{ ...الدكتورة رشا الصفي تجيب على استفسارتكم ..} استضافة اسبوعية

[lolly]

عندي سؤال .. انا توني والدة بنوته وام يديده ما اعرف شلون .. كل ما تخرج اغسلها بماي و صابون بيبي جونسون السائل .. واذا ما خرجت قبل كل رضعة اغير لها البامبرز .. يعني كل ساعتين تقريبا .. المهم مع هالنظافة ؟؟ حتى الكلينكس جونسون اخاف استخدمه عشان ما تلتهب ..
المشكلة صار فيها احمرار منطقة الحفاظ وعطوني كريم سودو مافادها وبعدها ريلي راح الصيدليه عطاه غسول للكبار ووصاه ان حتى انا عادي استخدمه بس لما يوقف الدم .. مع كريم بيناثين مادري شسمه المهم عطونياه بالمستشفى لتشققات الصدر مع كريم ثالث علبته اصضفر بابيض .. انا خفت استخدمهم ووديتها لطبيبها الخاص .. فقال لي اعطيج دوا احسن منهم (مافيها شي بس احمرار) المهم قال لي تغسلين لها بصابون جونسون او سيباميد ومالاداعي الغسول .. وعطاني كريم كانيستان لون العلبة ابيض باحمر !!! وقال لي بس تصير احسن ردي على سودو... وقلت له على الفازلين منعني لانه ما يخلي البشرة تتنفس!!
الصراحة مو مقتنعه بكلامه كلش لان هالكريم (كانستين)وصفلياه الدكتور قبل الولادة مع تحاميلهم .. لكن قلت اهوا الدكتور ..
رديت ما استخدمت صابون عشان ما تلتهب بشرتها فغسلت لها بماي بس و كل شوي اغير حفاظتها واخليها فترات من غير حفاظه عشان ترتاح .. واستخدمت كريمه لكن الحين ما عالجها بالعكس صارت المنطقة كلها حبوب صغيرة .. وماراح الاحمرار مثل ما اهو؟؟؟ شنو اسوي؟؟ اروح المستوصف احسن والا تشورين علي استمر بعلاجه؟؟
مشكورة عالاهتمام

شكل السؤال ضاع بين الردود
ممكن تنصحيني ؟

 

[ريمه الكويت]

ما تشوف شر بنتج

طبعا المساك وايد له اسباب

اهم شي النظام الغذائي و السوائل

و من عاداتنا الغذائية بالنسبة للأطفال ان نعطيهم خلطة الخضار

البطاط و العيش و الجزر و الكوسا

أحسن وصفة تسوي امساك

عليج بالعصير الفرش على الريق

برتقال ولا مشمش

و الفواكه

و تلاقين بالجمعية صوب الكورن فليكس

مثل الكورن فليكس على بسكوت لونه اصفر اسمه ويتابكس

تحطينه مع الحليب الدافي و تعطينها مليان ألياف

و خلج من الأدوية

و اذا ما فاد اخذي موعد للعيادة الخارجية بالمستشفى التابع لكم

يسوون لها تحاليل اذا تحتاج

و ما تشوف شر

الشر مايجيج ماقصرتي بجرب هالبسكوت واذا حلو انا باكله ههههههههههههه مدامه كله الياف زين للمعده:gathering:

 

[نماين]

نماين

ما تشوف شر بنتج
الكحة شوي تاخذ وقت لما تروح بروحها
اذا البنت ما عليها حرارة ما كو خوف
و الصوت اللي يطلع بعد الرضعة هذا طبيعي يصير بعد الرضعة الحليب جنه صوت بلغم

و المناعة ما تضعف بالطريقة الي الناس متصورتها من الأدوية
اذا محتاجة الدوا عطيها لا تخافين

احيانا يكون الصوت من الأنف مسكر بس و الأم تحس ان الصوت من الصدر
اذا تبين تتأكدين وديها طبيب أطفال يسمع صدرها و يتأكد

الف شكر يا دكتورة على الرد


بس بعد سؤال انا مو عارفة اشلون اضبط نوم بنتي

الحين بتكمل شهرين ودوامي بعد كم يوم واهي للحين تسهر للسبع الصبح والله تعبت

احاول كم مرة اقعدها مع قعدتنا عشان تلعب وتصحح مرات تستجيب ومرات عمك اصمخ

ماني قادرة اخليها تنام الليل يادوم تنام 5 دقايق وبعدين ساعتين تبكي ( وما ادري ليش تبكي ) بس يبي من يشيلها او تلعب والله تعبت ابي انام بالليل والدوام ما يرحم وما كو اجازة وما عندي من فاضيلها يسهر معاها او يداريها بالليل


