سفرتي لاورلاندو (بالصور)

[وفاء الكاظمي]

ماشاءالله عليكم بالف عافيه خوش سفره

يريت بالاخير تحطيلنا التكاليف تذاكر والفنادق الي قعدتوا فيها وهالامور

 

[rawona]

ماشاءالله عليكم بالف عافيه خوش سفره

يريت بالاخير تحطيلنا التكاليف تذاكر والفنادق الي قعدتوا فيها وهالامور

الرحلة كلفت 1930 شاملة التذاكر والسكن والسياره لي ولزوجي وبنتي والمصرف اهناك (اكل وشرب وحدايق ومشتروات لليهال) 1500 وانا كنت ماخذه فلوس لمشترواتي ..


حياج ​

 

[lolwah]

متااااابعة كملي بلييز

 

[<Miss ROoSe >]

ماشاء الله تبارك الرحمن تقرررررررررررررررررررررررررررير رووووووعة
صج شوقتينى أسافر لها
من جم يوم كنت أسأل البنات عن أمريكا لأنهم شوقونى لها من صورهم
لكن بعد تقريرج ماينفع أروح هالسنة
بصراحة يبيلها مو أقل من شهر
وأنا مرتبة سفرتى هالسنة على 20 يوم
أدعولى أروح لها السنة الياية اذا الله كتب لنا عمر​

:ggdw:​

 

[UMSAROON]

روونه وأخيرا حطيتي تقريرج عن سفرتج
شكلها حدها يشوق..
بس عندي لج جم سؤال خل أكمل التقرير وأقولج

 

[أغلى الغاليات]

عليكم الف عافية حبيبتي

 

[UMSAROON]

جم كلفكم الطيران على يونايتيد؟
واشلون الطيارة مريحة؟
احنا العام كانت سفرتنا على طيران الإتحاد ممتازة وفيه برامج ترفيه عجيبه وافلام يديده يعني بنتي لهت بالطيارة
بس مشكلتها اته لازم انطب نيويورك
فمادري عن يونايتيد اشلون مستواها؟

 

[أمانيQ8]

ابدااااااااع تقريرج يعطيج الف عافيه يا حبيبة قلبي.... ترا اورلاندوا حلوه بس حلاتها لاارطوبه ولا مطر هاللي يتسلط بالساعات ينزل

 

[عروووب99]

يعطيييك العافيه خوش تقرير

 

[rawona]

متااااابعة كملي بلييز

خلج متابعه حبوبه ..

راح اكمل التقرير انشالله مع باجي الاماكن السياحيه باورلاندو والاسواق والمطاعم وانشالله تعجبكم ..


:tek:​

 

[rawona]

:eh_s(8):

ماشاء الله تبارك الرحمن تقرررررررررررررررررررررررررررير رووووووعة
صج شوقتينى أسافر لها
من جم يوم كنت أسأل البنات عن أمريكا لأنهم شوقونى لها من صورهم
لكن بعد تقريرج ماينفع أروح هالسنة
بصراحة يبيلها مو أقل من شهر
وأنا مرتبة سفرتى هالسنة على 20 يوم
أدعولى أروح لها السنة الياية اذا الله كتب لنا عمر​

:ggdw:​

بعد قلبي والله وصج مثل ما قلتي حلاتها شهر انا العام حدنا رمضان فقعدنا 20 يوم بس صج صج استانسنا فيهم وهالسنه انشالله لا بنخليها شهر علشان تصير اونس ..



والله يكتبلج السفره انشالله بالقريب العاجل


​

 

[rawona]

عليكم الف عافية حبيبتي

الله يعافيج حبوبه ومشكوره على المرور


:tek:​

 

[rawona]

جم كلفكم الطيران على يونايتيد؟
واشلون الطيارة مريحة؟
احنا العام كانت سفرتنا على طيران الإتحاد ممتازة وفيه برامج ترفيه عجيبه وافلام يديده يعني بنتي لهت بالطيارة
بس مشكلتها اته لازم انطب نيويورك
فمادري عن يونايتيد اشلون مستواها؟

هلا والله ام سارونا ..

