يوميا @ سجلي حالتج النفسيه اهني@متزوجات حيااكم@

[شادن33]

بنات منو مجرب منتجات بيزلين حلوه ولا !!!

قمووووور اين انتي !!!!

وأبي بعد كريم لتحت العين يكون ماركه ومجربينه ما ادري يمكن من كثر ما اسوي ماسكات جنه صار تحت عيني جلده رقيييييق ابي ارطبه

 

[ام الدرر]

السلام عليكم
الحالة النفسية
مش بطاااال

باتشو لي
سلامات حوبي
ماتشوفين شر


طالبة انقلش
حبوبة عادي هو بين لج انه مو نايم واكيد تعبان
والسوالف يمكن يستحي او مايحب تسولفين وياه عند اهله
اصبري حبيبتي توكم معاريس بتتعودين على طبعه وبتفهمينه من غير لا يتكلم

 

[Patcholli]

مساء الخير

توني خالصه شغل البيت


اليوم رديت من الدوام وانا مخنوقه قلت حق ريلي مابي الخدامه الي طالبتها
قالي ليش ؟ قتله مادري مابيها متظايقه معنها ليلحين ماوصلت ولا شفت رقعة ويهها .. قالي خلاص اذا وصلت نبيعها ..
قبل شوي دقو علينا المكتب وقالو الخدامه ماتقدر اتي الكويت مادري شفيه ملفها الطبي
وايد ارتحت واستانست
واي بنات مو طايقه ادخل خدامه فبيتي
بس صار عندي ردة فعل عكسيه منهم
ومرتاحه جذي على راحتي البس واقعد وانسدح بالبيت محد يردعم او يتليقف لان صج كنت اتظايق من وجودهم
بس ريلي مو عاجبه يقول لازم خدامه ..

شرايكم بنات شسوي ؟؟
وشنو اطلب اي جنسيه ؟؟؟
الحين الفلبن موقفينهم


ريلي يقول باجر نروح نشوف وحده مسترجعه وانا متردده .. ايب ولا ما اييب ؟؟
للعلم عندنا صبي حق شغل الديوانيه والحوش والسيارات يعني بس بيتي

شرايكم ؟

 

[Perfume]

حبيبتي باتشو يعطيج العافية
طلبي خدامة احسن
لانج الصبح في الدوام ما راح اتلحقين على شغل البيت

 

[امـ خــزامـى]

مرحبااا

كيفكم جميلات ؟

نفسيتي مش ولا بد

بنتي الله يهديها وترتني

بيت طول بعرررررض ماتجلس الا بجنبي ولا بعد بحضني

وتعبانه منها تمت سنه وتمشي بالشهر السادس ومافي اي بوادر مشي


ويالله طول الوقت لعبيني اضحكي معي شوفيني ارقص
وفخوذي كلها بقع زررق من كثر ماتتسلق فوووقي
اضحك عليها اقول اذا كبرت بتطلع متسلقه لجبال الهملايا وبتوصل قمة ايفرست


ادعولها تمشي ابي ارتااااااااااااح حتى لو الاحقها بس اهم شي نفسيتها وتنبسط

 

[Perfume]

حبيبتي ام خزامى
لحد سنة ونص طبيعي
بس اذا صارت اكثر من سنة ونص ومامشت لا سمح الله تحتاج مراجعة للمستشفى
ان شالله بتمشي وبتيننج وانتي تركظين وراها

 

[manoooram]

مســـاء الخير على الطيبين

شلونكم
؟

 

[Perfume]

مساااااء النور مانورام

 

[Patcholli]

بعد عمري بيري الله يعافيج والله لو احصل خدامه زينه ايبها بس مابي ايب وحده وابتلش فيها وترفع ظغطي :<

مادري اي جنسيه ايب ..!!

 

[Patcholli]

مساء الورد مانو .......................

ههههههههههههههههه قاعده اطالع فضه قلبها ذهب
الخدامه تقول ماما بروح مكتب وانا قلبي عورني

 

[Patcholli]

بنات وين احصل بديات طويله ووسيعه ملونه ؟؟

ابي كحلي وابي ابيض

حق تحت البلايز القصيره ؟

وين احصل ..؟ السوق كله اسود خذيت من اج اند ام بس ماحصلت الوان ثانيه :<

 

[manoooram]

Perfúme , Patcholli
هلا و غلا
:**

باتشولي اي فضة قلبها ذهب ههههههههههههه
فضة قلبها أبيض قصدج
:krkrkr::krkrkr::krkrkr:

شوفي طلبي لج خدامة أحسن والله طلبي لج هندية شحليلهم


واذا تبين بديات طويلة و وساع عند سوق المعلم السالميه
على 5 دنانير
أشكال و ألوان رفيجتي ماخذه منهم تقول شحليلهم كد ومد

كنت آخذهم من H&M و Bershka و promod و 21 forever
بس ألوانهم محدودة

 

[امـ خــزامـى]

ياقلبي انت سويت لها تحليل كالسيوم ودال وغده
واشاعه لعظامة رجولها
كل شي سليم
بس من الولاده عندهانقص فيتامين دال

 

[طالبة انجلش]

والله يا شدون اللي يبيبه اسويه
صرت مانام الا لما اودعه عند الباب يقولي نامي اقله مابي ابي اودعك تالي انام في ايام ماهتميت فيه لان نفسيتي
واقوله دير بالك على نفسك
انا مانكر في ايام تعبت نفسيتي وكنت مالي خلق شي ..
واهو سكت وبعدها قالي اني ماحب جذي
وانا متغيره بس والله من جد كنت مانام الا لما ابجي

 

[فراشه بيضا]

قوووووووووووه اشلونكم بنات رديتلكم

 

[ام الدرر]

السلام عليكم
الحالة النفسية
حايشني خمول وابي اناااام مع اني قاعدة متاخر
وعندي واااايد اشغال برا البيت بس ما لي خلق اتحرك من مكاني



نفوسات شخباركم

فراشه بيضا
هلا حبيبتي
قريت موضوعج
ماجورة ياقلبي والخير في ما اختاره الله
عسى الله يخلي لج البنوته ويعوضج خير يارب ​

 

[شادن33]

قوووووه
شلووونكم نفوساااات
الحاله النفسيه
اللهم لك الحمد

انزين محد جاوب على سعااالي !!!!

 

[شادن33]

فراشه بيضا الله يعوضج خير حبيبتي
باتشوووو سيلانيه لا اتييبين لوعه وقرقه ووصخه ماتنفع مع وسواس النظافه اللي عندج
هاتي اندونيسيه كبيره اشويه وتكون مشتغله بالسعوديه زينات
ام الدرر هالخمول ماقبل الدوره اييني ابي كله اناااام وااللي يعكر مزاجه العن خيره ههههه

 

[شادن33]

ياقلبي انت سويت لها تحليل كالسيوم ودال وغده
واشاعه لعظامة رجولها
كل شي سليم
بس من الولاده عندهانقص فيتامين دال

سنه ونص وايد ليش ماتمشي !!!!
غيري الحليب يمكن الحليب اللي تعطينها تعبان
دخلي البيض باكلها ودبس التمر مفيد

 

[manoooram]

مساء المطرة اللي تهبل ما شالله
صج مطرة حلوة
ربي لا تحرمنا من نعمك

شلونكم ؟؟
وشلون نفسيتكم عساكم بخير يارب