بنااات تعقدت تعقدت تعقدت حدي متعقده ساعدوووووني

[..، شهوده ..،]

السلام عليكم ورحمة الله وبركاته


بنـات منـو فيكم فيها فقر دم" الله يبعدها عنكم " وهالفقر هذا آثر على عيونها
يعني تحت العين وفوق بسوااد مو طبيعي وسبب تجاعيد خفيفه

اللي صارلها مثل حالتي تقولي شنو سوت ووين راحت والسواد فيها خف ولالا
والله أكثر من 8 سنين معاناه عاد والله توني صغيره عمري 21 :0bee2e8d89:

وبديت أتعقد وحالتي النفسيـه بتصيـر زفت كل ماله ويزيد هالسواد
جربت كريمات حق السواد رحت دكاتره حكومه وخاص حاولت أعالج فقر الدم
وخذيت حبوب وفيتامينات وحتى جربت خلطات عاديه ولا شيء فاد معااي

بنات تكفـوون انصحوني بـشيء يوخر هالسواد والله تعقدت :0bee2e8d89:

والله اللي بدلني على شيء يوخر هالسواد بدعي لها من كل قلبـي

 

[الأرجـوان]

حبيبتي انا مثلج عندي فقر دم بس يارب يشفيج بصراحه انا ماعرف كنت مثلج ماكو شي ماسويته


بس اهم شي الاكل الصحي وعن السواد ان شاء الله البنات يفيدونج ....

 

[بشوره الكويت]

اكلي شلقم وجرجير وجبده بعد والسواد سوي جمادات بطاط تبيض ونامي عدل ولااتفكرين تري التفكير نص المرض

 

[..، شهوده ..،]

حبيبتي انا مثلج عندي فقر دم بس يارب يشفيج بصراحه انا ماعرف كنت مثلج ماكو شي ماسويته


بس اهم شي الاكل الصحي وعن السواد ان شاء الله البنات يفيدونج ....

فقر الدم مو راضي يروح مني كلللللش من رابعه متوسط وأنا أعاني منـه ويمكن أقل
بعد والسواد اللي تحت عيني سببه فقر الدم اللي فيني :0bee2e8d89:

تسلمين حبيبتي وما تقصرين

 

[..، شهوده ..،]

اكلي شلقم وجرجير وجبده بعد والسواد سوي جمادات بطاط تبيض ونامي عدل ولااتفكرين تري التفكير نص المرض

ياما أكلت وياما سويت كمادات ولا نفـع أي شيء
لانه السواد اللي فيني مو سببه سهر وكمبيوتر لا السبب فقر الدم اللي فيني


تسلمين أختي وحياج اللـه

 

[lolly]

المهم الحين مو السواد .. المهم تعالجين فقر الدم .. لازم لازم لازم .. لان مو زين عليج ... باجر تزوجتي والا حملتي شبيصير بدمج؟؟؟؟ راجعي اكثر من دكتور ومافي شي اسمه ما تعالجت الا اذا كنتي مصابه بتكسر الدم .. هني صعبة وهم لازم تتابعين صحتج..
بالنسبة للسواد والتجاعيد حطي فازلين على طول صبح وليل وحافظي على هالمنطقة نظيفة من غير مكياج او تعرض للشمس .. اذا ما نفع و روحي محل عطارة يعطيج كريم بس ما اضمن نتايجه .. يمكن يروح السواد بس تطلع لج اثار جانبية

 

[هنـــد]

حبيبتي تصدقي بنية شفائج من فقر الدم وان شاء الله تتسهل عليج الشفاء

 

[الكويتيــة]

الله يعينج ويشافيج عليج بالاكل الصحي والفتامينات والاهم القران

 

[ليمونه حلوه]

الاكل الصحى والنوم مبجر والراحة النفسية كلها تساعد
والله يكون بعونج حبيبتى

 

[.. مـــلاكـ ..]

