تجـع لجميـــع مـواليــد سنـة 2015 حيااااااكمـ كروشـااات

[fofowa_q8]

رد: تجمع مواليد شهر يوليو 2015 ان شاء الله

جوري ذكرتيني مهادات سنتربوينت حلوة قطن ولزق

مو اللي يكون مع حبل هذا مااحبه حرام

موزين عالبيبي.. المهاد اللي خامته قطن وفيه

لزاق جك جك عرفتيه هذا عجيب عملي ومايضغط

عالبيبي مريح حده.. انا سبحان الله بنتي كانت

تحب المهاد وماتنام بدونه كنت امهدها لي عمر

٧ او ٨ شهور وبالغصب عودتها تنام بدونه بس

ولدي شهرين او ٣ وخلاص مايبي مهاد يحب

يتحرك وماينام لما يتمغط ويتبطل المهاد

كل ياهل يختلف عن الثاني

 

[fofowa_q8]

رد: تجمع مواليد شهر يوليو 2015 ان شاء الله

وايد زين سعر المميات جوري عليج بالعافية انا كنت

اشتريهم من بروي اغلى من جذي بس

مشكلتهم بالغسيل شوي ياخذون وقت ويبي

لهم دقة لان فيهم العود اللي داخل المميه

يوم كبر ولدي شىي غيرتهم قمت استعمل

افنت وايد ارتاح عليهم لان الحلمة صايرة نفس

حلمة الام وكنت بفطمه يوم حملت والحمدلله

ما اذاني بسرعة تقبلها

 

[جوري الكويت]

رد: تجمع مواليد شهر يوليو 2015 ان شاء الله

حبيبتي الله يوفقج و يسهل امورج و ما يضيع تعبج

ما يشوفون شر

الزم ما عليج راحتج

دام ماكو يهال يعني قاعدين و فاضيين حق الريوق و المشاكل هههه

اعرف سوالف الحريم

أحسن لج قزريها عليهم لين تعطلين دام ماكو تقدير هالسنه

 

[جوري الكويت]

رد: تجمع مواليد شهر يوليو 2015 ان شاء الله

اي كنت اتعنى لي بروي علشان المميات

هالمره حصلتهم عرض ٦ مميات داخل كرتونه وحده

اذا ما خذتي للحين اخذي منهم منزلين لون ازرق و لون وردي

اول بس كان لون شفاف

المهادات خذيت اربع اللي مع خيطهم

و خذيت مهاد واحد لزق من سنتر بوينت بجربه اول مره اجربه

اذا تقولين زين بأخذ لي بعد

 

[omal7lo]

رد: تجمع مواليد شهر يوليو 2015 ان شاء الله

جوري حبيبتي انا قبلج بيوم بالمجلس قالت لي بعد 10 ايام وباجر علي اساس بروح بس شكلي بروح الاحد

 

[omal7lo]

رد: تجمع مواليد شهر يوليو 2015 ان شاء الله

سنتربوينت قلت باخذ منه تبانات بس وجنطه وجيسه الياهل وادوات تنظيف ابي شفاطه كهربائيه محتاره من وين اخذها اما الافرولات لا انسي

ام ريلي يابتلي من مصر مهادات مجربتهم لولدي عجيبين

بعد شنو اشتري والله ماشريت شي غير المهادات من ام ريلي بس
ببجي

 

[omal7lo]

رد: تجمع مواليد شهر يوليو 2015 ان شاء الله

قاب اي فرع اروح جنه الافنيوز مافيه مواليد مووو

 

[omal7lo]

رد: تجمع مواليد شهر يوليو 2015 ان شاء الله

بنات سؤال عبيط
اذا ابي ويل جير بس ابي اتسوق شلون الطريقه

 

[omal7lo]

رد: تجمع مواليد شهر يوليو 2015 ان شاء الله

بموت من الحارج حاليا موقادره انام منه

 

[omal7lo]

رد: تجمع مواليد اغسطس 2015

امين ديوووور
اي اسبوع انتي ؟!