شلونج وشلون اليهال؟؟ انشالله بخير؟؟ :klhfl:


اي والله اخيرا ما بغيت اكتب هالتقرير لوول بس حلاته من الصور اللي بكاميرتي الخاصه لكن المشكله ان الصور كلها احنا فيها ما ينفع نقصص منها .. هالسنه انشالله اييب كاميرا خاصه بس صور حصريه للمنتدى :dddds:


بالنسبه لليونايتد انا والله ماجربت الخليج فما اقدر اقارن واحكم بس يوم سافرت على اليونايتد الطيران كان زين وكان في افلام ومسلسلات وترفيهه حلو لكن احنا من التعب ما خذينا بالنا ليش الطيران كان بليل وبنوتي حطت راسها ونامت لين وصلنا واشنطن دي سي وقعدنا ترانزيت ساعتين وعقبها طرنا اورلاندو ..


عموما الطيران كان حلو ومريح نوعا ما .. وهالسنه انشالله ناوين نروح اهناك وحجزنا بعد على اليونايتد .. وانا حجزتها ترى باكيج كامل طيران وسكن وسياره فما اعرف سعر التذكره بالضبط جم ..


واي استفسار انا حاضره :tek:​

 

[rawona]

ابدااااااااع تقريرج يعطيج الف عافيه يا حبيبة قلبي.... ترا اورلاندوا حلوه بس حلاتها لاارطوبه ولا مطر هاللي يتسلط بالساعات ينزل

شوفي اهي خيسه وفطيسه صج .. عيبها الرطوبه والحر بس هم الحلو فيها المطر اشوي يبرد الجو ..

وانا على العموم اموووت على الصيف واحب الجو الحار واموت على حمامات السباحه والبحر فاعيد اهناك لوول

صج نرجع الديره صابغين بس تسوى وناستها ..

ومشكوره على المرور حبوبه ..


:tek:​

 

[rawona]

يعطيييك العافيه خوش تقرير

شاكرتلج مرورج حبيبتي .. والله يعافيج


:eh_s(8):​

 

[rawona]

لكل من ناطرني اكمل الموضوع رادتلكم بصور يديده واماكن احلى باورلاندو ..


من الاماكن المهمه اللي لازم تزورونها باورلاندو وما تطوفونها المدينه المائيه wet'n wild واللي تعتبر من التوب تن بامريكا ..

ويالمتحجبات لا تحاتون اخذوا وياكم مايوهاتكم الاسلاميه وطبوا مع رياييلكم واعيالكم واستانسوا ومحد بيقولكم شي ..

انا لما رحت اهناك رحت للمراقب على المسبح اشرحله ان اللي انا لابسته مو اهدوم لبس سباحه "خفت يطردوني" والا اتفاجا انه قالي عادي واوكي وات ايفر!!!

وات ايفر وات ايفر انا ما سدأت خبر رحت سيده اطب ويا ريلي واعيالي .. وهم بمسبح الفندق كان في اجانب مع اعيالهم على المسبح شافوني طابه بمايوهي الاسلامي قاموا طبوا مع اعيالهم بهدومهم لول!!


اخليكم مع الصور وانشالله تعجبكم ..
























يتبع..


​

 

[@ربانة العود@]

التصوير يشوق
عليج بالعافية

 

[<Miss ROoSe >]

:eh_s(8):

بعد قلبي والله وصج مثل ما قلتي حلاتها شهر انا العام حدنا رمضان فقعدنا 20 يوم بس صج صج استانسنا فيهم وهالسنه انشالله لا بنخليها شهر علشان تصير اونس ..



والله يكتبلج السفره انشالله بالقريب العاجل


​

مشكورة حبيبتى روونة على مرورج
:tek:​

 

[UMSAROON]

روونه انتي جم مره رايحه أمريكا وشنو الولايات اللي زرتيها ؟

 

[Yasmin]

شلونج رونه؟؟

صارلي فتره ما رديت للموضوع, لوول كله بقسم الحمال

يالله وناسه كملي التقرير الحلو, وصاجه من احلى الاشياء هناك انه محد له شغل بالثاني