افكاري في تقديم الهدية بشكل مميز.. تعالي اعلمج :)

[كويتية كشخة]

الله يعطيج العافيه
وتسلمين على الموضوع الرائع
والله يكثر من أمثالج
ويطرح فيج البركه
بس حسافه الصور ماطلعت

 

[ساره ستايل]

بنات اشكر الجمييييييييييع عالمرور
والاطراء

ونزولا لطلباتكم .. ولأنكم غاليين على قلبي

الحين قاعده اجهز لأعادة كل درس مع صوره

وودي انزل الدروس ورا بعض بدون مشاركات لو سمحتوا
وهذا كله عشانكم .. لسهولة التصفح وعشان يكون الموضوع متسلسل وورا بعض

ف ارجو عدم الدخول الآن لأني حاليا بعيد الموضوع من البدايه مع الصور الجديده لأن القديمه انمسحت .

 

[ساره ستايل]

الصورة الاولى :

1- هدية زواج
كللللللللللللللللللللووووووووووووووووش:eh_s(6):


*مستلزمات تحتاجينها لعمل الهدية :1-
1-صندوق خشبي لونه بني
2-اغصان ملتوية
3- كرات اصغار بلون ذهبي وفضي
4-خام : تور احمر .. وخام تايقر مخمل
5- شريطه ذهبية عريضة وورده كان لونها احمر وانا رشيتها ابرش ذهبي
6-شرايط اضعاف جدا لتغليف الفلوس
7- قلب حب من الفلين عدد 2 .. واحد تحطينه ابمقدمة الصندوق
والثاني داخل الورده
8-كاكاو من اي ماركه اتحبين على حسب ميزانيتج.
9-قش لون بيج تصفينه ابقاع الصندوق عشان اتصفين فوقه الككاو
10- طبعا مع كل تغليف هالشيين اساسيين : مقص وصمغ كهربائي

* الخطوات :
اولا : الهدية كانت عبارة عن مبلغ من المال وقدره 125 دك
لفيت كل 25دك ابخام توراحمر وربطته ابشريطه اضعيفة ذهبية
وعقبها دخلت كل ربطه داخل غصن من الاغصان الملتوية مثل ما هو مبين عندكم بالصورة

ثانيا : تلزقين الخام التايقر على الصندوق من داخل ابطريقة عشوائية (يعني عفسي ولزقي) وعقب لزقي فوقه التور الاحمر ابنفس الطريقة
وعشان مايبين مكان الصمغ .. لزقي مكانه الكرات الذهبية والفضية

ثالثا : تحطين القش ابقاعدة الصندوق من داخل وعقبها صفي الككاو عليه ابطريقة امرتبة.. ولابد من لصق الككاو بصمغ خفيف على بعض عشان ما يتحرك ويطيح ويخترب التصفيف

رابعا :اتسوين الورده اللي على طرف الصندوق ابهالطريقه :
تاخذين خام تور .. تربطينه من النص وتحطيتن بين ثنياته خام تايقر
وعقبها تلزقين الورده الذهبية مكان ماربطتي التور من النص ومن ثم
(حلوة هذي:eh_s(6): ) تلزقين قلب الحب الاحمر

خامسا : اتدخلين الاغصان الملتوية داخل الككاوات وبعد لازم تلصقينها ابصمغ خفيف عشان ماتتحرك.وخلي الاغصان على طرف والورده على الطرف الثاني من الصندوق عشان ايبين شكلهم.. وتقدرين اتحطين ابطرف غصن من الاغصان كرة فضية كتغيير لشكل كل غصن

- الوقت المستغرق في عمل الهدية : تقريبا ساعه .

