** تجمع الي مسوين جراحة الفك**

[السعوديه2012ذ]

الله يسلمك ♡
د.صالح البازعي بالحبيب بس
وتكاليف عمليتي 148 الف *بحبيب فرع التخصصي*، اما حبيب الريان فقالولي تكلف 125الف ريال
ماعرف ليه زادو /: !!

اما مين يحدد انا قال لي دكتور التقويم عادل الهدلق عن العمليه كإقتراح
وقابلت بعدها د.صالح البازعي وعلمني إيش احتاج

شكراً على الرد

 

[morningtulips]

الله يسلمك ♡
د.صالح البازعي بالحبيب بس
وتكاليف عمليتي 148 الف *بحبيب فرع التخصصي*، اما حبيب الريان فقالولي تكلف 125الف ريال
ماعرف ليه زادو /: !!

اما مين يحدد انا قال لي دكتور التقويم عادل الهدلق عن العمليه كإقتراح
وقابلت بعدها د.صالح البازعي وعلمني إيش احتاج

اولا الف الف الحمممممممممدلله ع سلامتك....

وان شااءلله تنبسطين بالنتيجه الي تسرك



بسألك ليش هالمبلغ مرررررررررررررررررررررررررررررا عالي؟؟؟
حالتك معقده؟؟؟ فكين ولا فك؟؟؟

انا بسوي فك علوي فقط مسويه تقويم عند الخنين بالحبيب ومحتاره بين البازعي أو عثمان الطويرقي؟؟؟؟؟؟؟؟ من تنصحيني؟؟

 

[morningtulips]

مرحبا بنات رمضان كريم......


اسراء... كيفك ياعسوله ؟؟ شخبارك؟؟ مدري تتذكريني او لا...


تخيلوا يابنات اخذت قرض عالي للعمليه ولعبت فيه كله مابقى الا 10 الاف سافرت اوروربا وتهنيت والان مقهوووووووووووووووره من نفسي ((((((((((


اسراء دكتوري يقول بيرجع تقريبا من الفك العلوي 2 او 3 مل مو كأنه قليل؟؟؟؟؟؟؟؟؟؟؟؟ وش اريكم بنات

 

[فستان أحمر]

بناات عفيه اللي من الكويت مسويه العمليه الفكين عند نائل الهزيم تذكر تجربتها
تكفون حدي متوهقه ومحتاره ...

 

[Emoo]

اسراااااااااااء اسراااااااااااء انا حدييييدية هههههههههه باركيلي سويت العملية مومصدددقة
كل شي صار بسرعه
عمليتي أمس تاريخ ١-٨-٢٠١٣ في مستشفى الرعاية بروكير بالخبر
الدكتور بدر الجندان ..
كانت تقديم للذقن ٨ ملم طبعاً كسر من العظم وتقديمه ثم تثبيته ببراغي ، امس كنت تعبانة حيييل
تخيلي بعد البنج استفرغت دم قالي الدكتور شربتي دم وقت العملية وطبيعي هالشي وطعم المخدر شييييين اكرهه
الألم امس فضيييع بس مسكنات ودووووخة ماكنت اقدر امشي بروحي لازم النيرس معاي
والأكل ايس كريم وعصيرات وماي كلها باررردة
ومن اليوم ببدأ اكل اشياء لينة مدة اسبوع او اسبوعين لأني اتألم وقت الأكل
ومو قادرة انظف اسناني اليوم اسأل الدكتور وبعد
يابنات نصيبيحة لاتترددون سووها صح متعبة جداً بس اول يوم هو العذاب بعدين خلاص ويمكن اللي فكين بتطول شوي يمكن تتعب شهرين
وكل هذا يهووون انا بس اناظر وجهي بالمرايا ومستااانسة بذقني ياحبي له اعجبني هههههههههه اليوم بدأ يتنفخ وفيني تنمل بشفايفي لكن الحمد لله كنت خايفة يروح الاحساس وماراح بس تنميل بسيط

كانت تكلفة العملية ١٥ ألف وتستاهل شغل الدكتور متقن وأخلاقه جداً عاااااالية
بنات دعواتكم لي اشفى تماماً والله يكتب لكم مافيه خير .

