{ .. الـتـجـمـع (الـــعــآشـر) لتربيـة الآســــاسيـه .. }

[^^طالبه^^]

روح امها انتي نفسي مواد تخصصج كلها 3 وحدات عكس التخصصات القديمه بكليه

لان التربيه الخاصه
والفرنسي
برامج مستحدثه



المهم بنات انا خذت قراري خلاص مراح احول بقعدي بتخصصي
تربيه خاصه-دراسات اسلاميه-تفوق عقلي
تخصص طلع حلو من كلام الناس
ويبيلي بس 42 ماده علشان اتخرج ان شاءالله
عكس المواد الثانيه يوصلون 50 ماده مطلوبه الالزامي
ولمي اتخرج اتوظف بمدارس عاديه
حدى عاجبني التخصص
ياربي توكلت عليك انت ذو الجلال والاكرام

 

[stop ana top™]

الله يوفقج ي طالبه
و التخصص من ناحيه المساند اسهل

 

[فروووووحه]

اهلين روح امها ي قلبي انتي حددي تبين تقعدين ولا تحولين

لان اذا تبين تحولين حرام تاخذين مواد تنحسب عليج وبعدها مايعادللونها لج بالتخصص الجديد ويضيع فيها دراستج وتعبج


لازم تتعلمين بعطيج الاساسيات وبعدها بذكر لج المواد

1- اول ماتدخليت للمجرشيت باللون الاخضر كاتبين لج عام وتخصص ومهني
عام <<< اكثر التخصصات تاخذها وتكون مشتركه
تخصص << مواد التخصص نفسه
مهني << اللي تاهلج لتخرج

2- كل بوكس راح تحصلين فيه مواد أي ماده مكتوب عندها عرض اضغطي عليها وسجلي اسم الماده بورقه وبالنهايه راح تجمعين كل المواد المسبق

3- المواد العامه مثل ما هو طالع بالصوره اللي حطيتيها
الحضاره << نايف سهيل احسسن واحد / راكان المطيري صج شديد واختباراته مقالليه بس بالنهايه يعطيج حقج وزياده
الثقافه << سلمان الشطي / اسامه عبدالرحيم // كل القسسم يمدحونهم
قيم الولاء << مهدي العجمي
مناهج بحث << حجاج العجمي // عبيد الشمري
انقلش << ناديه العتيبي // نبيله المدلج

التخصص موطالعين عندي والشغله الثانيه ماعرف المسبق انتي بعد ماطلعين المسبق راح تعرفين الطريقه




ان شاء الله شرحي كان واضح موفقه ان شاء الله

 

[شوق95]

خرعتوني يعني عبدالله الملا مو زين ��

كنت عنده بس غيرت من كلام البنات
حطي اسامه عبد الرحيم

 

[عشى ماسر !]

بنااات ساعدوني شرايكم بجدولي


الفن والحياة عند : موفق علي
اصول تربيه :عيد الهيم
مقدمه في تكنلوجيا التعلم : عبدالله مديرس
طررق تدريس التربيه الاسلاميه :سالم ابوعويان

تكفوووون انقذوني

ماعرف الا عبدالله المديرس خذيت عنده يجنن محاضرته خفيفه
والكميه اخف واختباراته صح وخطا ويطلب بنص الكورس بحث ولا تقرير
تسلمونه اخر الكورس بتاريخ هو يحدده

اما طرق تدريس ماانصحج صراحه تاخذينها الحين لان الماده
دسمه ومطلوب فيها شرح حلاتها تاخذينها السنه الثالثه او الكورس
الثاني للسنه الثانيه

 

[شوق95]

بنات انا ابي
مادتين عامه
وماده تخصص
شختار ؟
بنات يصير اخذ 4 مواد

بنات لحد يضحك لووول جد ماعرف

مايصصير حدج ثلاث اللي اعرفه

 

[عشى ماسر !]

^^​

لا يصير على حسب وحدات المواد اللي تبيها المهم ماتتعدى 9 وحدات
​

 

[يا كويتنا]

طالللبه


اشوه عقلتي وصرتي خوش بنت

شفيه تخصصنا سهل وحلو ودكاتراتنا حلوين


الله يوفقج يارب ويوفق الجميع

 

[..الشيخه حلاها..]

