ردينا خلاص ردينا .. فاونديشنات ثابتة و عملية و للعروس و الحفلات

[Mrs_Orchidia]

الـــــســــلام عليكم و رحمة الله و بركاته
:eh_s(17):​

عدنا و العود أحمد .. شلونكم يا خواتي و صديقاتي الكويتيااات ؟ ولهت عليكم وايد
ولهت عالمنتدى و على ركن المكياج حييييل حييييييل!!
احس كل شي مثل ما تركته موجود ينطرني .. بس كل شي صار احلى و ارقى​

حب البنات للمكياج زااد و ابداعاتهم تبارك الله ما تنوصف .. عسى الله يحفظكم حبايبي​

اول شي حق اللي ما يعرفوني ... انا عضوة اثرية بالمنتدى .. كنت ما انزل مواضيع اللا بهالركن الجميل .. بس انشغلت من مدة مع الجامعة "ليلحين شاغلتني لول" و انشغلت بعدين لما صرت مساعدة مشرفة ركن الازياء .. و اخر شي انشغلت لظروف شخصية خذتني من النت بكبره​

و اهم شي اخذني منكم اهو "انستقرام" !! صج خلاني ما ابطل قوقل .. و اللي زاد الطين بله ان الاي باد ما يساعد على تحميل الصور فأحس ان ما مني فايدة!! لووول​

المهم .. اشتقت لكم و رديت لكم .. و ان شاءالله ردتي تصير ممتعة و مفيدة لكم .. بس عاد لا تقصرون بالمشاركات و التشجيع​

بشارككم بخبراتي الي تعلمتها مؤخرًا .. و ان شاءالله انا مستعدة اجاوب على كل استفساراتكم​

موضوعي اليوم عن مكياج الوجه + بيس الشدو
اللي اهمه صايرين اهم الاغراض اللي استخدمها​

بسم الله نبدا​

اول شي الفاونديشنز (الاستخدام العملي / اليومي )​

​

من اليمين فوق​

لورا ميرسييه ! :eh_s(21): مرطب ملون مع حماية من الشمس بنسبة 20% خالي من الدهون
تغطيته خفيفة و يعطي لوك فريش ديوي​

شقول و شخلي عنه !! رووووعة روووووووووووعة!! مثل ما قات تغطيته خفيفة بس انا احس متوسطة .. لان الاحظ ان يغطي و يرطب و يغطي المسامات
صج احس ويهي مرتاح لما احطه .. للأسف مو موجود بالكويت و الي تسافر ضروري تجرب و تاخذ من هالماركة كثر ما تقدر !!! كل شي عندهم حلو​

شوفو هذا swatch من النت
​

اللي بعده​

فاونديشن بيبي كريم من ميشا .. تكلمت عنه بموضوع قديم .. وايد حلو
يرطب و يعطي لوك ديوي و يغطي المسام و تغطيته FULL كان ينباع بدبي بس بادي يختفي
وايد يبيعونه بانستقرام
وايد حلو يطول عالبشرة ما يرح ماشاءالله و سعره فيه .. عيبه يقلب رمادي ساعات خاصة اذا كثرت الكمية الي احطها .. سو كل ما قللت كل ما صار احلى​

ريفيو من النت
​

ترى مو مبالغين بالصور .. صج جذي يغطي​

اللي بعده .. للاسف ماكو منه بالكويت و لا بالخليج .. و لا لقيت ريفيو عنه بالنت
ماخذته من ماليزيا ب30 رينقيت يعني اقل من 3 دنانير ... اينننننن :eh_s(15):
حلو تغطيته خفيفة و فيه حماية خالي من الدهون .. و يخفف من البقع مع الاستخدام​

الي تروح ماليزيا وللا سنغافورة تلقاه عند الصيدليات الي من طقة بووتس​

اي صج اسمه سيمبليستي بي بي كريم من كولكشن HD Clear solutions​

اللي تحت .. هم اعتقد تعرفونهم .. موجودين بسيفورا الافينيوز من توفيسد
الي عاليمين بيست اوف تووفيسد .. لازم استخدمهم .. كلهم واحد احلى من الثاني
احط بال finishing باستخدام فرشتهم
اللي يمه من نفس الماركة اسمه ليوبارد لوف ... بلاشرات وايد حلوة
الوان طبيعية و لمعة تينن .. تصلح تحطونها مع البيبي فاونديشنز الي تكلمت عنهم فوق
و عادي وايد فرش اسنخدمها معاهم​