_ واخيرا : يا اما تقدم باليد كما هي.. عشان مايخترب شكلها
او : تغلف بورق السلوفان الشفاف مع الاخذ بالاعتبار ان يكون السلوفان عريض وكبير عشان ماتتكسر الاغصان:eh_s(15):


اوكي ؟؟؟؟؟؟؟؟؟؟؟؟
:eh_s(6):
بانتظار ردودكم عشان اكمل الموضوع:eh_s(20): [/COLOR][/CENTER][/SIZE]

*ملاحظه هامه(أمااااااانه) :
لامانع من نقل موضوعي بشرررررررررررط ذكر اسمي واسم منتدانا الغالي

 

[ساره ستايل]

الدرس الثاني :[/COLOR]
الهدية الشفافه

​

1- مناسبة الهديه :
- سلامة اختي بعد خروجها من المستشفى بعد اجراء عملية جراحيه
فاطلبت اختي العوده التغليف مني
واطلبت التغليف بطريقة غريبة ومبتكره غير الاشياء اللي
نشوفها عند بوابة الهدايا.. فطلعت لها ابهالفكره اللي ابهرت الكل

اولا : مستلزمات العمل :
1- علبة مدورة من كرتون ..كنت شاريتها من ايكيا القديم
2- قرشة زجاجية شفافه شريتها من جمعيتنا .. وموجوده ابكثرة عند
السوق التركي اللي بالري
3- كلفة عريضة من البلوكات .. ولازم اطرافها فيها سيم اضعيف
4- قش طوالي وضعيف لون بيج .. وقش امعفس لون اخضر
5- ورده بنفسجية وورق ورد لون ذهبي
6- جلاد لون ذهبي
7- تور بنفسجي
8-شريطه ضعيفه جدا ذهبية
9- شريطة امعلق عليها اكرستالات املونه (جاهزة تنباع عن محلات الكلف)
10-وطبعا : المقص والصمغ الكهربائي


- الوقت المستغرق في العمل : ساعه وشوية

الخطوات :
1- انغلف علبة التراشي بلجلاد الذهبي.. وعقبها بالتور البنفسجي
ابطريقة البقشة.. (يعني انقص تور على شكل دائرة
و انحط العلبة بالنص ونرفع اطراف التور لي فوق
ونخلي التور الزايد فوق وطالع من راس القرشة)
ونربطها بشريطه ذهبية ... واننزل من هالشريطه الذهبية جم كرستاله املونه

2- نفرش القش البيجي الطوالي الضعيف والاخضر المعفس بقاعدة القرشة
وعقبها انحط الهدية فوقهم

3- البطاقه : المعتاد عند الناس الكروت العادية اللي يكتبون فيها حمدالله عالسلامه
.. بس هالمره حبيت اغير
طبعت بالكمبيوتر كلام حلو عن هالمناسبة .. وسويت البطاقه مطوية
وغلفتها بالتور البنفسجي وشريطه ذهبية نفس الصورة اللي فوق
وتحطينها ورا علبة الهدية داخل القرشة

4- ناخذ الكلفه العريضة ونربط فيها القرشة لي فوق ولازم تكون اطراف الكلفه
زايده .. يعني مو تربطينها وتصير حده حده من فوق ..

5- انييب الاوراق الذهبية ونلزقها على الكلفة العريضه من المكان اللي ربطتيه
سابقا
وعقب نلزق الورده ..

6- نلزق القرشة على القاعده (ابطريقة مايلة) وهي العلبة البنفسجية بالصمغ الكهربائي
وعشان مايبين الصمغ نازل عالعلبة البنفسجية..
انلزق الكلفه ام الكرستالات على اطراف العلبة البنفسجية[/SIZE][/COLOR][/CENTER]

 

[ساره ستايل]

الدرس الثالث :
التغليف الناعم والبسيط والسريع


هالهدية سويتها حق اختي على سلامة خروجها من المستشفى ..
وسويتها على اعيلة لأن كانت عندي ظروف
ماتساعد على التفنن . .

الهدية كانت عبارة عن قلب ذهب ابيض


- هالتغليف بنات يناسبج اذا عندج مناسبة ياتج عالسريع .. مثلي
ومالج خلق او ماعندج وقت تتفنتقين بالتغليف
او اذا كانت المهدى اليها مو حيل حيل حيل اقريبة عليج
او اذا انتي ذوقج اهو البسيط وماتحبين الخبة

*مستلزمات العمل :1- علبة صغيرة كرتونية مربعه بلون احمر
2- تور املون
3- شريطه ذهبية ضعيفة
4-جلاد ذهبي
5- ورده صفرة
6-فراشات بلاستيك لون صدفي شفاف
7- قش امعفس لون بيج
8- دائما وابدا : مقص + صمغ كهربائي

