تجـع لجميـــع مـواليــد سنـة 2015 حيااااااكمـ كروشـااات

[86روعـه]

رد: تجمع مواليد مايو 2015 باذن الله حياكم الرحمن

toto
الله يخليهم لج
انا بجري بنت جبتها ١١/٢٠١٣
والحين انا حامل ان شاء الله ولادتي اخر الرابع او اول الخامس وعطوني موعد السونار ٥/٥/٢٠١٥
حلو التاريخ ان شالله اولد فيه بصحه وعافيه يارب
وبالنسبه للمستشفى مادري وين اراجع انا حاليا عند نزهت بالسلام اهي استشاريه هنديه
بس مادري رفيجتي تقول روحي لرويال حياة عند معصومه او فوزيه

بصراااااحه ما ادري احترت
انا ابي دكتوره شاطره اثناء التوليد وخياطها حلووو
مو نجمه الي بالسلام لمن رحت اشيك عالخياط قالتلي مفتوح شوي بس عادي حطي كريم يصكر وكتبتلي ع كريم التآاام
مالت خياطها مو شي ويالله طاح

 

[86روعـه]

رد: تجمع مواليد مايو 2015 باذن الله حياكم الرحمن

متفاءله انصحج بدكتور اشرف بالسلام سوناره ب٤٠
رحت له بالاسبوع التاسع كنت ابي اتطمن عالنبض وماجبت طاري نوع الجنس لانه ادري مايبين بهالفتره
لمن شافني قالي انتي تبين شنو من السونار تتاكدين من شنو
قلت ابي اتاكد من النبض والكيس لانه سويت سونار بالامومه وقالي كيس البيبي كبير ولازم تراجعين
دكتوره نسا وخوفني
فلمن سوالي السونار قال تعرفين انا منووو شوفي انا بعلمج نوع البيبي وهو ولد باذن الله بس بنسبه ٧٠٪
وعطاني موعد مجاني لمن ادخل الاسبوع العاشر
ورحت وسويت سونار ومادفعت ولافلس وقالي انتي اكيد ولد
وقالي انه نص شهر ١٢ بيروح رويال حياة
انتي دقي عليهم السلام وقولي متى دكتور اشرف يكون موجود
وابحثي عنه بالنت وشوفي شنو كاتبين عنه

 

[همي الآخره]

رد: تجمع مواليد مايو 2015 باذن الله حياكم الرحمن

روعه ربي يتمم عليج انتي دشيتي الرابع واكدولج ان ولد يعني شفتي واضح ههههههه وحده محتاره
بلاك ربي يسهل عليج اي ان شاءالله يبين بالاسبوع 14 غالبا اذا ولد والله اعلم يبين مبجر
توتو والله احس مافيني صبر لي الخامس الله يعينا انا لان عندي ولدين وعندي سوناراتهم فقعدت اشوف كلهم واااضح بالرابع ومعطيتني 100%ولد
ماعدا الحين وايد اختلف علي بالثالث تقولي ولد في نقطه بين ريوله وبالرابع رايحه اتاكد تقولي دكتورتي مومبين مااقدر اقولج بصراحه الوضع يديد علي
نفس حالتي صارت باختي وطلعت بنوته
يااارب يفرح قلبي مشتهيه البنت بس سبحان الله اقلمت نفسي على الولد هههههههههه
بنات ممو بعد قالولها ولد بالثالث واكدولها بالرابع خلونا نشوف تجاربكم
روعه اي سويت سونار عند المصريه بالسلام حسيتها موذاك الزود متوتره وخايفه ماعجبتني وصغيره قعدت ربع ساعه تهز ابطني ذبحتني قلتلها يامعوده خلاص هونت مابي اعرف هههههههه
واهي تحوس انا بصراحه ماشفت شي بين الريول عيوني حولت هههههههه الله كريم يكتب الي فيه الخير ويرزقكم الي تتمنونه

 

[Modmuk]

رد: تجمع مواليد ديسمبر بإذن الله

الله يسهل عليكم

انا الدكتوره قالتي انه لي رابع يوم بالتاسع والله يستر

 

[86روعـه]

رد: تجمع مواليد مايو 2015 باذن الله حياكم الرحمن

miss sweet
الله يعافيج مانبي اعلانات بالتجمع يكفي انج مو تاجره بعد

 

