المساج الصيني للتخسيس وعواقبه

[عرووب20]

شلونكم حبيباتي بنات الكويت


أنا كمت أراجع عند دكتور التغذية وسألته عن المساج الصيني للتخسيس ؟؟؟؟

قال لي المساج اللي يكون بالضرب والضغط قلت له نعم قال هل يترك له أثر باللون الآزرق قلت نعم

قال هذا المساج بالضغط فإنهم يحركون ويكسرون الدهون تحت الجلد لكن في نفس الوقت تنشط الخلايا

السرطانية :0bee2e8d89:

ألحين أنا بسأل هذا الكلام صحيح أم لا لأني دفعت اشتراك وما أدري أكمل ولا لأ أفيدووووني الله يرضى

عليكم

 

[ii DareeN ii]

والله مادري بس اخر الايام مو كل المساجات طق ورض كوين وريكفري مايعورون ولا يبقعون

 

[sanyoreta]

ماعندي فكرة

 

[Wa6an Elnahar]

والله انا سمعت كذا وحده قالتلي عن هالمعلومه بس مادري اذا صحيحه و لا لا

 

[منى عيني]

بنات يا ريت تفيدونا بأسرع وقت

 

[ناني سيكرتس]

وي عاد انا زورق جسمي لين قال بس, عاد خدامتي قالتي نفس حجي الدكتور بس انا ماصدقتها..
واي خوفتوني..

 

[عرووب20]

وي عاد انا زورق جسمي لين قال بس, عاد خدامتي قالتي نفس حجي الدكتور بس انا ماصدقتها..
واي خوفتوني..

ناني حبيبتي انت متأكده من كلام الخادمة انه ينشط الخلايا السرطانية تأكدي الله يرضى عليج

 

[عرووب20]

بنات الكويت العزيزات ارجو منكم التفاعل مع هالموضوع والبحث فيه بأقصى سرعة لأن المعاهد الصينية تكتض من بنات ديرتنا فنرجو منكم المساعدة والبحث معانا لننقذ ما يمكن انقاذه

الله يرضى عليكم ويوفقكم لما يحب ويرضى

 

[ظلال القرآن]

انا اسوي يعور شويييه بس مافيه تزورق كلش
انا الي مخوفني شوي حبوبهم يعطوني كبسولتين باليوم وحده على الريج وحده المغرب

 

[ii DareeN ii]

وين تسوين يا رشيقه يا ضلال علمينا يا بنت

 

[عرووب20]

ياظلال أنا أحاتي وقت الضغط لأن الدكتور يقول تكسير الدهون بالضغط وقتها تتنشط الخلايا السرطانبة وبعدين أي مساج تخسيس تندرج تحت هذه المقولة سواء في ازرقاق أم لآ

 

[عرووب20]

بنات وينكم وين فزعتكم جنه الموضوع موهامكم بحثوا معانا في منتديات أخري أو اللي تعرف طبيب تستشيره الهمة الهمة يابنات الكويت

 

[سبانيوليتا]

ماعندي فكرة

 

[kanana]

بس مو كل مكان يسوون مساج فيه طق و ضغط
فيه اماكن مساجهم هادي و رايق و ما يسوي اي لون في الجسم!!!!!!!!!!!!!!

بنات جيكوا الموضوع الله يخليكم لان فعلا موضوع مهم

 

[عرووب20]

ويييينكم يا حلوين ما في ردود

 

[ناني سيكرتس]

ناني حبيبتي انت متأكده من كلام الخادمة انه ينشط الخلايا السرطانية تأكدي الله يرضى عليج

شوفي انا كنت اييب وحده خبيره مساج بس فليبينيه واهي دارسه المساج , يعني مو خرابيط, وقالتلي كل ما زورق وبقع الجسم هذا معناته انه الدهن قاعد يتكسر وتضعفين, وصج كلامها وضعفت عليه بس خدامتي لمن شافت جسمي مزورق جان تقولي : ماما هذا مو زين لان بعدين يتيمع الوصخ داخل ويصير كانسر يعني سرطان, اهني انا خفت بس ما صدقت كلامها قلت يمكن تبالغ مع انها تعرف بالمساج والرياضه بس هم ماعطيتها ذاك البال, ولما رحت النادي الي انا مشتركه فيه وسالت خبيره المساج مالتهم قالتلي عادي البقع لان الجسم لازم يحسس ويبقع ولا تخافين لان ماكو لا العافيه.
ومن قبل جم يوم رحت حق مركز مساج وقالتلي الخبيره مو زين المساج الي يبقع ويزوق بس ما قالتلي ليش..
والحين انا خفت من قريت العواقب الي تصير من بعد المساج وحدي خايفه..

 

[ناني سيكرتس]

ايه ونسيت اقولكم بعد..
هذي الخبيره الي تسويلي الحين قامت تشتغل بدار الشفا كخبيره مساج ( ثيريبست ) , اتهقون لو اهي ما تعرف حق المساج جان ما خلوها دار الشفا تشتغل عندهم ,,مو صحيح ..؟
بس هم سالوا لنا الله يخليكم..

 

[عرووب20]

هلا والله ياناني الغالية
انا بعد سألت خبيرة مساج في احدى المستشفيات وهي عربية الجنسية ويشتغلون تحتها صينيات وفلبنيات قالت لي شنو هذا الكلام مايصير تعالي عندي وشوفي منو يسوي عندي ؟؟؟ ولا دكتورتين تغذية معروفين جان تقول لو كان في شيء مثل ما تقولون جان هما أعلم بخطورة المساج بس والله ان ما في شيء

والله انا احترت وما ادري شسوي
الفزعة يا بنات الكويت

 

[عرووب20]

مشكورة ياناني على المشاركة والتفاعل الطيب والمجزي

 

[ظلال القرآن]

وين تسوين يا رشيقه يا ضلال علمينا يا بنت

مي سووووووري

ما اعلم لين ما البس مقاس 8 >> ايه هين لي حجت البقر على قرونها




اضحك وياج بعلمج بس على الخاص ....شسوي يا ربي احبها هالبنيه :tek: