✔✔تجمــ؏ لحوامــل التــوأأأم✔✔

[الوش صقر]

وينكم بنات ليش التجمع جي راقد

 

[** باربي **]

اشلونكم بنات شخباركم انا طلعت من مستشفى الصباح الأرف بعد اسبوعين من العذاب والم طلق وكل شوي فحص داخلي الله يلوع جبدهم وحاشني امساك فضيع من كثر القعدة وقمت اصارخ احس بطني من فوق يابس ماقدر امسكة ويعطوني دوة حبوب سودة بماي اشربة وقطه امعائي تقطع قمت افرفر اقولهم عطوني مسكنات يقولون يمكن هذا طلق لازم فحص داخلي اقولهم انا افهم حق عمري هذا عوار بطن لو بس ادش حمام ارتاح يقولون لايمكن طلق عادي مرات طلق يصير بالبطن وخل نحط جهاز تخطيط وانا من البجي يزيد طلقي وما اقدر يحطون جهاز تخطيط على بطني من الالم ومنزليني ومصعديني الولادة غير صراخ الي يولدون يخلون الي مافيها عوار يصير فيها وعطوني دربات مخفف الطلق وخف شوي بس احس برفسات وحركة عند الربط يعورني انقز من مكاني وتييني حاله اكتئاب من الخوف لانة يقولون ينتزع الرحم وضليت اخر شي قلت للدكتور لي متى قال خلاص اذا مافي الم وايد انزلج .. والحين رديت بيت اهلي وساعات احس ابهالنغزات اتصروع واسكت يارب يرتفعون ما ابي اولد ولادة مبكرة توني بالسابع ولا ابي ارف الصباح واهمالهم انا ابي عناية الخاص وفوق هذا مجهزة للاستقبال ادعولي يابنات عالاقل اولد اول اسبوع من ال9

 

[** باربي **]

حمدالله على ولادة حياة ريلي ياحلات اسم ولدها هارون ربي يخليهم لنا وناطرينها وبنشوف ولادة السيف شلون وعند منو

 

[طيوبه1122]

حمدالله على ولادة حياة ريلي ياحلات اسم ولدها هارون ربي يخليهم لنا وناطرينها وبنشوف ولادة السيف شلون وعند منو

باربي السيف يستقبلونج اذا ولدتي بالسابع شلج بالصباح يماا رعب

 

[glby7sas]

باربي حبيبتي اخاف عوارج مال الامساك انا اذا صار فيني امساك اييني عوار بطن قوي مااتحمله لانه الغازات تتجمع داخل جربي روحي خاص شوفي شيقولولج

 

[f.7oor]

الله يتمم عليكم حملكم والفال حق الي الله ما رزقهم الله يرزقتي ويرزقهم يارب

 

[الوش صقر]

الحمدلله على السلامه باربي والله يتمم لج حملج للتاسع

 

[** باربي **]

طيوبة : اي والله الصباح رعب وأرف وكسافة واهمال االله لايطيحني فيه
قلبي حساس : لا كان طلق االله لا يوريكم الي ذقته يارب
الوش صقر : الله يسلمج ياقلبي الله يتمم للتاسع امين

 

[** باربي **]

دلع وباجي البنات وينكم ؟؟؟!! والقروب وين

 

[ABEER FLOWER]

ربي يمسك مافي أرحامكم ويتمم عليكم

: )

 

[glby7sas]

عبير امين يارب


باربي حبيبتي موجودين مسوين تجمع بالويتساب.

 

[دلــــع الكويت]

هلا باربي شخبارج حبيبتي شلونج
ابشركم انا ولدت ولله الحمد
حنا بتجمع الوتس طرشي رقمج خاص

 

[حمرة الورد]

تقومون بالسلامه مجربه حمل التوأم تعب الله يعينكم

 

[** باربي **]

دزيتلج دلع رقمي والف حمدالله على سلامتج توقعت ولدتي
ام نيرمانا : صدقتي يطالعون الي تييب توم مايدرون شذاقت الوحدة بحمالهم

 

[** باربي **]

دزيتلج دلع رقمي والف حمدالله على سلامتج توقعت ولدتي
ام نيرمانا : صدقتي يطالعون الي تييب توم مايدرون شذاقت الوحدة بحمالهم

 

[shayto0oNa]

السلام عليكم :eh_s(7):



