{ ...الدكتورة رشا الصفي تجيب على استفسارتكم ..} استضافة اسبوعية

[د. رشــا الصفــي]

مررحبا دكتورة انا عندي بنتي عمرها 4 شهور صار لها اسبوعين ماترضع يمكن كل 5 ساعات ترضع خمس دقايق من صدري بس و تقعد اتمص اصابعها احطها على سدري ماتبي تعبتني وحطيت لها مصاصه من امس مادري اوديها الطبيب ولا شنو الحل

سوري رديت متأخر حبيبتي

ما عليه

بس شوفي عموما اذا البيبي رافض الرضاعة

اهم شي تتأكدين من الأشياء التالية :

ارتفاع درجة الحرارة
ترجيع
اسهال
كحة
انسداد في الأنف
خمول
بكاء مستمر

بهالحالة تراجعين الطبيب

اذا كانت غير موجودة فالمشكلة مو كبيرة

اوكي

الحين نشوف اذا البيبي يرضع طبيعي

نتأكد من الأم اذا كانت ماكلة اشياء تغير طعم او ريحة الحليب
مثل الحلبة و البصل و الثوم و الشاي الأخضر

اذا الحليب مثل ما هو مو متغير عالبيبي

و البيبي حالته العامة اوكي

يكون السبب

انه الطفل يمر بمراحل نمو سريع في كم مرحلة من مراحل عمره
و هي الشهر الأول و الثالث و السادس و التاسع
اثناء هذي الأشهر تكون الرضاعة كثيرة و الطفل يحتاج يشرب حليب اكثر من العادي
مجرد ما تنتهي هالفترة يقل الحليب اللي يحتاجه البيبي بشكل ملحوظ مبدئيا و بعدين يرجع لطبيعته

 

[د. رشــا الصفــي]

دكتوووووووورة شلونج

لظروف خارجه عن ارادتي حليبي نشف واضطريت اني الجأ للحليب الصناعي - بالبداية عطيته نان كان يعاني واااايد من الغازات حولت على اس 26 ممتاز بس مسببله امساك كل يومين يخرج مرة عقب ما يتعصر حيييييييل - الحين صارلي جم يوم حولت على كيكوز بس حاسه ان مسببله غازات وايد

نصحيني الله يخليج شسوي؟. ارجع على اس 26 او في حليب ثاني احسن؟

والله كاسر خاطري مابي ابدله حليب وايد واخاف عافيته تنزل :0bee2e8d89:

ام حيدر

الغازات موضوع طبيعي بالأطفال لي عمر 4 شهور

اغلب أنواع الحليب مهما كانت لازم تسبب غازات بالعمر هذا

مهما غيرتي النوع

الكمية الغازات تعتمد على الطفل و تقبله للحليب

مثلا اس 26 يناسب اطفال وايد و مجموعة ثانية يسبب لهم مشاكل غازات و امساك

و نفس الموضوع بالنسبة لأنواع الحليب الثانية

كل ام تعرف شنو يناسب ولدها احسن من اي دكتور صدقيني

تغيير الحليب و معرفة شنو يناسب البيبي يصير بالتجربة و الخطأ مثل ما يقولون

الأم تجرب هالنوع و ما يضبط تغيره و هلم جرا لما تلاقي الحليب اللي يناسب البيبي

و احيانا تصادف ان من اول مرة الحليب يناسب البيبي و خلاص


حبيبتي ترى شي طبيعي تلاقين غازات خصوصا بعد ما غيرتي من الرضاعة الطبيعية لي الصناعي مهما كان

و بالنسبة للحيب نان ممتاز للغازات و بيبيلاك اي سي و ابتاميل كومفورت

و انتي شرفي شنو يناسبج

 

[د. رشــا الصفــي]