 

[omal7lo]

رد: تجمع مواليد اغسطس 2015

ديور
ديري بالج لان الاناناس حار والله يحفظ اجنتنا ويتمم علينا يارب

 

[omal7lo]

رد: تجمع مواليد اغسطس 2015

روح
ايلج حارج ؟ انا اخذ كاليسيوم والحارج ذابحني

 

[فراشة الوادي]

رد: تجمع مواليد مايو 2015 باذن الله حياكم الرحمن

حياتي توته الحمدلله علي سلامه ومبروووك مااجبتي والف مبروووووك الفال لناا وولاده سهله يارب ننطرر قصتج ��������

 

[فراشة الوادي]

رد: تجمع مواليد شهر يوليو 2015 ان شاء الله

شلونكم بنات شخباركم تنزيلات سنتربوينت روحوا خلصوا شغلكم

 

[*TOTO*]

رد: تجمع مواليد مايو 2015 باذن الله حياكم الرحمن

الله يبارك فيكم فديتكم

القصه الله يسلمكم بعد ما رجعت من الفحص وكنت 1 ونص وسعت الدكتوره وقالت لي اشربي خروع مثل ما قلت لكم والساعه11 بالليل شربت الخروع بس ماكثرت قلت مابي اصدم معدتي اليوم باخذ ملعقتين وباجر نص الغرشه . المهم الساعه 1 و2 و3 اروح الحمام بس مو المغص القوي الحمدالله لاعادي ومو سهال تكرمون قوي لا زين. بس التقلصات اللي قاعده احس فيها مو طبيعيه حسيت كانها بدايه طلق وقلت لاااا يتهيأ لي وبعد الساعه4 ونص ماكو سهال ولا شي بس فيه عوار يجي على فترات وتاكدت ان هذا طلق ورحت مع زوجي دار الشفا والصدمه انهم رفضو يستقبلوني يقولون غرف الولاده فلللل وغرف اللي بعد الولاده هم فل لان التاريخ 5-5-2015 صار زحمه وقالت دكتوره الطواري بافحصج عشان اشوف يمكن انتي مو ولاده... فحصت للحين واحد ونص انصدمت والعوار مووووووت كل ماله يزيد وصرت ابجي من قو الالم وعطتني ابره مسكن وقالت روحي البيت وتعالي بالليل ولا باجر تكون فضت غرفه وندق عليج... خاف انطر دار الشفا ماكو غيره بالكويت... وحتى سونار وتخطيط ماسوت ولافكرت
وركبت السياره مو قادره ارفع رجولي من قوه الالم طلق مو صج كل دقيقتين انط من عواره ودمووووعي مو قادره اتحمل واقرب شي لحولي مستشفى الهادي سيده طارو فيني وتخطيط وسونار وجاني الدكتور عصام استشاري قال اوكي هي مو مفتوحه لان عنق الرحم ضيج بس هي معاها ولاده وطلقها ناااااااااار وخاف علي لان اخر ولاده قيصيريه ومايصير اطلق بقوه والرحم قاااافل
خذيت ابره الظهر سييييده كانت الساعه 6 ونص وبعد ما تاكد الدكتور اني خلااااص ما احس قعد جدامي بالسرير وقام يوسع كل 10 دقايق بايده ويوسع ويوسع لماااا وصلني الولاده الساعه8 ونص تخيلوووووووو بساعتين وبمساعده الدكتور وبفضل الله من 1 سانتي الى9 ولااااااده والحمدالله مع ابره الظهر مووو حاسه باي شي وزوجي يمي والدكتور مقابلني ودكتور التخدير متواجد بعد وساعه طلع الراس سحب ولدي وعطاني اياه والله ولاحاسه باي الم واول مره اشوف البيبي يطلع وشلته بايدي ولميته وبعدها خذوه السسترات يغسلونه ويوزونه وراح زوجي معاه وانا اسولف مع الدكتور وهو يخيط ومو دايخه او متخدره لااااعادي اسولف واتشكر له وهو يخيط ويسولف معاي لحد ما خلص وقعدت بعدها ساعه ونص تقريبا شالو ابره الظهر وماحسيت فيها كلش وطلعوني غرفتي وعطوني اكل وسيده خلوني امشي ولله الحمد ماكو اي مضاعفات كلللللش بس اول ما وقفت شوي حسيت بدوخه بس هذا لازم حتى مع الكمام جذي يصير وحاليا ماااكو الم الا الخياط طبعا لازم احس بعوار من تحت خصوصا ان الغرز زياده لاني تجمييل وكلها ايام وتعدي
فديتكم واحبكم وادري طولت بس عشان افيدكم فديتكم
وعسى ربي يهون عليكم ويبلغكم في بيبياتكم