[86روعـه]

رد: تجمع مواليد مايو 2015 باذن الله حياكم الرحمن

همي الاخره الله يجزاج خير عالدعوة
اقولج انا عرفت جنس البيبي بالاسبوع التاسع مدري الثامن وقالي دكتور اشرف ٧٠٪ ولمن جيته بالاسبوع العاشر او ١١ قال مبروك ولد
وواثق من كلامه حتى قالي تعرفين انا منو عشان انتي بس جايه تشوفين نبض البيبي
انا اعلمج بكل شي وتاكدت منه والحمدلله الله يكتبلي الولد السليم المعافى الصالح يارب
وهمن سويت لمن دخلت الرابع بس عند دكتوره نزهت وقالت ٩٠٪ ولد
ابحثي بقوقل عن دكتور اشرف بالسلام واقري

 

[همي الآخره]

رد: تجمع مواليد مايو 2015 باذن الله حياكم الرحمن

روعه ماشاءالله ربي يثبته ويقر عيونكم بشوفته بصحته وعافيته
ادري اعرفه أشرف بالسلام الكل يتكلم فيه بس ريلي مايرضى ريااال
انا دكتورتي نداء شاطره ماشاءالله خصوصا بجنس البيبي بس لانها مواهي مسويتلي بالثالث سونار قالتلي مااقولج مومبين بالخامس تعالي اقولج

 

[Om_SalmaN]

رد: تجمع مواليد شهر يوليو 2015 ان شاء الله

شلونكم بنات شخباركم
انا توني محلله والحمدالله حامل بس اللي استغربت منه يوم رحت للدكتوره مابين شي لاجيس ولا شي قالت بدايه حمل اتوقع لي ٣-٤ اسابيع وعطتني موعد بعد اسبوعين انا اللي مستغربه منه عطتني حبوب مثبته دوفاستون ! ليش ؟؟ من قبلي حمالي ولا مره عطوني جذي اللي قريته بالنت ياخذونه اللي سبق لهم اجهاض الله يبعده عنا او شي عادي بنات
عطتني اكله لمده ١٠ ايام اليوم بديت اول يوم بس بصراحه متخوفه وريلي يزفني انه عادي انا تحسفت انه ماسألتها حزتها ليش ماحتاجه خاصه والحمدالله ماينزل مني شي طبيعي بنات ولا شنو اخاف هالحبوب تضر اللي قريته ياتثبت الحمل او تنزل الدوره قعدت احاتي لا تنزل الدوره اعوذ بالله من ابليس


وولادتي قالو ان شاءالله آخر ٧ الله يسهل يارب

بنات من خبرتكم تهقون الحمل من مبيض اليسار بنت ولا ولد ؟
ويريت كل وحده تقول تراجع عند منو وشرايها بخياطها اذا جربتها قبل

 

[راحيل العبدلي]

رد: تجمع مواليد ديسمبر بإذن الله

الاغلبيه مسوي تجمع لاين الله يسهل عليهم يا رب
.


انا الاسبوع الجاي اخر التاسع و للحين ماكو شي
بس الاالام خفيفه تروح وترد من اول التاسع ..
.

 

[فراشة الوادي]

رد: تجمع مواليد شهر يوليو 2015 ان شاء الله

فديتكم الله يبارك فيكم لبي قلبج ولله

شلونكم بنات شخباركم رحت يوم موعدي الحمدلله بيبي تمام بخير الحمدلله الفال لكم تسمعون النبض ان شاللت وربي يثبتهم
الجوو صاير يجنن ماشالله مال خيمه خخخخخخ ام سلمان عسي ربي يثبته يارب عادي انا اخذ الحبوب تنفع ماتضر عادي اخذيهم واخذي فوليك اسيد ضروري ولاتحاتين كيس الحمل كايبين الا بالسابع

 

[فراشة الوادي]

رد: تجمع مواليد شهر يوليو 2015 ان شاء الله

بنات ياكروشات متي نجهز انا اقول شهر 3ان شالله يكون نازل صيفي وعرفناا شنوو فينااا ولا شنوو رايكم قولوا

 

[فراشة الوادي]

رد: تجمع مواليد مايو 2015 باذن الله حياكم الرحمن

ماشالله روعه عسي ربي يثبته ويبلعج فيه والفال لناا نعرف يارب ويرزق كل مشتهيه

 

