ساعدوني..

[amoon28]

السلام عليكم...

حابه افضفض ومنها تقولون لي حل شسوي ف روحي

انا حبيت واحد واهوو يحبني بعد
المهم تم يكلمني وانا ماكنت متقبله هالفكره انه يكلمني
بس عقب الحاح منه مليت من حنته عطيته ويه
المهم صرت 24 ساعه اكلمه
صار لي دنيتي
والشي الي خلاني اتعلق فييييه اكثثر والي خلالاه يكبرر ف عيني انه ماطلب مني اييي شي من الي يطلبونه شباب هالايام

قصده شرريييف الولد بس كان ينتظرني اصير بسن زواج واخلص دراستي انا الحين بالثنوي المهم
تمينا مع بعض 5 سنوات وامه تدري انه يحب بس ماتعرف من بالضبط الي اهي انا
بس اخته تعررفني شخصيا
ومن قبل كان يحن على امه يبي يعرس بس يبي الي فباله الي اهي اناا!! وعلى فكره اهو مذهبه غير مذهبه هاذي مشكله ثانيه:eh_s(11):
راحت امه خطبت له بنت خالته بدوون مايدري وبعد ماخطبت ووافقت بنت خالته قالت له
المهم وتم مضايق وتميت احن علييه ابي اعرف شفيه وقال لي انه خطبت له ووافقت والملجه حددوها ف العيد(هالعيد)
طبعا لو تحطون نفسكم ف مكاني اكييد تعرفون شصار فيني وشلون وضعي
المهم تم يومين عندي ولما يكلمني ماكنت ارد عليه عدل لاني كنتت ف وضع خاايس وقتها :eh_s(16):
بعدين حذفته عقبها اتصل لي وقالي خلاص روحي الله يستر علييج وانا ماقدر اسوي شي والله يعطيج الي احسن مني
واهني صارت حالتي حاله اكثثر عقبها بيوم اتصلت ومارد عليي
طررش لي مسج قالي مابي اجوف رقمج
عقبها كللش مااتصلت ومن يومها وانا هامله نفسي احاول اعدل من نفسيتي بس مااقدر
بس لو ودي اعرف عنه خبرر بس للاسف ماقدر اوصل له ومابي اتصل له

ابببي الحل تكفففون:eh_s(2):
بدون تجريح الي فيني يكفيني الله يخليكم

 

[Tom ♥ Jerry]

.


حآله حآل اي شاب ثاني للآسف و انتي الضحيه !
شكثر سمعت مثل قصتج من البنات :/ و لا مليون قصه

حجه ضعيفه وآيد آمي خطبتلي
صدقيني و حطيها حلقه بأذونج على قولت المصرين
مآ ريال يحب وحده يروح يتزوج وحده ثانيه
حجه أنه آمي خطبتلي و انا مآدري عرفي آنه يقولج آنهي العلاقه
بس بطريقه ثانيه مآ يبيج تحملينه الغلط



الله يكون بعونج و ياليت البنات يستفيدون من قصتج
لآنه صج وآيد قاعد يطيحون بنفس المشكله

 

[اميره1980]

سالفة ان خطبتله و هو ما يدري كلام فاضي
من غير زعل هذا حاله حال اغلب الشباب اللي لهم علاقات بس ما ياخذ اللي يكلمها
و لمن فكر بالزواج خذا وحدة مو مكلمته قبل الزواج و بنت خالته
الحمدلله عرفتيه على حقيقته تركيه و افتكي من هالعلاقات اللي ما وراها الا البكي و الدمار

 

[دلوعه ناعمه]

نفس كلام الاخت توم جيري بالظبط اللحين الكل جذي يسووي نفسه شريف وانه يبيج ومادري شنو وميت فيج بعدين يقولج امي خطبتلي او اهلي رافضين هاذي حججهم اللحين ولو ان صج يبيج جان ماقالج مابي اجوف رقمج بكل برود المهم عزيزتي انسيييه لاتهملين نفسج ع واحد جذاب وواهو اللحين بيجوف حياته ونصيبه وبيستانس وانت بتمين مضيقه خلقج وحالتج حاله ع الفاضي يعني اذا سويتي بعمرج جذي بيتغير شي بس انتي اللي بتتعبين والله يوفقج ويرزقج اللي احسن منه ومن طواايفه.... *

