر اي دآر بس مكتوب ع الكتآب نوفل


,


بعدهآ حسيت اني تشبعت من الروآيآت شوي

دخلت صآلة 5
وانوثلت الدور الي فيهآآ قووويه قوووويه
وكآن يبيلهآ بس روحة بروحهآ
عشآن جذي خذيت الي خذيته منهآ بشكل سريع
وبإذن الله رآدتلهآ بآجر وان شاءالله اطلع بحصيلة ترضيني


اول دآر كآنت سلآن من سوريآ
خذيت منهم
جبران خيليل جبرآن - دمعة وابتسآمة
الخيمائي - باولو كويلهو
بروتوكولات حكماء صهيون - النصوص الكامله
ترجمة رسلان علاء الدين

طبعاً قالتلي هالكتآب من روسيا او شي جذي بروتوكولاتهم الي بالمتحف
واحنا بنفسنآ ترجمنآهم بالحرف بدون مانغير شي حرصنا انها تكون كآملة للقراء

وشفت عندهم كتب ثآنيه عن اسرائيل بس مافيه منهم الي شدني

مريت الفارابي وخذيت رواية ليلى المطوع - قلبي ليس للبيع
ليلى كانت قايلتلي انه عدد محدود ولمن سألته قالي فيه نسخ موصين عليهآ بالطريج يعني لآتحآتون
وماشاءالله انصدمت الرواية كبيره صفحآتهآ اكثر من الروايات المُترجمه
..



والي يبي كتب المفكر علي الوردي يلآقيهم بصالة 5 بوث 112
كل اصداراته موجودين ماعدا الكتآبين الممنوعين " مهزلة العقل البشري ووعائظ السلآطين "

وطبعاً سألت جم دار كتب عن الآخوآن المسلمين والليبراليه
وللأسف مالقيت الي يرضيني
كله حركة الاخوان في السعوديه وو ... الخ
اقولهم مابي حركات ياناس ابي كتآب متعمق فيهم ويفضل لو الكاتب اخونجي
ونفس الشي مع اسرائيل ومشتقآتهآ
ان شاءالله الآقي بالزيارة الثانيه :eh_s(2):


عموما انصحكم بصالة 5
لانه اغلبهم مو متوفرين بالكويت
ودور قوية الي فيهم فلا تركزون ع دور موجوده بالكويت اساسا وتنسون المهم

وبجذي خلصت
انشاءالله اكون افدتكم
واعذروني مآنزلت صور كوز فوني معند ومورآضي يتفآهم مع الآب ويدزهم
الي حآب يشوف اللسته وحصلتي من الزيارة الثآنيه
هذآ حسآبي بالآنستقرآم @nwara17


:eh_s(17):

 

[bnt-jaber]

,


بزيآرتي الثآنيه

راح اركز على الكتب السيآسيه واهمهم
( اسرائيل ومشتقآتهآ - الاخوآن - الليبراليه )


ورواية ابنة النيل لـجلبيرت سونيه
تعبتني هالرواية سالت جم دار ومالقيتهآ يبيله اجيك من الحين واسأل الاستعلامات عنهآ


وكتآب امل الحسدة البداية جاك وينر ( دار العلوم او القلم )
> بآخذه حسب مدح البنآت الي هني

ورواية اسبريسو لـ عبدالله النعيمي
سألت ومالقيتهآ وجنآ فيه دار قالتلي بعد سبوع توصل
لمن رديت سألت الكاتب
وقالي دار كتاب ومكتبة افاق
بجيك عليهم ..

> اروح وارد ع الروايات مالي قلب عليهم ><


ويبيلي اجيك ع كتب علم النفس والفراسة
ولغة الجسد
موحاطه شي فبآلي بس بشوف الي يشدني
وبهالمجآل بالذات انصحكم بالكُتآب الأجآنب
ابتعدوا عن مابي اقول الكُتآب العرب بشكل عام بس الي مومعروفين خصوصاً الي يرز صورته ع الكتآب "انحآشوا
وابسط سبب احنا العرب مو مهمتين بهالمجال كثرهم من دراسات وشهايد وغيره

 

[رومولا الن]

السلام عليكم

اشلونكم بنات ممكن الي تروح المعرض تسئل عن رواية ابي طويل الساقين

اىا موجوده او لا واذا موجوده ممكن تقولي باي دار وصاله

ولي شرت روايه المصريه وابنة النيل تقولي من وين

شكراا

 

[نبض الجود]

بنت جآبر ،
حصيلتج حيل شدتني ، وبحط بعضهم بالقآئمه ،

المركز الثقآفي العربي ، شديتيني له ، شكلي بروح اشوفه ،
بس وين بآي قآعه 6 ؟ وبوث العبيكآن جم رقمه ؟ :$
​

 

[نبض الجود]

بنات جم روايه عندي ليلحين ماعرفت دار النشر لهأ ،
اللي تعرف او شافتهم بليز تقولي ،


- الساديه - مذكرات عاشق كويتي (1-2) - سبايا
للكاتب أحمد العوضي
- من لهيب الشوق
الحمام لايطير في بريده , يوسف المحيميد
-نضال , سعاد صليبي
-ساق البامبو , سعود السنعوسي
-تزوجت بدويا , مارغريت مليسن


+مؤلفآت احلام مستغانمي + يوسف السباعي
وليد الرجيب + غازي القصيبي

وين احصلهم ؟ عند اي دار ؟​

 

[RowTow]

هاذي صورة لحصيلتي من المعرض أمس, و لي عودة ثانيه الصبح بإذن الله.