السلام عليكم دكتورة بغيت اسأل أنا ولدي عمره شهروعشرين يوم مشكلتي معاه إنه البراز عنده سائل يعني يومين يصير زين ويوم يخرج مرتين وسائل
وماتركبه حراره حليبه أول مره سيميلاك أدفانس سببله إمساك فغيرته لأبتاميل كومفرت وغيرته الدكتورة لسيملاك اتش اي أنا حابة أعرف المر طبيعي وإلا اسوي تحاليل وأعرضه على دكتور ؟؟

اول شي الخروج السائل طبيعي بالأطفال المواليد

ما له داعي تغيير الحليب

خلج على ابتاميل كومفورت اذا مرتاحة منه و بس

لان سيميلاك راح يسببله غازات و امساك اكثر

و ال اتش اي طعمه مر جدا جدا صعب يستسيغه الطفل

و ماله داعي تحاليل اذا وزنه يزيد طبيعي

و كمية الخروج مو كبيرة في كل مرة

 

[د. رشــا الصفــي]

هل صحيح تطعيم السنة ونصف يسبب التوحد وشكرا

لا حبيبتي ما يسبب

خليني اقول لج سب هالاعتقاد :

قام عدد من الباحثين عام 1998 بدراسة مجموعة من الأطفال المصابين اساسا بالتوحد لمحاولة ربط التطعيم كعامل مسبب للتوحد

عدد الأطفال المسجلين بالدراسة 12 فقط و هو رقم ضئيل جدا بالنسبة للدراسات الطبية

المهم

استنتجوا ان هالأطفال صارت عندهم مشاكل بالأمعاء بعد التطعيم ادت الى التوحد

مع العلم ان بعض المرضى كانوا يعانون من مشاكل الأمعاء قبل التطعيم

بالتالي نشروا استنتاجاتهم و صار ضجة بالعالم على هالموضوع

و انتشرت الدراسات يتأكدون من الموضوع

و طلع الكلام غير صحيح و اثبتوا بالتجارب العلمية عدم صحة هالكلام

لدرجة ان في عام 2004 تراجع 10 من اصل 13 باحث الي سووا الدراسة الأولي عن كلامهم

و سحبوا اساميهم من الدراسة بعد ما اثبتت النظرية خطأها الفادح

و اتمنى اني اكون افتدج و ما طولت عليج

 

[د. رشــا الصفــي]

مرحبا دكتوره رشا :

حبيت استفسار عن شغله ولدي عمره سنه مشكلته حار وكله يصب ماي من راسه اكون مسبحته بعدها بشوي يصب ماي مو عارفه الحل ؟ ارجو المساعده

ما فهمت قصدج

يعني مصخن ولا يعرق وايد

اذا مصخن يحتاج تراجعين فيه دكتور

و اذا يعرق راسه وايد هذا طبيعي حبيبتي لا تحاتين وايد اطفال جذي

 

[د. رشــا الصفــي]

دكتوره انا بنتي عمرها سنه ونصف اعطيها حليب فرانس ليه خوش حليب وتحبه ولكن متى اقدر اعطيها الحليب الطازج؟ بس ترى هي قليلة الاكل يعني ماتاكل الا بالغصب وشنو تنصحيني اوكلها

الحليب الطازج ممكن من بعد السنتين

و الأكل ممكن تاكل اكلكم العادي

بس عادة الأطفال بهالعمر ما يحبون ياكلون وجبة كبيرة

فإنتي قسميلها الوجبة على وجبات صغيرة طول اليوم

 

[د. رشــا الصفــي]

السلام
دكتوره بنتي عمرها 4 سنين ونص يطلع فوق عينها على حسب كلام الدكتور أكياس دهن الدكتور قالي مالها علاج غير كمادات ماي دافي . والحل الثاني أنه يشيلهم بس المشكله إن مالهم مكان ثابت وممكن يشيلهم وثاني يوم يطلعون هاشي مضايقني واااااايد ومضايق بنتي شكليا يعني بس من ناحيه جماليه حاليا حوالي سبع أكياس دهن فوق عينها أبي رايج دكتوره؟؟؟

