دوانيه شلة منتظرات نتيجه عملية اطفال الانابيب والحقن المجهري

[mraamy]

انا مرجعه مجمد
مادري يعتبر اي يوم

 

[mraamy]

اذكر لما رجعوا الفريش كان ثالث يوم وجمدوا هذيله
يعني يعتبرون ثالث؟

 

[منوة الزين]

اي يعتبر ثالث

 

[فنر 7]

يعتبر ثالث وحيل استعيلتي مرامي حبيتي
يبتدي يبن معاج باليوم ال١١

 

[فنر 7]

ماذا يحدث عندما يتم نقل الاجنه
اليوم الاول بعد نقل الجنين داخل الرحم يواصل الجنين نموه
اليوم الثاني الجنين الان في مرحله البلاستوسيت
اليوم الثالث الجنين يفقس من قشرته ويخرج
اليوم الرابع الجنين يلتصق ببطانه الرحم
اليوم الخامس بدء انغراس الجنين في بطانه الرحم
اليوم السادس عمليه الانغراس تستمر وتبدء مرحله تحول الجنين الى مريولا التي تنغرس بطريقه اشد في البطانه الرحميه اليوم السابع المريولا تلتصق تماما بالبطانه وخلايا منها تتحول الى المشيمه وخلايا الى البيبي
اليوم الثامن المشيمه تبدء بأفراز الhcgوهو هرمون الحمل
اليوم التاسع المزيد من hcgيفرز
اليوم العاشر المزيد من الhcgوالجنين يستمر في النمو
اليوم ال11 الhcgعالي لدرجه كافيه ليظهر في فحص الحمل المنزلي


اما في حاله نقل الجنين في اليوم الخامس وفي هذه الحاله يكون الجنين في مرحله البلاستوسيت
اليوم الاول بعد نقل الجنين قشره الجنين تفقس ويخرج الجنين
اليوم الثاني الجنين يلتصق ببطانه الرحم
اليوم الثالث بدء انغراس الجنين في بطانه الرحم
اليوم الرابع عمليه الانغراس تستمر وتبدء مرحله تحول الجنين الى مريولا التي تنغرس بطريقه اشد في البطانه الرحميه اليوم الخامس المريولا تلتصق تماما بالبطانه وخلايا منها تتحول الى المشيمه وخلايا الى البيبي
اليوم السادس المشيمه تبدء بأفراز الhcgوهو هرمون الحمل
اليوم السابع المزيد من hcgيفرز
اليوم الثامن المزيد من الhcgوالجنين يستمر في النمو
اليوم التاسع الhcgعالي لدرجه كافيه ليظهر في فحص الحمل المنزلي
HPT

 

[BARBI]

يعطيج العافيه فنر على هالمعلومه

 

[فنر 7]

يعافيج


دقو علي المستشفي يذكروني بموعدي للتحليل باجر
ضاق خللللقي وغلقت
الحين بواجهه الواقع واسكر الصفحه هذي خلاص
اللهم اجبر كسر قلبي وعوضني بخير وسعاده وراحه بال




يعني خلاص ! ماراح يكون عندي ولد!
الحمدالله علي كل حال اكيد خيييره يارب احفظ بناتي

 

[منوة الزين]

فنر.. الله يطرح بناتج البركه

والحمدلله نعمه وتشوفين عيالهم

بسسسسس.. لاتيأسين مافي شي بعيد عن ربج

وحده اعرفها عقب 8 بنات جاها الولد... قدرة قادره وكتبته

الحمدلله الحمدلله....... ماتدرين تحملين بدون علاج

وتجيبين الولد.......

 

[فنر 7]

لا منوه الزين حبيبتي
انا اقدر احمل عادي سبحان الله
بس اطفال انابيب موراضي يثبت
انا قبل حملت طبيعي بدون علاج
واحمل بتلقيح من اول محاوله
بس طفل الانبوب لان اختار ولد مايثبت الله مو كاتبه

مع ان تفاءلت خير حيل هالمره
اجنه درجه اولي
مو مشوهه

بس الحمدالله علي كل حال

 

[BARBI]

حياتي فنر الحمدلله .. البنات فيهم خير بركه

زمن قبل يبون الصبيان لانه هو المُعيل الاول لهم

بس الحمدلله في زمانه هذه البنت هي كل شي

والبنت والولد مافيهم فرق الحين لانج تعتمدين على الولد وهمن تقدرين تعتمدين على البنت ..


وربي يكتبلج الولد بحمل طبيعي يااااارب

 

[BARBI]

مابعدهم الله الا خيره لج

 

[فنر 7]

حياتي فنر الحمدلله .. البنات فيهم خير بركه

زمن قبل يبون الصبيان لانه هو المُعيل الاول لهم

بس الحمدلله في زمانه هذه البنت هي كل شي

والبنت والولد مافيهم فرق الحين لانج تعتمدين على الولد وهمن تقدرين تعتمدين على البنت ..