 

[*TOTO*]

رد: تجمع مواليد مايو 2015 باذن الله حياكم الرحمن

يعني اللي زاد الطلق اهو الخروع لان حسب كلام الدكتوره تبيني اخذ خروع عشان تقلصات الاسهال شبيهه بتقلصات الطلق وتساعد على زيادتها بس لازم تكون الدكتوره موسعه ولازم يكون عنق الرحم مو ضيج نفسي عشان يكون عنده استعداد انه ينفتح مع كثر التقلصات بس انا حاله خاصه انه حييييل سميك واحتاج تدخل من الدكتور يوسع كل شوي والسهاله من رب العالمين الله يسهل عليكم يارب

 

[همي الآخره]

رد: تجمع مواليد مايو 2015 باذن الله حياكم الرحمن

توتو ماشاءالله ربي سهلها عليج الحمدلله نعمه وفضل من الله
إي أنا قايله الحريم يستخفون بالتواريخ المميزه هههههه يصير زحمه حيل
الله يقومكم بالسلامه يارب ويجعله من الذريه الصالحه
عيل تدرين أنا شربت الخروع جذي بعد قفشين مع عصير قبل يومين ذبحححني عذبني 10 مرات اروح الحمام عزكم الله
اسهاااال فظيع ومغص وعقب ماخلص بدى معاي عوار برحمي استمر يمكن نص ساعه بعدين جني جذااابه ماكو شي هههههه
مع ان دكتورتي الي قايلتلي شربيه الحين ينفعج لانج مفتوحه بس يبيلي يحمى الطلق خلاص وانا خذيت بكلامها لكن الظاهر مانفع معاي
زوجي قالي شربي بعد مره قلتله مابي عذبني والله
تهقون أجربه مره ثانيه؟!

 

[عروس الحب]

رد: تجمع مواليد شهر يوليو 2015 ان شاء الله

صبااحكم معطررررر بالبخووور ودهن العووووود

حبايبي شلووونكم

ام الحلو وروز وانواروفوفوه انتو يا اهل الداخل حيل نحاسه معاكم الحمدلله احنا نعيم والغيابات والتقيم والطبيات والمجلس الطبي علي كيف كيفهم الكل ياخذ بس الله يعينكم مخلينها حق منها اكيد الي ماسكينها عندكم بدوون ذكر اسم الفئه اهم الي منحسينها عليكم

 

[عروس الحب]

رد: تجمع مواليد شهر يوليو 2015 ان شاء الله

جوري
حبيبيتي انا نطرت عشر ايام وراجعت العدان وعلموني موافقتي ورقم لجنتي وبعدين رحت الصباح وراجعتهم بعدها قالولي تعالي بعد باجر استلميها وجيت واستلمتها ووديتها دوامي وبسسسس

 

[عروس الحب]

رد: تجمع مواليد شهر يوليو 2015 ان شاء الله

فوفوه
الله يجزاج خير علمتيني عن مهادات لف ولزق
بشتريهم انا محتاجه جذي لان ماعرف امهد البيبي لان مثل منتو عارفين الوالده عسي ربي يحفظها بتكون مسافره وماعندي الي بيمهده