* الخطوات :1- تلزقين النصف الاول من العلبة على طرف من اطراف
النصف الثاني من العلبة بشكل عمودي كما في الصورة
وتحطين داخلها القش المعفس البيجي
2- اتجلدين الهدية بلجلاد الذهبي
3- اتقصين التور الملون على شكل دائرة
4- اتحطين الهدية اللي توج جلدتيها في منتصف الخام التور الملون
ثم ترفعين اطراف التور الى اعلى عشان تربطينه مثل البقشة
5- تربطين البقشة ابشريطه ذهبية
6- اتحطين البقشة داخل العلبة على جنب
وتلزقينها ابصمغ خفيف جدا على العلبة الحمرا عشان يسهل فتح الهدية فيما بعد
7-تلزقين على الجنب الثاني الوردة الصفرة
8- تلفين على الجزء الاسفل من العلبة شريط ذهبي دار مداره
وتلزقين عليه فراشه وتوزعين الفراشات على اي مكان تبين من العلبه.

* الوقت المستغرق للعمل : نص ساعه.

 

[ساره ستايل]

الدرس الخامس

هدية زواج( بني ابذهبي يبرق )



- هالهدية سويتها حق بنت عمتي بمناسبة زواجها
كلللللللللللللللللللللللللللللللللللللللللللللوش << لازم هاليبباب مع الحدث هههه


- الهدية عبارة عن قلب ذهب ابيض مع سلسلة


* مستلزمات العمل :1- صندوق خشبي
2- شرايط لون بني اضعيفه ولون ذهبي
3- اوراق ورد صناعي لون ذهبي
4- كرستالات لون بني فاتح لماع
5- خام تور لون بيج
6-كرات من الفلين لون ذهبي
7- جلاد ذهبي
8- ورده لون ذهبي
9-قش لون بيج
10- ككاو تقديم من اي نوع تبين على حسب ميزانيتج

* خطوات العمل:1- اول شي ناخذ الشرايط البنية ونلزقها على اطراف الصندوق من داخل
عشان يكون شكله امرتب ونظيف .. نفس الصورة اللي مع الخطوة الثالثة

2- انجلد علبة الهدية اللي اهي القلب مع السلسه ابجلاد ذهبي..
وبعدين نربط عليها التور البيجي ابطريقة البقشه(تم شرحها سابقا)
ابشريطه ذهبية .ونحط في منتصف هالربطه كرتين ذهبيتي
وشرايط بنيه على شكل ضرب

3- نفرش القش بقاعدة الصندوق ..ونصف الككاو فوقه بطريقة امرتبة
ولاااااااازم انثبته ابصمغ خفيف عشان ما يتحرك يا حلوين .. جذيه



4- ناخذ الجلاد الذهبي ونربط فيه الصندوق داير مداره من على اي ناحية تبين
يا يسار الصندوق يا يمينه ابهالشكل
الصندوق من ورا



ونلزق طرف الجلاد بالصمغ عشان يثبت عدل وما يتشقق
وعلى طول نلف فوقه التور البجي ونربطه فوقه ابشريطة بنية طويله
ونسويها فيونكه عشان عقب نلزق على اطرافها كرات ذهبية
ونخلي نهاية طرف التور اطويل مو حده حده عشان بعدين نشتغل عليها
ونلزق طرفه التور الطويل ابصمغ عالصندوق عشان شكله يصير امرتب

5- اتييبين الهدية اللي غلفتيها اول شي وتوقفينها على الناحية الثانية من الصندوق بشكل مايل.

6- الحين انزين التور البيجي .. انحط تحته ورده ذهبية . والطرف الثاني من التور انحط عدد 2 اوراق ذهبية .. وانزينهم بلكرستالات البنيه ابهالشكل
صورة الكرستالات بين الورقة الذهبية والتور. وبعد نلزق جم كرستاله عالصندوق
من ورا عالتور(نفس الصورة اللي فوق بلخطة الخامسه).


