رفيجتي راحت تشتري سياره قالوا لها ما فيه أقساط معقـوله !!!

[..، شهوده ..،]

السلام عليكم ورحمة الله وبركاته


بنات أمس رفيجتي راحت تشتري سياره وبتحطها أقساط على معاشها
قالوا لها ما في أقساط تدفعين كااااش هذا قانون جديد ؟؟؟ :080402ask_prv:

بنــــــــــات معقولـه هالكـلام !!!!!!

:eh_s(12): :eh_s(12): :eh_s(12):

ناطره ردودكم

 

[!! شوق !!]

مصيبه لو هالامر صحيح !!

 

[..، شهوده ..،]

اي والله قولي مصيبه مصيبتين
أنا كنت مفكره أول ما أتوظف أشتري سياره
ألحين شلوووون ؟؟؟؟

يعني شنو ما نركب سياير

 

[girl_in_abottle]

بلى حبيبتي تركبين سيارة ان شاء الله
بس سيارة على قدج, يعني تكون سيارة offordable

القانون الجديد فيه اقساط, بس تكون اقساط جدا جدا خفيفة , يعني نسبتها ضئيلة من الراتب, و ماكو دفعة اخيرة ولا شي

و طبعا علشان يحسبون قسطج راج يجيكون شنو عندج من اقساط غيرها و حتى الفيزا و الماستر تنحسب, فإذا شافو انة راتبج راح يروح منة وايد , ماراح يعطونج شي, و إذا انتي نصرة على القسط مالج إلا تيمعين دفعة اولى قوية

و هذا قانون يديد نزل في مصلحة الكويتيين علشان يتعلمون يعيشون على قدهم بدال ما يقصدون الأثاث و السيايير و السفر و آخر شي يبون الحكومة تدفع عنهم ثمن رفاهيتهم.

 

[jenjen]

وليش ماتدفع الحكومة ثمن رفاهيتنا الحمداللة خير الكويت مغطي الدول اللي حوالينا ولا بس علينا حرام تقولون عين عذاري

 

[softlady]

خلوني اقولكم شنو صار مع رفيجتي

قالوالها راتبج ما يتحمل السياره غاليه

هذا بيت التمويل

المهم صادها بالوكاله موظف البنك الوطني

قالها سوي هالطريقه

استقطاع من راتبج على حساب تفتحينه عندنا عادي

واخذي منا قرض

ويكون هذا الاستقطاع هو تسديدج للقرض


يعني بذمتكم الحين البنك المركزي حاط هالقانون عشان يحمي الكويتين وبيت التمويل زفوها قالولها ما يصيييييييييييييير


وبااااااجي البنوك لعب بالقانون والعقووود ويعرفون ينصبون على مستوى !!!!!!!!!!!!!!!!!


والسجون والجيكات والديون كل مالها تزيد

 

[miss-one]

انا السنه الي طافت لما بغيت اشتري سياره لقيت نفسي ما قدر اشتري سياره الا بحدود معين بعذر انه حدج 15 ضعف الراتب

من الحلول يبي شهادة راتب وهميه ثانيه علشان يكون المعاش اكثر علشان تقدرين تشترين سياره الي تبينه

او تدفعين دفعه اولي مبلغ وقدره علشان يصير تاخذينها بحدود القانون

لانه الحين مافي دفعه اخيره

شوفي راتبج جم وضربيه في 15 هذا الي تقدرين تشترين في سيارتج اقصاد

مثلا طلع 7000 دوري سياره بهذي الحدود طبعا مع الاقساط

واذا تبين اكثر من هذي الحدود تدفعينه مقدم

هذا الي انا فهمته
وكل يوم لهم راي

 

[lulucaty]

لا عادى تقدرين تاخذين سياره اقصاد مافيها مشكله تونى ماخذه وحتى رفيجتى

المشكله اذا راتبج كان واااايد ضعيف مثال 400 وتبين سياره ب15 الف مايعطونج لان القصد بيكون جريب250او270 هذا اذا مافى دفعه اكثر

اخذى سياره على قد معاشج احسن

والله يوفقكم

 

[cawcaw]

والله هالبنوووك لعبوا بحسبة المواطنين.. الحكومه تحاول تعدل من صوب وييون هذيل يخربونها من صوب ثاني..
ومومعقوله والله انا معاشي 500 دينار وبروح اركب سياره ب 20.000 دينار جم بيقصون مني؟ وباجي الشهر بعيش على جم؟ هذي مورفاهيه عشان الحكومه تيي وتدفع ثمن رفاهيتنا.. هذا ينون ولوكل واحد يمد ريوله على قد لحافه ويفكر مليون مره قبل لايتخذ قرار يندم عليه باجي حياته جان ماشفنا هالاوادم وعيال ناس بعد مقططين بالمركزي على قضايا اقسااط متراكمة..
شوفي حبيبتي نصيحه مني قولي حق رفيجتج لاتتهور باجر والله البنك ماراح يهمه ولاشي اهم شي عنده فلوسه اذا تأخرت بقسط ولا لاسمح الله وقف معاشها لاي سبب كان اهم ماراح يسكتوووون.. هذي لعبتهم حسبيالله عليهم..