مشتااااقه
استوب استوب
طرق تدريس نازله لج غلط ترا
هذي ماده لازم تعدين جنه 80 وحده وتفتح لج يعني علي 3 سنه تقريبااا
سحبيها وحطي ماده ثانيه لا تنسحب منج وبعدين مايزيدون لج ماده وتتوهقين

صح كلامج الكل يقول جذي حتى الدكاتره

بس انا ثاني كورس لي بالكليه خذيت طرق تدريس حاوسب 1

والصيفي هذا الي تو خذيت طرق تدريس حاسوب 2 وخلصتهم مع اني 2 سنه وعلى حسبتي باقيلي سنتين يعني 6 كورسات و اتخرج :eh_s(2):

 

[..الشيخه حلاها..]

بنات تو شفت ب تويتر حاطين شرح القاعات ..

G = الارضي
f = الدور الاول
s = الدور الثاني

b = رقم المبنى




مثل B9=مبنى 9

،F18=الدور الأول قاعة 18،

 

[~ روح امها ~]

فرووحه : مشكككوره حبيبتي وماقصرتي
بحول اذا تخصصي صعب واذا عجبني بكمل
علشان جذي خذيت مادتين عامه وماده تخصص

شوفوا جدولي :

قراءات واساليب عند محمد نعناع من 9:30 الى 10:50
ثقافه اسلاميه عند عمر الكندري من 14:00 الى 15:20
قواعد اللغه الفرنسيه عند شذا الحوطي من 15 الى 15:50

تواقيت سنعه ودكاتره الحلوين مسكرين

 

[^^طالبه^^]

ياكويتنا
اقولج شيء
حسبتها حسبه طلعت راح اطحس بمواد الاسلاميه 13 ماده اجباريه و 2 اختياريه
يعني 15 ماده الاسلاميه بروحه
والمواد التفوق 8 مواد و 2 اختياريه
والمواد العامه

يبقى 25 ماده عامه

يعني لو اقسمهم
الكورس هذا
3 مواد
الكورس الثاني
6 مواد
الصيفي
مادتين
الكورس الاول 2014
6مواد
الكورس الثاني
6مواد
الصيفي
مادتين

الكورس الاول 2015
6 مواد
الكورس الثاني
6مواد
الصيفي
3 مواد لآني خريجه

والكورس الاول 2016
اخذ الميداني بروحه واتخرج ان شاءالله

يعني جذي تخرجت بـ3 سنوات ونص ان شاءالله
و افتكيت

 

[~ روح امها ~]

طالبه : اي حتى دكاتره مالت التخصص موعارفين هم زينين ولالا
ماكو تقييم الله يعين

 

[العصقولة]

سسسسسسسسلااااام بنات


كح كح شخببااااري

شخباااااركم شعلومكم مشالله صار تجمع العاشر :/


وين البنات لايكون تخرجو وخلوووووووني اهئ اهئ

 

[فروووووحه]

بنات انا ابي اسالكم ع أي اساس تاخذون 9 وحدات منو حدد لكم اذا الموقع اقل شي 15 قبل يقيدونا من التسجيل لانهم يدخلون بياناتنا ويسحبون لنا الجداول رفيجتي الكورس اللي طاف كان اول دفعه هم يسون جداولهم خذت 15 وقالو بيسحبون ولا سوو شي


روح امهاا ماعرف ولا واحد من اللي اخترتيهم في طريقه اذا ماناسبج الوقت او كان بعيد او الدكتور ماتبينه بس تبين الماده اكثر الدكاتره يوافقون عليهاا وهم في اللي يرفضها بشده بس انتم حاولوو وهي تبديل بين الدكاتره او الدكتور نفسه


بضرب امثله

1- ماده ثقافه اسلاميه ماخذتها عند عمر الكندري وانتي تبين اسامه تروحين لاسامه اول وتقولين له في مجال اداوم عندك لان وقتك يناسبني اذا وافق تروحين لعمر وتطلبين منه انج تداومين عند اسامه اذا وافق تداومين وتختبرين عند اسامه واذا طلعت نتيجتج تحصلينها عند عمر

2 - نفس الماده عند عمر وقتج الساعه 9 ص ومحاضرتج الثانيه الساعه 14 يعني الساعه (2م) تروحين للدكتور نفسه وتقولين عندك شعبه ثانيه ووقت ثاني لان بين محاضراتي وقت طويل او ما ااقدر اجي مبجر لظروف ساعتها تداومين معاه بالوقت اللي تحصلينه ويناسبج


مثلاحظه بكل الحالتين لازم تنتبهين ان الدكاتره يحضرونج علشان مايعطونج حرمان بكل محاضره تاكدي انه يحضرج

