الدكتوره ماجده اليتامى

[عسل حدي]

اليوم اخر يوم حبوب بنيه يارب سهل
الجمعه موعدي انا مستغربه الدكتوره ماجده فاتحه الجمعه؟

 

[شمخانيه]

انتي متي اخذتي الحبوب

 

[عسل حدي]

الاحد عقب العملية قالتلي ٧ ايام اليوم اخر يوم

 

[شمخانيه]

عسوله

يعني بس البني تاخذين

حبوب برجلتون

 

[عسل حدي]

اي حبيبتي بس البنيه حبتين كل ١٢ ساعه وناطرتها الحين تنزل

 

[عسل حدي]

مانزلت اليوم يمكن باجر يارب تنزل وارتاح موعدي الحمعه لازم يكون ثاني يوم دوره

 

[بنفســـــج]

أنا اخيرا نزلت اول امس
تأخرت 5 ايام بعد توقيفي للحبوب البنيه

وبطانه الرحم عندي سميكه تقول الدكتورة ماجدة بس ان شاء الله راح تتعدل بعد نزول الدورة

امس كنت عندها ثاني يوم الدورة وعطني كورس نوعين ثانيين من ابر التبويض ابتدي فيهم من الاحد لمدة 6 ايام , ربي يسهل بس قالت لازم تشوفني السبت خامس الدورة حتى تشوف بطانه الرحم وتطمّن قبل لا نبتدي


شكلنا انا وانتي تقريباً بنفس الوقت موضوعنا

ربي يسهل يارب ولا يضيّع لنا تعب

 

[عسل حدي]

بنفسج انشالله نبشر بعض بحمالنا

اليوم دقو علي باجر اروح احلل والسبت الصبح موعدي يارب تمون نازله

 

[بنفســـــج]

اشربي سوائل دافيه وايد زعتر وبرقدوش وزنجبيل

وكثري استغفار , والله انا من شفتها تأخرت وقاعده تخرّب علي كثّرت استغفار سبحان الله وبيومها نزلت علي

 

[بنفســـــج]

بس ترا الحمد لله هي مو متأخرة عليج

العادة ثالث يوم بعد انتهاء الحبوب البنيّه تنزل , يعني موعدها بالكثير باجر ان شاء الله نازلة

 

[عسل حدي]

الله يسمع منج يارب

 

[عسل حدي]

رب لا تذرني فردا وانت خير الوارثين

 

[بحر الذكريات]

الله يعوضج كل خير يارب العالمين ويرزقج عسوله

بس اللي اعرفه ان المنظار من السره وع المبيضين اول مره اسمع بالمنظار من تحت اكيد هذا اللي يسمونه المنظار الرحمي

 

[عسل حدي]

اي حبيبتي هذا المنضار الرحمي
ماتأذيت الحمدلله كان سهالات

 

[عسل حدي]

رحت موعدي سوتلي سونار وقالتلي عندي هرمون مرتفع وراح ننطر اسبوع نعيده
اكمل على الابرلتحضيريه
والاربعا اعيد التحليل والخميس موعدي ويمكن ابتدي تنشيط والله كريم
احس اليوم بليل او باجر بانزل الدوره

 

[بحر الذكريات]

الله يفرح قلبج باللي تتمنينه ويعطيج على قد نيتج يارب العالمين

 

[عسل حدي]

الله يسلمج حبيبت قلبي مشكوره عالدعوه

 

[شمخانيه]

وين وصلتي بعلاجك

 

[عسل حدي]

الخميس عندي مراجعه علشان ابتدي بالتنشيط عندي الهرمون شوي عالي اخرتني اسبوع

 

[قوس قزح]

الله يرزقج ويرزق كل مسلمة