(✿◕‿◕) تفسيــــــــــر الاحلام (◕‿◕✿)

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

السلام عليكم ورحمة الله وبركاته
تحلمت اليوم ان اختي توزع علينا هدايا انا وخواتي فلوس ودراريع الفلوس مادري كم بس فيها ميات وعشرات وريالات ( اختي هذي حامل لها ٤ شهور )
اخذت الفلوس وفتحت الدراريع ماقلت حق خواتي انها هدايا علشان انا اختار بكيفي وقلت حقهم بضاعه وانا اختار وحده لونها وري وافتح والقى وحده لونها كحلي واسود اعجبتني اكثر قلت لا خلاص ابي ذي بعدين قلت تري ذي هدايا قالت وحده من خواتي انا عندي نفس خامة ذي وجديده بعد (قصدها اللي انا اخذتها) كانها تقول ماابي شي منها( اختي هذي حامل بالشهر السابع) وانتهت الحلم مااخذ من الدراريع إلا انا
اتمنى تفسرينه لي الحلم تحلمته الصبح لاني صليت الفجر ونمت عاد ماادري اي حزه تحلمته ماصحيت إلا مع صلاة الظهر

والعلم عند ربي اختج حامل بولد وانتي في بنت والعلم عند ربي
​

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

لسسلام عليكم اختي عندي حلمين الحلم الاول كان في يوم ٢١/٢ يوم الجمعة
انه رحت عزج الله الحمام ونزل مني دم واجد واني كنت ابكي من الدم اقول شلون انا ينزل مني دم واجد
وانا حامل واقول في نفسي انه استحاله يعيش بعد الدم ورحت عند دكتوري وقلت له قال واحد نزل بس في ثاني
ورحت قلت لام زوجي كلام الدكتور وقلت بقول لاي احد اني سقطت علشان مايجيني الدم مرة ثانية وسالتي
مرة حماي قلت انها اني سقطت قالت لي احسن لا تحملين الا بالصيف قلت اها اعوذ باللله الا ان شاء الله بحمل



الحلم الثاني كان بتاريخ ٢٤/٢انه خالتي اخت امي عطتني سكين٢ بس
مع العلم اناا حامل بالشهر الخامس وعندي بنت ولد ومشكورة ماتقصرين

هلا حبيبت يوالعلم عند ربي كنتي تتمنين او تسعين للحمل بتوائم ولكن ماصار و عكس اللي بخاطرج والعلم عند ربي واغلب الظن حامل ببنت
​

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

السلام عليكم اشلونج اختي فرفشه واشلون صحتج ان شالله بخير بدزلج حلمين واحد لاختي في اولدي المتوفي والثاني فيني
الحلم الاول /

السلام عليك الحلم لاختي متزوجه وعندها اولاد وبنات بجرها متوفي الله يرحمه عن عمر يناهز ١٩ سنه الحلم بتاريخ ٢٦ فبراير اثناء نومها ليلا
تقول اختي :
حلمانه انه ابني المتوفي حي وبغرفة الانعاش
واقول لزوجي خل نروحله نقعد معاه دامه حي مامت خل ندق على غرفة الانعاش اذا يصير نروحله خلنا نروحله واقول لزوجي دامه حي ليش انحرم نفسنا منه ونقول مات قعد ايهاوش زوجي وانا كانت السماعه بإذني داقه على غرفة الانعاش وسكر التلفون وقال لادقين ياويلج ان دقيتي واهو يقولي مايصير ولدنا مات ويصارخ علي بهواش قلتله كا ام مرزوق قالوا ماتت وعقب مادخلت الانعاش عاشت راح زوجي واهو ايهاوش وانا قاعده اتخيل اولدي اخر مره شفته بعوارض وحي يرزق قلت ليش احرم نفسي منه والا التلفون يدق وشلته والا اهم غرفة الانعاش قالولي انقطع الخط تلفت زوجي مو اهني جان اقولهم مواصفاته علشان يشوفونه موجود عندهم ماعرفت اكلمهم لاننم ايتكلمون انجليزي قلت شوفوا اسم اولدي مواليد 2/7/1992عندكم شخص بهالمواليد قال في اسم اولدج ويعطيني مواليد غير قلت لا // انتهى الحلم ملاحظه ام مرزوق وحده من الاقارب متوفيه الله يرحمها
‏‫

