شنو الشغلات اللي تذكرج وانتي عروس !؟

[قلب الزعابي]

الفندق اللي عرسنا فيه كل مانخطف من صوبه نطالع بعض ونضحك
ماليزيا لان هناك شهر العسل
كريم خذته من نعومي لان كنت احطه يوم سافرنا
وايد أشياء

 

[lferj]

اب
اب

 

[أثير88]

عطر ايلي صعب ومس ديووور يذكروني بعررسي
واجوااء الشتااا لان عرسي كان بعز البرد
يا حححلو ايااام عرسي يا ليتها تنعااااد
وطبعااا فندق روتانا المنشر لان قضينا اول ليلة فيه

 

[اميره^_^بحلآها]

الله يهينكم ي رب

 

[شطانه طفله]

انا عطر ريبيرتو كافيال احبببه لان كنت كله ارشه بفتره الخطبه

 

[شطانه طفله]

وفندق ميسوني بكل مافيه احبه

 

[نـعـومـه]

الفندق اللي عرسنا فيه كل مانخطف من صوبه نطالع بعض ونضحك
ماليزيا لان هناك شهر العسل
كريم خذته من نعومي لان كنت احطه يوم سافرنا
وايد أشياء

واي نفسي

مااليزيا تذكرني لان شهر العسل

كريم معين كنت احط منه لما سافرت

وفندق العرس

 

[نـعـومـه]

الله يهنيكم بنات

 

[دانة_ دبي]

:eh_s(11):مجلس بيت ابوي ---> يذكرني بأيام الملجة و خرابيطنا السوداء الله يستر ع الجميييع
اغنية ع بالي حبيبي اليسا------>> يذكرني بيوم العرس
أغنية ابو بكر سالم - يا طير ------>> يذكرني بزوجي و هو عايش جو ثاني ع الكوشة :eh_s(9):
سرى سرى
البحر ------------> بشهر العسل و ايام كنت اسبح ف البحر
بدون ما حد يشوفني ولابسة لبس اسلامي كامل من فوق ل تحت
تقولين اثيوبية مهربينها هههههههههههه
عطر جفنشي الكرستال -------->> يذكرني بهدية من شخص راح عني من سنين طويلة
المطر ------->> يذكرني بأول يوم عرفت اني حامل ببنتي
بحر الممزر دبي ---->> يذكرني بأيام الخطبة اقعد افتر ع البحر عشان افكر و استخير بالساعات هههههههه
سكي دبي ------->> اذكر قعدت اتفلسف بتزلج و طحت طيحة الله لا يراويكم و كلما امر اضحك



الحمد الله اني خبلة

 

[orange blossom]

رمضان 2005 لأنه صار بعد العرس بأقل من شهر
و اغنية سلمان حميد "ياللي على البال" كانت توها هبه
و جم عطر مو ذاكره اساميهم
شاطئ الشويخ
و عزف الناي اللي كانو يحطونه اذاعة الكويت وقت الأذان... هههه كنت احب اسمعه
و الضجيج لأن كنا نأثث شقتنا
آآآآه ذكريااااات

 

[يآسمينه]

عطر ماغنيفك من لانكوم عطر زواجي

حنا رشنا النقش الهندي

اغنية عمرو دياب ده اللي كان نفسي فيه اهداني ياها بليلة الحفله

و عطور واجد استخدمتها بفترة الخطوبه

 

[صعبه]

عطررررر ايلي

وواغنية ذبت اشكره :krkrkr:

 

[استعجلت الرحيل]

الله من ايام متي تعود ذيج الايام

أتذكر اول يوم دخلت بيتهم وثاني يوم نزلت عالغدا بروحي ريلي كان نايم ومستحيه وانا اتغدا لاول مره مع ناس غرب علي

وأتذكر اول فلم دخلته معاه 7 ورقات كوتشينه مال روبي بمصر

وستار اكايمي الاول بشار ومحمد عطيه وعطر ديور ادكت كل ماحطيته ريلي يقعد يعاطس خخخخخخخ

وأغنيه البرتقاله عراقيه ايام عرسي
وأغنيه العيون شلون أملها رقصت عليها بحفلة ملجتي

وايد أشياء وباليتها تعود ويرد ريلي اللي قبل

 

[نـعـومـه]

ماااشاءالله

صج ايام لها رهبتها انا تيلي رعشه لما اذكر شغلات اللي تذكرني باول ايام زواج

 

