ساعدوووني ...واجركم على الله

[ياارحم الراحمين]

السلام عليكم ورحمة الله وبركاته
بنات ممكن تساعدوني
انا متزوجه من سنه و 6 شهور
وبعد السونار قالي الدكتور معاج كيس دم (جوكليت سيست)

​

على المبيض اليمين وفسر المشكله بسبب البطانه المهاجره ( الاندومتروزس) ورحت راجعت كذا دكتور
الدكتوره صبريه لعبت بحسبتي واخر شي قالت لازم عمليه
ورحت دكتور تتيانا وقالت لازم عمليه
واخر شي زوجي قال نبي نروح لدكتور منصور العرف
بس مواعيده حيل بعيده بعد 4 شهور
فرحت لدكتور مدحت بصراحه دكتور نفسيته عسل وطمني وقال يمكن يصير حمل مع الاكياس وافضل علاج للبطانه المهاجره الحمل
وعطاني موعد ثاني يوم الدوره عشان يسوي سونار وبعدها يبدا كورسات تنشيط الحمل
بنات تكفون منو مرت بهالتجربه وصار معاها حمل وربي متلهفه يكون عندي بيبي تكفون بنات انصحوني شنو اسوي وعسى ربي يرزق كل محرومه بالحمل السليم يارب

 

[M!SS.LOBY]

رب لا تذرني فردا وانت خير الوارثين

 

[M!SS.LOBY]

الله يرزقج بالذرية الصالحة

 

[qoot]

والله مادري ان شاءلله البنات يفيدونج

 

[أأأميرة الورد]

الله يرزقج بالذريه الصالحه

انزين كذا دكتوره قالوا لازم ينشالون الاكياس هذي ؟؟؟

ودكتور واحد بيجرب معاج الحمل وابر تنشيط

اتوقع لازم يكون الرحم سليم وماكو اكياس دم او شي

علشان يتم الحمل وبشكل صح ومايصير اجهاض


الله يرزقج الحمل السليم والثابت

تاكددي من دكتوره ثانيه

منتهى السالم بالعرف خوووش دكتوره

اخذي موعد عندها

 

[دلوعه ززوجي]

رووووحي حق حريم كبار يمكن يعرفون شنو فيج أو يعطونج علاج وقت الدوره وان شالله ينزل بدون عمليه

 

[Q8 Essence]

كانت فيني تكيسات صغار على مبيضي اليسار ،،. ما خذيت ادوية من الدكتورة رحت لام فيصل اللي بجابر العلي عطتني ادوية تقوي التبويض و تنزل التكيس بس للامانه ما استمريت عليهم الا 3 شهور و خليتهم ،،، بس الحمدلله راح التكيس من نفسه بعدها بفترة و حملت .. الله يعوضني و يرزقج بالذرية الصالحة

 

[أم ترركي]

روحي لماجد الشمري تشخيصة زين هو و ماجدة اليتامي تقولج الصج و شتسوين
لا تستعجلين بالعلاج استشيري كذا دكتور ،، و منصور زين بعد
و أستغفري وايد و بإذن الله تتشافين و يرزقج ربي الكريم الأكرم بالذرية الصالحة و يرزق جميع المحرومين

 

[koka78]

حبيبتي انا اراجع عند باتريك بمستشفى لندن ولما رحلت سوالي منظار رحمي وقالي الرحم سليم الحمدلله وواعدني ثاني يوم الدوره علشان ابدأ اخذ منشطات لعملية اطفال الانابيب ولما فحص بالسونار لقا عندي كيس من الدوره اللي طافت مانزلت عدل وقال لازم اشيله لان هذا يمنع الحمل ويسبب مشاكل حتى لو حملت وفعلا ثاني يوم سويت العمليه بيج كامل وشال الكيس و بعدها باسبوع اخذت الابر المنشطه وتم سحب البويضات الناضجه والحمد لله تكونت اجنه وسويت عمليه الارجاع والحين ناطره النتيجه