والله ما اقدر افيدج دام ما شفتهم

اعتذر منج

بس تقدرين تسألين دكتورها اذا شالهم يطلعون مرة ثانية ولا لأ

اذا ما يطلعون شيليهم

و اذا يرجعون صبري شوية يمكن يروحون بروحهم

بس سؤال

بنتج عندها دهون زايدة او كوليستيرول

ادري سؤالي غريب بالنسبة للأطفال

بس ترى ممكن هالشي يصير

جيكي عليها اول

 

[د. رشــا الصفــي]

هلا واللة دكتورة نورتي المنتدى
سؤالي انا عندي توأم وقبل اسبوعين صار فيهم نزله معويه
وفقدو الشهيه على الاكل وحتى شرب الحليب
وللحين الحمداللة صارو احسن
لكن الشهيه مو مثل قبل
الحليب يشربون بس لي رقم 3
والاكل قليل جدا
حاولت فيهم اجوعهم علشان ياكلون ويرجعون مثل قبل بس ماكو فايده
الكل يقولي علشان التسنين
وعندي وحده منهم وزنها كان سته والحين صار خمسه واخاف بعد اسكت وتختفي البنت

وعلما بانه بعد اسبوع راح يكملون 9 اشهر
شنو الحل علشان افتح شهيتهم وخصوصا ام خمسه كيلو

منور بوجودج حبيبتي

اول شي طبيعي ان الطفل يفقد الشهية جم يوم بعد النزلة المعوية سواء للأكل ولا الحليب

و احتمال ثاني التسنين

بس شنو حليبهم حاليا ؟؟

و شنو طبيعة اكلهم ممكن تقولي لي

ووزنهم وقت الولادة جم ؟

 

[د. رشــا الصفــي]

دكتورة بنتي بالشهر الخامس ووزنها 5 كيلو


والناس كلهم يقولولي انه شكلها توه مولوده ووايد ضعيفة
واسمع معاير وايد ,... قمت ما اطلع ولا مكان


شسوي ابي شي يزيد وزنها .... تكفين :0bee2e8d89:
لاتقوليلي طبيعي

اول شي ليش الناس تكره ان يقول لها الطبيب ما كو شي و كل شي طبيعي ؟

محيرني هالسؤال بصراحة

و الله ما دري شقول لج بس وزن بنتج قليل مو طبيعي

المفروض اقل شي تكون
5.400

بس ابي جم وزنها وقت الولادة ترى هذا يأثر وايد

و شنو نوع حليبها و جم رقم تشرب بالرضعة الوحدة و جم رضعة باليوم ؟

ابي شي يمتنها .....تعبت من الكلام اللي اسمعه
لدرجه ان ام زوجي تعايرني ابنت بنتها

قولي لها اهم شي الصحة و العافية

من المتن

بس انتي الحين جاوبيني على اسئلتي و ان شاء الله خير

ودكتورة بنتي كله تبجي اذا احد مسكها وماتحب الويه الغريب

حتى يدها قام يكره يمسكها من بجيها

شلون اخليها اجتماعية

ادري ما راح تحبين كلامي

بس هذا طبيعي حبيبتي

بنتج ما شاء الله ذكية جدا و عمرها العقلي اكثر من 7 شهور

لانها من الحين تستغرب الوجوه

و علشان تخلينها اجتماعية كثر ما تقدرين طلعيها و خليها تشوف الناس

والسؤال الثالث انا الاحظ ان بنتي تحرك ايد اكثر من الايد الثانيه بس تحركهم عادي
وريولها من الحفاضه احسهم متباعدين .... عادي هالشي

هم عادي

واذا كنت بلبسها حفر عادي ماتمرض يعني بالطلعات

هم عادي

لا تحاتين و لا توسوسين عالبنت
ترى مو زين

 

[د. رشــا الصفــي]

السلام عليكم دكتوره
انا ولدي عمره 3 شهور من اول ما ولدته واهو يشرق لما يشرب وللحين يشرق واايد اخاف عليه حتى لما يرجع يشرق من الترجيع؟
والسؤال الثاني احس راسه حار (صماخه) حار مع انه مو مصخن هل طبيعي ولا لا؟
والسؤال الثالث انشالله اذا كمل 4 اشهر شنو ياكل؟
ومشكورررررررررررررررررة

