عرسج مطول !!! تعالي شاركينا افكارج ( الجزء الثالث )

[al_sheikha]

السلام عليكم و رحمة الله و بركاتهه
" مسساء الخييير عليكم بنات "
شخباركم لبا قلبكم ..??~
اممممم بغيت اقوول لريما فديتها ترا النفنوف الي كنتي ادورين عليهه اليوم شفته اهوا نفسه الي فبالج اذا ودج اقولج وين شفتهه قوليلي فديتج
بنات اي صالون بخاطركم ليوم العرس و حق ثاني يوم ؟؟ بليييز الكل يرد ..~

و تصبحون ع خييير

وعليكم السلام

انا افكر بين حنان النجاده والطاف الخلف بس مشكلتهم مامعاهم خبيرة شعر
بتصير حوسه جذي !

 

[al_sheikha]

بنات منو شايفه تصاميم هناء مودآ و اتيليه انجلوس !!

 

[ضحكة شفاي]

بعد قلبي و اخير في وحدهه معاي فديتج حنان للعرايس ب 350 في زيادات مثل امبولات نظاره واكستنشين و غرفه خاصه عندها بس الغرفه بروحها بعشرين و انا ناويه اروح حنان دشتي حولي احط عند شهله فديتها و ابتسام المصريهه هذول بنسبه لي عذب و قبل فتره حطيت عند وحده اسمها نوف كان مكياجها حلو بعد و حبيت فيها التركيز ع العيون و رسمة الحاجب هذول صج اختري ناجح و الناس اذواق[/quote]

يسلم قلبج حٍيآتــي آْنَــتي
ان شاءالله انا ناويه عليه بعد لان بصراحه الكل يقول حنان دشتي
وشفت لها عرايس تبارك الرحمن حلوين حيييل

 

[اميره^_^بحلآها]

ضحكة فديتج بعد قلبي انتي تعالي قوليلي متى عرسج يمكن معاي بنفس الشهر ..~ ( انشالله معاي لاني الوحيده اهني مو معاي ولا وحده فيكم الله يستر لا ايصير بروحي >< )
شيوخ فديتج اي الطاف شغلها اذرب حيل اما حنان نجادهـ اهوا صج شغلها يجنن بس واايد صراحهه ٥٥٠ بدون شعر @@!! يعني لو معاه تسريحه جان اوكي
و اذا ع اتيليه انجلوس انا رحت له و صراحه شغل المصمم طوني ابدع بالبدل العرايس و حتى المسكات عندهم تجنن شوفي تصميم كوني للمسكات بس انا ما اخذت من عندهم بس بغيت اقولج اذا لج نايه اتروحين دقي و اخذي موعد و احسن وقت الصبح مافيه زحمهه خاصه للعرايس هاذا احسن وقت اخذي موعد من ام يوسف تشتغل اهناك بس تبارك الرحمن عليها اسلوب ذرب
( والله يوفقنا و يتمم علينا و يرزقنا الذريهه الصالحهه ) قالوا اميين

 

[خلود ه]

سلام علييككم مبروووك الافتتاح انا معكم ودنا باابداع

انا قرب عرسي وايد كان شهر اثنين ظروف صارت وتاجل شهر خمسه


والحمد الله خييره
خلطاتي عن تجربه وبسيطه
هلوووسه بنات والله كل من شافني يقولون شنو مسووييه شنو الله مخليج جذي اقروا للنهايه وسر النهايه الجمال وماببي الادعواتكم عرسي يتاجلل وظروف وايد صارت لي دعواتكم يتم علي خير حبايبي


الشهر هذا باذن الله شريت مزيون وشقرا وايد حبيت خلطه مزيونه وشقرا
.............
بس خلوني ابد بجدولي اللي اول


استعمل ماي ورد كل صباح احط ببخاخ ماي ورد وحبوب فيامين سي

يجننن شد وتفتيح

هذي بحد ذاته تهلوووس شوي عليه شوفوا
ضيفي معجون الاسنان لصابونه الخاصه مالتج حده مو صج الخلطه من كثر ماهي حلوه ماخليت احد ماطليت بوجه وقلته لووول

