اللي تسااعدني ..الله يبلغها هي وعائلتها رمضــــــــــان ويجعلها من عتـــقاء النار @@

[فديت أبوي وأمي]

السلام عليكم ...

اخواتـــــــــــــــــــــــي انا بنت ومااهتم ببشرتي ابدااااا ...:eh_s(11):..ومااحط لها اي مرطب او اي كريمات

لاني مااعرف شيء ولا افهـــــــــــــــــــــــــــ ـــم في هاالاموووور ....

انا سمراااااء وحابه افتح بشرتي لانه احيااااااان اشوف بنات لونهم اسمر لكن بعد فتره تصير بشرررتهم اااافتح بكثير من قبل .....


ساعدووني ببشرتي كيف اغيرها يعني متى احط كريمات مفتحه او كريمات مغذيه للبشره واشلون ارطبها؟؟ومتى انظفها ابدااا مااعرف في هاالامور؟؟:bbbiu:

ياليت تعطوني اسماء كريمات مفيده بس تكون بسعر رخيص او مناسب ماابغى شيء غاااالي ....:eh_s(2):

حتى جسمي اسمر غامق ونفسي افتحه .....بس مو عارفه كيف؟؟؟؟؟؟؟؟؟؟؟؟؟؟؟

 

[طيبة83]

لجسمك استعملي زيت اللوز باليل كل يوم

ولوجهك استعملي له كريم اولاي

قبل تبتدين سوي تنظيف بشره في عيادة وحمام مغربي

 

[غيم الصباح]

لازم تروحين لطيبه بشره. أهي الي تقدر تحدد انتي شو تحتاجين
والله يوفقك

 

[الباسمة الخجولة]

استخدمي الخلطه الصابونيه لمزيونه وشقرا
وكريم دلال اطلبيهم من عندها روعه للجسم

 

[نوفآ]

اول شي ابيج تدعين لي الله يتمم علي حملي للشهر ااتاسع بصحتي وعافيتي وصحة الجتبن وعافيتها ويرزقني ببولد اخو لبناتي وراحة البال
والتوفيق بالدراسه والحياة

اول شي يا قلبي شنو نوع بشررتج ؟

اشتري غسول من كلين اند كلير
اذا دهنيه الى مختلطه استخدمي الغسول الاخضر للتحكم باللمعان
واذا عاديه عندج البرتقالي بفيتامين سي والاصفر
اختاري اللي يناسب بشرتج

وحطي ماي ورد بخاخ بعد كل صلاة والصبح والليل وخليه بالثلاجه
واذا تبين تفتيح ونضاره حطي ثلاث حبات فيتامين سي بماي ورد لما يفور عدل وعبيه بالبخاخ وحطيه بالثلاجه وبخي كل مره

و المرطب للوجه في من كلين اند كلير للنضاره فيه منه انواع ع حسب نوع بشرتج و يمدحون لوريال و بوندس شوفي شنو يناسب بشرتج

و للتبيض كريم الدوكين و في كريم فير اند وايت للتبيض كلهم من الصيدليه ، اختاري واحد منهم

و عندج مجموعة مون لايت من قراس اطلبي الصابونية والسنفرة لا تطلبين الكريم لانه شوي ثقيل الا اذا بشرتج جافه اخذيه

للجسم اخذي من قراس صابونية لالئ ،،


الحين الجدوول :
بالليل : غسلي وجهج بصابونية مون لايت و سنفرة مون لايت
وحطي كريم التبييض ونامي

الصبح : غسلي بغسول كلين اند كلين
رشي وجهج بماي ورد
وحطي المرطب

هذا بالنسبه للوجه



للجسم عندج سنفرة الحليب من العطار والصابونية ورطبي بلوشن نفتح او لوشن لالئ من قراس

للركب والاكواع : اذا تبين تقشير ريتن اي ورطبيهم اذا غسلتي من الكريم وممنوع التعرض للشمس

و سلامتج ي جمييله

 

[M!SS.LOBY]

روحي للدكتورة العناية بالبشرة

 

[baby lotion]

لجسمج ابدي تدهني بالزيوت والترطيب والسنفره وهيك ماسكات بتلاحظين فرق

بالنسبه لويهج مانصحج تاخذين نصيحة احد يمكن البنيه بشرتها حساسه او دهنيه والكريم ما يناسبج

روحي لدكتور جلديه

 

[سنفورة كيوت]