بالنسبة للشرقة اهم شي تأكدي من قياس حلمة الرضاعة لا تكون كبيرة و تنزل له حليب وايد

و اذا يرجع على طول خليه بعد الرضعة قاعد على كرسي و راسه و صدره ارفع من باقي جسمه

بالنسبة للسؤال الثاني

عادي انه راسه يصير حار طبيعي هالشي

السؤال الثالث

من 4 شهور ما ياكل لا يذوق بس العيش و الخضار

لما 6 شهور ياكل وجبة كاملة من الخضار او الفواكه او البسكوت

 

[د. رشــا الصفــي]

مرحبااا دكتووووره

حبيبتي عندي بعض الاسأله ممكن اطرحها لج

1- ولدي الحين شهرين وشبوعين تقريبا احسه ضعيفونو جم الوزن الزين وطبيعي بهالعمر
2- اليوم بعد قلبي كله ترجيع من يشرب حليبته يرجعها معنه ماشي معاه الحليب وله يرجع منه كلش بس اليوم شنو السبب
3- صارله يومين مو خارج في امساك شسوي ؟؟
بعض المرات لما يبجي اسمعه يقول اماااا هل معناته يمااا وله جذي تطلع عشوائي يعني بهالعمر يقولون يمااا !!!!

ولج الف شكر

والله يعطيج العافيه والصحه

1- المفروض الوزن الطبيعي بهالعمر يكون فوق 4 كيلو و اقل من 6 كيلو
2- ممكن بداية نزلة معوية و ممكن برد بسيط و يروح بروحه بس اذا استمر وديه الطبيب يفحصه احسن
3- ولا شي بالنسبة للامساك نطري عليه شوي اذا كمل 3 ايام و هذي مو طبيعته ودي الدكتور يشوفه
و خصوصا اذا استمر الترجيع
4- اماااا هذي صدفة بحتة بهالعمر الماما الصجية على 9 او 10 شهور لا تستعجلين الله يباغج فيه و تسمعينها من عياله يا رب

و العفو حبيبتي الله يعافيج ما سوينا شي

 

[د. رشــا الصفــي]

مشكورة دكتورة وايد وايد عالنصايح الحلوة
والله يكثر من أمثالج

حبيبتي تسلمين

يسعدني دعاءكم بصراحة

 

[الريشة]

د. رشا شلونك؟

عندي مشكلة:

ولدي عمره 7 شهور اسم الله عليه و ليمن الحين ينام متأخر ( الساعة 3 أو أكثر) و كل ساعة أو ساعتين يفز بالليل و يبيني أشيله و أرجع أنومه و أحطه بفراشه..
حاولت أتركه يبكي لما يقوم نص الليل بس ماكو فايدة ...

لأنه تعود انه ينام على ايدي و بعدين احطه بفراشه.

و لازم أول ما أنومه و أحطه بفراشه يفتح عينه و يبكي و أرجع أشيله و أنومه.

تعبت و الله مادري شسوي؟؟

و متى تتعدل نومته؟

 

[د. رشــا الصفــي]

د. رشا شلونك؟

عندي مشكلة:

ولدي عمره 7 شهور اسم الله عليه و ليمن الحين ينام متأخر ( الساعة 3 أو أكثر) و كل ساعة أو ساعتين يفز بالليل و يبيني أشيله و أرجع أنومه و أحطه بفراشه..
حاولت أتركه يبكي لما يقوم نص الليل بس ماكو فايدة ...

لأنه تعود انه ينام على ايدي و بعدين احطه بفراشه.

و لازم أول ما أنومه و أحطه بفراشه يفتح عينه و يبكي و أرجع أشيله و أنومه.