[~Rou7~]

رد: تجمع مواليد ديسمبر بإذن الله

تقومين بالسلامه راحيل

 

[*TOTO*]

رد: تجمع مواليد مايو 2015 باذن الله حياكم الرحمن

ياحلوووكم نشيطااااات وفيه تفاعل
هههههه شكلكم تبون تعوضون اليومين اللي علق فيهم المنتدى
الله يسهل امورنا يارب ويرزقنا بالذريه المتعافيه الصالحه
سواء اولاد ولا بنات

 

[miss-s]

رد: تجمع مواليد شهر فبراير 2015 ان شالله، حياكم الله

انا بعد حابه أكون معاكم بالقروب

 

[Om_SalmaN]

رد: تجمع مواليد شهر يوليو 2015 ان شاء الله

والله فراشه الوادي كل حمالاتي عادي هالمره قاعده احاتي اقول ليش عطتني تثبيت في شي ؟ واليوم بطني يعوري وقمت اوسوس وقلت لريلي قال قطعيهم قلت وين اقطعهم دام بلشت خل اخلص ال ١٠ ايام والله يسهل ودي امرها بعد ٣ اسابيع مو اسبوعين اضمن عشان ان شاءالله يبين
تو الناس عالتجهيز عال ٥ او ٦

 

[bubble.gum]

رد: تجمع مواليد شهر يوليو 2015 ان شاء الله

صباااح الخيير ...
ام سليمان ترى عاادي المثبت احتياط اخذي اهوه ما يضر .. انا على بنتي البجر اخذت وبنتي الثانيه ما اخذت ونزل على دم لاني انا ما قصرت بالمشي وهالمره ما اخذت بس مرضت وقمت اكح واايد طولت شهر فاا نزل على افرازات بنيه لحقت على عمري وخذيت المثبت .. انتي ما تدرين لا سمح الله شنو يصير كل حمله غير عن الثانيه وعاادي لا تحاتين

فراشة الوادي .. تو النااااس على التجهيز البيبي .. انا عندي تفكرين الحين شنو اللون اللي راح تسوينه حق استقبالج وادرين الكفر وتاخذين افكار لانه هذا اصعب ويبيله شغل ..
انا سواء بنت ولا ولد محدده اللون اللي ابيه وشفت جم قطعه ابي اخذها ان شاء الله ابي اخلص سوالف الاستقبال بسرعه بعدين اتفرغ حق البيبي لانه ما يبيله شي ... انا ما احاتي وقت ولادتي لاني قيصريه

 

[bubble.gum]

رد: تجمع مواليد شهر يوليو 2015 ان شاء الله

فراشة الوادي .. هاني العقدة زين واايد اللي كنت اشووف حليمة بولند يوم حملت على التوم وطيحتهم على ايامها وعليه ... بس نصاب ونهيبه .. وبهدلني تبهدل ... بعد سنه من ولادتي كنت ابي احمل ورحت اجيك على رحمي وعمليتي لاني ابي احمل ...
ولا تخيلي يوصفلي ابر انا مادري شنو هالابر ولا سالته .. وظليت اخذهم ايام الدورة وكنت ابجي من العوار المبايض اتعب جنه عوار الدوره ...
ظليت 5 أشهر اخذهم اصلا لا حملت ولا شي وزاد وزني وجسمي حييل انتفخ ولا راضيه احمل ..
زانا على حمالي على البجر كان في حليب بصدري ونشفته بحبتين وحملت الشهر اللي وراه ... وقلت له هالحجي ان يمكن عندي هرمون الحليب ولا سوالي تحليل ..
غيرته ورحت حق اسامه صالحه برويال قالي سوي تحليل الهرمونات ومنها الحليب اذا طلعت النتيجه ودقينا عليج يعني تعالي نعطيج العلاج اذا ما دقينا يعني لا اتيين الا لمن تحملين وقالي 3 اشهر اعطيج مهله تحملين رابع شهر اذا ماكو حمل تعالي ..
نطرت 3 اشهر ما حملت رابع شهر سافرت لندن اسبوع ورجعت وحملت ..
رحت حق اسامه وبطل ملفي قالي افف هرمونج الحليب عااالي حيييل يبيلج كورس علااج .. جان اقوله دكتور انا حامل والله ظل يخزني ويقولي سبحان الله شلون حملتي ..
طلعت محتاجه سفره كنت وانا مادري هههههههههههههههههههههههههههه

