** تجمع الي مسوين جراحة الفك**

[المهـآ ~]

اسرررراء
الحمدددلله على سلامتك والحمدلله انك سويتي اللي تبينه وصار مثل ماتبين.. ماشاء الله♥
من اول انتظرك تسوينها واشوف ننتيجتها لان حالتي مثلك بالضبط
ماعندي رسمة فك ووجهي نحف وطول بعد الجراحة والذقن مايل وباقي متراجع شوي

الله يسعدك اسراء ارسليلي صور لفكك وذقنك او حتى الاشعة
وحشوة الفك كم عرضها تقريبا .. ومن الجنب نزلت رسمة الفك ولا بس تحدد
التعريض فرق بعظمة الخد؟ لان عندي هاي شيك بون وعريضة مقارنة بوجهي من تحت

واي ملاحظات ثانية قوليها لنا.. ابي اتطمن من كل النواحي واذا ناسبتني النتيجة اجي الكويت اسويها عنده
كم كلفتك اسراء بالتفصبل؟

 

[فراشة 7]

الحمدلله ع السلامة حبيبتي اسراء

 

[Esraa.a]

اسرررراء
الحمدددلله على سلامتك والحمدلله انك سويتي اللي تبينه وصار مثل ماتبين.. ماشاء الله♥
من اول انتظرك تسوينها واشوف ننتيجتها لان حالتي مثلك بالضبط
ماعندي رسمة فك ووجهي نحف وطول بعد الجراحة والذقن مايل وباقي متراجع شوي

الله يسعدك اسراء ارسليلي صور لفكك وذقنك او حتى الاشعة
وحشوة الفك كم عرضها تقريبا .. ومن الجنب نزلت رسمة الفك ولا بس تحدد
التعريض فرق بعظمة الخد؟ لان عندي هاي شيك بون وعريضة مقارنة بوجهي من تحت

واي ملاحظات ثانية قوليها لنا.. ابي اتطمن من كل النواحي واذا ناسبتني النتيجة اجي الكويت اسويها عنده
كم كلفتك اسراء بالتفصبل؟

الله يسلمج حبيبتي


ليلحين ما صورت وحتى اشعه ما سويت لان توني مسويه العمليه ما صارلي فتره ليلحين فيه تورمات وانتفاخات و اساسا الخيوط ليلحين بفمي .. فالنتيجه ما نقدر نحكم عليها الحين
بس و لا يهمج اذا استقرت النتيجه ان شاء الله .. اوعدج اراويج >> كلميني عالخاص


و على ضمااااااااانتي النتيجه راح تعجبج اذا شفتيها





بالنسبه لرسمة الفك تحددت ونزلت شي بسييييييط .. اذا انتي حابه تنزل اكثر ممكن يستخدم لج حشوه ثانيه >> الحشوات هذي اشكااال وانواااااع


بس بصراحه انا ما افضل الحشوه تنزل للبنت .. لانه اذا نزلت ممكن تعطيج وجه رجولي اكثر مما هو انثوي
الوجه الانثوي حلاته اطرافه ما تكون حادة الزوايا




وعلى الهاي شيك بون .. لا تحاتين اذا عرضتي من تحت راح يصير فيه توازن بالوجه


العمليه كلفتي 2500 دينار كويتي




بس نصيحه لبنات الكويت بشكل خاص او بنات الخليج بشكل عام
اذا فكرتوا بهالعمليه بالذات او حتى جراحة الفك نفسها لااااا تسوونها إلا عند دكتور هيثم مراد
لانه متمكن منها تبارك الرحمن وشغله دقيق

في مجال الفك >> اعتبره تووووب وبروفشنال ما شاء الله
ويعتبر دكتور رقم 1 بالكويت بهالمجال


ااااااخ لو يرجع فيني الزمن ههههههههههههههه اسويها عنده يعني اسوييييها
الحمدلله على كل حال

 

[Esraa.a]

الحمدلله ع السلامة حبيبتي اسراء

الله يسلمج يا قلبي

 

[Reham.At]

الحمد لله ع السلامة وردتنا إسراء

 

[Esraa.a]

الحمد لله ع السلامة وردتنا إسراء

يا بعدعمري انتي الورده وردج بروحه ورده يا ورده




والله يسلمج حبيبتي من كل شر

 