اكلي عدل
والله يشافيج يارب

 

[كويتية الف ومية]

بالنسبة للسواد تحت العين ما يروح بكريمات يروح بحبوب الفيتامينات و احسن شي تروحين العيادة يسوون لج فحص دم و يحددون كمية الفيتامينات الناقصة و يكتبون لج عالحبوب.................. ان شاء الله اكون فدتج ..............انا ربيعتي سوت جذي بس هي ما فيها فقر دم................

 

[ليالي نجد]

اختي اكيد في جسمج شي ؟؟

سوي تحاليل شامله وسوي برنامج غذائي لدكتور متخصص مع مكملات غذائيه راح تتحسن وتشوفين هالشي واضح

بنت عمي نفسج صداع مزمن وسواد تحت العين بسبب فقر الدم المزمن
اذا عالجت والتزمت تتعدل وكل شي اوكي بس اذا اهملت نفسها عالاكل الغير صحي ردت نفس اول

شربي ماي زمزم وكثري بنية صادقه ومقتنعه ان الله بيشفيج

 

[شندوخه]

منو بالكويت مافيه فقر دم
على الله اول وتالي ومن بعد الله طبعا اخذ حبوب الفيتامينات والله يشفي الجميع يارب العالمين
شهوده تشربين جاي وقهوه وايد ؟ خاصه بعد الوجبات

 

[رنين]

العسل+الالبا+ماي زمزم ....
(الالبا حليب الماشيه اول يومين ولاده واااااااااااااااايد مفيد لحالتج تلاقينه عند محلات منتجات الالبان الطازجه او بالمزارع)


و مراجعة الطبيب الشاطر و الالتزام بنظامه الغذائي و العلاجي.

و عسى الله يا رب يشافيج و يعافيج.


المشكله الحين فقر الدم مو السواد حبيبتي لردت لج صحتج و عافيتج كل شي يهون انشالله و من نفسه يتصلح....

 

[LoOoLoOo-23]

انا فيني فقر دم شهوودة حبيبتي من انا وكان عمري ستنييين ... لي يومج بس على طريقه الاكل كل اللي فيج يروووح ... انا لثتي كانت سووودة مثل اللي يشربووون زقاير بس الحمدلله الحين كل شي اوكي ... زهذا كله منالاكل بس شي معين ماسويت وان شاءالله ربي يشفيج بعد عمري

 

[مرت ريلي]

حبيبتي والله ماتشوفين شر شهودة
للأسف ما أقدر أفيدج لأن ما يبيلج
نصيحة جمالية يبيلج نصيحة طبية

 

[جوك احلى جو]

كثري خضره عليج بالجرجير والشمندر حيل اكليهم سوي صلصه عشان تستسغين الطعم ترا موزين وسالي الدكتور اذا يعطيج كبسولات الحديد هم زينه بس لازم استشاره دكتور والله يشفيج ياربي

 

[..، شهوده ..،]

المهم الحين مو السواد .. المهم تعالجين فقر الدم .. لازم لازم لازم .. لان مو زين عليج ... باجر تزوجتي والا حملتي شبيصير بدمج؟؟؟؟ راجعي اكثر من دكتور ومافي شي اسمه ما تعالجت الا اذا كنتي مصابه بتكسر الدم .. هني صعبة وهم لازم تتابعين صحتج..
بالنسبة للسواد والتجاعيد حطي فازلين على طول صبح وليل وحافظي على هالمنطقة نظيفة من غير مكياج او تعرض للشمس .. اذا ما نفع و روحي محل عطارة يعطيج كريم بس ما اضمن نتايجه .. يمكن يروح السواد بس تطلع لج اثار جانبية

اي حبيبتي مو أنا عالجت فقر الدم عشان يروح السواد لكن ماكو نتيجه
وكل ما رحت حق دكتور يعطيني كريمات وحبوب ولا في فايده

تسلمين على الافاده

 

[..، شهوده ..،]

حبيبتي تصدقي بنية شفائج من فقر الدم وان شاء الله تتسهل عليج الشفاء

تسلميـن حبيبتي

وأنا عندي نيـه وان شاءالله خير

 

[..، شهوده ..،]

الله يعينج ويشافيج عليج بالاكل الصحي والفتامينات والاهم القران

ان شاءالله

وتسلمين حبيبتي