وشوفوا لاتعبون روحكم عن تجربه طريقتي ابهرتني

خلطه مزيونه
انا اول استخدم حمام مغربي والدلكه السودانيه علي فكره انا بيضا بس رفيجتي وصتني علي الدلكه السودانيه حده رههيبهه
وشوفوا نعومه ولمعه اهل السوادن علي انهم سواد بس بشرتهم رهييبه


وكل اسبوع اسوي حمام بخار

الاسنون حده مو صج ممن خدامتي النبياليه

ضيفي الملح لمعجون الاسنان وخالقج سنوني صارت تلق مع الاستعمال اليومي طبعا مو بس يومي انا افرش ثلاث مرات باليوم
وبنات حق ريحه النفس يابنت حده مو صج رهيبهه
شربي نعناع واكلي بقدونس وجرجير وريحان
بنات اكلو الاعشاب هذي لين عرسكم تنظف المعده الاكل المتجمع واللي يصدر الروائح وبكتريا الفم كله تعطر >>سامحوني على الالفاظ

اخذته من دكتور بالـtv الله يوفقه


للاقدام فكس وفازلين وجلسويد وليمون


صابونتي صابون بيزلين يوم بيزلين يوم صابونه مره بالكركم حده رهيبه تشد وتفتح >>تلقينه عند مبارك الحواج وبكل حواج علي مااظن

واستخدام باالليل علي وصيه الرسول

واستخد لتنظيف العميق كلين اند كلير والحين استخد همالايا كل الماركتين يهبلووون
.....................
واستخدمت كريم بيزلين للتفتيح صارلي شهر عليه حاولي يمكن والله بـ <16 دينار او 12 دينار >>بنات لحد يشتريه حده عادي ماعطي اي نتيجه ابد
....................


زيت زيتون يوم ايه ويوم ادهن لا جسمي كله وانام والصبح اغسله بصابونه غار ومرات اخليه والله مااغسله تشربه البشره
يابنات اكرمكم الله خلفيتي فيها حب ووجفاف وركبتي حده جافه الله لا يوريكم سوء

صار جسمي لون واحد وركبتي صارت لينه ورطبه لا تشوفون حب بظهري من الحف كله راح اختفي بس ها جيبي زيت زيتون اصلي

.........................
الشعر يابنت اذ تبون طول ونعومه والله اهلي يقحصون وراي لوووول شنو مخلي شعرج جذي
بنات جيبوا
>>>
زيت زيتون وقطعي مكعبات فلفل حار ونقعيه ببطل ولا اي قاروره ليله كامله واستخدميها انا صراحه خليته يومي

وتكثير الشعر خصوصا مقدمه الرأس استخدمت خليط من زيت الخروع وزيت الزعتر خلطه دكتور مصري يعلم الله طلع شعر صغير بمقدمه رأسي ومريحه حده وتوني ببدايه الطريج

...........
واستخدام خلطه الجايده تهلوس تجننن يابنات مااعرفها الحين لانه الوالده سوتها لي ومن غير شر الوالده مو عندي
..........
والحناء مع سدر وقشور البصل وزيت عافيه رهييييييييبه الحناء يابنات حده مو صج طلبته من عند بياع الاحمد والله يابنات خخخخوش حناء رفيجتي علمتني عليها وطحنا فيها انا وخواتي ورفيقه روحي بنت اخوي
واستعمل كل اسبوع بس ريحته شوي بس جد تكثر
ذنبه الخروف من عند القصاب ذوبيها وحطيها علي راسج وسمن الغنم بعد يابنات غابه غابه يكثر الشععر
>>>>>



وبنات بلييييز لا تنقعون حالكم بالزيت والله الخدامه تضحك تقول مدام ليش جذي تقول تسبحي وحطي شويه زيت
وشوفوا شعورهم مايحتاي اقول



وبنت اخوي عروس شعرها يهلوس والله تقول زيت زيتون مقري عليه وانقع فيه حلبه عشر ايام وتستخدمه

.................................
ولاتفوتكم من ملكات الغرب كانت مشهوره بجمالها فكان الكل يتمني جمالها شد ونضاره ولمعه

فجن الخدم ونساء القصر شنو هالخلطه وبعد مراقبه وفضول
اكتشفوا انها تاخذ تفاحه من مزرعتها وتضيف عليها عسل اصلي وخل نقي وحليب بودره
والسر بين يديككم لا تبعدين اخلطي شنو خسارانه
وسويته 3 يوم بانت اللمعه حده تهبل ومستمره باذن الله لين ععرسي
....................


استخدمت سوده كريم من الصيدليه مع لوز الحلو والله جد اختي بعد عمري وظيفتها تجبرها تشتغل تحت الشمس وبااساعات صارت كويحه تستعمل هالخلطه معي تفتحت بشرتها وصارت تجنن انا الحب خف وسواد تحت عيوني راح



لا ترحون بععععيد بصدع رووسكم

اختي متزوجه يوم عرسها عانت من الحب بوجها والله مو حب يابنت فقع فقع بوجهاا لوووول اشتهيت الفقع خخخ



تدرون شنو سوت راحت فحصت الفيتامينات عنده شنو ناقص وشنو مو ناقص الزبده


راحت شرت اوميجا3 من الصيدليه وكبسولات كلسيوم
وفيتامينات a وd

وحبوب لنقص الحديد

والله الحبوب راحت الحفر اللي بالوجه اختفت ولاجنه اختي العروس اللي امس متضايقه من الحب اللي بوجها

لان حنا اكلنا خياس مو صحي مطاعم ودهون زايده الحمد الله علي النعمه وفيامينات صفر بالجسم
عشان جذي افحصي شوفي شنو ناقص شنو زايد واكلي

من عندي من غير فحص

اوميجا3 ممكل غذائي ورهيب

 

[خلود ه]

انا كل شي عندي اوكي



بس تسريحه شعر مالقيت بلليييز ساعدوني حبايبي:eh_s(2):


ومابي اوفر ودي ناعم ويجذذب وعلي عام 2013

 

[خلود ه]

اميره يابعد عمري انا باذن الله مو فندق الميزانيه كلش مو شي

انا عند لمسه فن

 

[هدوووشه]

صبااااااح الخير

ضحكة شفاي تسلمين قلبي بدور عليه

الكلثووم .. لاليك هذا صالوون عندكم ؟ والله نفسي اسوي غير الكراتين بس خووفك يطيح الشعر ونا مو ناقصة

خلوودة مشاءالله حلووة عنايتك الله يقوويك ويتمم لك ولنا على خييير ياااااااارب

بشهر 5 يعني اي شهر يمكن الاقي وووحدة وووياي

اما انا بشهر يونيو ومادري متى ابدأ ياربي خوف قلق وماني عارفة اسووي ولا شي

بس مهتمة بشعري ..

 

[ضحكة شفاي]

اميره بحلاهاا حٍيآتــي آْنَــتي فديت روحج والله
للاسف للحين ماتحدد مټــى !!
بس بعد رمضان مو قبله




هدوشه
ربي يسلمج ولو ماسويت شي




خلوده
تبارك الرحمن عنايتج تهبل بس استمري عليها وعسى الله يتمم لج ع خير يارب

 

[ضحكة شفاي]

هدوشه عمري ســۆڑي الكريم اسمه بريلكريم مو نفس ماانا كاتبته اول

 

[ضحكة شفاي]

بنات حبايبي مّنــو تقدر تفيدنياناا بستخدم خلطة انل بس بستبعد الليمون
بس فيتامين سي الفوار شلون اخليه يفور؟!.