[شتآآت]

اييي اكييييد لها اجازه .. مو اقل من اسبوعين >> يعتمد الدكتور شكثر كاتب لج




و مستحيل العمل يرفض .. لانها اجازه معتمده


لكن قوانين الاجازات المرضيه تختلف باختلاف مكان العمل .. اذا حكومي او خاص




احنا عندنا القانون بالكويت اذا السالفه فيها دخووول مستشفى (عمليه جراحيه)
يحق لج خلال السنه تاخذين 40 يوم اجازه مرضيه مع راتب كامل وما نتحسب ضمن مرضياتج (طبياتج ) اللي هي في العاده 15 يوم بالسنه


طبعا يعتمد عالادارة والمدير ومدى تعاونهم .. اذا نوعهم غير متعاونين ممكن يحولونج مجلس طبي يتأكدون بمدى أحقيتج لل 40 يوم


طبعا بالنسبه لجراحه الفك تستحقون 40 يوم وبجداره
لانه من الآثار الجانبيه اللي تتبع العمليه صعوبة الكلام
والعمل طبعا بحاجه للنطق السليم خصوصا بوظائف خدمة العملاء




الآثار الجانبيه وتفاصيل العمليه تنكنب كلها بالتقرير الطبي

مشكووورة
والحمدلله على سلامتك
تصدقين يوم قريت انك كاتبه انك سعيده بالنتيجه دمعت عيوني
مشششششششششاءلله الله يتمم عليك الرضا والسعادة يارب
تحمست اشوفك

 

[Esraa.a]

مشكووورة
والحمدلله على سلامتك
تصدقين يوم قريت انك كاتبه انك سعيده بالنتيجه دمعت عيوني
مشششششششششاءلله الله يتمم عليك الرضا والسعادة يارب
تحمست اشوفك

يااااا حيااااااتي


ان شاء الله دموع الفرح هذي لما تشوفين نتايج عمليتج وتكونين راضيه عنها أتم الرضا


وبإذن الله بس تستقر النتيجه أوريج >> كلميني عالخاص

 

[morningtulips]

بنااااااااااااات بسألكم توي اشوف صور قبل وبعد بالنت وخفت....

أنا عمليتي فقط ترجيع ورفع العلوي وتركيب ذقن سفلي فقط....يعني مايسوون بفكي السفلي شي تتوقعون يطول وجهي؟؟؟

ومن مر عليها حاله بالنت قبل وبعد مثل حالتي ؟؟؟؟؟؟ كل الي بالنت تقديم سفلي ابي مثل حالتي


الله يوووووووووووفقكم بنات

 

[Esraa.a]

بنااااااااااااات بسألكم توي اشوف صور قبل وبعد بالنت وخفت....

أنا عمليتي فقط ترجيع ورفع العلوي وتركيب ذقن سفلي فقط....يعني مايسوون بفكي السفلي شي تتوقعون يطول وجهي؟؟؟

ومن مر عليها حاله بالنت قبل وبعد مثل حالتي ؟؟؟؟؟؟ كل الي بالنت تقديم سفلي ابي مثل حالتي


الله يوووووووووووفقكم بنات

لا لا تخافين ما راح يطول ويهج


كم ميللي بيقدمون الذقن ؟

 

[morningtulips]

لا لا تخافين ما راح يطول ويهج


كم ميللي بيقدمون الذقن ؟

يااااارب:yaaaaaarb:


تصدقين ماسالته موعدي الاسبوع الجاي وان شاءالله بسأله

 

[Esraa.a]

يااااارب:yaaaaaarb:


تصدقين ماسالته موعدي الاسبوع الجاي وان شاءالله بسأله

ايي اسأليه أفضل


وسأليه بعد عن طول الوجه علشان تتطمنين أكثر

 

[Esraa.a]

هل من أسئله جديده يا حلوات ؟؟؟





الموضوع صار ميت مافيه مشاركات






يلا سألوا ترى ليلحين بإجازه وفاضيه لكم هههههههههههههههه

 

[آه صبرا قلبي]

خوفتيني كثير إسراء

تشخيص دكتور التقويم عادل الهدلق والجراح عبد العزيز الوتيد إن ما عندي مشكلة بالفك العلوي
فقط احتاج تقديم ورفع الفك السفلي

