دوانيه شلة منتظرات نتيجه عملية اطفال الانابيب والحقن المجهري

[منوة الزين]

بخير ربي يسلمكم

 

[M!s$ Zoz]

مس زوز
اي ڤي اف

بشرونا والله نفرح لكم ونتمنى لكم كل خير

هلا ياقلبي
ان شاءالله اليوم موعدي حق تحليل الحمل قاعده احاتي والله
يا رب فرحني وفرح كل منتظره الحمل بحق هذا الشهر الفضيل

واول ماتطلع النتيجه ببشركم ان شاءالله ?

 

[M!s$ Zoz]

بنات شرايكم بالدكتوره ناهده العلي ؟؟؟؟؟ لان اليوم بلغتني الدكتوره اليزافيت احتمال الموعد الجاي اخر موعد واكمل عند دكتوره ثانيه خلاص فاخترت ناهده

ناهده وايد شاطره واعرف بنات من الاهل كانوا عندها ويمدحونها

 

[ماي الورد]

ربي يفرح قلبج وتبشرينا بخبر حمالج قلبي معاج

 

[ماي الورد]

هرمون الحليب افضل علاج له عشبه البردقووش بنت خالتي تاخر حمالها وسبب هرمون الحليب واستمرت ع البردقوش وحملت ماشاءالله

 

[عيون عمشة]

عبون عمشه ويييييه شخباري ناهده
انا خبري فيها زينه علاج هرمونات مو حق ولاده
بعد شنو خياراتج؟ سلي روفليت اي دكتور او دكتوره ترشحلج تراجعين احسن

لو اسالها اكيد بترشحلي من الموجودين برويال حياه وانا مابيهم

 

[عيون عمشة]

ناهده عجيبه انا خواتي وبنات عمي كلهم عندها وايد صبوره ..

اي رفيجات اختي عندها وهي الي تولدهم ومدحوها لي اهم شي تكون صبوره وصدرها وسيع مابي وحده عصبيه وتنفس علي

 

[عيون عمشة]

هلا ياقلبي
ان شاءالله اليوم موعدي حق تحليل الحمل قاعده احاتي والله
يا رب فرحني وفرح كل منتظره الحمل بحق هذا الشهر الفضيل

واول ماتطلع النتيجه ببشركم ان شاءالله ?

موفقه يا رب زوز وان شاءالله حامل ربي يسعد قلبج

 

[عيون عمشة]

فنر شخبارج بعد الترجيع جم يوم صارلج.. لا تنسين الصدقه كل يوم والاستغفار الف مره وكثري ماي وخيار وبيض خلي اغلب شي سوائل

 

[BARBI]

هلا ياقلبي
ان شاءالله اليوم موعدي حق تحليل الحمل قاعده احاتي والله
يا رب فرحني وفرح كل منتظره الحمل بحق هذا الشهر الفضيل

واول ماتطلع النتيجه ببشركم ان شاءالله ?

حبيبتي ربي يفرح قلبج وتبشرينا بحملج .. كثري استغفار ..

يااااااااارب تفرح قلبها وتبشرها بالحمل

 

[ماي الورد]

امين يارب

 

[BARBI]

ماي ورد انتي الحين فترة علاج والا شنو بالضبط

وجم مره سويتي انابيب

 

[فنر 7]

هلا ياقلبي
ان شاءالله اليوم موعدي حق تحليل الحمل قاعده احاتي والله
يا رب فرحني وفرح كل منتظره الحمل بحق هذا الشهر الفضيل

واول ماتطلع النتيجه ببشركم ان شاءالله ?

يارب يارب يارب يارب يارب يارب يارب
ناطرين اخبار طيبه حبيبتي ان شاااااااءالله تبشرينا بحملج يااارب

لو اسالها اكيد بترشحلي من الموجودين برويال حياه وانا مابيهم

انتي جربي ساليها منتي خسرانه وقوليلها ابي بره رويال حياه

فنر شخبارج بعد الترجيع جم يوم صارلج.. لا تنسين الصدقه كل يوم والاستغفار الف مره وكثري ماي وخيار وبيض خلي اغلب شي سوائل

هلا حبيبتي عيون عمشه
انا اليوم خامس مت ابي اتسبببببح احس بس قطنت شعري يقطر
وماقدر اكل خيار عندي حساسيه منه قاعده اكل برتقال وتفاح واشرب ماي اليوم اول يوم اصوم من الترجيع واحرص اشرب لترين ماي

ماي ورد انتي الحين فترة علاج والا شنو بالضبط

وجم مره سويتي انابيب

باربي انتي متا بتبلشين حبيتي
وماي ورد

 

[BARBI]

انا إن شاء الله مو هالشهر ابلش الشهر اللي بعده بتسويلي منظار
والله كريم ادعولي بنات رابع مره اسويها وإن شاء الله يارب يتم الحمال
زوجي ببجيني قهر مو ملتزم بالعلاج وهمن انا الحين لي فتره ماعندي علاجات ..

 

[فنر 7]

حبيبه قلبي باربي ياعل ان شااااءالله هالمره تكون بتوأم تامين الخلق والخلقه يااااارب

 

[فنر 7]

مس زوووز
يارب حامل يارب حامل يارب حامل احااااتيج

 

[BARBI]

حبيبتي فنر اللهم آمين يارب حقق آمانينا ..
يارب حامل .. لهيت اليوم وتوها طرت علي قلت ادخل وإن شاء الله
احصل الاخبار اللي تفرح ..

 

[عيون عمشة]

ان شاءالله تبشرنا بحملها زوز يا رب ...
باربي موفقه ان شااءالله بمحاولتج الرابعه..
فنر قلبي لا تصومين معاج عذرج كملي خلج فاطره وضعج ما يسمح تصومين انتي محتاجه ماااي وتغذيه لازززم ماي ع طول لازم المثانه مليانه عشان ثبات الاجنه

 

[M!s$ Zoz]

بناااات ابشركم
الحمدلله ماشاءالله انا حاااامل
اول ماقالتلي السستر مبرووك حامل قمت ابجيييي
يارب يبشركم بالحمل ويفرحكم مثل ما فرحني

 

[M!s$ Zoz]

صار فيني تضخم بالمبايض تعبانه وااايد
معدتي منتفخه حتى مو قادره اوقف من كثر الانتفاخ
واليوم كل ما اكل شي ارجعه تكرمون وصار فيني جفاف
قاعده احاتي اخاف هالشي يأثر على الحمل
ورحت العياده عطوني 4 دربات وقالتلي الدكتوره باجر اذا رجعت خلاص راح تعطيني درب يومي لان مو زين على الجنين لازم يتغذى

عفيه بنات ادعولي الله يشافيني وارتاح