بلييييز شسوي معاها:tomato2:

 

[د. رشــا الصفــي]

مشكوره دكتوره رشا ماقصرتي على هالخدمه
عندي سؤال .. انا توني والدة بنوته وام يديده ما اعرف شلون .. كل ما تخرج اغسلها بماي و صابون بيبي جونسون السائل .. واذا ما خرجت قبل كل رضعة اغير لها البامبرز .. يعني كل ساعتين تقريبا .. المهم مع هالنظافة ؟؟ حتى الكلينكس جونسون اخاف استخدمه عشان ما تلتهب ..
المشكلة صار فيها احمرار منطقة الحفاظ وعطوني كريم سودو مافادها وبعدها ريلي راح الصيدليه عطاه غسول للكبار ووصاه ان حتى انا عادي استخدمه بس لما يوقف الدم .. مع كريم بيناثين مادري شسمه المهم عطونياه بالمستشفى لتشققات الصدر مع كريم ثالث علبته اصضفر بابيض .. انا خفت استخدمهم ووديتها لطبيبها الخاص .. فقال لي اعطيج دوا احسن منهم (مافيها شي بس احمرار) المهم قال لي تغسلين لها بصابون جونسون او سيباميد ومالاداعي الغسول .. وعطاني كريم كانيستان لون العلبة ابيض باحمر !!! وقال لي بس تصير احسن ردي على سودو... وقلت له على الفازلين منعني لانه ما يخلي البشرة تتنفس!!
الصراحة مو مقتنعه بكلامه كلش لان هالكريم (كانستين)وصفلياه الدكتور قبل الولادة مع تحاميلهم .. لكن قلت اهوا الدكتور ..
رديت ما استخدمت صابون عشان ما تلتهب بشرتها فغسلت لها بماي بس و كل شوي اغير حفاظتها واخليها فترات من غير حفاظه عشان ترتاح .. واستخدمت كريمه لكن الحين ما عالجها بالعكس صارت المنطقة كلها حبوب صغيرة .. وماراح الاحمرار مثل ما اهو؟؟؟ شنو اسوي؟؟ اروح المستوصف احسن والا تشورين علي استمر بعلاجه؟؟
مشورة عالاهتمام

اول شي سوري على السؤال اللي ضاع بين الردود

الظاهر حطيتي السؤال اثناء ما كنت ارد على الأسئلة و صار بالنص فما شفته

اعتذر منج مرة ثانية

بالنسبة حق التهابات الحفاظ

تكلمنا عنها قبل هالمرة


بالنسبة لمنطقة الحفاظ
اهم شي نفرق الطفح بسبب الفطريات او التهاب حفاظ عادي
الفطريات يكون فيه نقط حمراء من فوق تحت السرة و يكون الجلد بين الثنيات مصاب
اما التهاب الحفاظ العادي ما تكون النفط الحمراء موجودة و ثنايا الجلد سليمة

اذا فطريات تستعملين كريم مايكوستاتين او مايكوتير او كناستين هم ممكن

و اذا التهاب حفاظ عادي تستعملين سودوكرم بطبقة سميكة او كريم زنك اوكسايد من المستوصف هم ممتاز

 

[د. رشــا الصفــي]

الشر مايجيج ماقصرتي بجرب هالبسكوت واذا حلو انا باكله ههههههههههههه مدامه كله الياف زين للمعده:gathering:

هذي صورته

هو للكبار و الصغار

ممتاز بصراحة و طعمه حلو

و للأطفال اللي شوي اكبر في منه بالكاكاو و المكسرات

و الأفضل تحطين عليه حليب حار علشان يذوب

و بالعافية مقدما عزيزتي

 

[د. رشــا الصفــي]

الف شكر يا دكتورة على الرد


بس بعد سؤال انا مو عارفة اشلون اضبط نوم بنتي

الحين بتكمل شهرين ودوامي بعد كم يوم واهي للحين تسهر للسبع الصبح والله تعبت

احاول كم مرة اقعدها مع قعدتنا عشان تلعب وتصحح مرات تستجيب ومرات عمك اصمخ

ماني قادرة اخليها تنام الليل يادوم تنام 5 دقايق وبعدين ساعتين تبكي ( وما ادري ليش تبكي ) بس يبي من يشيلها او تلعب والله تعبت ابي انام بالليل والدوام ما يرحم وما كو اجازة وما عندي من فاضيلها يسهر معاها او يداريها بالليل


