عندج استشاره قانونية -اتفضلي

[منوشة قلبي]

محاميتنا العزيزه انا وزوجي بينا خلافات مالها اول من اخر وكم مره اطلب الطلاق ويتوسطون اهله ويرجعوني الحين انا
رحت بيت اهلي وطلبت منه الطلاق لان خلاص الحياه معاه مستحيله قالي ماراح اطلق وراح اخليك معلقه واذا موعاجبك روحي المحاكم وعندي منه ولد وبنت محاميتنا ما ادري شنو اسوي لان فيه ناس قالولي حتى لو تطلقتي ماراح تحصلين منه على النفقه الكافيه اذا كان عنده اقساط ومعاشه مو قوي فياليت تفيديني لاني محتاره مدري شسوي

 

[أسمى حب]

طرشت لج على الخاص بشكل عاجل ياريت تشيكين عليه


منو افضل محامي للاحوال الشخصية و الحضانة . . ؟

 

[KaTKoTa]

السلام عليكم ...

جزاج الله الف خير .. والله يوفقج بكل قضاياج ان شاءالله ...

عندي سؤال صغيرونو ... ولد خالتي مهندس وعنده مكتب هندسي خاص فيه ... واحد من العملاء رفع عليه قضيه لمشاكل بالبنيان او التأخير او شي جذي ... سؤالي هل ممكن ينحط اسمه في منع السفر قبل صدور الحكم ؟؟؟ انزين وحتى لو حسمت القضيه ضده بعدين الله لا يقوله راح يصير منع سفر ؟؟؟

ومشكووووووووووووووووووره وماتقصرين .. وجعله في ميزان حسناتج يااااارب

 

[المحامية هبة السهلي]

عظم الله اجرك محاميتنا
عفوا لأطالة اسئلتي ولكن اهم سؤال عندي هو
صحيح الولد يخير عندما يبلغ التاسعة أو الثانية عشر ولا يسحبه ابوه بالاجبار من امه واذا تم عند امه بعد ان يخير هل تلغى نفقته ولا شنو اللي يحصل . ؟؟ [[ للعلم عيالي بالعمر 9-7-2سنوات ] حسب المذهب السني
وسؤال لصديقتي
كيف تخلع زوجها ؟ما هي الاجراءات المتبعة

الولد في حضانة امة بمذهب اهل السنه الى ان يبلغ والقاضي هو من يحدد سن البلوغ ثم يخير و نفقة الاولاد تظل للام طالما الاطفال في حضانتها


الخلع يتم برضاء الزوج اذا لم يرضى يجب ان ترفع قضية طلاق للضرر

 

[المحامية هبة السهلي]

محاميتنا العزيزه انا وزوجي بينا خلافات مالها اول من اخر وكم مره اطلب الطلاق ويتوسطون اهله ويرجعوني الحين انا
رحت بيت اهلي وطلبت منه الطلاق لان خلاص الحياه معاه مستحيله قالي ماراح اطلق وراح اخليك معلقه واذا موعاجبك روحي المحاكم وعندي منه ولد وبنت محاميتنا ما ادري شنو اسوي لان فيه ناس قالولي حتى لو تطلقتي ماراح تحصلين منه على النفقه الكافيه اذا كان عنده اقساط ومعاشه مو قوي فياليت تفيديني لاني محتاره مدري شسوي

ترفعين قضية طلاق للضرر ونفقات والقاضي على اسوء تقدير بيعطيج اللي تعطيه الحكومه للاولاد لا اتحاتين استخيري وتوكلي على الله

 

[المحامية هبة السهلي]

طرشت لج على الخاص بشكل عاجل ياريت تشيكين عليه


منو افضل محامي للاحوال الشخصية و الحضانة . . ؟

الاحوال الشخصيه ابسط القضايا اي محامي امين وملتزم قادر عليهم

 

[المحامية هبة السهلي]

السلام عليكم ...

جزاج الله الف خير .. والله يوفقج بكل قضاياج ان شاءالله ...

عندي سؤال صغيرونو ... ولد خالتي مهندس وعنده مكتب هندسي خاص فيه ... واحد من العملاء رفع عليه قضيه لمشاكل بالبنيان او التأخير او شي جذي ... سؤالي هل ممكن ينحط اسمه في منع السفر قبل صدور الحكم ؟؟؟ انزين وحتى لو حسمت القضيه ضده بعدين الله لا يقوله راح يصير منع سفر ؟؟؟

ومشكووووووووووووووووووره وماتقصرين .. وجعله في ميزان حسناتج يااااارب

هل القضية مدنية او جزائية ؟

 

[KaTKoTa]

هل القضية مدنية او جزائية ؟

مادري والله .. ممكن تقوليلي عن الثنتين ؟ اذا مافيها كلافه عليج

وجزاج الله خيررر

 

[المحامية هبة السهلي]

مادري والله .. ممكن تقوليلي عن الثنتين ؟ اذا مافيها كلافه عليج

وجزاج الله خيررر

الجزائي ممكن يحبسونه او يحطون امر منع من السفر اثناء التحقيق اما المدني فلا يتوقع وجود منع السفر الا اذا صدر حكم بالمبلغ ولم يسدده

 

[زوجة ناصر]

عندي استشارة قانونية

اولا اسال الله ان يوفقج عزيزتي و ثانياً عندي استفسار بخصوص زوج تطلبه طليقته مبلغ و قدره .... توف الزوج بعد زواجه الثاني بسنوات فقامت طليقته برفع قضية حجز أي ممتلكات باسم زوجته الثانية فهل اللي سوته الطليقة بحق الزوجة الثانية يجوز و لا لأ.. بحكم القانون الكويتي؟؟؟ علماً بان الزوجة الثانية غير موظفة عايشة مع عيالها على راتب الشؤون لانهم ايتام . و اذا ممكن اسناد الكلام ببند من بنود القانون الكويتي.