 

[miss.unique]

الكذبة المعروفة .... خطبتلي من غير ما ادري !! جذب غيرها يا حبيبي

خليه يولي حقير ولا تدقين عليه لان رح ترخصين نفسج وايد

 

[دلوعه دبي 87]

خليه حبيبتي اصلا انتي بعدج صغيرونه عيشي حياتج وهو الخسران ذنبه على جنبه
ولا تصيحين ولا تحرقين اعصابج خليه يولي والله كاتب لج واحد احسن منه بمليون مرررره
وربي يوفقج يالغاليه لو حسيتي بضيجه او هم ماعليج انج تصلين وتقرين قران ليطمئن قلبج
ومثل كلام الاخوات عذر الشباب هالايام امه خطبت له وحده بدون علمه سبحان الله
بالعكس خيره لج حبيبتي والله يكتب الي فيه الخير خلي نظرتج ايجابيه يا عمري

 

[فوفو22]

يحليلج 5 سنين يدرس اخلاقج

يمديه اخذ ماستر ودكتوراه......

حبيبتي واااضح اصلا من البدايه ماله رغبه بالارتباط فيج

ولا تصدقين انه امه خطبت وهو ما يدري!!!!

لا هو يدري ورايح مع امه ....

وشارين الدبل مع بعض

ويكلمها بالتلفون .....

خطيبته ....وانتي ....

هو يمثل عليج لانج مغفله وماشي عليج اللعب

ولكن شافج ما صحيتي ولا فتحتي

عطاج طراق عشان يصحيج ويقولج

طررش لي مسج قالي مابي اجوف رقمج

بعد اذا عقب ضياع 5 سنوات ....والمقلب المفبرك...وبالنهايه طلع كاميرا خفيه ....وما صحيتي

اسمحي لي تظلين مغفله

اصحى .....وانسي .....وغيري الرقم .....


انا ما ادري شدخلني هالقسم انغث واطلع

فوفو المغثوثه

 

[ŦSЩД3УФИУ]

مآ عنـدي شـي أضيفـه
ماقصـرو البنـآات
والحمدلله ان الله فكـج من
هالعلآقـــةة و نصيحــةة
ابتعــدي عـن هالطريــق تـرى
ما يجيـب الا المصآايــــــب




..




​

 

[amoon28]

مشكوورين خواتي
بعتبرها غلطه وعدت ومااراح اعيدها
والله يصبرني ودعواتكم انسى

 

[إم بــــرٍآك]

حبيبتي هذا واحد حقير ونذل واحتمال كبير عقب فتره يرجع لج طماشه مجرد يبي يحس انه مهم والبنات مايستغنون عنه وهالشي يتداولونه الشباب وايد يحبون يخلون وحده تركض وراهمعزيًنفسج وانسسسيه عيشي حياتج حتى لوارسل مسج انه بيموت دوسي على قلبج ولاتتنزلين له
وتلقينه هو الي قايل لامه خطبيلي مفلم عليج وانتي على نياتج
الله يعينج

 

[انفال الهاشمي]

مدري متى هالشباب يبطلون هالسوالف ومتى البنات يفكرون شوي بعقلانيه

يخرب بيته شنوو من قلب ٥سنين ويتزوج غيرها (

 

[ديانا سبنسر]

مع فوفو فديت عقلها وغثتها خخخخخخ

 

[جيتك تعال]

حبيبتي ماعليه تحملي كلامي ... انا مثل امج الله يحفظها لج

هالشاب ابدا ما كان جاد في علاقته معااج ...ومافي احد يخطبون له وهو ما يدري

هو حب يطلع من الموضوع بشكل ذرب وانه ضحية ... لكن لو تميتي تركضين وراه

كنتي راح تشوفين وجهه الحقيقي الي ما انصحج ابدا تشوفينه

حبيبتي انتي بعدج صغيرة وما تعرفين هالدنيا والاعيب الشبااب

اتركيه يولي والتفتي لدراستج وانسي وقطي ورا ظهرج

لاحقة عالشقاا يمه بااجر الله بيرزقج بالي احسن منه ويتباها فيج جدام اهله والناس

استعيني بالله وبالقرآن احسن معين

 

[فديتني كويتيه !]