7- بالنهاية .. انغلف الهدية بالسلوفان الشفاف بطريقة البقشة
ونزين ربطة البقشة بشريطة بنية وجم كرستاله بنية وكرة ذهبية



8- كرت الهديه : مو جاهز .. انا دايما اصصم كروت هداياي بالكمبيوتر
ترا وايد حلو انج حتى الكرت تشتغلين فيه بإيدج لأنه راح يكون مميز
وموموجود مثله بالسوق.. وهذا الاهم

* الوقت المستغرق بعمل الهدية : ساعة ونص تقريبا

 

[ساره ستايل]

الدرس السادس :

هدية عربانة الجمعية



- مناسبة الهدية : ولادة رفيجتي بولد الله يحفظه لها

-فكرة الهدية : فكرت وااااااايد ابطريقه تكون يديده وغريبه ابشكلها ومضمونها
ووصلت الى هالفكرة .. عربانة جمعية .. يعني انا رحت الجمعية وشريت لها اغراظ حق البيبي مالها .. وحطيت لها مع اغراظ البيبي الفلوس الهديه

- المستلزمات :1- عربانة جمعية عنونة
2- دبدوب سماوي
3- شرايط سماوية ورقية + فضية عادية ضعيفة
4- كور فلينية صفرا
5-ورد اصفر ورقي - ورد ورقي ابيض
6-قش اصفر
7- تور ابيض
8-ورد ازرق كبير
9- ورد امجفف صغار لون فضي
10-اغراظ البيبي: ممية + مصاصه + عضاضه+ والعلاقة اللي تتعلق فيها المصاصة بلبس البيبي.
11- فراشات لون ازرق
12-الهديه (فلوس 30دك وامصرفتهم خمسات)
13- ورق سماوي مقوى لعمل كرت الهدية
14-الاساسيات : مقص وصمغ كهربائي


* خطوات العمل: 1-اولا ناخذ الفلوس اللي اهمه الخمس دنانير وانلفهم بشكل اسطوانه
ونربطهم ابشريطه فضية
2- ناخذ الفلوس المربوطه وندخل خمستين داخل الممية
وخمسه نربطها مع العضاضه _ وخمسه مع المصاصه _ وخمستين مع علاقة المصاصه
(الصورة فيها مقراظة اظافر وعضاضة ما استخدمتهم بالهدية لأنهم صاروا وايد بلعربانه)



المميات داخلهم الفلوس والبقشة


3-ناخذ اغراظ البيبي اللي حطينا معاها الفلوس وانلفها اتور ابيض ابطريقة البقشه.. ونربطها ابشريطه فضية وسماوية ونحط عليهم كره صفرا وورده بيضه وورده مجففة فضية. ونلزق ابمنتصف ربطة البقشة من فوق ورده صفرا
(شكل الكور الصفرا داخل التور من فوق)

4-انزين الحين عربانة الجمعيه.. نلزق في بعض زواياها الورد الاصفر
وانحط بقاعدتها من داخل القش الاصفر..
وعقب انصف الهدايا اللي غلفناها بالتور الابيض داخلها على القش
ونلزق فراشة على كل جانب(يمين العربانه ويسارها)


وبعد انسوي ورده(نفس الورده اللي ربطنا فيها البقشة مالت الفلوس)
من الشرايط السماوية والفضية ونلزقها على اجناب العربانه

5-انثبت الدبدوب السماوي علعربانه.. يعني جنه قاعد فيها

6- كرت الهديه : بكل بساطه : ورق مقوى لون سماوي .. ونطويه على شكل كرت
نلزق عليه اول شي القش الاصفر وبعدين الفيونكه اللي من شرايطنا الفضية والسماويه
وانحط ابمنتصف الفيونكه ورده بيضه - ورده مجففه فضيه - نص كره صفرا
(انا قصيتها بالنص عشان ما تكون كبيرة وبارزه على الكرت)
لما انخلص من عمل الكرت انحطه تحت بلعربانه ابهالشكل


7- بالنهايه : للحفاظ على نظافة الهدية .. ولأبقائها سليمه من التلف
لازم انلفها بالتور الابيض بطريقة البقشه .. وانحط على منتصف ربطة البقشه:قش اصفر - وردتين لون ازرق - كور صفرا من داخل البقشة.