صلي الاستخارة قبل اي شي تسوينة حبوبة عسبت ربي يبعد عنج الضر ويقرب لج الخير
للجسم عندج خلطة داهية وخلطة فيتامين سي وقت النوم
ويهج استخدمي كريم رتن من الصيدلية معا كريم الدوكين 4 وافالون مدة شهر بس وقت النوم

وقت الشور لازم ليفة واي صابونة تناسبج مثل بابايا واشتري اي سنفرة جاهزة
بس لازم لازم لازم تشترين وااقي قبل كل شي لان اذا طلعي في الشمس وماحطيتي واقي تردين شرات قبل
وياااكثر الخلطات الطبيعية مثل ماي الورد زبادي معا حلبة وزيت جنين القمح اختاري الي يناسبج واستخدمي
ولا تستخديم الفازلين والليت شغال لان يسمر نصيحة
بالتوفيج ^^

 

[صمت العذاري]

اختي زيت اللوز نوعين طيب وضحي لها اي نوع

 

[mona mhmad]

__

شوفي حبيبتي
ترآ مايبي لك شيء معقد أو صعب ولا تكثرين خلطات وكريمات تستخدمين ورا بعض آخر شيء بتطفشين بسرعه وبدون نتائج ..

أبدي بأشياء بسيطه ومن تشوفين النتايج راح تتحمسين ؤتبدين بخلطات ثانيه حتى لو تكون ممله شوي لكن راح تستمرين لو شفتي النتيجه

قبل كل شيء ..
أشربي مويه كثير وعصير برتقال طازج لو قدرتي
عبي بخاخ مويه ورد وكل يوم حطي ع وجهك
اعتمدي صابونه لوجهك إذا وجهك فيه حبوب استخدمي صابونه هنديه اسمها ميدي ميكس مفعلوها عجججيب لتصفيه البشره
بعد ماتصفي بشرتك استخدمي صابونه الببايا 3في1
قبل تنأمين أغسلي وجهك ومرري عليه ثلجه وبعد مايجف استخدمي أي كريم مرطب حطيه عليه حبه فيتامين e فرغي الزيت اللي داخلها وحطيه ع المرطب وأدهني وجهك ونامي وشوفي كيف تتغير بشرتك 180 درجه

وجسمك أبدي رطبيه ترطيب ترطيب ترطيب عشآن تشوفين نتائج رؤعه والافضل استخدمي كريم زبده الككأو
وبعدها دوري لك خلطه كويسه اعتمديها أنا استخدم خلظه فيتامين سي جميله وآمنه مأمنها خوف بأذن الله


^
هالكلام ماجبته من نت أو مواضيع أنا قاريتها لاوالله كلها تجارب شخصصيه لي أنا والحمد لله استفدت كككثير واحب أفيدك زي ما استفدت لآني أكره البنات اللي يحبون الخير بس لهم ؤالله شاهد أني مجربتها وكلها حاجات بسيطه وسهله عشآن مأتملين أو تستصعبين بعض الحاجات كلها متوفره
ولا أبي منك إلا دعوه من قلب
وموفقه يأرب .. إذا جربتي بلغينا بالنتايج

 

[كسرت غروري]

السلام عليكم .. اول رد لي بعد غيبه طويله
اول شي حبيبتي لا تكثرين خلطات عشان ماتملين ولا تطفشين انا فار تجارب مافي شي ماجربته بقولك لك باختصار وانتي تابعي دائما المنتدى شوفي الي يصلح لك سويه
اول شي يبي لك اهتمام على ثلاث اشياء الي هي : 1- الشعر 2- الجسم 3- الوجه
1- اول شي الجسم عشانك توك ماسويتي شي جيبي لك زيت لوز مر وزيت جلسرين سايل اخلطيهم وحطيهم على جسمك مدة لاتقل عن ساعتين عقب تحممي بالصابونيه حقت مزيونه وشقراء ااااااه اظلمها قد ماقولك تجنن هالصابونيه وماتكلف كثير ترا وجيبي ليفة على شكل قلافز من البودي شوي تجنن تنظف من قلب حطي من الصابونيه وفركي جسمك كله عقب الحمام الحلو رطبي جسمك باي مرطب يرطب ويفتح عندك الخيارات كثيره واذا تقدرين تسوين بالشهر مره سونا وتنظيف بشره يكون ي سلام
2- زيتي شعرك طول مالخلطه على جسمك كذا تضربين عصفورين بحجر باي زيت انتي يناسبك
3- استخدمي كريم ليل ونهار لوجهك ماركه حلوه ومعروفه
لا تنسين الشورت الابيض القطن عشان سواد الكتكوت + ديودرنت ماركه حلوه تفتح وماتسمر
موفقه يارب اتمنى اكون افدتك والبنات كعادتهم مايقصرون بنات المنتدى كفوو ووفوو

