محتاره بين ماجده اليتامي واسامه صالحه

[مس اغراء]

السلام اشلونكم بنات الكتاب مبين من عنوانه انا بغير دكتوري تنصحوني بالدكتور اسامه صالحه برويال حياة ة او ماجده اليتامي

 

[مس اغراء]

ياريت اللي جربوا هالدكاتره يكتبون رايهم ويزاهم الله خير

 

[ماي زهر]

ماجدة آنا مجربتها للآمانة هي زينة و عندها خبرة ما أظلمها
بس عيبها ما تجابلج و تقطج على صخر ...
يعني آنا حالتي يبليها مجابل آنا فيني فرط تنشيط و تضخم
و سويت طفل الأنابيب عندها

والله مرات ادخل الغرفة انطرها تيي تكلمني وهي واقفه !!!!
و بسرعه بسرعه مرات في أسأله أبالي بس من كثر ماهي مستعيله
أنساها و تخليج مع المصريات إللي تحتها ما عندهم خبرة كافيه الصراحة
و تشخيصهم غلط مرات
و آنا وقت السحب قبل السحب و بعد السحب ما طلت علي و لا كلمتني
و حتي وقت الترجيع ما يتني الغرفة و قالت لي شسوي ما أسوي
و بعد الأرجاع ما شفتها و فشلت عمليتي الله يآجرني و يعوضني
يعني عالفلوس إللي تقطينها ما تاخذين حقج آنا كنت أبيها تجابلني بكل
خطوات العملية و حتي بعد العملية نفسياً تحتاجين دكتورج !!!!

آنا هذي تجربتي الله يعوضني و يآجرني يارب



أسامة يمدحونه و آنا آشوف مقابلته عنده خبرة و مختبر رويال حياة للأجنة تحت
إشراف طاقم بريطاني و ماجده مصري مال الأجنة


إنتي أستخيري و الله يوفقج ..........

 

[M!SS.LOBY]

الله يكون بعونج

 

[M!SS.LOBY]

سبحان الله

 

[M!SS.LOBY]

الحمدالله

 

[M!SS.LOBY]

الله أكبر

 

[M!SS.LOBY]

استغفرالله

 

[حصوص88]

ماجده بعدي عنها بلذات المصريات الفاشلات اللي عندها بس هم شلون يسحبون فلوس منج حسبي الله عليهم ومايفهمون شي

 

[M!SS.LOBY]

الله يكتب لج اللي فيه الخير

 

[حلمي الأمومة]

الحين الفريق الجديد الي برويال حياه منو الدكاتره الي عندهم وهل عندهم دكتوره لان ابي مره ماابي اراجع عند دكتور

 

[M!SS.LOBY]

اب اب اب

 

[الأميرة جوري]

انا كنت عند ماجده من 10 سنوات بسبب تاخر حملي واهي اللي عرفت علتي انتي طلبيها اهي مو غيرها

 

[M!SS.LOBY]

الله يرزقج ويوفقج

 

[الـكـاديـي]

الله يرزقكم بفضله بالذرية الصالحة

 

[التووومي]

فيه وحده مدحت لي ماجده تقول معها نزيف مستمر وماعرف سبب النزيف غير ماجده رغم أنها راحت لكذا دكتوره بالأردن والسعودية وماعرفو سبب نزيفها وهي شجعتني أروح لمسجده لأني متأخرة بالحمل بس دخلت هنا وقرأت الكلام وترددت أروح لها ): يارب يرزقني ويرزقكم الحمل السليم التام

 

[الطربوش]

اسااااااااااااامه صالحه وانتي مغمضه ماشالله عليه دكتوووور وفاهم وينصحج ويعلمج انا اللع رزقني مرتين عنده مره جبت بنوته تجنن ربي يحفظها لي ومره حملت بس مالله كتب لي قايت الشهر الثاني اجهضت يعني الفضل لله ثم لدكتور اسامه صالحه وانشالله بعد شهر براجع عنده مره ثانيه
والله يرزقنا يارب

 

[om_ibrahim]

ماجده اليتامى

 

[يستفزني غلاك]

اختي الغاليه سالفه محتاره. مالومج شي يلعب بالنفسييييه وتحتارين
بس الله الرازق و ثقي بالله ان هو اللي بيرزقج لو وين رحتي المهم مابي اطول عليج
ماجده اليامى في حريم راحو لها و تعالجو وحملو و هي شاطره
بس ي اختي مااااااااااتسسسممممممعج مااتعطيج مجااال
اصلا اهم شي الدكتوره تسمعله تشوف المريضه
هي كلش ماتبرد الخاطر الصراحه و كله تمشي الصراحه هذا اللي واجهته
طبعا طلبتها شخصيااااا اول 3 شهور خلوني ادخل على المصريات اللي تحتها سمر وشيرين مادري شقولج بس جربي اسامه بس استخيري اول و الله يرزقج ي رب و اسفه على الاطاله بس حبيت اتكلم

 

[نونا العتيبى]

اختي نصييييييحه ابتعدي عن ماجده حسبي الله ونعم الوكيل فيهااا ، صح كل شي يصير مقدر ومكتوب علي الانسان لكن ولو شوفي الدكتور اللي يبي مصلحتج ويخاف الله ، انا حملت ويبت اثنين وكنت اراجع بالولاده ودكتوري اكثر من روعه لكن كثر ماسمعت عنها رحت لها ، مره حملت ومات في الرابع وعادي سوت لي تنظيفات ولا حللوا الجنين ، مع انه تقول خفت عليج تموتين وانا اسوي لج العملية لان الجنين متحلل في بطنج وصار فيج تسمم المهم حملت عقب وراجعت عندها وكانوفي مشاكل بالمشيمه واهي عادي وتسوي سونار وتقول شاكه في شي اسألها شنو تقول لا بس تعالي الاسبوع الجاي اسوي سونار والله كتب واييني طلق بالثامن وانا اولد بعملية اصلاااا وتولدني وطلعت البنت لكن حطوها في العناية المركزة وعقب قالوا انها زينه ومافيهاىشي حتي الدكتورة تقولي كل شي زين وامورج طيبه واكتشف عقب ان بنتي فيها نقص اكسجين والحين معااااقه عسي الله يشافيها ولو كانت تعطيني ابر سيوله ماصار هالشي لكن الحمدلله علي كل حال ، الله يسهل عليج اختي واستخيري قبل كل شي