يعني بختصار لا تسويت شي الا لما تعالجين بالاول علشان نفسيتج ماتتعب انا اكثر وحده لعبو فيها الاطبه علشان يطول العلاج وياخذون فلوس رحت لمستشفى العرف ورحت لمستشفى الامومه ورحت لدار البراء وكلهم مافادوني والحين رسيت على باتريك بمستشفى لندن لانه فعلا دكتور دقيق بشغله مايسوي شي معاج ولا يبتدي بشي الا لما يتأكد انج سليمه من كل شي والسبب الانجاب غير معروف اهني يقولج اسويلج انابيب واهما يقولج انها ممكن تنجح وممكن لا لان الشي هذا بيد الله بس اللي عليه اهو يسويه بأكمل وجه


ولو شاف فيج عيب يصارحج فيه ويعالجج منه يعني مايضيع وقت يقولج نجرب واذا نجحت الحمدلله واذا مانجحت نشوف هالكيس ونشيله ونعيد المحاوله علشان يستغلج وياخذ فلوس لا ماعنده هالشغله كلش
ادري قرقت عليج واجد بس من حرتي من الدكاتره اللي مرو علي بس يبون يستغلون ويطولون المده علشان الفلوس​

 

[سجى مون]

الله يرزقك عاجلاً غير اجلاً

 

[بحر الذكريات]

مدحت يسوي روحه فاهم وهو دجه
اول عرسي جيته ينظم دورتي قال لا لازم اعالجج للحمل واذا حملتي تنتظم الدوره وذبحني بالابر ع الفاضي

 

[وردة الأوطان]

أب أب للفائدة

 

[ياارحم الراحمين]

مشكورين يابنات والله يعطيكم العافيه
وربي يرزق كل محرومه ضنا يفرح قلبها ويملي حضنها ويقر عينها اول مره احس اني مو بروحي بهالمشكله

​

[/

​

right]​

 

[ياارحم الراحمين]

معاكم حق في بعض الدكاتره تبي بس الفلوس
بس انا قبل زواجي سويت عملية المنظار وكان كل شي اوكي
بس مثل ما انتوا عارفين الاكياس بسرعه ترجع والعمليه بحد ذاتها اتعب المبيض
يكشطون حوالي 20 بالميه من المبيض عشان جذي خفت
وانا اعرف كذا وحده حملت وفيه اكياس مو كيس
وحطيت هالامل جدامي وتوكلت على الله وقلت يمكن تصيب معاي

​

بنات تكفون تكفون محتاره وخايفه وكلام الناس ذابحني انصحوني شنو اسوي ؟!

 

[M!SS.LOBY]

رب لا تذرني فردا وانت خير الوارثين

 

[M!SS.LOBY]

سبحان الله وبحمده

 

[قاهره عذالي]

في فرق بين الكيس على المبيض

ومتلازمة تكيس المبايض

اذا كيس ع المبيض لاااااااااااااااازم ينشال والا تخسرين المبيض ويتلفه لج

حسب حجمه

اذا كان صغير

ممكن حبوب المانع تنزله

واذا كان كبير لازم عمليه

وبعدين تفضي حق كورسات التنشيط

انتي على وصفج كيس مو تكيس

 

[ياارحم الراحمين]

والله ما ادري شسوي
اليوم اتصلت على دكتوري
واخذت موعد حق باجر
لان قالي ثاني او ثالث يوم الدوره لازم اسوي سونار
بنات انا اول مره اسوي سونار بالدوره
ممكن اللي عندها خبره تقولي ليش بالدوره
سؤال محيرني وودي اعرف؟؟؟

​

 

[قاهره عذالي]

عادي

انا سويته وقت الدوره

مرتين

السونار وقت الدوره يبين اذا في لحميات بالرحم او مشاكل

 

[ياارحم الراحمين]

بعد عمري مشكوره و ماقصرتي
وربي يجزاج الف خير
وتكفين لاتنسيني من دعواتج الطيبه
ويارب ماتعدي هالسنه الا وانا حامل وجميع المحرومات يارب

​