 

[تبيني آرضى عليك]

آآآآآآآآب

 

[مآيكبرني نك]

وآو

شؤ هآلدرر

ماشاء الله ع بنآتنآ ، وﻻ بنات بيرؤت لؤل

رفع للفآيده

 

[مدّهره !]

إنصحووك خواتناا بالمُفيد ..~

 

[قمر2012]

ماشاء الله ماقصروا البنات
حبيبتي عندج منتجات مس بك طبيه و مامنها اضرار واذا ماعجبتج النتيجه ترجعين فلوسج و طبي ومامنه مضره
شوفي من منتجاتهم الي يناسبج

واهتمي بالسباحه يوميا و رطبي جسمج ووجهج ( انتبهي مرطبات الوجه غير عن الجسم)
و اذا بتطلعين حطي كريم حمايه

و قوليلنا شنو نوع بشرتج عشان نفيدج اكثر

 

[قمر2012]

و صابونيه مزيونه وشقره
و خلطات غراس وماي ورد اسم يستحق الثقه و غلاي خلطاتهم روعه اخذي مجموعه او لوشن معين

و هم بعد مرطب للوجه من ستيفز اسمه كولاجين تلقينه بمركز سلطان وفيه بنات لقوه بالجمعيه الكبيره

واهتمي بالماسكات لوجهج ثلاث مرات بالاسبوع

 

[Tom ♥ Jerry]

,


حياتي بالعنايه كل شي يصير
مآ يصير تهملين نفسج على قولتج لا كريمات و لا شي :/
مآ يصير,, كل البنات لازم يهتمون بنفسهم



افتري بالقسم و اختاريلج خلطه صابونيه الي تعجبج و طبقيها استعمليها كل يومين أو 3 ايام
و هم سنفره مرتين أو 3 مرات بالاسبوع
سويلج حمام مغربي كل اسبوع مره دلععععععي نفسج :*

أممم بالنسبه لويهج .، حطيله ماسك طبيعي مرتين الى 3 مرات بالاسبوع
دوري بالنت بتلاقين انواع و اشكال من الماسكات ؛×
طبي و اختاري الي تعجبج على حسب نوع بشرتج طبعا !

أممم شسمه هم شعرج اعتني فييييييه على الاقل مرتين بالاسبوع زيت و ماسك حق شعرج كل اسبوع مره
و شسمه حمام زيت مرتين بالاسبوعين أو 3 مرات انصحج بفاتيكا وآيد حلووو
هم استعملي البلسم عقب الشامبو عشان مآ يجف شعرج مع كثره استخدام الشامبو


في كريمات ليل وآيد من لوريال أو جونسون أو آولاي
و في كريم نهار بعد استعملي الي ترتاحين عليه !
شسمه بعد ياربي شنو كنت بقول ههه

اذا تدآومين حطي واقي شمس قبل الميكب

 

[فديت أبوي وأمي]

مشكووورات اخواتي ماقصرتوا ربي يسعدكم ويحقق مناكم.....

انا بشرتي جااااافه بس فيها مناطق دهنيه مثل الانف وشوي من الخدين والجبهه وهذه الاماكن تطلع قشوور حتى لو بعد كريم الاساس تطلع قشور فيها....

وبشرتي فيها حبوووب......

اش الصابونه اللي تفيدها؟؟؟؟؟


واش هي صابونيه مزيونه وشقراء ؟؟؟؟؟

وبالنسبه لمويه ورد اخففه بالماء ولالا؟؟؟؟؟

ومره استخدمت كريم مرطب بس احسه زاد سماااري بزياده ....واحس بشرتي صارت دهنيه وبطلت منه,,,,مو عارفه اش السبب؟؟؟؟

 

[joyful]

روحي دكتور جلدية ينصحج او تفتكيين

 

[فديت أبوي وأمي]

ياقلبي ياليت بس ضروفي ماتسمح ادووويتهم مره غاااليه