 

[q8_hala]

بسيطه نروح ناخذ قرض ونشتري سياره
بعدين نطالب باسقاط القروض _03ba:

 

[jasmine_flower]

انا مع القانون 100% وهذا حق مصلحه الكويتييين لازم الواحد يمد ريله على قد لحافه ما يصير الواحد معاشه 400 وله 500 دينار يشتريله سياره بالألاف علشان عاجبته واخرتها ديون تتكسر الظهر وانصيح من الفقر
الحكومه لازم تعطى حقوق المواطن الاساسيه مثل حق التعليم الصحه السكن الحريه التعبير عن الراى تساعده فى ضبط الاسعار على السلع الزواج ..الخ هذى يسمونها ضروريات
لكن لمه الواحد يشتريله سياره بالالالالالاف ومعاشه اشويه هذى كماليات مو ضروريات الحكومه مو ملزمه تدفع الكماليات

 

[كريستال ليدي]

الاقساط تكون تتناسب مع مستوى المعاش ... هذا اللي فهمته من الوكالات

 

[^^ROSE^^]

انا أأيد هالقرار
صج ان لاتوظفت ماراح يتعدى راتبي 500 وصج ان بخاطري كذا سيارة عاجبيني بس ارخص وحدة ب 9000 كاش

لكن انا أأيد هالقرار 100% عاد اللي بيطينونها على عمرهم وبيروحون حق اكبر بنك متخصص بشفط الفلوس(الوطني اللي اسميه الوثني) ذنبهم على جنبهم
يعني اول ماتتأخرين بقسط تأكدي الشهر اللي وراه تدفعين المتأخر مع فوائد شالله حادكم!
الناس بيحبوني عشان سيارتي؟ ولا انا بينقص مني شي اذا ماركبت سيار غاليه!

 

[رفرف]

انا أأيد هالقانون ..

كلمن يعيش على قده والا ايمع ويشتري اللي بخاطره لي متى واحنا ديون واقساط ونتحلطم على الحكومة تعالوا سدوا قروضنا ودفعوا لكمالياتنا ..

 

[@ربانة العود@]

والله اول مرة اسمع

 

[sHa6o0ra]

بلى حبيبتي تركبين سيارة ان شاء الله
بس سيارة على قدج, يعني تكون سيارة offordable

القانون الجديد فيه اقساط, بس تكون اقساط جدا جدا خفيفة , يعني نسبتها ضئيلة من الراتب, و ماكو دفعة اخيرة ولا شي

و طبعا علشان يحسبون قسطج راج يجيكون شنو عندج من اقساط غيرها و حتى الفيزا و الماستر تنحسب, فإذا شافو انة راتبج راح يروح منة وايد , ماراح يعطونج شي, و إذا انتي نصرة على القسط مالج إلا تيمعين دفعة اولى قوية

و هذا قانون يديد نزل في مصلحة الكويتيين علشان يتعلمون يعيشون على قدهم بدال ما يقصدون الأثاث و السيايير و السفر و آخر شي يبون الحكومة تدفع عنهم ثمن رفاهيتهم.

كلام عين العقل

 

[bnt_7waa]

بصرااحه خوووش قرااار


احد قالك معاشك 500 تبي سياره بعشر الاف ليش يبه


شفيها الكرولا ولا الكامري لوووول

و حبووبه مو صحيح هلقرار مرت اخوي توها ماخذه سياره اقساط

بس اهيا في شرووط بسيطه

ومنها الي عمره اقل من 21 مايقدر يااخذ سياره على حسابه اقساط لازم يكمل 21

 

[..، شهوده ..،]

تسلمـون بنات على التوضيح ألحين فهمت القرار عدل
اضاهر رفيجتي معاشها ضعيف عشان جذي ما عطوها ولا يناسبها
واهي تبي سياره غاليه

بصراحه قرار 100% يا كثر اللي معاشاتهم 400 ولا 500 دينار
ويروحون يشترون سياره بالألاف ويدفعون 200 ولا 300 ونص المعاش راح على الفاضي
ويقعدون باقي الشهر ما عندهم شيء يأكلونه والناس اللي تشوف السياره اللي راكبها
يقولون وااااااااااااااو هذا غني وعنده فلوس واهو فقران

قرار سليم

 

[بنت الكويت العسل]

زين يسوون

 

[فيروزه]

زين حطوا قانون يحد من طمع هلبنوك الي ماتخف ربها