ديوانية خبرات الكويتيات ...

[عاشقة الحرف و الطبخ]

الموضوع عجييب
إلي يحبون إنهم يسوون خلطة النسكفيه بالبيت بدل الجاهزة المجييسه إذا كنتي تشترين الكريمة المبيضة أو الكوفي مييت كل مره علبة يديده فتقدرين تشترين العلبة مرة وحده و بالجمعية إجياس الحليب الكبيرة تردين تعبيم منها يصير إعادة تعبئة للعلبة
شكرا

 

[غيـ الناس ـر]

فكرة لتعطير البيت ..


حطو الفواحه اللي تحتها شمعه


بس لا تحطون زيوت عطريه .. حطولكم جم قطرة دهن عود وماي .. وشمو ريحة بيتكم شلون تصير روعه

 

[منوووووله]

مشكووووووووورين ماااقصرتووو حلوه طريقة النسكافيه والفوااحه عاد كله استعملها بالبيت وايبها من بودي شوب والدهن عود هم ساعات احط منه مشكوورين وناطرين جديدكم

 

[أريام]

والله خوش موضوع وعندنا افكار وايد بس الحين مومتذكرة
إن شالله لي تذكرت بساهم
يعطيكم العافية

 

[princesa n3oma]

خوش شغل ماشاء الله عليكم بناتوووو ......تسلم ايدينكم ....

 

[لــــين]

موضوع حلووو


اذا توسخت الهدوم باي شي دهني او زيتي صعب تروح من الهدوم!
بس جربي طريقتي و شوفي السهله ، قبل لا تغسلينها حطي عليها طبقه من البودره التلك او حتى البودره المعطره اهم شي لون البودره ابيض .. و خليه نص ساعه ساعه عاد على حسب كميه الزيت بعدين نفضي البودره و بتشوفين ان البودره مصت كل الزيت و بعدين غسلي الهدوم اذا تبين ..



اذا تبين تطبخين و ما تبين ريحه الطبخ قويه بالمطبخ و خصوصاً حق اللي ساكنين بشقه علشان ما تصبغ الشقه بالريحه
شبي شمعه معطر قبل الطبخ بشوي ، و طبخي و خلصي طبخج .. خليها نص ساعه و طفيها ما راح يصير في ريحه طبخ <=== ما جربتها بس سمعت فيها !

 

[منوووووله]

مشكوووووووووووره حبيبتي لين خووش معلوومات ومنكم نستفيد ياقلبي ولاهنتو بنات الي رديتوو

 

[لــــين]

بدال لا تشترين سوس جاهز حق السطله و يكون فيه كلوريز وايد
جربي سوس كنووور اينن و بكلوريز اقل جربي تخلطين نوعين مثل الخل مع الريحان ، يطلع طعم مميز
و جربي تضيفين شوووووووويه شكر مع سوس السلطه يعطي طعم اينن خصوصاً اذا في ليمون بالمكونات


احتفظي على طول بمنقوع المره بالثلاجه سبحان الله تحتاجينه .. له فوايد شكثر
اذا صار فيج امساك -كرم السامع- اخذي لج فنيال من منقوع المره و بتتشافين ان شاء الله
و حق الغازات ممتازه
اذا قرصتج بقّا و تحكج .. اخذي شووي من منقوع المره بقطه و مسحي المكان و انسي التحكحك
اذا بشرتج دهنيه ف المره احسن مااسك لها .. و ترى له فوايد وايد وايد ما اعرفها
- انتبهوا لا تعطون اليهال الصغار ما ادري ااخاف يضرهم -



اذا كنتوا بالبيت تستخدمون بطول ماي للشرب و عندج يهال يشربون نص البطل و يقطونه ، استخدمي الماي الباجي بسقي الزرع المنزلي اللي عندج


وقت ما تعلقين هدومج انتبهي لا تستخدمين علاق سلك حق كلشي .. في هدوم مو زين لها السلك يخربها
و في هدوم لازم ما تعلقينها علشان لا تخترب مثل السترج او خام التي شيرتات ..


