تجمع اللي راح يولدون بمستشفى الصباح ...

[حمرة الورد]

اي هذي قبل سنتين وشي اخذتها لما ولدت ولدي الغرف مو كبيره حيل وسط صراحه زوينه بس اهم شي نظيفه

 

[ليالي العاشقينه]

على قولتج ..
ولا عباله العمومي
تخيلي انا ولدت ونفسيتيي كااااانت تعبااااااااانه
على بنتي وكل وحده يمي مع بيبيها ويبجي وجذي انا
تعذبت وقمت ابجي طووول الليل
الله لا يعيد هالايام ويتمم على كل حامل يااااااارب ..

 

[حمرة الورد]

ياحياتي الحمدلله على كل حال ربي يتمم عليج مالومج تكرهين المكان كله موقف. مثل هذا الله يعوضج يارب ويتمم عليج وكل حامل

 

[ghadeerq8]

حمره صدمتيني بالصور ماتوقعت جذي والله انزين شلون الطريقه انا ناويه اولد بالصباح و ابي غرفه خاصه على الاقل اخاف يحططوني بعمومي

 

[حمرة الورد]

والله مادري انا ادش وزوجي يحجز ومرات قبل العمليه بيوم اقعد فيها واغراضي فيها انزل عمليه وارجع فيها سهاله

هذا جناح رقم سبعه

 

[ghadeerq8]

حمره تمام عيل اقول حق ريلي يطلب لي هل جناح و جنه سامعه جناح ١٩ بعد يديد

 

[غالية زمانها]

اي ترا بعض الاجنحه نظيفه ومجدده مشكوره حمره عالنقل

 

[حمرة الورد]

العفو ياقلبي وعسى ربي يتمم عليج وتقومين بالسلامه

 

[ليالي العاشقينه]

اب لرفع المعنويات


الي والده من قبل ياريت تدش وتسدح لنا
قصه ولادتها ...



حتى القيصريات لووو سمحتوووو

 

[ليالي العاشقينه]

:ggdw:





عاشو حواملنااااا عاشوووو ..

 

[غالية زمانها]

ياليت وووووالله
لاتبخلون علينا بتجاربكم

 

[ريتاج_90]

اي ..
نايم يمكن مو وايد يدشوون ..

رتاج انتي بجر ؟

هلاااا ليالي
لامو مبجر هذا ثاني بيبي وحدي خااايفة مٍـٍْ♡̨̐ـِْْنْ الصباح
لان اكثرهم يقولون الحكومة يشقون الوحدة واجد
وهذا اللي مخوفني بسس ماكو ميزانية شيوي مالي الا الصبااح
بِــ̯͡سّ ان ششششاااءالله ربي يسهل اموري بوقت الولادة فيه

الجناح حلووو ماتووقعت جذي زين تطور بنااات
اذا ابي جناح شلوون ؟

 

[ليالي العاشقينه]

انتي حظج ونصيبج ..

ومايشقووون وايد التساهيل من الله

 

[ليالي العاشقينه]

الله يسهل على الجمييع يارب

 

[غالية زمانها]

الله يسسسسهل يارب

 

[غرومه غنوجه]

عناية صباح وايد زينه من تكون وحدة تعبانه
بس الي يبطج الجبد ويغث ونرفز الطوارئ
بس عقب الطوارئ يهتمون بالمريض لحد مانحسن حالته
صارلي يومين عندهم ونبض جنين وحركته مو عدله قاعدين يحاولون في الجنين ان تعدل حالته
واخر احتمال ان ماتعدلت يدخلوني عمليات ولاده
وهذا شي تري وايد زين
وسستر ماتروح من عندي لم كنت تحت الملاظه بجناح الولاده تابعتني وايد

ولادتي الاولي في بنتي من ولدت اخذت غرفه خاصه
نضيفه كانت ومرتبه ودكاتره تابعوني اول باول لان كنت والده عمليه وهل شي وايد زين

 

[غالية زمانها]

انا قبل الولاده كنت نايمه عندهم وولدت عندهم
وصج الدكاتره والسسترات يهبلووووووون وماتوقعت انهم جذي
بس اذا حالتج خاصه ويبيلهاا اهتمام اكثرررررر لازم احد يوصي عليج
يعني معرررررفه يشيلونج فوق راسهم

 

[noo7a]

بنات الي يراجعون بالصباح


اذا براجع اول مره لازم تحويل

ولا عادي اروح على طول


لان انا قبل فتره رحت الطوارئ بليل عندهم وكتب لي الدكتور تحويل بس ضاعت الورقه

 

[مذهــلــه]

صباح الخير

اشلونكم بنات

بغيت اسالكم اللي ولدت طبيعي بالصباح وخذت ابره الظهر بس يغزونها وخلاص والا يظل انبوب معلق بالظهر ؟

واذا مااخذتها شنو البدائل الموجوده؟ وهل راح احس بالخياط اذا مااخذتها واهم يخيطوني؟

 

[katrina90]

نوحا حبيبتي لازم تحويل واذا كلش ماتبين تروحين وتعوبلين بالتحويل دشي على دكتورة الطوارئ وقولي لها اي شي متعبج صج وبعدها قولي لها عادي تكتبين لي اوبن فايل على ورقتي !

لان انا كنت اروح شبه يومي هناك حق الدرب لان كنت ارجع كل شي اكله تكرمين وكنت فاتحه ملف بالانابيب ومره سوولي دخول بس ماتحملت انام قعدت 3 ساعات وقعدت ابجي مابي انام بروحي لان كنت حيل تعبانه والمفروض يكونون فاتحين لي ملف بس قالو ماكملت اجراءاتج فمانفتح فخذيت ورقة الطوارئ اللي كتبت فيها اوبن فايل وخذيت عقد الزواج وصورة من بطاقتي وبطاقة زوجي المدنيه وفتحولي ملف الحمدالله ماقالو تحويل لان يبتلهم ورقه من الطوارئ فانتي سوي جذي او اذا خايفه مايقبلون يبي تحويل