تابعوووني لفاونديشن المناسبات .. الصدمة _03BA:​

 

[Mrs_Orchidia]

الحين بالبارت هذا راح اقولكم عن طريقتي بفاونديشن العروس​

الفترة الاخيرة كنت اروح الصالون اذا صارت مناسبة
و بصراحة لاحظت ان كل اغراضهم اللي يستخدمونها عندي اياها او عندي مثلها!! قلت ليش ما اجرب ؟؟ انا كنتا اتشري و ما استخدمهم وايد
لو تلاحظون مواضيعي كلها مكياج عملي او حق طلعات​

بليز شوفوا الصورة​

​

الفاونديشن اهو المسدوح جدام​

المهم .. الحمدلله الحين تطورنا :ggdw: و صار الفاونديشن مالي بروفشنال​

تغطية حلوة و قوية و ثااابت
و الحمدلله لوني يتوحد .. صج وايد زين​

قلت من شوي ان الفاونديشن صدمة ... ليش صدمة!!؟​

لان الفاونديشن اللي استخدمه شاريته من الهنوود ب دينارين و نص و الله صج ما ابالغ
لقيته بمحل و مادري اذا اصلي او تقليد بس المهم ان زين​

عيبه ان يطلع لي حبوب .. فما استخدمه وايد بس بالمناسبات​

اسمه ديرماكول Dermacol​

بنات الي عندهم اياه و مو عارفين له .. ترى نقطة منه تكفي .. حطوا منه لمسااات عالبشرة و ورزعوه ... و شوفو شلون التغطية العجيبة​

طريقتي بفاونديشن المناسبات​

1- احط بيبي كريم وايت .. شريته و طلع تغطيته حيل خفيفة يصلح كـ بيس اكثر من فاونديشن و لونه فاتح .. فخليته بيس .. ترى حلو للي بشرتهم بيرفكت مافيها عيوب
(( أوزعه بايدي ))​

2- اوزع الفاونديشن العجيب (ديرماكول) اوزع نقط على ويهي و رقبتي و احيانا انزله تحت بعد حسب اللبس
اوززعه بالبداية بايدي و اعدله بفرشة مالك 187 او اخذوها من اي ماركة ثانية​

3- من باليت الكونتور من كوستال سينتس .. احط من البودرة اللي عليها رقم 3 بالفرشة الوردية من ريل تكنيكس .. توزيع عالخفيف يثبت الفاونديشن و لون البودرة يناسبني الحمدلله​

شوفو البودرة الي يمها الي لونها أبيض احطها تحت عيني تسوي هايلايت حلو و طبيعي​

عموما الباليت هذا حلو .. هم وايد يبيعونه بانستقرام .. و صج انصح فيه :eh_s(15):​

اخر شي احط البلاشر و امسح الميك اب الزايد ... و ارش فكس من ماك​

باختصار .. طريقتي بفاونديشن المناسبات :
1- بيبي كريم تغطية خفيفة
2- ديرما كول مع فرشة ماك 187
3- بودرة مضغوطة من كوستال سنتس مع فرشة رييل تكنيكس​

اي سؤال .. انا حاضرة و من عيووني​

نكست .. أحلى بيسات الشدو اللي استخدمتها مؤخرا
:eh_s(22):​

 

[Mrs_Orchidia]

بيس الشدو​

مهم .. وايد مهم للي يحبون الشدو و الالوان و انا منهم
حتى لو نوعكم تحطون شدوات الوان ناتشورال .. حللوين انهم يبرزون اللون و يثبتون الشدو حتى لو كان بدينار
و اذا كان الجفن دهني .. لازم لااااااااااازم تحطون بيس عشان ما يخطط عالجفن​