استخدمي اوتي البخار حق الهدم الغاليه ( الشيفونات و الحراير ) و العبي علشان ما يطبع (مدري شسمونه اتمنى فهمتوني ) و علشان لا تصير العبايه تلمع !
و تقدرين تدخلين اوتي البخار الحمام عزكم الله و تخلينه يترس لج الحمام بخار ، و تسوي حمام مغربي او صنفره جنج بصالون


علشان لا يصير ريحة زفره بالقلاصات ، اذا غسلتيهم بالصابون و شطفتيهم بالماي عصري فيهم جم نقطه ليمون و بعدين شطفيهم مره ثانيه .. تصير الريحه حلوه وتروح الزفره



ترى الموضوع حده عاجبني و قاعده اتذكر لوووووول
بي رايت باااك ...

 

[منوووووله]

مشكوووره حبيبتي على الخبرااات وناطرتج قلبي ...

 

[لــــين]

جربت الشمع بالطبخ


يا اني سويتها غلط !!
يا ان شمعتي مو لي هناك !!
يا ان الطريقه فاشله !!


لووووول

 

[منوووووله]

هههههههههههههههههه عيل ماكو على المبخر

 

[منوووووله]

للتخلص من النمل
ضع قشر الخيار في المكان الذي يخرج منه ‏النمل
لجعل المرايا تلمع :
إمسحها بالسبيرتو

لنزع العلكة عن الملابس
ضع الثياب في فريزر الثلاجة لمدة ساعة

لتبييض الملابس
ضعها في ماء مغلي مضافاً إليها شريحة ليمون لمدة عشر دقائق ثم اغسلها

لإعطاء الشعر لمعاناً
أضف ملعقة صغيرة من الخل للشعر ثم اغسله جيداً

لجعل الليمون يعطي أكبر كمية من العصير
ضعه في ماء ساخن لمدة ساعة قبل عصره

لإزالة رائحة الملفوف أثناء الطبخ
ضع قطعة خبز فوق الملفوف في الوعاء

لإزالة رائحة السمك من اليدين
غسل اليدين بقليل من خل التفاح

لمنع الدمع عند تقشير البصل
امضغ علكة

لسلق البطاطا بسرعة
قشر حبة البطاطا من جهة واحدة فقط قبل السلق

لسلق البيض بسرعة
أضف قليلاً من الملح إلى الماء

لإذابة الدجاجة المجمدة
ضعها في ماء بارد مضافاً إليه ملعقتين كبيرتين من الملح
لإزالة الحبر عن الملابس
ضع كمية من معجون الأسنان على بقعة الحبر، واتركه حتى يجف تماماً ، ثم إغسل كالمعتاد
للتخلص من الفئران
رش الفلفل الأسود في الأماكن المحتمل وجود الفئران فيها ، عندها تجد الفئران تخرج هاربة بسرعة

لإبعاد البعوض خاصة في الليل
ضع بضع أوراق نعناع طازج قريباً من الوسادة وفي أنحاء الغرفة


منقول :tek:

 

[*جبرني الوقت*]

افكاركم حلوه وانا رايي اغراض البيت تشترونها من جمعيه الدفاع رخيصه حيل وفرق عن الجمعيات باغراض الثلاجه والصابون و الماجله تكفون جربوها واللي عنده احد بالجيش افتحولكم صندوق والله توفي والحفاضات الجهال فرق عن الجمعيات 300فلس وموفقين

 

[مزن الكويت]

موضوع حلووو وايد ويعطيكم العافيه على المعلوومات الراائعه

..................

اذا صار على ثوب ريلج او ولدج زيت سياره ضعي عليه بيبسي مدة عشر دقائق

وبعدين ابد بلفرك لما يروح ...........


اذا ولدج او بنتج تبي تطلع اسنانهاا ضعي عليها مره و محلب طبعا اخلطي المره مع الحلبه
وطحنيهم لما يصيرون ناعمات وبعدين حطيهم على مكان الاسنان ...انا مجربتهم ولا تخافون


اذا احترقت ايدج او اي شياء من اجزاء جسمج الله لايقوله ولا تبين يطلعله اثر نهائين

مسكي البيض وطبخيه لما ينضج وبعدين اخذي صفار البيض بعد الطبخ اوكيه وحطيه داخل جدر

وحطيه على نار هاديه جدا وبدي تحركينه لما يصير دهن وحطيه على المكان المحروق وباذن الله متلاقين ولا نقطة

اثر .......