وانا ملاحظة بعد عمليتي الأولى ان مستوى الفك العلوي متقدم على الجبهة

احس ما فيني تحمل عملية ثانية وما تعجبني


تكفون من الجراح في الرياض يهتم بالنواحي الجمالية ويفيد في الاستشارة


والله أوجعت قلبي إسراء


الله يكتب الخير​

 

[Esraa.a]

خوفتيني كثير إسراء

تشخيص دكتور التقويم عادل الهدلق والجراح عبد العزيز الوتيد إن ما عندي مشكلة بالفك العلوي
فقط احتاج تقديم ورفع الفك السفلي

وانا ملاحظة بعد عمليتي الأولى ان مستوى الفك العلوي متقدم على الجبهة

احس ما فيني تحمل عملية ثانية وما تعجبني


تكفون من الجراح في الرياض يهتم بالنواحي الجمالية ويفيد في الاستشارة


والله أوجعت قلبي إسراء


الله يكتب الخير​

لحظه لحظه لحظه
فهمتوني غلط






مو شرط اذا مستوى الفك متقدم اكثر من الجبهه يعني مو حلو أو الشغل مو مضبوط
شوفي انجلينا جولي .. مستوى الفك متقدم اكثر من الجبهه بس حلوه وجميله


وفيه كثيييير جمييييلات مستوى الفك عندهم متقدم اكثر من الجبهه
وانا منهم ههههههههههههههههههههههههه >> أمزح أمزح




بس انا قلت رايي الشخصي ومقاييس الجمال من وجهة نظري .. اني افضل مستوى الفك يكون بنفس مستوى الجبهه
و وايد دكاتره يخالفوني الراي
وانا ماني دكتوره




بنات انتوا لا تاخذون كلامي حرفيا 100٪ .. أنا كلامي مو قرآن منزل وقلت لكم ماني دكتوره
معظم الوقت اتكلم عن راي شخصي
يعني مو شرط يكون صحيح


ومقاييس الجمال والآراء تختلف من شخص لشخص ومن دكتور لدكتور




انتي عمليتج صحيحه لا تخافين .. والدكاتره اللي عندهم ذمه وضمير محد راح يرضى يعيدلج .. لكن للأسف بعض الدكاتره الاستغلاليين يعيدون بهدف الماده


وللعلم فيه بعض الحالات اصلا الدكاتره ما يقدرون يرجعون الفك العلوي .. فيقدمون الفك العلوي علشان يصير فيه توازن

 

[fa6amy-uae]

بنات بقولكم عن خشمي



انا خشمي من بعد جراحة الفك فرش .. خصوصا لما اضحك




دكتور هيثم مراد قبل اسبوعين سوالي غرزة خاصه بخشمي علشان ما يفرش لما اضحك
وفعلا ما شاء الله الحين لما اضحك ما يفرش !!




مستغربه ليش مو كل دكاتره الفك يستخدمون هالتكنيك لمرضاهم !!






يعني انا دكتوري اللي سويت عنده عمليتي مالت الفك ما سوالي هالغزره !!




بس فعلا لو يرجع فيني الزمن اعيد جراحتي عند د.هيثم مراد
بنات والله ما ابالغ ممتااااز ممتاااااااز ممتاااااااز ودقيق ما شاء الله بشغله والاحلى من هذا يراعي النواحي الجماليه فيج


يعني اذا الوجه ضعيف ممكن يستخدم لج حشوات تعرض .. واذا الذقن محتاج ممكن يستخدم حشوه
لانه فيه بعض حالات التراجع الشديد .. لو يقدمه الدكتور من العظم نفسه أقصى حد هم يظل متراجع >> نفس حالتي .. هذا غير غرزة الخشم اللي تكلمنا عنها
والشغل أتعب واقول دقيييييق


فيه بعض الدكاتره يختارون الحل الاسهل لهم جراحيا
يراعون مطابقة العضه بس ويهملون النواحي الجماليه الاخرى

مثل حالة رفيجتي كان عندها تقدم بالفك العلوي وتراجع بالفك السفلي


الدكتور قايلها ما نقدر نرجع الفك العلوي لانه ممكن يأثر عالقصبه الهوائيه .. اعتقد انه هذا السبب .. فقدملها الفك السفلي وطابقلها العضه عن طريق تقديم الفك العلوي شي بسييييييط


