السلام عليكم دكتورة حياج الله ويانا في المنتدى
بغيت استفسر عن كذا شغله
بنتي عمرها خمس شهور ونص من شهر او اكثر جاتها حساسية منطقة الحفاظ ومابقى كريم من الطبيب مااستخدمته ولاني عارفة شنو اسوي لها يهدى يوم ويرد اليوم الثاني بحمار وتزلق ودم يعني شي كبير ؟
بالنسبة لاحمرار منطقة الحفاظ له سببين
اول شي يكون بسبب حساسية عادية من تكرمين البول و الخروج او نوع الحفاظ و هذا علاجه يحتاج كريم عازل مثل سودوكريم او من المستوصف زنك اوكسايد و في حالات نادرة يحتاج كريم كورتيزون لمدة يومين او ثلاث بس
السبب الثاني انه يكون فطريات و علاجه كريم مضاد للفطريات مثل مايكوستاتين او مايكوتير
شلون تقدرين تفرقين بين السببين ؟
الطبيب يقدر يفرق طبعا بس اذا تبين تعرفين اول شي
الفطريات تحوش ثنيات الجلد من داخل يعني لما تشوفين الصفطات اللي بالفخذ من داخل تشوفينها حمرة بعد
عكس الحساسية تكون الثنايا من الداخل عادية و لون الجلد
الفرق الثاني ان الفطريات يكون في فيها نفط حمراء تشوفينها بحواف الإحمرار و منتشرة شوي لي فوق باتجاه السرة
في كريم ممتاز لاحمرار الحفاظة اسمه بانديرم Panderm ينفع للحالتين
قبل يومين تعبت فجـأة حرارة 39 ونص واسهال وماترضع وديتها الطبيب قال احتقان شديد الحين رد صدرها يتعب وبلغم تعبت الصراحه من الكمامات انا من فترة بديت وياها الواقي شراب وماادري احس شوي هيج الصدر تعتقدين من الواقي او لا ؟
بالنسبة للصدر
الوقائي يفضل انه يكون بالكمام مو شراب
اذا الشراب زاديتين فهذا وقائي قديم جدا و ما يستخدم الا نادرا
و ما اعتقد ان الشراب هيج لها صدرها
احتمال من الفايروس اللي فيها
لانه معروف الأطفال اللي يعانون من الحساسية يتهيج صدرهم من اي التهاب فابروسي
ابي شنو افضل اكل ممكن ااكله بنتي في هالسن انا بديت وياها بالعلب اللي بالجمعية فواكه مشكله وميلوبا بالارز بس الكل يقولي اكليها طازج شنو بالضبط اسويلها ؟
ومشكورة واسفة على الاطاله
أفضل ماركة اكل للبيبي هو اكل البيت
لذيذ و صحى و نظيف
تقدرين تسوين كمية و تحطينها بقوالب الثلج و تثلجينها و متى ما بغيتي توكلين البيبي تذوبين العدد اللي
تحتاجينه و توكلينه البيبي
