مرحبا اسراء والف مبروك والله يتمم عليك بنتيجه الحلوة والعافية
سؤال انا ابي اسويها بس بكم تكلفة بريال السعودي وكم المدة تحتاج اجلس بالكويت لاني في دكاترة هنا بس ماودي اخاطر
هلا حبيبتي
عملية تعريض الفك باستخدام الحشوات عند دكتور هيثم مراد تكلف 2500 دينار كويتي شامل المستشفى وكل شي
اي ما يقارب 33 ألف ريال سعودي تقريبا
هي العمليه تحتاج ليله وحده بالمستشفى بس
والغرز تطيح من نفسها بعد اسبوعين تقريبا إلى 3 اسابيع من العمليه ( من يلتئم الجرح تبدا الخيوط تطيح) والغرز اللي ما تطيح الدكتور يشيلها
لكن الغرز موضوعها هين .. ممكن اي دكتور يشيلها بالسعوديه
يعني بالضبط تحتاجين ليله وحده فقط لا غير ..بعدها ممكن ترجعين للسعوديه وتتواصلين مع الدكتور بالوتس اب
طبعا ما تطلعين من المستشفى إلا وهم معطينج كل ادويتج اللي صارفها لج الدكتور ومعلمينج شلون تاخذينها
عاد مستشفى السيف سستراتهم و عنايتهم تهبل
الدكتور بعد ما يركب الحشوات ما تحتاجينه ان شاء الله إلا اذا صارت مضاعفات لا سمح الله
والمضاعفات بإذن الله بهالعمليه نادره
يعني من ترجعين السعوديه ما عليج إلا تنتظرين النتيجه
النتيجه تبدا تبان من بعد الاسبوعين بشكل تدريجي >> إلى ما يختفي التورم بشكل نهائي (تختلف المده من حاله إلى حاله)
لكن قبل العمليه لازم الدكتور يشوفج مره وحده "موعد واحد قبل الجراحه" علشان يحدد شكل الحشوه اللي محتاجتها ويطلبها لج لانها غير متوفره
والطلبيه ممكن تاخذ اسبوعين إلى شهر
يعني باختصار
تيين يوم واحد .. يشوفج الدكتور وتتفقين معاه على كل شي وتحددين موعد العمليه وتردين السعوديه
بعدها ترجعين للكويت ليلة عمليج ( تكون الحشوه واصله وكل شي اوكي )
اذا عزمتي عالعمليه وتبين اي مساعده لما تيين الكويت
تواصلي معاي
او حتى اذا تبين احجزلج موعد .. كلميني
بخدمة خواتنا السعوديات