بلييييز شسوي معاها:tomato2:

والله مشكلتج مع بنتج نفس مشكلة اغلب الأمهات اللي اطفالهم بهالعمر

بصراحة على حسب الطفل

في اطفال من اول شهر ما يعرفون السهر و نومتهم حلوة

و بعضهم بالعكس ليما يكملون 6 شهور و اهمه يسهرون اهلهم

اللي تحاولين تسوينه

اول شي لا تخلينها تطول النومة بالنهار

يعني بالكثير ساعتين او اقل حتى

بعدين مهم

ان بعد الساعة 8 ما تنام

راح تصيح و تتعسر بس انتي تحمليها شوي

بدليها و لعبيها شوي و ممكن تسبحينها بالعشر تقريبا

و على الساعة 11 او 12 خلاص رضعيها و غيريلها و نوميها

و اذا قامت الفجر للرضعة حاولي ما ترضعينها و الأضاءة مشغلة

لا خلى الغرفة ظلام و لا تكلمينها و لا تلعبينها علشان ترضع و تنام

و اتمنى تنفع معاج هالطريقة

و الله يعينج انتي و باجي الأمهات

 

[د. رشــا الصفــي]

سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ

جمعة مباركة

ولا تنسون قراءة سورة الكهف

 

[][^lorans^][]

مررحبا دكتورة انا عندي بنتي عمرها 4 شهور صار لها اسبوعين ماترضع يمكن كل 5 ساعات ترضع خمس دقايق من صدري بس و تقعد اتمص اصابعها احطها على سدري ماتبي تعبتني وحطيت لها مصاصه من امس مادري اوديها الطبيب ولا شنو الحل

 

[أم حيدر]

دكتوووووووورة شلونج

لظروف خارجه عن ارادتي حليبي نشف واضطريت اني الجأ للحليب الصناعي - بالبداية عطيته نان كان يعاني واااايد من الغازات حولت على اس 26 ممتاز بس مسببله امساك كل يومين يخرج مرة عقب ما يتعصر حيييييييل - الحين صارلي جم يوم حولت على كيكوز بس حاسه ان مسببله غازات وايد

نصحيني الله يخليج شسوي؟. ارجع على اس 26 او في حليب ثاني احسن؟

والله كاسر خاطري مابي ابدله حليب وايد واخاف عافيته تنزل :0bee2e8d89:

 

[الشوووق]

السلام عليكم دكتورة بغيت اسأل أنا ولدي عمره شهروعشرين يوم مشكلتي معاه إنه البراز عنده سائل يعني يومين يصير زين ويوم يخرج مرتين وسائل
وماتركبه حراره حليبه أول مره سيميلاك أدفانس سببله إمساك فغيرته لأبتاميل كومفرت وغيرته الدكتورة لسيملاك اتش اي أنا حابة أعرف المر طبيعي وإلا اسوي تحاليل وأعرضه على دكتور ؟؟

 

[القرآن ربيع قلبي]

هل صحيح تطعيم السنة ونصف يسبب التوحد وشكرا

 

[ام نوفي]

مرحبا دكتوره رشا :

حبيت استفسار عن شغله ولدي عمره سنه مشكلته حار وكله يصب ماي من راسه اكون مسبحته بعدها بشوي يصب ماي مو عارفه الحل ؟ ارجو المساعده

 

[بنت الدسمه]

دكتوره انا بنتي عمرها سنه ونصف اعطيها حليب فرانس ليه خوش حليب وتحبه ولكن متى اقدر اعطيها الحليب الطازج؟ بس ترى هي قليلة الاكل يعني ماتاكل الا بالغصب وشنو تنصحيني اوكلها

 

[كويتية أصيله]

السلام
دكتوره بنتي عمرها 4 سنين ونص يطلع فوق عينها على حسب كلام الدكتور أكياس دهن الدكتور قالي مالها علاج غير كمادات ماي دافي . والحل الثاني أنه يشيلهم بس المشكله إن مالهم مكان ثابت وممكن يشيلهم وثاني يوم يطلعون هاشي مضايقني واااااايد ومضايق بنتي شكليا يعني بس من ناحيه جماليه حاليا حوالي سبع أكياس دهن فوق عينها أبي رايج دكتوره؟؟؟