وربي يكتبلج الولد بحمل طبيعي يااااارب

لاوالله يا باربي في فرق
وليس الذكر كالانثي
صدق االله العظيم
البنات بهالوقت متيحتاجون ريال يشيلهم بس بالدين بدون ولي والا حتا بيتهم مايصفا لهم تدرين ! وحتا بالحج والعمره يتحسرون
الحمدالله علي كل حال وانا واثقه ان خيره من رب العباد وبييدلني خير

مابعدهم الله الا خيره لج

اكييييد والحمدالله علي كل حال

قاعده احسب خلال محاولاتي اللي فاتت اجمالي اللي رديتهم ست صبيان
غير المحاوله الي كانو مشوهين ومارديته
ولا واحد ضبط ولا تم حمل
سبحان الله
اكيد خيره

 

[حياااته]

السلام عليكم

انا عضوة جديدة
شفت موضوعكم لاني ابحث حاليا عن مستشفى اسوي فيه العملية وسجلت عشان اشارك معاكم
بصراحة لقيت حسابات الدكتور ناصر والدكتورة اليزافيت في الانستغرام وشفتهم مهتمين بفحص الاجنة قبل الارجاع وهاي اللي انا ادور عليه وتشجعت اجي من قطر عشان اسويها عندهم
اللي لها تجربة عندهم بليز تفيدني ماعليكم امر و ابي اعرف شلون سمعة مستشفى رويال حياة عندكم فالكويت و مختبراتهم
الله يفرج همكم ويرزقكم الذرية الصالحة المعافاه

 

[فنر 7]

عليكم السلام ورحمه الله وبركاته
ياهلا فيج اختي منوره التجمع
انا عند دكتور ناصر
وعيون عمشه عند دكتوره اليزافيث

بصراحه اقولج اياها بعد مافتريت الكويت علاجات ورحت للتوب عندنا
الدكتورر ناصر افضل من رحت له
انسان ذكي فاهم متمكن من مجاله
يعطيج حقج بالكلام والشرح
متواصل معاج عالتلفون وقت ماتحتاجين ويرد بسرعه ولايحقر
الستاف اللي معاه من ريسبشن ونيرسات شهادتي فيهم مجروحه احبهم حيل


نيي لبروتكول العلاج
العلاجات وحده بكل مكان نفس الابر ونفس الجرعات حسب حالتج
اللي غير ان يتابعج علي تحاليل دمج عشان يشوف متا سحب البويضات وجودتهم
وبروتوكول علاجه بعد الترجيع يختلف بادويته
نيي للسحب عنده والترجيع والمختبر
عمليه السحب والترجيع عنده عباره عن عمليه فبنج او نخدير خفيف مو عام تنامين ونقومين كل شي خالص بدون توتر وحييت هالشي وفحص الاجنه اساسي عنده وانصحج فيه اهو الوحيد اللي اصر عليه وكنت اشوفه ماله لزمه لين محاولتي اللي قيل الاخيره قالي ان الصبيان سبحان الله عندي مشوهين عشان جذي مايتم حمل عندي والحمدالله ان مايتم

وماشاءالله ماشاءالله طول ما انا قاده اشوف يدقون علي اللي يعالجون يباركون لهم

نيي للعيوب
عيييبه الوحيييد النطره تنطرين وااااااااااايد بالساعات بسبه ضغط المراجعين
حتا لو خذيتي رقم الصبح (علي فكره المراجعين ايون قبل لاتفتح العياده بساعه او سااعه ونص مرات اكثر ينطرون عشان يكونون اول ناس ياخذون رقم)
اذا خذيتي رقم
ويتصلون عليج وقت موعدج يقولون تعالي جدامج حاله او حالتين عادي تقعدين ساعه ساعه ونص او ساعتين تنطرين

بس هذا عيبه الوحيد وهالشي مو بايده
الناس لي دشت تحب تسولف وتاخذ راحتها ولاتبي تطلع

 

[BARBI]

حبيبتي فنر يالله كل شي مكتوب وخيره ..

انتي عيدي اليوم التحليل وإن شاء الله خير ياااارب ..

 

[BARBI]

مساكم الله بالخير
فنر سويتي التحليل

 

[فنر 7]

هلا والله باربي
اي سويته
ونيغاتيف
وقالي الدكتور وقفي المثبتات ووقفتهم

 

[عيون عمشة]

هلا والله باربي
اي سويته
ونيغاتيف
وقالي الدكتور وقفي المثبتات ووقفتهم

معوضه خير يا رب فنر حبيبتي .. ما قابلتي الدكتور مع ناقشج عالنتيجه والاسباب وبالنهايه كل شي بامر رب العالمين

 

[BARBI]

هلا والله باربي
اي سويته
ونيغاتيف
وقالي الدكتور وقفي المثبتات ووقفتهم

الحمدلله ياربي ومعوضه خير ياقلبي .

 

[BARBI]

بنات ماتدرون منظار الرحم لازم تكون الدوره علي والا لا
واذا لازم الدوره في اي يوم من الدوره حالياً الدوره علي والدوره اليايه
راح ابلش العلاج ادعولي لاتنسوني بهالايام ان الله يحقق مافي بالي