(✿◕‿◕) تفسيــــــــــر الاحلام (◕‿◕✿)

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

السلام عليكم

حلمت اول امس

اني قاعده اشرب اعشاب وفجأه تذكرت اني حامل وكنت بالحلم حامل
وخفت وقلت ان شالله مااثر عليه وتركت الاعشاب


وانا بالواقع حامل بالسادس .. فما تفسيره جزاج الله خير

حياتي باين حديث نفس وماعليج الا العافيه يارب:eh_s(17):
​

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

مرحبا .. اليوم السبت 22_12,, الحلمة بعد صلاة الفجر.. وانا حامل بالثاني وعندي بنوتة
حلمت أن بت خالي ناوية تتحرش فيني بس هربت منها وما قدرت تلمسني.. وفي نفس الحلمة ن
تحلمت أن حمايي كان يبغي يتقرب منيي .. وكان صوبي سيارة جيب تحتها نار طفيتها بماي

والله اعلم انج بحملج هذااا حيل متوتره بموضوع جنس الجنين ووايد شاغل بالج والعلم عند الله
​

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

السلام عليكم
حلمت اني عند صديقه قديمه لاهلي وانا عندها ذهبت على المطبخ فوجدتت كيك مبكت اعتقد مع كريمه بقمت بخشم واحد واستحيت اتشوفني المراه فوضعت البكيت تحت اكياس بعدها دخلت اختي وكنت ادور على مكان البكيت ما لقيته قامت اختي لقيته داخل بكيت دواء غسيل واستغربت لاني مو حاططتو هنيك المهم اخته اختي وقامت المره او اختي مش عارفه اعطتني بكيت الي فقمت اعطيتو لابني ورحناااا
على فكره طعم الكيه كثير زاكي ههههههههه
وشكرا الك كثيررر
تاريخ الحلم اليوم السبت تاريخ 22/ 12
متزوجه وانتظر الحمل لسه ما اجا ميعاد الدوره ( يعني لا اعلم ان كنت حامل او لاء )

والله اعلم انج تتعالجين للحمل وابشرج انشالله حلمج يدل على الحمل او الحمل القريب العاااااااااااجل باذن الرحمن
​

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

وين المفسره

؟؟؟؟؟؟؟؟؟؟؟؟؟؟؟؟؟؟؟؟؟؟؟


حبيبتي انا موجوده وعفوا ما شفت لج طلب تفسير لحلم ؟؟؟


وانا كاتبه وذاكره اني يمكن اتأخر بتفسير الاحلام لاني ملتزمه بعائله والتزامات شخصيه يعني وقتي اغلبه مشاغل ومو 24 ساعه عالنت او متواجده بالمنتدى

والسموحه اذا كنت ما ابي افسر احلام الخوات ادخل واطلب اغلاق الموضوع مع اعلان للتوقف

فالرجاااااااااااااااااااء <<<<<<
والطلب مو موجه لج حبيبتي ولكن احب اذكر مره ثانيه بلييييز انا بفسر احلامكم فور دخولي للمنتدى ووجود الوقت واللي مستعجله عالتفسير تقدر تفسره براحتها عند اي مفسر اخر واعذروني لاني جد مضغوووووووطه من كل الاتجاهات فاتمنى شويه تقدير للظروف

المفسره انسانه لها حياه وظروف والتزامات مو انسر مشين يرد على كل الاحلام بنفس الوقت
​

 

[السمرة~القمرة]

رد: (✿◕‿◕) تفسيــــــــــر الاحلام (◕‿◕✿)

السلام عليكم
الله يعطيج العافية يالغالية
انا حامل بالشهر الثامن
وحلمت بدكتوري بالجامعه يوريني 3كراسي كأنهم كوشة عرس يقول انا كنت قاعد هني(الكرسي اليسار) وعمري 68 سنة وزجتي الثانية هني (الكرسي اليمين ) وعمرها 48 سنة ، وبالكرسي اللي بالنص قاعده بنت زوجتي وعمرها 24 سنة .. وصارلي سنتين من تزوجت والحمدلله مستااانس
ممكن التفسير
ويزاج الله الف خير

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

السلام عليكم
الله يعطيج العافية يالغالية
انا حامل بالشهر الثامن
وحلمت بدكتوري بالجامعه يوريني 3كراسي كأنهم كوشة عرس يقول انا كنت قاعد هني(الكرسي اليسار) وعمري 68 سنة وزجتي الثانية هني (الكرسي اليمين ) وعمرها 48 سنة ، وبالكرسي اللي بالنص قاعده بنت زوجتي وعمرها 24 سنة .. وصارلي سنتين من تزوجت والحمدلله مستااانس
ممكن التفسير
ويزاج الله الف خير