تعبت و الله مادري شسوي؟؟

و متى تتعدل نومته؟

الريشة

حبيبتي الله يعينج

كان المفروض تحاولين تعدلين نومته من زمان مو الحين

الحين راح يصير الموضوع اصعب بس هم حاولي

اول شي لا تخلينه يطول نومة الظهر ساعة و لا ساعة و نص بس

و عقبها ماكو نوم

راح يتعسر شوي بس انتي لعبيه و سبحيه لما تصير الساعة 12 او 1 ( طبعا هالوقت راح يتقدم كل يوم تقريبا نص ساعة او ساعة لما توصلين لي الساعة 11 او 10 )

المهم لي صار الوقت المطلوب رضعيه و الغرفة هدوء و ظلام

و نوميه و حطيه بفراشه و خليج يمه مسكي ايده و لما مسحي على بطنه و راسه

خليه يجس بالأمان و انج موجودة عنده

و بس بالتدريج قدمي موعد النوم شوي شوي

و بالنسبة للقعدة كل ساعتين

تأكدي انه قبل النوم بالليل يكون شبعان و حفاظته نظيفه

و اذا مع هذا قعد لا تخلينه يصيح ما راح يسكت

لا بس روحي عنده و مسكي ايده او بأي طريقة تحسسه انج يمه

بدون ما تنورين الغرفة و لا تكلمينه

و حاولي انج ما تشيلينه

و اذا اضطريتي شيليه شوية من يسكت رجعيه بفراشه

لما ينام

راح ياخذ وقت الموضوع مو سهل

بس يبيله صبر و التزام

و موفقة ان شاء الله

 

[رفرف]

هلا دكتورتنا .. شلونج ؟؟


انا عندي سؤال واحد اصغيرووونو ..


بنتي عمرها سنة وشهرين ..
وايد وااااااااااايد يحوشها تكرمين اسهال ..
بدون صخونة ولا شي .. بس اسهال ..
يعني بطنها يوم طبيعي .. 3 ايام اسهال .. يرجع طبيعي يومين .. 4 ايام اسهال ..
وقاعد يسبب لها تسلخات والتهابات مهما حطيت لها يخرع المكان يصير ..
انا قلت يمكن من التسنين بس الحين ماكو ضروس يديدة فليش جذيه ؟
وشنو اقدر اسويلها ؟ لأني اعطيها بطاط وعيش وشغلات تمسك البطن شوي .
بس هذا مو وضع مؤقت يعني قاعدة احرمها من وايد اشياء مفيدة بسبة الاسهال .
.
غير جذيه كلشي طبيعي طولها وزنها حركتها مافيها الا العافية الحمدلله

 

[][^lorans^][]

شكرا دكتورة فعلا انا كنت اشعرب جاي اخضر كل يوم كوب مشكوورة بس حالتها الحين الحمد لله احسن

 

[nouna82]

دكتووورة مشكوورة على ردودج انا عن نفسي كل جمعة ادخل على الرابط بس عشان اقرى ردودج و استفيد ماقشرتي حبيبتي

 

[SweeTa_4ever]

مشكووووووووووووووووووره دكتوووورتنااااااااااااا على الرد وعسى يكثر من امثاااالج

 

[تروبيكانا]

مساء الخير دكتوره
والله يجزاج خير ان شاء الل على هالمجهود
سؤالي الاول ولدي عنده اكزيما من انواع معينه من الاكل واكزيمته جدا شديده حاب اعرف هل من الممكن انها تختفي وباي سن ممكن يصير هالشي للعلم ولدي عمره الحين سنتين والاكزيما ابتدت معاه من الشهر الثالث
وثاني شي بنتي عمرها تسع شهور حاليا وما شربت حليب صناعي ابدا هل الحليب الطبيعي يمدها بكل شي تحتاجه حتى واهي اللحين بهالسن واذا الطبيعي مو كافي شنو ممكن اعطيها حليب صناعي
وبالنسبه هم لبنتي لاحظت عليها امس وجود نفر صغار برقبتها وبداية صدرها ما ادري من شنو مع العلم اني بديت اوكلها من الشهر السادس
واسفه على الاطاله

 

[الشوووق]

مشكووووووووورة دكتورتناما قصرتي