نبض حبيبتي العبيكان ما أذكر رقم البوث بس إذا كنتي داشه من صاله 7 مالت الأطفال و مشيتي سيده بمدخل 6 على طول تلقين العبيكان مواجهتج.

من لهيب الشوق شفته بجرير إذا ما كنت غلطانه.
نوفا بلس جبال بلاتينيوم بوك على طول أو يمها بالضبط نسيت.

 

[نبض الجود]

هاذي صورة لحصيلتي من المعرض أمس, و لي عودة ثانيه الصبح بإذن الله.

نبض حبيبتي العبيكان ما أذكر رقم البوث بس إذا كنتي داشه من صاله 7 مالت الأطفال و مشيتي سيده بمدخل 6 على طول تلقين العبيكان مواجهتج.

من لهيب الشوق شفته بجرير إذا ما كنت غلطانه.
نوفا بلس جبال بلاتينيوم بوك على طول أو يمها بالضبط نسيت.

مشتريآتج رَوعه ، تتهنين فيهم :eh_s(7):

مشكوره يَ قلبي ،

 

[نبض الجود]

اقول بنات ليج ما تصورون المعرض شوي...

بلييز زيدوا الصور احب اشوف الكتب مصففة حذا بعض ومتصورين جنهم مدرسين المدرسة

ههههههههههههههه

اللي يدش المعرض يحوس بين الكتب :ggdw:
مآعنده وقت يصور


،



+
عندي لكم بشآره
الاسود يليق بك مو ممنوع ،
وموجود بالمعرض :rerrerek:
سمعت من بنآت ان شآفوه بدار نوفل
منو تعرف مكانه وين ,

كثرت استفسآرآتي بس حآبه اذا رحت اكون عآرفه شنو اللي ابي ،
مآآقعد احوس واضيع وقتي :eh_s(22):​

 

[bnt-jaber]

,



اي انصحج بهالدآر
تلاقينهآ مجآبله العبيكآن
صالة 6 اول مآتدخلين تلاقينهم


اما مؤلفات احلآم
الاسود قتلج دار نوفل
اما بآجي مؤلفاتهآ تقدرين تسألين الاستعلامات عشآن مآتضيعين
اذكر شفتلهآ بصالة 5 فوضى الحوآس
عموماً لاتضيعين وقت عليهآ كوز بتلآقين كل مؤلفآتهآ القديمه بمكتبة العجيري


سبايا اذا مو نوفا بلس بلاتينيوم ونفس الشي مذكرآت


/
عشآن ماتضيعون صالة 5 دور النشر من سوريا ولبنان ومصر

و6 من الكويت والخليج والأردن

/


انا اليوم رحت وبردت جبدي بخوش قائمه

وان شاءالله لي فضيت من المدتيرم بنزلهآ


/


اما الكتب الي مآلقيتهم


البدايه جاك وينر شي جذي الي يمدحونهآ

و د . طارق الحبيب موجود اعتقد بس سألت جم دار ومالقيت

اسبرسيو لـ عبدالله النعيمي قالوآ توصل الخميس

ابنة النيل تعبت وانا اسأل وادورهآ ومآفيه لها اي اثر حتى بالاستعلامات

كتب مذكرآت رئساء وزرا اسرائيليين سآبقيين " كلش ولا كتآب لقيت

وفيه كتآب عن صدآم وامريكآ شدني بس قالولي مستحيل تلآقين شي عنه بالكويت

وبعد ...الخ من الكتب السياسيه مالي نصيب فيهم =(

بس اتنفس شوي من الجآمعه بوصي عليهم من القآهره ودبي

كتب العآلم نيتشه لقيت بالفارابي بس كنت ابي كتآبه ضد المسيح
وقالي ادور بصالة 6 دور الأردن مادري المغرب وراح الوقت وسكروا

وبسرعه بسرعه لحق مآتلحق لـ بوث 58 صاله 5 ابي كتب غاده السمآن
الي تعبتني وانا ادور رواياتهآ ولا مسكره الدآر بس الحمدلله الدآر يمه مشآلي الموضوع وبآعهآ لي


المشكله يسكرون مبجر
مآدري انا البطيئه ولا اهو مآينشبع منه

 

[Lily]

اللي يدش المعرض يحوس بين الكتب :ggdw:
مآعنده وقت يصور ​

،​

+
عندي لكم بشآره
الاسود يليق بك مو ممنوع ،
وموجود بالمعرض :rerrerek:
سمعت من بنآت ان شآفوه بدار نوفل
منو تعرف مكانه وين ,​

كثرت استفسآرآتي بس حآبه اذا رحت اكون عآرفه شنو اللي ابي ،

مآآقعد احوس واضيع وقتي :eh_s(22):​

الاسود يليق بك خذيته من دار افاق صالة 6

 

[Lily]

بنات بأي دار احصل كتب مصطفى السباعي "هكذا علمتني الحياة و من روائع حضالرتنا"؟؟

 

[DaByaH]

شكرا سددن

رحت اليوم و حصيلتي حلوه الحمدلله. بس لي عوده السبت الجاي فترة الصبح بإذن الله, لأني ما أرتاح بالليل و باجر مالي مزاج أروح.

ظبيه من بين كتبج شريت الجهل المقدس مثلج, و الحيله عند العرب شاريته من أسبوعين من مكتبة آفاق.

تتهنين فيهم وإذا قريتيهم قولي لي شنوانطباعج عنهم أنا للحين ماراح ابتدي بالقراءه إلا لما يخلص معرض الكتاب