 

[اميره^_^بحلآها]

خلودة اهلين فديتج و حياج الله بين خواتج يالغاليه ..~ اذا تبين لمسة فن روحي مال موفنبيك لا تروحين مال الرقعي لانه مال الرقعي لووعه صراحه حق تخريع جنه ساحره والله اما مال الموفنبيك في صج خبيره مكياج و تعرف للوجه << والله يوفقج يقلبي و انشوفج احلا عروس فديتج
ضحكهه واااي واايد بعيد عرسج المهم الله يوفقج و يهينج انشالله نصيحه من اخت لج خلصي من لبس الشقه و اذا مالج خلق اتسوين خلطات اشتري من مزيونهه وشقرة و اذا ع الدوره بنات لازم في هتمم لانه حلاة تكونين من برا حلو و من دخل بعد عشان زوجج و عشان نفسج ولحد يقول مالي خلق باجر بشنو رااح اتفيد كلمة مالي خلق لمن اتصيرين عند زوجج

 

[الكلثوم]

هدوووشه
اي لاليك معروف وثقة انا اساساً عندي تساقط بس مالاحظت انه كثر نفس كمية التساقط عادي

خلوده
الله يعينج احس عنايتج اتعب حيل
ماحب سوالف خلطات اسويها كلش مالي خلق وماعتدي ايمان انها تنفع
الا زيت الزيتون الاصلي بروحه يهبببل للجسم والشعر وااااو واخلط معاه مرات زيت ورد

اميرة
تو عرفت سعر حنان النجادة اشدعواااااا حيل اوفر السعر
كان حلمي مكياجها وسيظل حلم لن يتحقق ="(

 

[اميره^_^بحلآها]

الكلثوم بعد قلبي ليش حلم حبيبتي روحي حق اي وحدهه و قولي لها ابي نفس ستايل حنان نجاده او الطاف الخلف و قولي لها ابي تركيز ع عيوني ..~
ترا سهالات الموضوع ما يسوئ اتحطين ابخاطرج شغلهه و ترا ع فكرهه الحين لو اتشوف اغلب البنات الي بالعروس ستايلهم نفس ستايل حنان نجاده و ترا جدا سهل ما يبي له شي بس سبحان الله الحريم اهم شي عندهم الفلوس الله يهديهم بس
بنوتات الي تبي حسابي بالانستقرام تقولي و اعطيها فديتكم و عالفكره خاطري اتعرف عليكم كلكم والله

 

[الكلثوم]

اميرة
جربت سماهر الي طالعه من رشا شيك تهبل مكياجها ذرب وناعم
حتى حطتلي كريم اسمر شوي اغمج مني طلع واااو
بإذن الله لي تحدد عرسي بحجزها واحلا شي ان تسويلي بالبيت
انا نظامي مزاجيه وبسرعه اتنرفز ماحب اروح صوالين والناس تخزني بالبيت راحه نفسية

 

[اميره^_^بحلآها]

الكلثوم تبارك الرحمن عليج عجبني تفكرج تدرين انتي نفسي انا تلوع جبدي من البنات الي بصالونات قطع لوعة جبد كل شوي وحدهه تجي وتقول ابي اشوف مكياجها …~ عفيه عليج فديتج والله يوفقج و يهينج بحياتج الجديدهه فديتج وانشالله يتحدد عرسج انتي و ضحكه فديتها ( موفقين باذن الله )$$

 

[al_sheikha]

حنان النجاده 550 !!!!! بس مكياج !!
شدعووووه ماتوقعتها جذي

 

[ضحكة شفاي]

حٍيآتــي اميره هو صج مطول بس والله الايام تركض ماتحسين فيها!

انا شاريه من جراس بس مو ملتزمه فيها ناطره إِنْ شـِّآءٱلله يخلص الشتا وابلش صح


بالنسبه للتجهيز ماادري مټــى ابلش محتااره والعرس بعد للحين ماتحدد ماادري شسوي بصراحه


وانا بعد نفسي اتعرف عليچ حٍيآتــي آْنَــتي تشرفني معرفتج


عطيني اكاونتج عشان اضيفج

 

[al_sheikha]

بنات شفت وحده بالانستغرام حاطة صورة لصناديق هديه لمرة اخوها
بسس شنو صناديق ! تجنننننننننننن اللون روووووعه وجريئ شوي اوف وايت والكتابه بالاصفر
فكرت فيها احط اغراضي فيها لما يودونها للشقه
أقدر احط الصورة !!!

 

[al_sheikha]

ضحكة شفاي

مثل حالتي للحين ماتحدد بس يمكن بعد العيد