هذا اللي اذكره الحين واا تذكرت اي شي راح ارد وكتبهاا

 

[منوووووله]

تسلموووووون فدييييتكم .. وناطرينكم

 

[نورامينا]

بالنسبة حق اللي يطبخون و خاصة اللي في شقق اذا الجوله مالتج كهربائية حطي على العين اللي تبين تطبخين فيها عود بخور
اثنا ما تطبخين بدل ريحة الحماس راح اتشمين ريحة بخور

 

[bnt_kwt]

عندي طريقه للتخلص من الزهيويه العملاقه ماخه الطريقهمن عمتي اهو اتحطين بكل بالوعه عندك
ديزل وتحطينه بالليل علشان الريحه
والصبح غسلي الحمامات والمطبخ بديتول وشوفي بسبوع ما راح اتشوفين ولا زهيوي يتنطط عندك
والله صار لنا سنه ما شفت ازهيوي بيتنا

وااااااااااااااااو خوش طريقه بس الاهم ما يطلعون بالشقه الزهيويه ؟؟

 

[bnt_kwt]

والله خوش افكار يعطيكم العافيه

 

[GAP^^الكبيرة]

واااااااااااي الموضوع ينن


مممم انا احط نتفه من الكومفروت في ماي المرش مال الاوتي .. ولما ارش تصير ريحه الهدوم فررش

الصابون اللي اغسل فيه الحمامات عزكم الله احطه في كلبه الكوفي ميت.. يمنعه من البلل وسريع حق الرش... ونفس الشي حق صابون الملابس احطه بعلبه بلاستيك فتحتها بالغطا فوق عشان اظمن ان البلل ما يحوشه

الملابس الداخليه والدلاغات انقلها بماي حار وفيه نتفه من الديتول الاخضر وبعدين اغسله عادي عشان اضمن ان مافيه جراثيم ومتعقم .. ولاني اخاف احط كلوركس فيهم خاصه البيضه

وانا اغسل بالغساله اخلي الهوز على السراميك مال الحمام منها غسل الحمام وعشان ريحه الكومفروت تصبغ الحمام فتصير حلوة

المرايا والجام ما امشهم بكودري.. امشهم بالجرايد.. تعطي لمعه حلوة ومنها افتك من هالجرايد اللي مكوده عندنا

نفس الشي اذا عندي جواتي او بوتات عزكم الله.. اسوي الجرايد الاعلانيه نفس طقه الدليل او الوسيط المهم اسويها رول واحطها داخل البوت وبهالحريقه ما تنعفس ونفس الشي على الجواتي عشان البوز لا ينعفس

عندي يوم بالاسبوع افضي الثلاجه فيه واحط داخله فحمه دافيه وفيها قشر ليمون تمص الروايح بالثلاجه كلها

عشان تطيرين ريحه الزفر من البيت حرقي لومي اسود على النار.. ريحته تطير الزفر وبعدين اشب بخوري العادي

عشان الفرن لا يصير زفر بعد شواي السمج حطي تحته صينيه فيها قشر ليمون وورق غار و ماي.. صج صج ولا نتفه زفر تظل بالفرن عجيييبه وعلمتها حق عماتي بعد

البهارات عشان لا تخترب حطيها بالفريزر وطلعي كميه بسيطه بس بين فتره فتره.. طعمها مرح يتغير ةتظل الريحه قويه

مممممممم
هذا اللي اذكره الحين ولي رجعه ان شاء الله لان الموضوع واااااااااااايد عجبني


لين يا بعد قلبي الله يشافي ويعافي ولدهم ويقومه بالسلامه... طمنينا عليه

 

[منوووووله]

تسلم ايدكم خووووووووش خبراات والله افدتوني بشغلات اول مره اسمع منها ومحتاره فيها صج يعطيكم العافيه وناطره

خبراتكم بعد << ماتمل