حلمي حلمته امس تاريخ ٢/٢٨ وقت الحلم الضحى
حلمانه انه بدار قاعده ودخل علي ولد خالتي وقعد جدامي على اركبه ومسك راسي بإيدينه الثنتين وباس راسي بوسه طويله وقال ابيج لونج كبيره
خلص الحلم
انا لماشفته تفاجأت فيه وانصدمت لما
باس راسي واهو جايني ايتحمدلي بولادتي
ومشكوره ويعطيج الصحه والعافيه
انا توني والده قبل ثلاث اشهر ويبت بنت وعندي بنت ولد خالتي اكبر
مني بسنتين ومتزوج وعنده اعيال وبنات

الحلم الاول يدل على راحة الميت في قبره ولله الحمد ولكن في تقصير من ناحيه زيارته لقبره والعلم عند الله
وبالنسبه للحلم الثاني راح توصلين لشي كان بخاطرج وهديه تسرج حييييل والعلم عند ربي
​

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

نسيت التواريخ الحلم الاول 28 او29 يناير مو متأكده والثاني 1فبراير والثالث 18 فبراير والرابع 27 فبراير والخامي 22 فبراير

السموحه منج اعتذر عن التفسير لتفسير الاخت العضوه كاميليا لج تحت والحلم يقع على مايفسر عليه وما افسر احلم مفسره وربي يتمم عليج حبيبتي
​

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

السلام عليكم
انا حامل عقب ثمان سنوات.
وبس حللت حلمت امي انه يدتي. يايبه لها خروفين. صغار. وقالت محد يذبحهم الا لما تجي ام زوجي.
وبس
للعلم انا حامل بتوأم ماشاء الله وام زوجي تعالج بالخارج في الوقت الحالي

والحلم الثاني حلمت. كاني اصيد. سمج وايد بشبكه كل مااحطها يطلع وايد. واخر مره حطيتها طلع سمج لونه ازرق جم سمجه والباجي السمج اصغار وابيض

ارجو تفسير احلامي وجزاج الله خير

ماشاء الله والعلم عند ربي ولدين انشاء الله

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

السلام عليكم
يعطيج العافية فرفشة
انا حلمانه أني حاطه حنه بشعري انا وأختي الكبيرة وأختي الأصغر مني وشعري بالحلم كان كثيف. حيل وأختي الأصغر قالت بغسل شعري قلت خليني انا اول شعري واجد بس ماغسلته

للعلم انا. حامل بالشهر الخامس بس في مشاكل بالحمل وينزل علي دم
وأختي الكبيرة مسويه أطفال أنابيب
وأختي الأصغر مو متزوجة

تاريخ الحلم 2|3

زواج قريب لاختج الصغيره اذا كانت بسن الزواج او اذا كانت مو لسن الزواج في فرحه لها
ولكم انتوا الحوامل فانتوا حمل في بنات والعلم عند ربي

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

يعطيج العافيه حبيبتي

تاريخ الحلم ٣/٣/٢٠١٤

حلمت اني قاعده بصاله كبيره جنها صاله بيت اهل زوجي
وكان في بنات قاعدين اتوقع حمواتي مومثبته منو
بعدها بفتره دخلت مرت حماي كانت لابسه ابيض باحمر
نفنوف قصير حلوو وجوتي احمر كعب ولبسها كان حلو
و انا ماكنت كاشخه جت وقفت جدامي جان تفصخ كعبها

قالت فلانه عندج فلات ؟ تبي تغير جوتيها قلتلها عندي ازرق
قالت لا ابي اسود او ازرق حيل غامج

وطلعت من الصاله رحت اجيبلها وخلص الحلم

انا واهي حوامل انا بنت واهيا ولد شنووو التفسير

ههههههه فديتج حلمج مفسر ومثل ماقلتي انتي بنت وهي ولد وربي يتمم عليكم اجمعين

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

السلام عليكم



شلونج فرفوشه اخبارج حبيبتي

أنا اليوم بتاريخ ٤-٣


حلمت باني أشرب عصير ليمون لونه أزرق

وحلمت انه أختي قاعده ومعاها ٤ صبيان واهي بالأساس عندها ٣ صبيان
وكانت بالحلم تكلمني وتوجه لي الكلام علي ولدها الصغير