 

[قمممر]

سلام بنات
اه تعبت لين قدرت اكتب مشاركة
مافعلو حسابي مسجله من ثلاث اسابيع او شهر
المهم ان عندي بروز بالفك العلوي
وابي اسويها عند بدر الجندان في بروكير
بس كل مااتصلت مايردون علي صارلي شهر كامل احاول اكلمهم
انا متواجده بالخبر لين رابع العيد بعدها بسافر
وابي اروح عنده قبل لا اروح
الي عندها رقم الدكتور الخاص او وشلون اقدر اتواصل معاه
والاخت ايمو الحمد الله ع السلامة
هل الدكتور موجود لين متى
لان قبل فتره كان ماخذ اجازة

 

[S H O U G]

اولا الف الف الحمممممممممدلله ع سلامتك....

وان شااءلله تنبسطين بالنتيجه الي تسرك



بسألك ليش هالمبلغ مرررررررررررررررررررررررررررررا عالي؟؟؟
حالتك معقده؟؟؟ فكين ولا فك؟؟؟

انا بسوي فك علوي فقط مسويه تقويم عند الخنين بالحبيب ومحتاره بين البازعي أو عثمان الطويرقي؟؟؟؟؟؟؟؟ من تنصحيني؟؟

الله يسلمك حبيبتي ♡
فكين وذقن وحالتي مو معقده بس هذي اسعار الحبيب
بالنسبة لي ارتحت كثير مع الدكتور صالح البازعي وأكيد بنصح فيه ♡ ♡

 

[Emoo]

سلام بنات
اه تعبت لين قدرت اكتب مشاركة
مافعلو حسابي مسجله من ثلاث اسابيع او شهر
المهم ان عندي بروز بالفك العلوي
وابي اسويها عند بدر الجندان في بروكير
بس كل مااتصلت مايردون علي صارلي شهر كامل احاول اكلمهم
انا متواجده بالخبر لين رابع العيد بعدها بسافر
وابي اروح عنده قبل لا اروح
الي عندها رقم الدكتور الخاص او وشلون اقدر اتواصل معاه
والاخت ايمو الحمد الله ع السلامة
هل الدكتور موجود لين متى
لان قبل فتره كان ماخذ اجازة

هلا فيك حبيبتي الله يسلمك بعطيك الإيميل وارسلي مشكلتك
ويمكن يسويها لك قبل العيد تفاهمي معاه
[email protected]

 

[قمممر]

مشكوره حبيبتي بس حبيت
اعرف متى وقت دوامهم برمضان الصباحي والمسائي
متى يكون الدكتور موجود بالمستشفى
هل له ايام معينه ؟

 

[Emoo]

الدكتور يداوم بالمستشفى التعليمي بالخبر
وفي مستشفى الرعاية بروكير واكيد مو موجود كل يوم
هذا رقم المستشفى استفسري عن دوامه وبيردون عليك
038955900
وان شاء الله تلقين موعد قريب ونصيحتي راسليه عالإيميل
عشان تعرفين منه شخصياً إذا يمديك قبل العيد أولا
والله يسهل لك مافيه خير

 

[كوكب ..]

الحمدلله على سلامتك إيمو() ماشاءالله تبارك الله، ربي يبارك ويعطيك الصحة وتمام العافية
عجيبة الأسعار عند د. بدر؟ فك واحد انتي؟ أنا فكين وذقن وربط الأنف مع د/ عثمان ٨٠ ألف، والبازعي ١٤٠ وش السالفة بالأسعار؟!!

 

[S H O U G]

الحمدلله على سلامتك إيمو() ماشاءالله تبارك الله، ربي يبارك ويعطيك الصحة وتمام العافية
عجيبة الأسعار عند د. بدر؟ فك واحد انتي؟ أنا فكين وذقن وربط الأنف مع د/ عثمان 80 ألف، والبازعي 140 وش السالفة بالأسعار؟!!