[/size][/size][/color]


- الوقت المستغرق لعمل الهدية : ساعه ونص تقريبا

- الوقت المستغرف في التفكير بتغليف الهديه : اسبوعييييييييين​

 

[ساره ستايل]

الدرس السابع :

العربانة الوردية





(تشبه خطوات ومستلزمات العربانه الزرقة الولادية مع اختلاف بعض الادوات..
فاعذروني بس بحط الصور بدون خطوات الشرح لأن بياخذون مني وقت كبير ..
وانا الحين مشغولة ابتنزل كل مواضيعي السابقة )

قبل التغليف بالتور الأبيض



كرت الهديه اللي سويته



الهدية بعد تغليفها بالتور الأبيض من جدام

 

[ساره ستايل]

هذي توزيعات تخرج سويتها حق الاخت ام المزايين معانا بلمنتدى
اطلبت هالشكل عقب ما شافت موضوعي بعنوان (شوفوا توزيعات تخرج بنت اختي)
اهنيه بقسم الهدايا وبكويتيات مول
ف لاسلوبها الراقي بالتعامل معاي :eh_s(9): ..
وعدتها اني ابدع لها بالشكل:eh_s(17): .. وانه يكون احلى من اللي سويته حق بنت اختي

وطلعت ابهالنتيجه :

- الككاو اللي حطيته داخل العلبه

- المجسم على جنب ولاحظوا الورد اللي حوالين السلحفاه

- التوزيعات من قريب .. على كل توزيعه بطاقه فيها صورة الولد المتخرج
+ بيت شعر من تأليفي للولد الحلو ابهالمناسبه :eh_s(22):

- المجسم صورته كامله

- المجسم بالنهايه بعد التغليف بالسلوفان لحفظه من التلف والغبار

:eh_s(9):​

[/QUOTE]

 

[ساره ستايل]

الدرس السابع :

هدية التوأم

- المناسبه :اطلبت مني رفيجة اختي اغلف لها هدية رفيجتها اللي والده توأم بنوتات
كانت هديتها نفنوفين ديور إهي كانت شاريتهم ..
والتغليف كان علي طبعا :eh_s(15):
-المستلزمات :
1- جلاد ورق ملون.
2- تور وردي
3- سلة خشب شاريتها من لاند مارك
4- ورود ذهبية كبيرة + ورود اصغار لون اصفر+ مجسمات صغيرة تخص مناسبة المولود الجديد
5-قش
6- شرايط وردية من خام ستان + شريطه عريضه ذهبية
7- دبدوب
8-اغصان حلزونية + كور صغيرة ذهبية
9- قلب حب مصنوع من الفلين + احرف انجليزية بلاستيك
10- صمغ كهربائي + مقص
- الخطوات :eh_s(20): :
1- انغلف الهدية بالجلاد الملونووعقب انلفها بالتور الوردي ونربطها بالشرايط الورده والذهبيه ونحط ابمنتصف الربطه ورده ذهبية وداخلها مجسمين صغيرونين بلاستيك لبيبي وردي

2- نزين السله الخشبية بلزق مجسمات البيبي الصغار وورود اصغار داخل فتحاتها من تحت
ونلف داير مدارها تور وردي .. ثم نحط داخل السله القش لون بيج

3- نثبت الهدية داخل السله ولازم نلزقها بشوية صمغ عشان مع الحركه ما تطيح

4- نلزق دبدوب على طرف السله ونثبت جدام السله الاغصان ونشك على طرفها الكور الذهبيه
وبعدين نلزق قلوب الحب الورديه ونلزق عليها احرف اسامي البيبيات

4- سويت بطاقة تهنئة للبيبيات ابهالمناسبة واطلعت ابهالشكل الحلو

الوقت المستغرق بعمل الهدية : ساعتين[/QUOTE]

 

[ساره ستايل]

الدرس الثامن : ((اعتذر لصغر الصور لأني ساحبتها بلغصب من سيرج القوقل ولأني ناسيه وين سفتها ))

ألماس برتقالي


المناسبه :
تقاعد ناظرتنا الحبيبة والوكيله بعد
حطينا حطة فلوس ،، وبالفلوس شرينا لها تراجي الماس وللوكيله خاتم الماس
وبالفلوس الباجي سوينا لها وقف خيري ..