 

[فروووووحه]

طالبه تصحيح لحسبتج بالكليه يحسبون ع الوحدات مالهم شغل كم ماده عندهم وحدات لازم تخلصينها

احنا رياض الاطفال 130 وكذلك الاسلاميه

اذا قسمناها ع 3 ونص مثل ما انتي تبين

1- خمس كورسات تاخذين 20 وحده وكورس 19 بدون صيفي << هذا يعتبر انتحار حيل متعب
2- خمس كورسات تاخذين 16 وحده وكورس 15 و3 صيفيات كل صيفي 8 وحدات << هذا معقول



للعلم الميداني مع حلقة البحث 11 وحده شيلوها من المجموع الكلي

مسموح للمستمره 20 وحده للكورس العادي وللصيفي 8 وحدات هذول كاقصي شي




اول كورس جيبووو معدل فووق ال 2.30 وكملووه بالكورسات الباقيه اول سنه المعدل يرتفع معاكم حييييل اذا مارسبتو ولا جبتوو دي السنوات الباقيه يرتفع بالاعشاار علشان جذي اضغطوو ع اعماركم بالدراسه وشدوو حيلكم اول سنه ونص لان المعدل يرتفع معاكم


اول كورس راح يكون خفيف علشان تتعودون ع الدراسه والنظام وبعدها انتم تحطونه ويكون عندكم مجال للحد اللي تبونه بس نصييحه لا تاخذون اقل من 16 وحده لان التاخير مو من صالحكم بعدين ماراح تحصلون مواد ولا دكاتره



أي شي راح اتذكره راح احطه لكم

 

[عشى ماسر !]

بنات انا ابي اسالكم ع أي اساس تاخذون 9 وحدات منو حدد لكم اذا الموقع اقل شي 15 قبل يقيدونا من التسجيل لانهم يدخلون بياناتنا ويسحبون لنا الجداول رفيجتي الكورس اللي طاف كان اول دفعه هم يسون جداولهم خذت 15 وقالو بيسحبون ولا سوو شي

بضرب امثله

1- ماده ثقافه اسلاميه ماخذتها عند عمر الكندري وانتي تبين اسامه تروحين لاسامه اول وتقولين له في مجال اداوم عندك لان وقتك يناسبني اذا وافق تروحين لعمر وتطلبين منه انج تداومين عند اسامه اذا وافق تداومين وتختبرين عند اسامه واذا طلعت نتيجتج تحصلينها عند عمر

2 - نفس الماده عند عمر وقتج الساعه 9 ص ومحاضرتج الثانيه الساعه 14 يعني الساعه (2م) تروحين للدكتور نفسه وتقولين عندك شعبه ثانيه ووقت ثاني لان بين محاضراتي وقت طويل او ما ااقدر اجي مبجر لظروف ساعتها تداومين معاه بالوقت اللي تحصلينه ويناسبج

الموقع محدد اختي حاولت اسجل لها اكثر من 9 وماقدرت
يمكن اذا لهم موعد سحب واضافه يقدرون يضيفون
رفيجتج يوم سجلت ال15 كان اول موعد تسجيل لها ؟

اما الامثله الثاني معقول وتصير بس موكل دكتور يرضى
اما الاول صعبه معقوله في دكاتره يرضون احسها فوضى !​

فرووحه : مشكككوره حبيبتي وماقصرتي
بحول اذا تخصصي صعب واذا عجبني بكمل
علشان جذي خذيت مادتين عامه وماده تخصص

شوفوا جدولي :

قراءات واساليب عند محمد نعناع من 9:30 الى 10:50
ثقافه اسلاميه عند عمر الكندري من 14:00 الى 15:20
قواعد اللغه الفرنسيه عند شذا الحوطي من 15 الى 15:50

تواقيت سنعه ودكاتره الحلوين مسكرين

اعرف نعناع خذيت عنده ادب ممتاز ويشرح بضمير ومتفهم واختباراته
زينه ويرفع اخر شي بالدرجات​

 

[محتاجة مندوبات]

uuuuuuuuppp

 

[فروووووحه]

أي يرضون وانا اعرف ناس واجد سووهااا انا جربت كذا مره اني احضر بمواعيد ثانيه لنفس الدكتور بسبب ظروفي وكانت الدكتوره مقدره وماعارضت اهم شي اني احضر عندهاا

 

[شوق95]

طلعت نتايج امتحان الانقلشش القدرات