لو سمحتي تاريخ الحلم ؟؟
​

 

[السمرة~القمرة]

رد: (✿◕‿◕) تفسيــــــــــر الاحلام (◕‿◕✿)

23 / 12 / 2012
اليوم - الأحد

 

[اخت خالتهم]

رد: (✿◕‿◕) تفسيــــــــــر الاحلام (◕‿◕✿)

حياتي تفسير الحلم الاول كانت عندج مصاعب مريتي فيها واكثر لاشخاص اللي وقفت معاج خالتج ام زوجج وزوجج وشفتي الراحه من هالشي وانتي ياتلج من فتره رزقه او هديه كنتي تتمنينها والعلم عنده سبحانه
الحلم الثاني اختج حيييييييييييييييييل مهمومه ومتضايقه وانتي شايله همها وياج وتفكرين وايد بوضعها وموضوع حملها والعلم عنده سبحانه
​

صاجه اهي مو بس اختي اهي رفيجتي وحبيبتي وكل شي و تسوي روحها ما تفكر بالموضوع
بس حيل مبين عليها و كله تقول انا مابي
و مع هذا اذا نصحتها تطبق
وحيل احاتيها وافكر فيها

ادعيلها

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

23 / 12 / 2012
اليوم - الأحد

والله اعلم بتكون لج من الذريه 3 اطفال واذا ما كنت غلطانه انتي حملج الحالي بولد

 

[فـراوله]

رد: (✿◕‿◕) تفسيــــــــــر الاحلام (◕‿◕✿)

السلام عليكم

شلونج فرفووشه أخبارج حبيبتي

الحلم بتاريخ 23-12-2012

حلمت إني ماسكه أفنديه وأقصها 6 قطع وكلهم بالطول


يعطيج العافيه



​

 

[آهات الليل]

رد: (✿◕‿◕) تفسيــــــــــر الاحلام (◕‿◕✿)

السلام عليكم فرفوشه شلونج حبيبتي وشلون اليهال
رفيجتي حلمت اليوم بتاريخ23-11
واهي حامل توها حللت ماشالله انها حامل
واهي عندها ولد الله يحفظه
حلمت انها تتمشى بالسوق ولفت نظرها محل دشته ولا محل نقش حنه ينقشون لوحده لايدها وريولها مره كبيره طلعت من المحل وقالت لهم وردت بعد قالتلهم ابي انقش قالولها خلص الدوام بس بننقش لج عطتها ايدها قالت لا بنقش لج على ظهرج وراحوا شقتها بالممطبخ وكانوا مع مجموعة ريايل ثنين وحريم قالت لهم طلعوا الريايل عشان تنقشون حرام مايجوز عوره وطلعوا وبدت تنقش لها على ظهرها عالسريع لان خلص دوامهم الحنه كانت مخلوطه مع عسل واهم ينقشون لها تبطل باب شقتهاتتوقع الخدامه فتحته وشافت وحده جدامها عند الباب تطالعها واهي تنقش لان المطبخ يطل عالباب تقول راحت غرفه ثانيه اول مره تشوفها وونقشت لها المره عالظهر صوب جتوفها ولي ثلاث ارباع ظهرها وخلصت قالت الحساب 30دينار جت تبي تعطي المره الحساب ولا دنانير عندها وعملات لدول عربيه وعطتها الحساب اللي اهو 30 دينار
للعلم انها قبلها بيوم حللت وعرفت انها حامل وتبرعت بمبلغ لوجه الله بقيمة 30 دينار
اهي متزوجه وعندها ولد وحامل حاليا وقالت اول ماقعدن من نوم حست بشي بظهرها تقصد جنها صج ناقشه
وسامحيني فرفوشه طولت عليج ومشكوووووووووووووووره

 

[آهات الليل]

رد: (✿◕‿◕) تفسيــــــــــر الاحلام (◕‿◕✿)

حياتي عندي بعد حلمي بس فسريه ان شالله لو بعد اسبوع مانحب نضغط عليج هم انتي عندج عايله وبيت وظروف والله يوفقج يارب