[ليدي بجد]

اممم. اغلبكم جداد. قريب متزوجييين لا انا ذكرياتي معتقه. . يعني الحين سعرهااا غالي ههههه


عطر شانيل نمبر فايف. يذكرني بشهر العسل غررررررررررامي هالعطر


فندق الهلتون. كل ما نمر جنبه أتذكر اول ثلاث ايام بزواجي


ماليزيا. اول ماقرا الاسم صدفه او حدث يذكره يفز قلبي طبعا شهر العسل


عطر ديور وبودرته يذكرني بفتره الملكه خصوصا انها كانت هديه منه كنت اغرق نفسي واقابله وكل ماطلعت أجيب شي رشرشت هههه


المعلبات كلهاااا جبن وقشطه والخ. هههههه تذكرني باول سنه زواج >>> تعاملنا معها بشكل مكثف هههههه بطنا تخمر هههه


شقتنا شقه المعاريس. كل فتره طوييييله نمر عليها ويعترينا شعور غريب حنييين وحزن واحنا مبتسمين ونطالعها ونطالع بعض>>>تصدقون اعتراني الحين شويه حنين وانا اوصف. ههههه الله يسامح الي فكرني هههههههه


مجلس بيت اهلي. يذكرني بايام الملكه احم احم بس غيروه من كذا سنه ولونه مخالف تماماً للأول. حمد ربي لاني كل مداخله مع احد من اهلي الذكورر اشعر بخجل. وكانه كان يسمع ويشوف ما دار فيه هههههه

حلق(تراجي) فضي مدور نفس تبع البقرة الضاحكه. بس عشان تفهمون مؤ انا بقره ضاحكة لااااااا هههههه. هذا يذكرني بايام الملكه. طب ليييه؟بصو معايييه

الله يسلمكم هذا ايامها لما كنا بالمجلس إياه. وكان ماسك وجهي بايدينه الثنتين. ويتغزل مو يسوي شي ثانييي لااا والله ههههههه وحسيييت ان فيه احد بيدخل نطيييييت مفجوعه بسرعه للكنبه المقابله. شوي استنى محد دخل طلعت اتوهم. طالعت فييه لقيت مستغرب ويده الثنتين للحين مرفوعة بنفس الشكل كان وجهي بينهم هههههههههه والمصيبه الحلق الفضي(الترجيه)وحده منهم معلقه باصبعه الكبيير ههههههه من الخرعه ما حسيت بألم انسحاب الحلق من اذني هههههه


المكوى البخاري. استعملته بثالث شهر من زواجنا على اساس اني ما اعرف أكوي بالعادي وهذا سهل وفعلا فرحت بسهولته الي صار انها كانت اخر مره اكوي فيه لاني حرقت نفسي حرق محترم ووداني زوجي المستشفى وهو خايف وطواري وحاله وفضايح الهم وصار وجوده بالبيت تذكار يشهد بفشلي مهما قدمته التكنولوجيا لي من تسهيلات هههههه تصدقون كل ما طالعه احس يقوليي فاشله ويضحك هههههه. بس صدق ايامها تفشلت وزوجي كان يضحك علي


الروج الاحمر. يحسسني اني عروس لاني كنت دايم احطه>>نعم لا تستغربون قضيت أحلا سنه بعمري وانا مأكله طفل


رقصه السامبا والي كان زوجي يحاول يعلمني عليها بس فشلت محاولاته>>السامبا السعودي طبعا



يا كثر ذكراياتي بس مابي اصدعكم اكثر

 

[مهووي الخجولة]

عطر توباكو فلاور من بدي شوب و عز الصيف

 

[كادي سويت]

عطر كريد الابيض وعطرفلور بمب وخلطة زينة الفرش من الرصاصي ودانتيلا من الشايع وموس الرمان من الخباز وزهور الجره

 

[ميممآإ]

انا فندق الموفنبيك و سبحان الله تقريبا كل شهر نأخذ لنا غرفه فيه بس كل ما دخلته حسيت برهبه اذكر اول ليله لووووووول

 

[انصاريه قمره]

اغنية راشد الماجد تنحط عالجرح يبرى وااغنيه كاظم الساهر ها حبيبي
وعطر باريس هلتووون البنفسجي معنه كان عندي عطور وايد

 

[t.o.o.ot]

]]انا باقولكم بس لاتضحكوووووون
الزير سالم يذكرني بعرسي
ايااااااااام