ايااام سووووده
احنا قعدنا شهر عقب ما أسروا ابوي وعمي
بس الوضع كان مخيف حسب ماقالوالي اهلي انا كان عمري 3 سنين
صوت الرشاش مايوقف
يعدمون الشباب بالبراحات
الدبابات ترس الشوارع
مداهمات للبيوت
حالات تعذيب وحرق لحد الموت
الحرس الوطني احبسوهم بالسراديب بعدين طلعوهم
الوضع كان مرعب ومخيف ويديد على منطقة الخليج
طبعا الامير الشيخ جابر طلع من الكويت اهوا وباجي الشيوخ راحوا السعوديه
مابقى بالكويت الا قليل من الناس واللي اصولهم عراقيه لان ماكان في خوف عليهم
والله جارنا عراقي متجنس باق نص بيوت الفريج حسبي الله عليه!
بس اللي كانوا يطلعون صوب السعوديه كانوا يرشوونهم بالرشاش يعني اللي طلع من الكويت يومها كان متحدي الموت
اذكر في سياره رشوها وماتت بنتهم عمرها 15 سنه اختها كانت حامل واتعبت قالت لاختها بدليني تعالي جدام وانا بروح ورا والطلقات يات من صوبها وماتت سبحان الله كان يومها
عموما احداث الغزو كانت يوم الخميس 2-8 وكان عطله اغلب الناس نايمه او مسافرين