أنا حامل بالشهر الثالث واهي مو حامل

ولد والعلم عند ربي ولكنج تعبانه بهذا الحمل

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

بنات الغايب عذره معاه أكيد مشغوله

وفرفوشه أعرفها ما تقصر اذا كانت فاضيه

:eh_s(22)::eh_s(22)::eh_s(22)::eh_s(22)::eh_s(22):

فديتج فعلا كانت لي ظروف صحيه شوي ولله الحمد على كل حال:eh_s(17):

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

اختي فرفشه توني تذكرت بعد حلمت بتاريخ 12 فبراير قبل لا اكتشف اني حامل ان زوجي طقني على رقبتي من ورا وطلع من خشمي دم واجد طاح عالارض وعقب لما وقف الدم قمت عادي واكلم زوجي عادي و13 فبراير حلمت ان زوجي مفاجأني وغرفته القديمه بييت اهله مجددها و حاط فيها ستكرات صايره جنها غرفه اطفال ستكرات ورديه وزصفرا وزرقه وخضرا و كفر السرير كان ورود ورديه اللي احبها وحاطه على جنب بجيسته مافرشه ولما شفتها كنت مستانسه الوانها تهبل بس حسيتها غرفه اطفال والسرير كان نفر واحد

الشهر اللي حملت فيه فبراير كان فيه واااايد احلام لها معنى

ولد والعلم عند ربي حبيبتي
​

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

اختي انا حلمت اني ولدت طفل ذكر وماحسيت باي الم وكان جميل جدا مع العلم اني متزوجة ولدي ابن ولست حامل ومرة قبلها بكم يوم حلمت اني حامل بالخامس تقريبا وكنت مستانسة شو يعني الحلمين اختي الله يعافيكي؟؟

انفراج هم وكرب والعلم عند ربي

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

8-3-2014


حلمت امس انه انا وزجي في البحر وصاااد سمكتين كباااار
والسمكه التانيه لي صااااده كنا تقصصها نبي نوزعها على اهلي واهله وكانت مي راضيه تخلص
وقعت بعدها من النوم

؟؟؟ مافي بيانات عند حبيبتي حامل ولا مو حامل ؟؟؟

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

السلام عليكم

بتاريخ 7-3

حلمت إني قاعده بمطعم مع زوجي ورفيجه ،، ورفيجه يحاول يتغزل فيني
بعدين طلع ورقه مكتوب عليها أم عبدالله أنا انصدمت واهو اسمه بو عبدالله ومرته أم عبدالله
وزوجي راح اهني ما كان موجود بعدين رجع ومعاه صندوق في هديه لي ساعه الجلد لونه
أسود والعدسه باللون الفضي

ولد والعلم عند ربي

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

السلام عليكم
ان شالله اختنا فرفوشه تكونين بخير وصحه
حلمانه بتاريخ اليوم الفجر ٣/١٢
أني بروح لبيت أهلي عندهم عشا احنا وخواتي من أبوي وانا في بيتي اتجهز أخذت جنطتي امعلقه على العلاق وقلت بلبس هالجنطه علشان خواتي من أبوي
يشوفونها / خلص الحلم
الجنطه بالحلم ديور ورديه بسلسه طويله اصغيره وشكلها مستطيل وكانت مو امسكره عدل لانها متروسه اغراض لي وبيني وبين نفسي بفتحها واشيل من الاغراض علشان تسكر

وقت الحلم ماكنت على وضوء بس قبل النوم سمعت سورة ال عمران
وخواتي من أبوي بالحقيقة علاقتي معاهم زينه الحمد لله

اذا حامل والعلم عند ربي في بنت ولا مو حامل فهي بشاره بالحمل لج بالبنت والعلم عند ربي يمكن اذا صدقت تسمونها مريم
​

 

[فرفشه منعنشه]

رد: (✿◕‿◕) تفسيــــــــــر الاحلام (◕‿◕✿)