حلمت بتاريخ12_12 الصبح تقريبا اني بالسوق شريت جنطه لونها رمادي وقع ادور عليها كعب ماذكر يااخت زوجي كانت معاي او مرت حماي وانا ادور كعب وشرتلي كعب حلو لونه رمادي من محل لكن والعياذ بالله اللي يبيع جنس بس حلو الكعب وهم الجنطه راكبه عالكعب وكاني نايمه وزوجي نايم وفجاه نطت صوب ريولنا بالنص قطوه لونها اسود وبس سلامتج
متزوجه عندي 3حلوات

 

[خالتي قموش]

رد: (✿◕‿◕) تفسيــــــــــر الاحلام (◕‿◕✿)

السلام
حلمي كان امبارح
23|12

حلمت اني لابسه لبس عروس وكان معاي حماي الصغير يزفني قاعة الافراح
وكان باب القاعة مقفول وماكان فيه احد
جان اروح للحمام عزج الله جان اشوف ريال غريب عني ما اعرفه
جان امارس معاه الزنا
يا ريت تفسريلي حلمي
انا بلحقيقه متزوجه

وشاكره لج

 

[ام دندوونه]

رد: (✿◕‿◕) تفسيــــــــــر الاحلام (◕‿◕✿)

شلونج اختي فرفوشه ان شاء بخير عندي حلم وبآلية تفسيرهم لي اول شي الحلم كان يوم الأحد 23/12 انا متزوجه والحمد لله عندي عيال واختي اللي معاي بالحلم مطلقه وعندها ولد / حلمت اني انا واختي دخلنا محل يبيع شناط ولقينا شنطتين قلت لها شوفي هذي الشنطه عاجبتني من زمان وشرينا شنطتين يد نفس الشي لونها بني وفيها سلاسل ذهب وطلعت من بوكي 10 دنانير سعر الشنطتين / وياليت تفسرينه بأقرب فرصه

 

[kaakty]

رد: (✿◕‿◕) تفسيــــــــــر الاحلام (◕‿◕✿)

باذن الرحمن ولد والعلم عند الله
​

بس انا بالسادس وفيني بنت

 

[Australia girl]

رد: (✿◕‿◕) تفسيــــــــــر الاحلام (◕‿◕✿)

السلام عليكم شلونج مفرفشه واللي عافيج انا حلمت اني اشوف ناس يحلبون ناقه صغيره كانت وحاطين طاسه تحتها وتدر حليب كانت

متزوجه وحامل
الحلم الليل تاريخ2012-12-16

 

[Ga6waah83]

رد: (✿◕‿◕) تفسيــــــــــر الاحلام (◕‿◕✿)

حبيبتي والله اعلم امج حييييل متضايقه وشايله همج ومعاج تسعي بموضوع الحمل والعلم عند الله
​

مشكوره حبيبتي ويزاج الله خيرفعلا امي شايله هم موضوع حملي وماتبي اتبين لي

 

[نرجس 2]

رد: (✿◕‿◕) تفسيــــــــــر الاحلام (◕‿◕✿)

والله اعلم انج تتعالجين للحمل وابشرج انشالله حلمج يدل على الحمل او الحمل القريب العاااااااااااجل باذن الرحمن
​

ما شاء الله عنك مشكوره حبيبتي :rerrerek:

 

[السمرة~القمرة]

رد: (✿◕‿◕) تفسيــــــــــر الاحلام (◕‿◕✿)

الله اعلم
جزاج الله خير

 

[police]

رد: (✿◕‿◕) تفسيــــــــــر الاحلام (◕‿◕✿)

هااااايات اختي
واخيرا لقيت موضوع اتمناه من زمان اختي انا عندي 3 حلوم ابغى افسرها من زمان
الاول
حلمت فيه قبل سنتين شفت كني لابسة ساعة ذهبية من جلد دائرية وحولها فصووص مرة تجننن هذيك الساعة للحين مانسيت شكلها وبالحلم الساعة جتني هدية بس مااتذكر من مين وكنت مررررة مبسوطة فيها وكل ماشفت احد وريته الساعة اي احد افسخ الساعة واوريه اياها وكنت حيل مبسوطة الحلم شفته بعد ماتوفى ابوي الله يرحمه

الثاني حلمت فيني اختي كني انا وهي نمشي وجت بتشتري بوك بعدين تركته قالت عندي ماابي جيت انا وشريته والبوك بالحلم جلد اسود وفيه سحاب

الثالثت اختي بعد حلمت فيني تقول شفتك بالحلم قاصة شعرك قصير مع العلم شعري طويل بالحقيقة وتقول كنت اشوفك ومرة متضايقة عليك واقول خلاص بتموتين


انا عمري 24 عازبة


اختي اتمنى تردين باسرع وقت جزاك الجنة