 

[داريني]

هلا واللة دكتورة نورتي المنتدى
سؤالي انا عندي توأم وقبل اسبوعين صار فيهم نزله معويه
وفقدو الشهيه على الاكل وحتى شرب الحليب
وللحين الحمداللة صارو احسن
لكن الشهيه مو مثل قبل
الحليب يشربون بس لي رقم 3
والاكل قليل جدا
حاولت فيهم اجوعهم علشان ياكلون ويرجعون مثل قبل بس ماكو فايده
الكل يقولي علشان التسنين
وعندي وحده منهم وزنها كان سته والحين صار خمسه واخاف بعد اسكت وتختفي البنت

وعلما بانه بعد اسبوع راح يكملون 9 اشهر
شنو الحل علشان افتح شهيتهم وخصوصا ام خمسه كيلو

 

[lolly]

اول شي سوري على السؤال اللي ضاع بين الردود

الظاهر حطيتي السؤال اثناء ما كنت ارد على الأسئلة و صار بالنص فما شفته

اعتذر منج مرة ثانية

بالنسبة حق التهابات الحفاظ

تكلمنا عنها قبل هالمرة


بالنسبة لمنطقة الحفاظ
اهم شي نفرق الطفح بسبب الفطريات او التهاب حفاظ عادي
الفطريات يكون فيه نقط حمراء من فوق تحت السرة و يكون الجلد بين الثنيات مصاب
اما التهاب الحفاظ العادي ما تكون النفط الحمراء موجودة و ثنايا الجلد سليمة

اذا فطريات تستعملين كريم مايكوستاتين او مايكوتير او كناستين هم ممكن

و اذا التهاب حفاظ عادي تستعملين سودوكرم بطبقة سميكة او كريم زنك اوكسايد من المستوصف هم ممتاز

الف الف الف شكر دكتورة
وحياتي مالا داعي تعتذرين .. ادري ما تقصرين.. الله يعطيج العافية

 

[نور الحب]

دكتورة بنتي بالشهر الخامس ووزنها 5 كيلو


والناس كلهم يقولولي انه شكلها توه مولوده ووايد ضعيفة
واسمع معاير وايد ,... قمت ما اطلع ولا مكان

شسوي ابي شي يزيد وزنها .... تكفين :0bee2e8d89:
لاتقوليلي طبيعي


ابي شي يمتنها .....تعبت من الكلام اللي اسمعه
لدرجه ان ام زوجي تعايرني ابنت بنتها


ودكتورة بنتي كله تبجي اذا احد مسكها وماتحب الويه الغريب

حتى يدها قام يكره يمسكها من بجيها

شلون اخليها اجتماعية

والسؤال الثالث انا الاحظ ان بنتي تحرك ايد اكثر من الايد الثانيه بس تحركهم عادي
وريولها من الحفاضه احسهم متباعدين .... عادي هالشي



واذا كنت بلبسها حفر عادي ماتمرض يعني بالطلعات

 

[omdoodoo]

السلام عليكم دكتوره
انا ولدي عمره 3 شهور من اول ما ولدته واهو يشرق لما يشرب وللحين يشرق واايد اخاف عليه حتى لما يرجع يشرق من الترجيع؟
والسؤال الثاني احس راسه حار (صماخه) حار مع انه مو مصخن هل طبيعي ولا لا؟
والسؤال الثالث انشالله اذا كمل 4 اشهر شنو ياكل؟
ومشكورررررررررررررررررة

 

[SweeTa_4ever]

مرحبااا دكتووووره

حبيبتي عندي بعض الاسأله ممكن اطرحها لج

1- ولدي الحين شهرين وشبوعين تقريبا احسه ضعيفونو جم الوزن الزين وطبيعي بهالعمر
2- اليوم بعد قلبي كله ترجيع من يشرب حليبته يرجعها معنه ماشي معاه الحليب وله يرجع منه كلش بس اليوم شنو السبب
3- صارله يومين مو خارج في امساك شسوي ؟؟
بعض المرات لما يبجي اسمعه يقول اماااا هل معناته يمااا وله جذي تطلع عشوائي يعني بهالعمر يقولون يمااا !!!!

ولج الف شكر

والله يعطيج العافيه والصحه

 

[sOkOnOnO]

مشكورة دكتورة وايد وايد عالنصايح الحلوة
والله يكثر من أمثالج