فصاروا الفكين متقدمين كثير مقارنة بمستوى الجبهه
هالشي ضايقها زياده ..
لانه ما انحلت المشكله .. هي مشكلتها اصلا التقدم بالفك العلوي

لما راحت لدكتور هيثم قالها بإمكاني اني ارجع لج الفك العلوي بس العمليه شوي صعبه و يبيلها شغل دقييق
طلع دكتورها الاول مختار الاحل الاسهل له جراحيا


هي فعلا العضه تطابقت عندها الحمدلله .. لكن بدون مراعاة النواحي الجماليه الاخرى
الفكين تقدموا .. فأعطى ايحاء انه العين غايره
ولما تضحك مخلي الاسنان السفليه والعلويه يبينون .. اهو الصحيح وقت الضحك الاسنان العلوية فقط تبين
والحين قاعده تفكر تعيد العمليه عند دكتور هيثم




طبعا سالفة الاسنان العلوي والسفليه يبينون وقت الضحك .. صارت فيني انا بعد للاسف .. بسبب انه مقاييس الجمال تختلف من دكتور لي دكتور
فيه بعض الدكاتره يقولون انه وقت الضحك لازم جزء من الاسنان السفليه تبين ومنهم دكتور عادل اللي سويت عنده عمليتي الاولى
لكن دكتور هيثم يقول لأ .. لازم بس الاسنان العلويه تبين


وانا مع دكتور هيثم بهالنقطه




حالتي كانت بحاجه ترجيع للفك العلوي وتقديم الفك السفلي
بعمليتي الاولى الدكتور قالي ما نقدر نرجع لج الفك العلوي لانه كنت حاطه تقويم من قبل والمسافات متكسره وحالتي حاله
فعدل لي وضعيية الفك العلوي وقدملي الفك السفلي ٧ ميلي والذقن ٦ ميللي


المهم اللي صار انه وجهي واااايد طال .. صار طويل وضعيف .. وانا ما احب الوجه الطويل
وكان وجهي من تحت مايل جهة اليمين اكثر بسبب الذقن مو مركبينه بمقاسات دقيقه .. بس سكتت و رضيت بالامر الواقع




مع الايام سمعت عن دكتور هيثم
رحت له .. قالي الحل اني اركب لج حشوات تعريض الفك .. والذقن اعدله واقصره لانه كان مايل جهة اليمين بشكل ملحووووظ و هالشي بين بالاشعه عدل وشفته بعييييييني


وسويت عنده العمليه قبل اسبوعين .. الحمدلله


حاليا وجهي عرض بأعطى ايحاء بأنه اقصر .. وعالجنب تحدد وانرسم صار فيه كسره مثل فك العارضات .. انا قبل فكي عالجنب مافيه ملامح


الحين صار مثل هيفاء وهبي بصورتي الرمزيه .. الحمدلله






اللي ابي اوصله .. لو كنت من البدايه مسويتها عند دكتور هيثم
اولا ممكن الخطه تخنلف .. يعني ممكن انه كان يقدر يرجع الفك العلوي !!!! وهالشي اللي انا كنت ابيه لكن الحمدلله على كل حال


نفرض انه ما قدر و انه سوه نفس خطة علاج دكتوري


بهالحاله .. بنفس وقت عمليتي يركبلي حشوات
ماله داعي اسوي عمليه ثانيه علشان الحشوات .. نفس وضعي حاليا .. اضطريت اسوي عمليه ثانيه علشان الحشوات


على فكره بنات مو كل دكاتره الفك يركبون حشوات >> دكتوري الاول ما يركب حشوات




علشان جذي اختيار الدكتور مهم جدااااا .. ما اعيب شغل دكتوري الاول لكن مو كل دكتور شغله بروفشنال