المستلزمات :
1- خام تور برتقالي
2- شرايط ضعاف برتقالي وفضي
3- كور فضية
4- ورد فضي
5- اغصان ذهبية
6- جلاد ورق ذهبي
7- ماعونين بلاستيك شفاف لوضع الهديا فوقهما << يعني فصحى يعني
8- عربانة الشاي لعرض الهدية بين الحضور عشان يتمقلون فيها
9- قش برتقالي فاتح وورد مجفف اصفر
10- صمغ حراري ومقص

الخطوات :
1- نفتح علبة الهدية الاصلية ونغلف جزئها الفوقي بلجلاد الذهبي وعقبها
نلفه بالتور البرتقالي ابطريقة البقشة
ونربط البقشة ابشريطه فضية بطريقة الفيونكه ونحط ابمنتصفها كرة فضية

2- نلف تور برتقالي على جزء العلبه التحتي ونربط كل زارية ابشريط برتقاليه
ونحط على كل زاوية كرة فضية

3- انيي الحين للعربانه : نلف تور برتقالي دار مدار العربانه ونربطه من جدام العربانه وننزل التور الباجي لي تحت .. ونخلي الشرايط اللي ربطنا فيها التور نازلة على كبر التور

4- انييب الاغصان الذهبية ونمسكهم حيييل مع بعض ابشريطه
ونحطهم ابمنتصف ربطة التور

5- نلزق ابمنتصف ربطة التور وعلى الاغصان وردتين فضيتين وكور فضية على شكل عنقود العنب

6- ننثر كور فضية على الخام التور

7- انوزع القش على جزء العربانه اللي فوق وننثر عليه اشوية ورد مجفف ابطريقة عشوائية

8- انحط المواعين البلاستيك عليهم ومن ثم نحط العلب اللي غلفناها سابقا على هالمواعين << بتقوليون ليش مواعين ؟!
بقول لكم لأن الرف الفوقي مال العربانه نازل لي داخل
ف لازم يكون في شي مرتفع يرفع الهديه فوق عشان الكل يشوفها
جذي



الوقت المستغرق في تنسيق الهديه : ساعة ونصف تقريباً​

 

[ساره ستايل]

هذي هدية ولادة بنت عمتي في بنت

خلليت الهدية بإيد لعبة بنت

اللعبه حطيتها على هالقش والورد المجفف


اللعبه قبل التكشيخ



بعد التكشيخ



وبعد السلوفان



وبالجيس استعدادا لذهابي للاستقبال




بس تعببببببببببببببت :cxxxp:

اتمنى اكون كفيت ووفيت حبايبي
واسمحولي عالتقصير :tek:​

 

[ام كوثر]

حلو تسلم ايدج

 

[Glamorous]

تسلمين خوش شي

 

[ساره ستايل]

قلامور - ام كوثؤ : الله يسلمكم ..
شكرا لمروركم حبايبي

هيوفة : شكرا للدعوة الكريمه..موفقين

 

[jekara_maziona]

وااااااااااايد حلووووو

روووووووعه رووووووووعه روووووووووعه بمعنى الكلمه ماشاالله عليج

تسلم ايدج حبيبتي وسوري تعبتج معاي

ويعطيج العافيه يا عمري

 

[ساره ستايل]

جيكرة مزيونة :
العفو ياقلبي
عزيزة وغاليه

 

[noni07]

ماااشاء الله عليييج

عيني علييج بااارده ..

هالموضوع جا بوقته صراحه .. بجيب هديه لرفيجتي ومحتاره شنو اجيب لها وبشنو اقدمه

بس تبارك الرحمن دشيت هالموضوع والافكار قامت تتحاذف علي :d

تسلميين حبيبتي

 

[ساره ستايل]

نونيه : تشرفت ابمروج عالموضوع واعجابج بالافكار المطروحه فيه

شكرا حبوبة

 

[كويتية و ردية]

شكرا