هبه جديدة تغزو اعراس الكويت بعد ماهبو فيها المشاهير .. الــ flower crowns

[MaZyOoOoNa]

يسلمو

 

[عمرها السعودية]

ههههههههههه اتخيل الشكل واضحك مدري ليه جد يضحك

الا اذا ع اطفال ممكن او جوريه وحدة محطوطه ع جنب بالتسريحه

ممكن بس تااااااج كامل مزرعه مستحيييل

 

[Tulips]

لوووول تصدقون والله مستغربه هالاستنكار الشديد حق هالحركه .. يعني اوكي اهي معروفه حق اليهال بس مافيها شي اذا شفت وحده كبيره لابسته ! ماراح اقول عنها مينونه !

 

[shams2008]

بناتي اعمارهم 19 و 16 سووهم بجم عرس ويهبلون صارو والكل سأل عنهم

 

[وردة الدوحه]

اذكر اني سويت هالحركه من زمان في عرس اختي العوده في التسعينات كنت بأول اعدادي
كنت لابسه فستان احمر ورافعه شعري فوق وحاطه عليه طوق ورد جوري احمر وكان حده كيوووت
صراحه زين انها رجعت واايد عجبوني الورود الكبار بس يبيلها حد عنده ذوق يصممهم لج عشان ما تبينين كنج ياهل

 

[مشتطـه]

لاااااااااااااا

مستحيل اسوويها


اصلا عالاجنبيات مو حلوة

هالمرة احنا خبه و ورد واااي ما اتخيل

 

[Jenanie]

اي عادي ممكن البسه ليش لأ
شحلاته كيووووووت

دشت الفكرة بمزاجي

مشكوورة تولبس عالموضوع توني ادري في بنات تشجعوا ولبسوهم بعروس
زين يعني فتحولي المجال لوول

 

[Jenanie]

وعلى فكرة هالتاج احسه يلوق على mini dress ويكون نفنوفج بسيط بيطلع انعم واحلى ​

 

[غآب نورك ~]

اخر مره لبست طوق ورد فعرس بنت عمي فالتسعينات :krkrkr:

thanx sweety

 

[ladyQ814]

لا بالعكس فكره حلوه عالبنت اللي تكون ملامحها ناعمه ولبسها بسيط وناعم ويكون الورد الوانه حلوه ووسط حجمه

مشكوره عالمجهود حبيبتي ​

 

[ام الموج]

up up

 

[ام الموج]

ممكن اسويه ليش لا

 

[مالك حل]

ترا مجتمعنا مو حضاري حيل او نفس تفكير وطريقه الاجانب يعرفون انه هذي هبه عندهم انتي في مجتمع يختلط فيه البدو والحريم الكبار والحضر يعني لو بشوف وحده لابسه طوق ورد بشعرها والله بنقد عليها ويظل الكل يطالعها لان شكلها يضحك يعني تنحط للجهال بس كل وحدة تلبس وتسوي شي يناسب عمرها تكفى شلت هم اخاف اشوف وحده لابسته بالعروس الجايه ??????

 

[دلوعهـ ع الصامت]

الله لايبلانا بس

وربي ماسويتها وحتى لو كانت موضه هباااله اكره الحركات هاذي

 

[Tulips]

شدعووووه عليكم بنات !!
الله لا يبلانا !! ترا مو عيب اذا وحده كبيره قررت تلبسه ! وين البلا بالموضوع ؟؟

يعني ما اشوف احد اعترض على هبة السبايكس سواء بالملابس ولا بالكعوب ولا حتى الاكسسوارات كثر الاعتراض على طوق الورد ! على الاقل هذا ينعم البنت ويخلي شكلها طفولي ويصغرها ! والحضاره مالها شغل

 

[M!SS.LOBY]

استحي هالحركة هذي جريئة حدددها

 

[Jenanie]

اي والله شدعوة عليكم بنات
ترى ورد ! اكو احلى وانعم من الورد ؟ شي طبيعي وشكله ذرب وناعم وريحته حلوة بعد
صج تفكيركم غريب


عموما لا يهمج صاحبة الموضوع ترى كلهم جذي بالبداية
اي هبة تطلع هذا حجيهم " ويع لو اموت ما اسوي جذي قطيعة الله لا يبلانا شنو هالمينن"

بس حجي وكلام فاضي عشان خايفين من النقد
نطري شهرين ثلاثة تلقين الكل مسوينها
​

 

[شابونه وصامبو]

ترى كل وحده هنا انتقدت واستنكرت اول من يلبسها هم لو لبسته كيم لوووووول

 

[زبــــــــدة]

انا حطيته بملجتي كانت ب 2011 شهر 12 ...

انا اول وحده هبيت فيه ها لوووول


حطيته لى جنب طوق في ورود وسط ...وشعري طويييل كان ويفي

واااايد حلووو طلع وشكلي ناعم خاصه انها مو حفله حفلة محفووفه وااااايد كانت

بس حبييتها والله اذا كان شكلج نااعم بتطللع واايد حلوة ...

 

[زبــــــــدة]

لوووووووول اهم شي الله لا يبلانا !!!!!!!

والله انا ابي الله يبليني بالورد شحلاته في احلى من الورد وحركات الدلع



امبيه مو من صجكم بنات شدعوة يمكن ماتلوق عليكم

بس تلوق عالبنات النعومات

يعني اذا انتو بالاعراس وااااايد اوووفر اكيد الله لا يبلانا هههههههه