ود.هيثم مراد لو فيه لقب افضل من البروفشنال كان عطيته .. لانه يستحقه وبجدااااره




وموضوع غرز الخشم محد ضبطهم (عندنا بالكويت) الا دكتور هيثم
وحتى الحشوات هو الوحيد اللي يشتغل فيهم >> رحت لاكثر من دكتور بعد عمليتي مالت الفك أسأله عن موضوع الحشوات (علشان احل مشكلة طول الوجه اللي صارت معاي) .. ما يشتغلون فيهم .. والبعض كان متخوف انه يسويها لي لاني اول حاله له. .. مو مسوي هالعمليه من قبل وما يعرف يختار الحشوات .. لانه الاختيار دقيق فيها .. فيه منها انواااااع واشكااااااال كثيره .. كل شكل ممكن يعطيج رسمه مختلفه للوجه فالدكتور لازم يشوف انتي شنو محتاجه بالضبط تبعا لشكل الفك الاساسي


و على فكره دكتور هيثم يستخدم حشوات الميدبور .. والميدبور ميزته يلتئم مع عظم الفك نفسه وبين شكله طبيعي مع الوقت .. كأنه عظم الفك
وممكن يستخدم حشوات السيلكون للي حاب
حشوات السيلكون ممكن تنشال في اي وقت اذا مليتي منها
عكس الميدبور لا يمكن ينشال بعد ما يلتئم مع العظم






المهم انا سعيييييييده جدا بنتايج عمليتي الثانيه اللي سويتها عند دكتور هيثم مراد
مع انه مازال الوجه مورم .. بس مبين انه النتايج حلوه الحمدلله
وسعيده بخشمي بعد .. ما قام يفرش لما اضحك
وسعيده بشكل ذقني الجديدوسعيده انه وجهي قصر
وسعيده اني كتبت تجربتي لكم
وسعيده اني سعيييييييييده هههههههههههههه
حتى هو بعد سعيييد من النتيجه لما شافني اليوم ( اول موعد من بعد العمليه) حيييل عاجبته النتيجه قالي i'm sooo happy




ممتنه جداااااا جداااااا جدااااااااا لك دكتور هيثم

عمليتج سوتيتها ببنج موضعي و لا كامل ؟ اذا بنج كامل كم تميتي في المستشفى ؟
و مافهمت بخصوص الحنج كيف كان عقب العلمية الاولى و كيف صار عقب العملية الثانية ؟
ياليت تنزلينا صور تقريبية

 

[Esraa.a]

عمليتج سوتيتها ببنج موضعي و لا كامل ؟ اذا بنج كامل كم تميتي في المستشفى ؟
و مافهمت بخصوص الحنج كيف كان عقب العلمية الاولى و كيف صار عقب العملية الثانية ؟
ياليت تنزلينا صور تقريبية

لا طبعا بنج كامل و تميت ليله وحده بالمستشفى




حنجي كان شوي ضعيف من تحت .. الحين صار تقريبا نفس شكل هيفاء وهبي بصورتي الرمزيهوفكي عرض من عالجوانب وتحدد


باختصار
قصة ويهي كانت مثلثه صار مربعه



من ضمن الفنانات اللي ويههم مربع
سيرين عبدالنور - أمل العوضي - دوللي عياش ..... وغيرهم

 

[ثري جي]

انا بسوي عمليتي لاني بحاجه لها وماهو القصد عملية تجميل لانه مايجوز .. بس هل بعد ما اسوي عمليتي ممكن تصير عندي مشاكل واضطر اسوي ثانيه وثالثه كتعديل ؟

 

[Esraa.a]

انا بسوي عمليتي لاني بحاجه لها وماهو القصد عملية تجميل لانه مايجوز .. بس هل بعد ما اسوي عمليتي ممكن تصير عندي مشاكل واضطر اسوي ثانيه وثالثه كتعديل ؟

كل شي ممكن !!!


يعني انا كانوا مركبين لي ذقني مايل .. فوجهي من تحت صار عوي (عوج)
مايل جهة اليمين


ولانهم قدموا الفك السفلي 7 ميللي والذقن 6 ميللي صار الوجه حييل طويل وضعيف


ومن الآثار الجانبيه اللي صارتلي .. زوايا الفك تآكلت عندي لاني تميت بالعمليه ما يقارب 7 ساعات >> صارتلي مضاعفات واحجت نقل دم




فعلشان أحل المشاكل اللي صارتلي او بالأحرى أرقع المشكله
ركبلي الدكتور حشوات


والحمدلله فرحانه من النتيجه لحد الآن

 

[امنيه]

الحمدالله على السلامه اسراء
شلون مع الاكل عقب العمليه وجم مده عمليتج وين سويتها ؟