رد: تجمع مواليد مايو 2015 باذن الله حياكم الرحمن
حبايبي صباح الخير
شلونكم وشالاخبار ؟
بالنسبة لجنطة المستشفى فمثل ماقلتوا ملابس البيبي سويها نظام وجبات قماط فنيله تبان و فوطة صغيره و كبوس عشان كل مره للتبديل تاخذ السستر..
و دايما اودي معاي كمبلين للبيبي احتياط لاني قيصرية اقعد 4 ايام فيتدمر او شي ... و هم فله حق البيبي تنحط تحته عشان ماينشال من غير شي
حق بنتي وديت معاي شباصات ومشط كانت بجري والكل مات ضحك علي.. وبيني وبينكم تالي اكتشفت ان فعلا ماعندي سالفه هههههههههه
احب بروش ذهب من ايبون الياهل اعلقه عالقماط و قبل ياخذونه يردونه لي عشان مايضيع.
والملابس يابنات لاتاخذون وايد ولاتكودون لان اسم الله عليهم البيبيات بسرعه يكبرون... وولادتنا باذن الله بالصيف يعني ماينفع التفصخ اول ايام لان يستبردون بسرعه حرام
وهم تييكم وايد هدايا مذركير وسنتربوينت، ساعات من كثر مكرر تضئرين تردينه فتقدرين حزتها تاخذين شي بداله.
بالنسبة حث اغراضي فماشالله القش وايد هههه من عنايه شخصية لي لبس الاستقبال و البجايم و الصراويل الداخليه
الي يبته ومااستفدت منه نفس الشي بجري يبت كوتكس مادري ان يعطوني المستشفى هههه و مشط و سشوار لازم و الشامبو وكذا يبتهم ومااستفدت لان المستشفى بالحمام فيه يحطون كل شي حتى تكرمون نعال الخفيف نفس مال الفنادق وايد حلو ومريح
وقت النوم البس بجايم من برا ستن و من داخل ملبسه قطن ابدا مايصير حر فيها وشكلهم ذرب اخذذتهم من محل بالعثمان بالزاويه ملابسه تهبل لا يطوفكم و موجود فرعه بالنقره (الي مواقفه كبيره) اعتقد.
حتى قمصان الاستقبال مالته ستان و روب وفخم من برا و من داخل قطن عشان ماتخيسين لان الوضع بروحه حر وخيسه من الصروال الطويل والدلاغ و الشيله
إي ولاتنسون لبس او عبايه حق يوم طلعة المستشفى يكون نظيف ومكوي ومبخر لزوم الكشخه مع البيبي كربونه وانتي راده بالسلامه بيتكم
وبس اذا ذكرت شي بعد أقولكم
