بناااات عيد الحب شبتسوون

[شطانه طفله]

هاايوووو جيفجن شخبارجن :ggdw:

بنات شنو افكاركم حق عيد الحب ؟

تنصحون بجزيره فيلجا ؟
او الجزيره الخضره ؟

واللي رايحه هناك تفيدنا واللي عندها افكار حلوه تفيدنا
غييير الطرق المعتاده بالغرفه ليله حمره :eh_s(4):
غييييير حجز فندق ونجابل 4 طوف :eh_s(4):

نبي افكار ممتعه تكسر الروتين ساااعدونا :ggdw:

وشكرا عفوا:eh_s(7):

 

[شطانه طفله]

اب اب

 

[مولاي الفرج]

وناسه ودي اروح الجزيرة الخضرا

جربي p:


انا عن نفسي مابي احتفل بس ودي اعطيه هديه حلوة وتغليف حلو

 

[Perfume]

انا ما احتفل
بس اييبله ورد احمر

 

[iLLuMinaTion]

خوش موضوع

 

[*مطبخ الذواقة*]

أعتقد اللون الأحمر ...ما منه مفر ...
شنو ما سويتي وين ما كنت ...ﻻزم حمر ...

 

[عويتقة]

الله يهنيكم يااااااااااااارب

 

[أحلى^حياه]

استعدي للهجوم اللي بالطريج خخخخخخخ

حلو يكون سمبل وخاصة انه مناسبه عامه مو خاصه فيكم نفس يوم الزواج مثلا

ورد احمر منثر و كيكه صغيرونه

 

[عزيز قلبي]

السنه كلها احتفالات مانخلص

 

[Bnooth]

مايجوز حببيتي ماعندنا غير عيدين والي الرسول عليه افضل الصلاة والتسليم قال عنهم عيد الفطر والاضحى وجزاج الله الف خير

 

[سماء الاحساء]

ما نحتفل ولا ادري اي يوم بس اسمع عنو

 

[Loloki]

ما احتفل والحمدالله واذا بسويله مفاجاه بعيط ميلاده وعيد زواجنا بسسسسسس

ولا شلي بعيد الحب كافي عندنا ذنوب ونزيد ذنوب ذنوب ليش

 

[أحلى قصة]

اااب خوش موضوع

 

[غلايو]

بحط راسي و بنام خخخخخ

مو متفيجه اسوي للني ما اعترف بهاليوم


لان الحب الي بينا ارقى واكبر من اني اعبر عنه بليله وحده
اما لو مناسبه ثانيه ممكن


بعدين ملينا يوم ميلاد يوم زواج ترقيه سياره يديده بسهم دلع ههه

 

[مريااانه 4]

حبيبتي مايجوووز ربي يوفقج

 

[مناير ...!]

مااحتفل

 

[OM BARAK]

مادري تصدقين ذكرتيني فيه هههههه!!!!!!!! اهم شي عندي ايام الميلاد و ذكرى زواجنا هالايام اللي اشتط عليها بس الفالنتاين مو مهم يعني يمكن عشا و نتابع فلم ​

 

[كوكي الحلوة]

فتوى الشيخ محمد العثيمين رحمه الله في عيد الحب​

​

فضيلة الشيخ محمد بن صالح العثيمين حفظه الله
السلام عليكم ورحمة الله وبركاته وبعد
فقد انتشر في الآونة الأخيرة الاحتفال بعيد الحب ــ خاصة بين الطالبات ــ وهو عيد من أعياد النصارى ، ويكون الزي كاملاً باللون الأحمر الملبس والحذاء ويتبادلن الزهور الحمراء ..
نأمل من فضيلتكم بيان حكم الاحتفال بمثل هذا العيد ، وما توجيهكم للمسلمين في مثل هذه الأمور والله يحفظكم ويرعاكم .

بسم الله الرحمن الرحيم ​

ج / وعليكم السلام ورحمة الله وبركاته .
الاحتفال بعيد الحب لا يجوز لوجوه :
الأول : أنه عيد بدعي لا أساس له في الشريعة .
الثاني : أنه يدعو إلى العشق والغرام
الثالث: أنه يدعو إلي اشتغال القلب بمثل هذه الأمور التافهة المخالفة لهدي السلف الصالح رضي الله عنهم .
فــلا يــحـل أن يحدث في هذا اليوم شيء من شعائر العيد سواء كان في المآكل أو المشارب أو الملابس أو التهادي أو غير ذلك وعلى المسلم أن يكون عزيز بدينه ولا يكون إمَّــعَــةً يتبع كل ناعق . أسأل الله تعالى أن يعيذ المسلمين من كل الفتن ما ظهر منها وما بطن وأن يتولانا بتوليه وتوفيقه .

كتبه
محمد الصالح العثيمين
في 5/11/1420هـ​

 

[Zinab BH]

ماكو برجع من الجامعة الساعة ٩ واهو من الدوام و بننخمد
لان بيكون يوم خميس ليلة جمعة يعني شوارع البحرين مسخرة حدها
و عيد حبنا اهو عيد زواجنا اللي جمعنا فيه مو بهاليوم الاقشر بالبحرين تعرفون شصار ب 14 فبراير
نقعد في بيوتنا احسن لنا لوووول مافينا شدة

 

[شطانه طفله]

مشكوووري على الردود حبايبي:eh_s(7):

وشكرا على اللي نقدوا الموضوع انا متوقعه النقد وادري بيقولون ما يجوز و و وبسمع حجي بس متقبله انا ماشرطت ان باليوم نفسه محتفل مثلا قبله يوم يومين اقوله اليوم الفلانتاين مو شرط نفس التاريخ خو مافيها شي اذا غيرنا خو انا وريلي خو :ggdw::ggdw: