رد: تجمع مواليد (ديسمبر) و??(يناير)
مرحبا بنات لكم وحشه وحده وحده والله
بنصحكم نصيحه ذهبيه صارلي اسبوعين تعلمتها والامساك راح من بنتي ربي لك الحمد
حليبها ما غيرته من الطبيب وهو سميلاك كومفرت وكانت تخرج بالنفاس عادي بس من خلصت نفاس قلت صارت كل يومين و بجي وصراخ مسكينه
رحت الجمعيه بشتري ابتاميل او نان سمعت انه خفيف جان تمسكني مصريه حقت سميلاك الله يجزاها الف خير ويفتحها بوجهها يا رب
وقالت لي بتغيرين كيفج بس طبقي اللي بقول اول شي قلتلها بنتي صارلها يومين ما خرجت اول سؤال سالتني اياه تعطينها ماي؟؟ قلت اي رقم او رقمين وقلتلها اني سمعت الدكاتره يقولون الرضيع ما يحتاج ماي بهالعمر كلش قالت حرام عليج حنا صيف والبنت تعطش حالها حالج وهذا اللي مسويلها امساك تعطينها حليب وعقب حليب وعقب حليب جسمها مو قادر يهضمه ورا بعض ف يسبب امساك
ونصحتني نصيحه ذهبيه صراحه قالت شفتي الننه الكبيره ام 8 ارقام لازم تعبينها ماي وتخلصها على مدار اليوم بين الرضعات تشرب
عاد صرت بين الرضعات احطلها ماي واحط معاي ماي غريب بدال لا احطه مع الحليب مرتين باليوم او 3 ماي غريب او دوا غاز واحد منهم بس
والاعشاب سالتني ان كنت اعطيها قلت اعطي كمون وينسون مره بليل قالت عطيها مره الصبح ومره بليل ولما تغلين الاعشاب غطيها عشان البخار لا يطلع
والله يا بنات مشالله تبارك الرحمن من التزمت بكلامها تقريبا يومين و بلش يتحسن بطن بنتي و البجي خف حيل صارت تبجي بس قبل ما تخرج مو نفس قبل طول اليوم بجي لانها مو قادره تخرج
عرفت ان مشكلتنا بالماي والله خالتي وامي نصحوني اعطي ماي شكثر قالوا لي تعطش و محتاجه ماي وانا كنت متمسكه بكلام الدكاتره اللي بالانستغرام و ما استفدت منه شي غير صياح بنتي وتعبها مسكينه والله ما قامت تلعب الا عقب ما التزمت بنصايح المصريه جزاها الله خير