البازعي علشانه مرتبط بالحبيب والمبلغ تقريبا ثلاث ارباعه يروح للحبيب.

 

[قمممر]

مشكورة حبيبتي ايمو ماقصرتي
الله يوفقك
امس الاحد رحت مستشفى بروكير
والدكتور بدر الجندان عندة عيادة الاثنين والاربعاء فقط
وحجزت موعد للاربعاء لان الاثنين فل
طبعا انا ماابي العملية الحين
بس لازم اعرف الخطة العلاجية قبل العملية
وهل احتاج ترجيع فك فقط او ترجيع ورفع وكذا
راح يكون اول موعد لي مع الجراح
والله يكتب الي فية الخير

 

[كوكب ..]

والطويرقي مرتبط بالمملكة:/ الله يعين!

 

[Emoo]

الحمدلله على سلامتك إيمو() ماشاءالله تبارك الله، ربي يبارك ويعطيك الصحة وتمام العافية
عجيبة الأسعار عند د. بدر؟ فك واحد انتي؟ أنا فكين وذقن وربط الأنف مع د/ عثمان 80 ألف، والبازعي 140 وش السالفة بالأسعار؟!!

الله يسلمممك ، انا تقديم ذقن فقط..

 

[قمممر]

اختي ايمو ودي اعرف اول موعد مع الدكتور يكون كشفية بس
او يكون فية اشعة وتحاليل
وهل الدكتور يسوي صور بالديجتل ويعطيك شكلك التنبؤي بعد العملية او لا

 

[Emoo]

مرحباً قمر
أول زيارة يشوف شكلك بالطبيعة ويعطيك وش رأيه بفكك ويسوون لك أشعة للفك
هي توضح أكثر ويقرر على أساسها شنو تحتاجين أما التحاليل اللي بالدم بتكون قبل العملية
وبيأخذ صور لشكلك طبيعية ، أما الشكل التنبؤي ماقالي عنه شي بس حالتي انا بسيطة ذقن
يمكن يسويها للي تحتاج تقديم أو تأخير كم ملي من الفك العلوي والسفلي انا قالي بقدم لك الذقن
قد ماأقدر لأنه كان مررررة راجع لوراء ..

 

[عنان السماء]

بنننآت , انا عمري 17
وركبة تقويم سنه وشليته لان لثتي كانت تعبانه
والحين بديت احس اسناني بدت ترجع
والي اكتشفته ان الفك السفلي عندي ممايل !
=(( حتى يوم ابتسم يبين للو حد بيدقق
ويوم بتصور يططللع واضح
لان ويهي صغير ومبين شوي طويل =(

ماعرف والله شو اسوي
الي تعرف الله يجزيها خير تخبرني

1- اروح عند اي دكتور يقولي اذا احتاج ولالا , التقويم ولا اللثه ولا منو ؟

2- الي فعمري يسون لهم عمليه عادي ؟ ولا لازم اكبر شوي

3- تنصحوني بعملية ولا تحسون ان التقويم يرد اسناني ومايخليها مايله ؟

اتنظركككم دخيلكم
صايره وايد ادقق على هالشي :yaaaaaarb::eh_s(16):

 

[السعوديه2012ذ]

سؤال من يجري عملية تصغير الشفتين هل هو جراح الوجه والفكين ؟؟ لان بإذن الله راح اسوي عملية تقديم ذقن عند دكتور زهير حيدر ب20 الف ريال

 

[قوة قلب]

مرحبااااااااااااااااا بناااااااااااااااااااااااات

شحااااااااااااااالكم.. بغيت استفسر بخصوص العملية الأولى لتوسيع الفك العلوي أكون مركبه تقويم قبل ولا أسويها العملية وعقب يركبون لي التقويم حق الفكين ؟ وهل يغير ف الخشم لأنه عندي كلاس 3