شوفوا الانواع الي اعشقها و ما اعيش بدونها :eh_s(22):​

​

1- بيس لورا ميرسييه
بتذبحني هالماركة ! :eh_s(11): احسن بيس استخدمته بحياتي ...
ما حطيت ريفيو من النت لان الصورة بتصير شدو فاتح و يمه شدو غامج يعني before & after بس اهو وايد اكثر من جذي
يخلي لون الجفن حلوو و مشرق
احطه على كل جفني و اوصله لي عظمة حاجبي .. حلووو يبين اللون و ينعم الجلد فيساعد عالدمج
بنات وايد حلووووو .. انصحكم فيه​

2- بيس للشدو و الحمرة من مكياجي .. حلو للحمرة اكثر بس هم رووعة للشدو
يثبت و يطلع اللون بس يبيله على ما تتعودون عليه لان جنه جل و يلزق
فاللي بتستخدمه تحط منه شوية شوية لما تاخذ عليه
ثابت و ما يخطط و لا يدهن بس ما يساعد عالدمج​

3- دييقو دالا بالما اي شادو فكسر .. اينننن عجيب للتثبيت بس مشكلته من كثر ما اهو قوي حيل .. وايد يلزق نفس مال مكياجي
بس اضعاف التلزق .. و اذا نشف مستحيل يرووح ... لونه شفاف و يطلع اللون عدل بس ما يساعد عالدمج
احس انه اساسي عندي .. سعره 5 مادري 6 دنانير موجود بوايد اماكن بس كله خالص
حصلته بمعرض العطور ركن بيضون​

4- بريب اند برايم اي شدو بيس من ماك .. تقريبا قريب من بيس لورا ميرسييه ... اينن وايد يثبت و ينعم الجفن
بس احس بعد ساعات شوي شوي يدهن الجفن و يخطط .. حلو و متوفر للجميع
انصح فيه :rerrerek:​

هذه نهاية موضوعي .. اتمنى اني افدتكم و ماطولت عليكم .. سامحوني عالقصور و عالقرقة لووول​

اي سؤال انا حاضرة
:eh_s(7):​

 

[بنت العقربيه]

مشكورة ياعسل تخلصينهم بالعافية
موضوع مشوق قريت كل تعليقاتك
لك وحشة نورتي المنتدى

 

[حلآوهـ حلوهـ]

مشكوررره على الافاده حبيبتي
ويعطيج العافيه

 

[الأميرة ريماس]

هلاااا وغلاااانورتي المنتدى ولكمممممم باااك ؛******
انا للمناسبات شاريه كريولان العصار الطويل فيتا كلور
ما استخدمتة للحين مفكره احطه واحط بعده كريم خفيف أو ادمجه بكريم اساس آج دي سمعت ليلى هارموني هذي طريقتههمم
وبعيد عن الموضوع ياليت يرد منتدانا مثل اول أحس الكل حول انستقرام
مشكورة على الجهد مس اوشيد

 

[قاهره عذالي]

مشكوره

بس ترا مافي صور

 

[أحلى قصة]

مشكوره

 

[Mrs_Orchidia]

مشكورة ياعسل تخلصينهم بالعافية
موضوع مشوق قريت كل تعليقاتك
لك وحشة نورتي المنتدى

مشكوررره على الافاده حبيبتي
ويعطيج العافيه

هلاااا وغلاااانورتي المنتدى ولكمممممم باااك ؛******
انا للمناسبات شاريه كريولان العصار الطويل فيتا كلور
ما استخدمتة للحين مفكره احطه واحط بعده كريم خفيف أو ادمجه بكريم اساس آج دي سمعت ليلى هارموني هذي طريقتههمم
وبعيد عن الموضوع ياليت يرد منتدانا مثل اول أحس الكل حول انستقرام
مشكورة على الجهد مس اوشيد

مشكوره

بس ترا مافي صور

مشكوره

ثااانكس عالمرور و الردوود الحلوة مثلكم :eh_s(17): ان شاءالله اكون افدتكم
الاميرة ريماس نصيحه جربيه بروحه لا يطلع اوفر و يصير شكلج مو شي ليلى هارموني اساسهم خفيف انا حاطة عندهم كذا مرة اقصد يغطي بس مو ثقيل
و الله اعلم

:eh_s(7):

 

[foshia girl]

welcome back

حياااااتي اشتقناااالج وااااايد .. واشتقنا حق مواضيعج الحلوووه فديت قلبج ,,

المووضوع عجيب خصوصا بارت الفونديشنات ,,

يعطيج العافيه حبي وموفقه ياحلووة :*

 

