من متى بديتوا تدهنون بطونكم -- وشنو نفع معاكم

[ffanr]

مرحبا بنات شلونكم ويا الحمال
اللي نفع معاها كريمات التشققات حق البطن واستفادة منها ياليت اتحط تجربتها وشنو نفع معاها ومن متى بدت تحطه
اسمع بنات وايد يقولون ان ماطلعلهم ولا خط واللي تقول خفيف كلش مايبين من كريمات زبدة الشيا والككاو. بس ابي شي مضمون ومجرب من كذا وحده وشكرااا

 

[يجازيك بحبك]

أب أب أب ...

 

[You FOR Me Only]

موضوعج روووعه انا بعد ابي اعرف


اب

 

[beauty rose]

بحملي الاول ما دهنت و بطني تشقق و فخوذي شي مأساوي

 

[shayto0oNa]

انا بجريه بس خواتي يستخدمون من صيدلية بوتس كريم اسمه بيوتي ماما ماشاءالله مايطلع فيهم ولاخط

بس اهم وقت السبوح يحطون شووووي بيبي اويل ولما يطلعون يحطون من الكريم على الجسم كله وسبوح هالكريم وسبوح كريم زبدة الكاكاو


ويبدون من الشهر الثالث

بس انا امس رحت شريت الكريم من بوتس قالت لي ابدي من الخامس بس خفت ببدا من الرابع

 

[Potato]

والله مادري الصراحه هالايام برد موت كلش مالي خلق احط شي

 

[aloooya]

بيوتي ماما من الرابع

 

[أحلى عروس 2012]

انا سالت دكتورتي قالت كل وحدة و طبيعة بشرتها
في بشرة ما تشقق نفس يداتنا قبل ماحطو شي وياحلاتهم
وقالت
بس الترطيب بشكل عام زين
فانا أحط كريم فازلين
ومرتاحة عليه ان شا الله
ادعوووولي اقوم بالسلامة

 

[@ براءة طفوله @]

انا قالت لي الوالده دهني بزيت الزيتون ..
و ياليتني سمعت كلامها .. توني دهنت في نهايه الخامس
مع ان بطني توها تكبر يعني توها بينت
طلعتلي خطوط حمرا صوب بطني من تحت تفشل
صرت استخدم زيت زيتون و فازلين و ان شاء الله تفيدني

وان شاء الله بستخدم معاهم بيوتي ماما

 

[soft.eye]

انا قاعده استخدم بيوتي ماما بس تو الناس علي ماراح يبين شي الحين وقاعده احاتي ):

 

[ffanr]

مشكورين بنات
وياليت الكل يستفيد

 

[soft.eye]

اب اب

 

[ام الحلوااات]

زيــــت الــــزيـــتـــــووون ومـــن الــراابـــع وطــااالـــــع دهـــنــــــي

 

[حلآوهـ حمرهـ]

انا اختي يابتلي كريم من النمسا حق هالشي وايد نفعني الحمدالله

انا الحين فالتاسع وماطلعتلي خطوط ف بطني الحمدالله لاني مداومه من الرابع عالكريمات ونسيت فخوذي وكلها خطوط بيضا وحمرا للاسف

اهم شي الكريم يكون ثقيل يعني نفس الزبده وخذي اي نوع عادي المهم شي ثقيل وحطيه عقب السبوح

وبالذات فالتاسع ادهني اكثر من مره لاتعطين فرصه يجف لانه البطن يكبر واايد هالشهر

 

[أميرة 22]

موضوع مفيد انا بجر وتوني بشهر ثاني

 

[عسل حدي]

(بسم الله الرحمن الرحيم (اللهم اني اسألك ولا اسأل احدأ غيرك اللهم بحق هذه الاسماء المباركة اللهم بألف الابتداء بباء البهاء بتاء
التأليف بثاء الثناء بجيم الجلال بحاء الحمد بخاء الخفاء بدال الدوام بذال الذكر براء الربوبية بزاء الزيادة بسين السلامة بشين الشكر
بصاد الصبر بضاد الضوء بطاء الطول بظاء الظلام بعين العفو بغين الغفران بفاء الفردانية بقاف القدرة بكاف الكلمة التامة بلام اللوح بميم الملك بنون النور بواو الوحدانية بهاء الهيبة بلام الف لااله الاانت بياء ذي الجلال والاكرام اللهم اني اسألك يامن لاتضجره مسألة السائلين يامن هو خبير بماتخفي الضمائر وتكن منه الصدور اسألك ان تصلي على محمد وال محمد وان تجعل لي من كل عسرأ والى كل خيرسبيلا برحمتك ياارحم الراحمين بحق محمد واله الطاهرين

 

[ام غازي 2012]

انا احط زيت لوز ومرتاحه عليه الحمدلله

 

[بــنـ زايد ــت]

انا احط جل بيبي اوييل

وشريت كريم بالمرز

 

[سكرة هانم]

على حسب البشره
انصحج شربي ماي وااايد لان لازم البشره تصير رطبه وزبده شيا خام 3 مرات باليوم غرقي بطنج وصدرج وفخوذج عدل عدل
انا بديت اخط من الرابع وكل ماحكني بطني احط واهف عليه بالمهفه ههههههه لاتحكين يقولون يطلعهم

 

[أمـ مبارك]

مرحبا



انا كنت استخدم اول ثلاث شهور بالحمل بيبي اووويل ليمن كرهته بعدها استخدم جل بيبي اويل البرتقالي بس بصراحه النتييييجه ولا أرووووووووووووووع


واستمريت علييهم لين ولدت بالسلامه يوميا كنت احط وراء كل سبوح


والحمدالله لاتشققات ولا شي


عكس وحده من رفيجاتي كنت اقولها حطي وتقول لا يبا مالقيتي الا جل بيبي اويل جونسون واقولها خالتي مجربته وماصدقت


والحين تشتكي من بطنها