رد: ?تجمع مواليد " مااايو " 2016 بإذن الله ?
قصتي الله يسلمكم
كان معاي طلوق كذا مره بس اروح اراجع يا الرحم فاتح سانتي يا طلق غير منتظم
واحيانا يسون تخطيط يطلع نبض الياهل مو زين فيخلوني اشرب عصير ويتحسن
المهم راجعت الاربعا لانه جيمي متكسر وكله يعورني ومعاي طلق قالت فاتح 3 سانتي والطلق غير منتظم وعنق الرحم بعيد ويابس
ودكتورتي انصحتني امشي واذا اقدر اشرب خروع عشان يحمى الطلق
بس ما شربته لي ثاني يوم العصر
لانه تعبانه جسمي احسه متكسر وابي الدفا
المهم من صرت اشوا العصر شربت خروع
وبعد ساعه بدا مفعول البطن
وبعدين س7 بدا معاي طلق منتظم كل ربع ساعه وكل طلقات بمستوى واحد من الالم
وس8 صار كل 10 د
وس 9 صار 5د
فرحت المستشفى س10
قالت فاتح 3،5 ووسعت لي 4 وقالت انتي بالخيار تقعدين او تروحين وترجعيم بس احتمال نعطيج طلق صناعي لانه البيبي مايل والعنق بعد مايل وفيه بعد
استشرت دكتورتي فقالت دخلي
وكان طلقي كل4د
وصارت11 كان الطلق بارد وقل النبض شوي بعدين عطوني طلق صناعي زاد الطلق وتعدل النبض
وفتح الرحم ولله الحمد وس7 الصبح ولدت ولله الحمد
بس الدكتوره يزاها الله خير اصبرت علي
وقالت لي انه الحبل السري كان لاف على رقبته لفه وحده هذا الي الي كان يخفض من نبضه مع الطلق مرات
والحمدلله الي حفظه
وقالت راحسه كان محسور بجهة من الحوض فاخذ الشكل الي كان فيه
فصاير راسه مو مستوي
والحمدلله الي عافاني وسلمني وعافا مولودي وحفظه لي
وسلامتكم