[انا special]

مشكورة ويعطيج العاافيه حبيبتي:eh_s(17):

 

[~ مطنـووخــہ]

موضوع دسم ,,, يعطيك العااافيه
من زماااااااان عندي ديرماكول واستخدمه للاعراس فعلا روووعه انا اخلطه مع الفاونديشن ,, اللي عندي لونه ذهبي
ممكن نكك بالانستغرام ياحلوه ؟؟

 

[Sweet Angle]

بعد عمررررررررررييي الف ولكم باك مو بس وحده
مواضيعج تهبل بهالقسم وللحين مانسيناها
للحين ماقريت الموضوع ورديت عليج من ونااااستي
الله يعطيج الف عافيه حبيبة قلبي لا تقطعين عنااا كلللللللش ابداعاتج اللا متناهية

 

[دانة_ دبي]

موضوع حلوو

بس سؤالي شو نوعية بشرتج لان بشرتي دهنية ؟

 

[عزوتي خمس صقور]

مفكره من زمان اشتري الديرما بس ماشفت تجارب بالمنتدى
ومو عارفه اخذ لون يناسب لي انا حنطيه فاتحه​

 

[xxx]

مشكورة على الافادة

والحمدالله على السلامه

 

[Mrs_Orchidia]

welcome back

حياااااتي اشتقناااالج وااااايد .. واشتقنا حق مواضيعج الحلوووه فديت قلبج ,,

المووضوع عجيب خصوصا بارت الفونديشنات ,,

يعطيج العافيه حبي وموفقه ياحلووة :*

عساج ماتفقدين غالي حبيبتي .. و انا هم واايد اشتقت لكم
و لما تركت المنتدى انتي كنتي مختفية بس الحين موجودة الحمدلله و منورة بعد

مشكورة ويعطيج العاافيه حبيبتي:eh_s(17):

العفو و البه يعافيج ياحياتي .. حياج الله

 

[Mrs_Orchidia]

موضوع دسم ,,, يعطيك العااافيه
من زماااااااان عندي ديرماكول واستخدمه للاعراس فعلا روووعه انا اخلطه مع الفاونديشن ,, اللي عندي لونه ذهبي
ممكن نكك بالانستغرام ياحلوه ؟؟

الله يعافيج حبي .. نكي pinkmaiooonaمكتوب بالتوقيع

بعد عمررررررررررييي الف ولكم باك مو بس وحده
مواضيعج تهبل بهالقسم وللحين مانسيناها
للحين ماقريت الموضوع ورديت عليج من ونااااستي
الله يعطيج الف عافيه حبيبة قلبي لا تقطعين عنااا كلللللللش ابداعاتج اللا متناهية

واااي زووغة :eh_s(22): احلى رد والله حبيبتي الله لا يحرمني منج يارب
ان شاءالله يعجبج الموضوع و تستفيدين منه و اي شي تبينه لا يردج اللا كيبوردج حبيبتي

موضوع حلوو

بس سؤالي شو نوعية بشرتج لان بشرتي دهنية ؟

عيونج الحلوة ياقلبي .. بشرتي دهنية يعني الموضوع يصلح لج :eh_s(15):

مفكره من زمان اشتري الديرما بس ماشفت تجارب بالمنتدى
ومو عارفه اخذ لون يناسب لي انا حنطيه فاتحه​

جربيه بس استخدميه بحذر لان ثقيل لدرجة رهيبة


حياكم الله بناات .. نورتوا الموضوع بردوودكم والله اني احبكم في الله و ودي اعطيكم اكثر و اكثر
:eh_s(17):

 

[Mrs_Orchidia]

مشكورة على الافادة

والحمدالله على السلامه

وااو حي الله مديرتنا :eh_s(9): نورتي حبيبتي

العفوو و ان شاءالله استفدتي .. الله يسلمج و يخلييج يارب

:eh_s(17):

 

[mrs.abk]

أهلا مس اوركيدا .. كنت أتابعج وأرد على مواضيعج بس بيوزر ثاني .. غيرت اليوزر لظروف


مشكووورة .. برجع بعدين أمخمخ على موضوعج براحتي