 

[KaTKoTa]

الجزائي ممكن يحبسونه او يحطون امر منع من السفر اثناء التحقيق اما المدني فلا يتوقع وجود منع السفر الا اذا صدر حكم بالمبلغ ولم يسدده

ادري دوختج معاي يا حياتي بس تحمليني شووووي

انزين شالفرق بين الجزائي والمدني ؟

يعني متى في حالته يكون جزائي ومتى يكون مدني ؟

يعني متى تكون القضيه في مجاله الهندسي جزائي او مدني ؟

وجزاج الله الف الف الف خير يا ررررررررب

 

[زوجة ناصر]

استشارتي تبعاً للم\هب الجعفري

 

[ملح مكتت]

طلب التخصيص يعطى باسم الزوجين ووثيقة التملك تصدر باسميهما

ماله حق يضيفها الا باستثناء من استثناءات الرعاية السكنية بس الاصل البيت لج وله فقط

جزاكي اللة خيرا غاليتي

 

[أسمى حب]

الاحوال الشخصيه ابسط القضايا اي محامي امين وملتزم قادر عليهم

ياريت تطرشين على الخاص افضل محامي ممكن يمسك القضية لن فيها تعقيدات و تحتاج واحد متمكن و ذو خبرة وسمعه .

 

[مدام فستقه]

رفيجتى رفعت قضيتين قضيه طلاق للضرر وقضيه الثانيه نفقه
و زوجها ما حضر للجلسه الاولى لان اهل زوجها ما استلموا البلاغ بخصوص القضيتين
واجل القاضى للجلسه الثانيه ونفس شي زوجها استلم البلاغ وما حضر الجلسه
ما اطول عليج القاضى اجل الجلسه مع احضار حكم للزوجه والزوجه اختارت ابوها الحكم

وعلى فكره اهما على مذهب الجعفرى وما عندها عيال

السؤال
1- يعنى شنو حكم وشنو راح يسوى؟
2- اذا زوج ما يحضر الجلسات شلون القاضى راح يحكم على النفقه ؟
3- شنو النفقات الواجبه عليها ؟ لان زوجها ما نفق عليها؟

سورى على الاطاله

 

[ألوان مائيه]

مساء الخير

عندي استشاره قانونيه وارجو الرد عليها من فضلك

منذ 8 اشهر رفعت على زوجي قضية طلاق لضرر و هو يرفض تطليقي علما بأننا ننتمي الى المذهب الجعفري
وفي كل موعد للجلسه يحضر زوجي و يقول انه يرفض تطليقي ويريد ارجاعي واخيرا رفع علي قضية بيت الطاعه , فهل يمكنه كسب القضيه وارجاعي
علما بأتتي رفعت عليه قضيه للنفقه و تم صدور الحكم بالنفقه الا انه طلب استئناف لتقليل النفقه

ارجو ان توضحي لي رأيك بالموضوع وكم المده التي قد تستغرقها القضيه اكثر من ذلك ؟؟
بالاضافه ان لدي مؤخر ولكن في عقد الزواج كتب انه يستحق بعد 10 سنوات فهل يمكنني ان اخذه بعد الطلاق ام لا ؟

ارجو الرد

 

[ألوان مائيه]

ارجو الرد على قضيتي
و ايضا اريد ان اعرف اخر اجراءات في اخر جلسه حتى يحصل بعدها الطلاق

 

[lolita q8]

محاميتنا الغاليه

ارجوووج تساعدين اختج لان ما عندي خبره في المحاكم

سؤالي

ان انا و زوجي على خلاف من سوء معاملته لي و الخيانه و الكذب و لا انا ابيه ولا اهوا قادر يتحمل المسؤولية

انا صارلي تقريبا شهر عند بيت ابوي و خذيت كل اغراضي و التفاصيل بدزهم لج عالخاص اذا ممكن؟

المهم انه وصلتني ورقه (( تبليغ طلاق بعد الدخول)) اكيد ماره عليج من قبل و التفاصيل بدزهم عالخاص حبيبتي

انا بكلمج عن نفسي هدفي اهوا الطلاق مافي امل بالرجعه

و سارلي 4 سنين و بدون اطفال و السبب منه

وانا عالمذهب الجعفري

و بغيت اسالج

شنو معنى هالورقه؟ و شنو الاجراءات الي بتسير؟ و اذا رحت مناك شنو المفروض اسوي؟ هل اوكل محامي؟ او عندج راي ثاني؟

شنو حقوقي الي اقدر اخذها منه غير المؤخر؟ هل تحق لي النفقه ولا لا؟

ادري اسئلتي وااااايد؟ الله يخليج ساعديني محتاجه جواااب باسرع وقت قبل تاريخ الجلسه 24-4-2008

 

[الكندرية3]

السلام عليكم

انا اجنبية وزوجي كويتي وحابة اطلق من زوجي بسبب المعاملة الي عاملني بيها لا شايل مسؤلية ولا شي وعندي ولد منو وهو سني وانا سنية

هل ادا طلقت ارجع لبلدي وهل يقدر يعطيني سكن ونفقة ممكن تفسريلي شنو يصير الله يجازيك خير


اتمنى تحسبوني منكم وتجاوبوني

 

[لبيه يامنادي]

محاميتنا يعطيج العافيه

آنا عندي سؤال بالنسبه للتوكيل

بغيت اسأل اذا سويت لشخص توكيل وضاع منه ينفع اصور من التوكيل اللي عندي او اطلع بدل فاقد ؟

وعساج ع القوه