عالعموم انا بحط حلمي عل وعسى يتفسر لانه شاغلني

ويعطيج الف عافيه مقدما

حلمت بتاريخ 26 يناير

اني اعاشر امير من ال سعود بعدها قلب وصار مره وحامل بس نفس الشكل

وبنفس الحلمً ولد عمي متزوج ويحضني ويبوس خدي اكثر من مره

وباخر الحلم حلمت اني بحضن زوجي منسدحين وبحضني بنيه

احسبها ميته بس بعدين طلعت تتنفس ونضحك لها انا وزوجي


حلمي الثانيً

اليوم تاريخ 12 مارس بعد صلاة الظهر نمت

وحلمت اني رايحه مع اختي اللي اصغر مني ومتزوجه السوق

وخذيت لي قميصين لما بغيت احاسب تذكرت اني واحد فيهم عندي نفسه

قلت لها هذا نفس قميصي ارده ؟ قالت اي صح نفسه

فخذيت الثاني بس

لا واذكر اسعارهم الاثنين كانوا ب14 دينار ولما رديت واحد كان تقريبا ب7

وبس

مع العلم انيً سويت سونار مرتين وبكل مره يقولونً لي بنت

وناطرتج يالغاليه وتسلمين يارب

فعلا فيج بنت وربي يجيبها لج بالسلامه ولكن اللي بخاطرج كان الولد وربي يرزقه لج بالقريب العاجل
​

 

[أم صقـورى]

رد: (✿◕‿◕) تفسيــــــــــر الاحلام (◕‿◕✿)

مرحبا اختي فرفشه ، انا حامل بالشهر الثالث

حلمي الاول بتاريخ اليوم الفجر 16/3
انه واحد يطالع فيني ويبتسم وكان فيه شجره فيها اوراق لمحت ورقه مكتوبه فيها بس للحين مو متذكره شنو مكتوب
وفيه احلام قريبه بس ناسيه تواريخهم
ان واحد طعني بسجين على كتفي وان قاعد اشوف المنطقه من تحت كلها دم ومتجرحه
وحلم اني كنت رايحه المدرسه دوامي ويلزق فيني من ورا واحدوكنت اتنحش منه

وبس يعطيج العافيه

 

[مــتــنــحــة]

رد: (✿◕‿◕) تفسيــــــــــر الاحلام (◕‿◕✿)

ماشاءالله عليج فرفشه فعلا كلامج صح

بعد عمري تسلمين وماتقصرين يالغاليه

 

[عليك توكلت]

رد: (✿◕‿◕) تفسيــــــــــر الاحلام (◕‿◕✿)

اذا حامل والعلم عند ربي في بنت ولا مو حامل فهي بشاره بالحمل لج بالبنت والعلم عند ربي يمكن اذا صدقت تسمونها مريم
​

السلام عليكم
الحمدلله على سلامتج اختي فرفشه وماتشوفين شر ان شالله
للتوضيح سورة ال عمران كنت اسمعها قبل النوم مو بالحلم
وانا مو حامل ولا لي نيه احمل ابدا لانه عمري الحين بحدود الاربعين
وجزاج الله خير على المجهود اللي تبذلينه لتفسير احلامنا
مشكوره حبيبتي

 

[عليك توكلت]

رد: (✿◕‿◕) تفسيــــــــــر الاحلام (◕‿◕✿)

الحلم الاول يدل على راحة الميت في قبره ولله الحمد ولكن في تقصير من ناحيه زيارته لقبره والعلم عند الله
وبالنسبه للحلم الثاني راح توصلين لشي كان بخاطرج وهديه تسرج حييييل والعلم عند ربي
​

السلام عليكم ورحمة الله وبركاته
صح اختي فرفشه في تقصير بزيارة الميت ويمكن ابوه مازاره من توفى اولده لانه ابوه بعد ماتوفى الولد
اطلعوا برا الكويت للعمل ويزورون الكويت كل اكرسمس

ماشاء الله عليج
وبالنسبه لحلمي ان شالله بإذن الله واذا حصل هالشي ببشرج لانه فعلا بخاطري شي لحدن الحين ماتحقق
وارجع واقول ماشاء الله تبارك الله على تفسيرج
مشكوووووره يالغاليه

 

[خاشعة للرحمن]

رد: (✿◕‿◕) تفسيــــــــــر الاحلام (◕‿◕✿)

هلا حبيبت يوالعلم عند ربي كنتي تتمنين او تسعين للحمل بتوائم ولكن ماصار و عكس اللي بخاطرج والعلم عند ربي واغلب الظن حامل ببنت
​

الحمد الله الحمل جاء فجا ماتوقعته والي بطني قالت احتمال بنت
تسلمين حبيبتي ماتقصرين