الله يععينج ..

 

[black rose BH]

حطي ببالج شي واحد
اذا ريال يبي بنية بيسوي المستحيل عشانها
حتى لو اهله وقفو ضده

وبس

 

[BaiTotia]

نصاب بوطير

حلوه هذي خطبتها لي وأنا مادري

 

[amoon28]

إشكركم على اهتمامكم :eh_s(7):
حابه أبشركم الولد خطبني من هلي بس الموضوع مافيه أي تطور
دعواتكم الله يكتب لنا النصيب

 

[تسمح لي آحبكـَ]

كل الشباب نفس الشي نفس الاسلوب مافي احد احسن من احد

الريال ياحبيبتي مايهمه البنت اذا حبها خلاص يمل منها ويدور غيرها

ربي ان شاء الله بيعوضج اللي احسن منه

وحمدي ربج يات على جذي،،

انصحج ياحبيبتي تبتعدين عن هالطريج خلاص،

خلي قلبج متعلق بربج مو بانسان

اتمنى تتقبلين كلامي من اخت لاخت

 

[zozo.7ob]

حطي كلامي دا حلقة في ودنك الشاب لو حب وحدة عشان شكلها ولا عشان يفهم اصحابو انه حب وحدة و رماها عشان يبين انو شخصية دا الي منتشر اليومين دول و انتي لو كنتي فكرتي شويه يمكن هو لعبها صح و اتفق مع امو و مثلو الدور فيلم زي اي فيلم بيعملو اي شاب الي بيحبك بجد عمرو مهيسيبك و هيعمل المستحيل عشانك
(الرجل كالقهوة فلا تكوني انت كالبسكوت فتذوبين فيه بيبحث عن بسكوتة اخرى) يعني متدوبيش في حبو عشان يمكن يرميك
انتي حاولي تنسي الموضوع مع اني عارفة ان دا صعب جدا و اعرفي انو مش عايزك و لو مش عايزك اديه بالجزمة و ارميه ورا ضهرك و طنشي الحكاية و اعملي لكل حاجة فورمات كانك لا عرفتيه و لا عرفك ولا اي حاجة متقوليش دا حب 5 سنين عادي جدا جدا مهو زيها زي ما تكوني بينك و بين وحدة صداقة و في ثانية تنهيها و تيجي و حدة لسه معرفتهاش غير ثانية و تحبيها
الملخص:يعني انسي كل الي حصل و الي فات مات و الي جاي احلى و الي يريده ربنا خير و هو لو عايز يبين انك لعبة في ايديه قوليلو طظظظظ فيك و لو انت مش عايزني غيرك عايزني و لو مش شايفني حلوة احب اقولك (انا حلوة و زي الفل انا مزة في نظر الكل) يعني خليه يحس انو مش فرق معاك
معلش انا طولت بس في النهاية انسي كل الي حصل و اعملي فورمات و امسحي كل حاجة متعلقة بيه و ابدئي حياتك من جديد

 

[Royal jojo]

هذي التجربه وسامحني بقول عنها فاشله والخطا ما هو منك
من هالشاب اللي رضى يتخلى عنج بكل سهوله
مثل ما قالوا خواتي انسية وركزي في حياتكـ كيف تحيانها من جديد و تردين الروح السعادة والابتسامة في حياتكـ اليومية غيري رقمكـ وارتاحي ترى ربي بعده في الوجود هو اللي بعوضك بواحد احسن منه واخير منه
لا تلومي نفسكـ على شي انتي مالكـ `نب فية ولا تحملي نفسكـ فوق طاقتها
الحمد لله عدت على خير انتي تعلمتي درسكـ وصار ماضي ولازم يتنسى
بعدكـ صغيرونة وشباب عيشي حياتكـ يا بنت الحلال وفليها
اتمنى تكوني فهمتي كلامي
واتمنى اني افدتكـ
اتريا اخباركـ الحلوه غناتي