 

[bubble.gum]

رد: تجمع مواليد شهر يوليو 2015 ان شاء الله

بنات انتوا شقاعد تخبصون بالاكل اعترفواا ...
انا انقرصت بحمالي الثاني وصار فيني بالشهر السابع سكر حمل واشتركت بدايت كيير وما اكل شي غير اللي بالبوكس
وضعفت كان وزني وقتها 76 صار 68 وبعد الولاده قمت ارضع ومستمره معاهم ودشيت نادي لمده شهرين وصلت 63 وحاليا وزني 63 واتوقع الحين نازله اكثر لاني ما اكل واحس بلوعه بس ماكو ترجيع واشبع بسرعه والاكل يوقف على جبدي ...
اهوه شي يونس بس متعب الصراحه تبهدلت عدل الحمدلله..

روتيني كل يوم ..
الصبح اتريق مبجر الساعه 8 بالدوام عندي lunch box مقسم 3 اقسام : احط لبنه قليل الدسم وزعتر وقفشه زيت واخلطهم واحط الصوب الثاني زيتون اخضر او اسود بس بدون ملح اشتريه والصوب الثالث اقصص فلفل اخضر بارد وااايد مفيد وخيار طوال وجزر واحط نعناع وبقدونس .. واكل معاهم 3 حبات شابوره او حبتين توست اسمر .. اكيد اللي بالبوكس راح يزيد مو شرط اكله كله اذا يعت اكله سناك وبعض المرات ما اكله ..
السناك اكله بعد ساعتين روب قليل الدسم وانا احب الصافي ..
بعد 3 ساعات اكل حبه فاكهه ... واكثر طول اليوم من الماي وطبعا وحبوب الفيتامينات لاازم اخذهم مع الريوق احسن
انا ما اشرب عصير ابدا .. بس اكل الفاكهه ..
اذا ابي شي حالي اكل كاكاو lindtبس دارك جوكلت انا احبه الدارك مع شوي مكسرات نيه اخذه من الرفاعي واشرب معاه قهوه بدون سكر ولا كوفي مت ولا حليب ...

الغدا لازم شي مشوي مع سلطه اكثر منها وروب واشرب مااي وما انام بعد الاكل كللش عالاقل انطر ساعه ..
المغربيه اكل شوي دارك شوكلت واشرب جاي اخضر ..
العشى اليساعه 8 ما اتعشى احس اني مو يوعانه بس لازم اكل شي .. اكل روب مع فاكهه واشرب مااي واايد لاازم وبس

بنات شربوا مااي وااااايد عشان لا يصير جفاااف بجسمكم لازم تكرمون البول لوونه شفاف مو اصفر اذا شفتوا بولكم اصفر قعدوا شربوا ماي لي البوله الثانيه وشوفوا لونه فتح ولا لا ..


انا بالدوام احب اكل رمان اخذ معااي كميه واظل اكله حق السكر وحق الكولسترول واايد زين
وخلو يوم وااحد دبوا فيييه اللي تبونه بس لي الساعه 8 بليل خلاص توقفون اكل نصيحه هذي وانا الحمدلله مرتاحه من جسمي
وامشي نص ساعه بالحديقه عاادي اتحرك مو كله منسدحه ومالي خلق عادي اشتغل بالبيت بس ما اضغط على روحي اعيش حياتي
جربوا بنات والله عشان يوم استقبالج بالمستشفى شكلج حلو يصير وحتن بالنفاس ما تفكرين ابي اضعف بس تفكرين بالبيبي وتريحين جسمج بس مو 24 ساعه نايمه لا تحركي خل الدم يمشي بجسمج خل ويهج يرد عافيته

انا سوالف حسو وقبوط وهالخرابيط ما اكلها الخضره والاشياء المشويه والفاكهه منها ادر الحليب وتعوض جسمي من اللي فقدته بالولاده


يالله كل وحده تقولي شنو روتينها بالحمال وبالنفاس

 

[Om_SalmaN]

رد: تجمع مواليد شهر يوليو 2015 ان شاء الله

اي صح كلامج استيعاب بطىء عبالي تقولين نجهز بالثالث

شهر ٣ زين احنا وقتنا صيف