شلونكم بنات شخباركم


انا كنت معاكم ولدت الحمدالله الحين عيالي عمرهم 6 شهور:ggdw:


انا سجلت دخول بس عشان اقول هالكلمتين للبنات اللي يقولون السيف يستقبلج تولدين بالسابع :bbbiu:


شوفو حبايبي ماكو مستشفى مايستقبلج بس اذا دكتورج امين ويبي مصلحتج ماراح يستقبلج تدرين ليش ؟؟؟؟


لان ماعندهم الشيشه المطوره للتونز الخدج مو شيشه عاديه وخلاص وغير هذا بالصباح والعدان افضل طاقم طبي بيوقف على راس ولدج دقيقه بدقيقه ويتابعون حالته


لحد يقص عليج يقولج عندي دكاتره اطفال وعندي شيشه لا ماعنده نفس اللي بالعدان والصباح

حطي ببالج انتي بتولدين بالسابع وفوق هذا تونز يعني مايعرف يتنفس مايعرف يشرب حليب له مشاكل كثيييير كثيييير يبيله خبره ومتابعه ودقه

انا نفسكم يتني ولاده بالسابع رحت السلام وطردوني رحت رويال حياه والمواساه كلهم قالو احنا مانستقبلج لمصلحتج انتتتتتي لمصلحة عيالج لان حتى لو ولدتي بخاص وبتحولين عيالج للصباح او العدان بياخذ وقت لان ماعندهم مكان شوف عيني اليهال مكدسين وياخذ وقت وطفلج مافي مجال تنطًرين عليه


رحت العدان وولدت صج تمصخرت وشفت الموت بس لما شفت عنايتهم وخبرة الدكاتره وايد حمدت ربي اني ييت هني عيالي كانت مشاكلهم وايد وقعدو شهرين بالشيشه بين الحياه والموت ربي طلعهم بفضله ثم بمجهود الستاف اللي بالعدان صج تعبو عليهم وجابلوهم


هذا رايي ونصيحتي لكم ياخواتي لا تبيعون عيالكم عشان استقبال ادري وصاخة العدان ماتنحمل بس عشان عيون عيالي يهون كل شي



اما اللي تكمل للتاسع ماعليها خوووف ان شاء الله تقدر تولد بخاص



:eh_s(7):

 

[glby7sas]

شيطوونه الحمدالله على سلامتج حبيبتي وسلامت البيبيات

اي انا مفكره جذي اذا ولاده مبكره لازم حكومه وانا مثلج بالعدان
واذا كملت لي شهري فان شاءالله خااص

 

[طيوبه1122]

بس السيف اصطافهم للاطفال اصلا كانو بالصباح وعندهم حضانات مستعده للخدج مو مثل باجي المستشفيات ليش نتعذب والله ماتحمل الصباح لو ثانيه الحمامات وصاخه مافي اهتمام وانتي عمليه انا اصلا من الناس اللي مو مسويه استقبال والبيبي بيودونه للصباح يعني مافي خوف عليه

 

[shayto0oNa]

طيوبه بالسلام دكتورة رئيس وحدة الخدج بالعدان تعرفين شنو يعني رئيس وحده الخدج ومع هذا قالي انتي حسبة بنتي انصحج تروحين العدان او الصباح لمصلحة عيالج قلت ليش انت موجد هني نفس مو موجود هناك

قال انا ماراح اجابله 24 ساعه والدكاتره الباجي اكبر واحد فيهم ماعنده خبرة اصغر واحد بالعدان اتكلم عن قسم الخدج والنيرسات بيجابلون عيالج النيرسات مو اي نيرس بروفشنال خدج رعايه باصغر الامور اصغر الامور


وانتو كيفكم ياخواتي هذيل عيالكم وانتو بتخافون عليهم اكثر مني

انا كنت اعرف هالكلام بس ماكنت مقتنعه ولاعارفه حجم خطوره طفل خدج وتونز بعد ! يعني بيكون صحته اقل من طفل الخدج الواحد


والله كنت كل يوم اروح لهم المستشفى اجر بخطواتي اقول القاهم بمكانهم ولا لا القاهم نفس ماخليتهم امس ولا لا :eh_s(2):



الحمدالله على كل حال


وعسى ربي يقومكم بالسلامه

 

[shayto0oNa]

قلبي حساس الله يسلمج من كل شر وعسى ربي يقومج انتي وعيالج بالسلامه