وأخيرا رحلتي الى Usa..

[UMSAROON]

السلام عليكم اشلونكم بنات؟
اليوم يايبه لكم رحلتي الى الولايات المتحده الأمريكيه وكانت في صيف 2007 ومن خلالها زرت نيويورك - واشنطن دي سي -شلالات نياجرا- كاليفورنيا- لاس فيغاس..
بسم الله نبتدي..

كانت رحلتنا عن طريق طيران الإتحاد..


هالطيران صراحه ماعليه كلام وجدام كل واحد شاشه حجمها مناسب وفيها أحدث الأفلام العربيه والهنديه والأمريكيه وهذا غير المسلسلات وال games



أول شي طرنا الى مطار أبو ظبي بعدها من أبو ظبي اتجهنا الى نيويورك..

 

[UMSAROON]

وصلنا الى مطار نيويورك الساعه 7 الصبح بس طبعا عطلونا 3 ساعات اجراءات أمنيه..
وبعدها طلعنا على الساعه 10 والا اليموزين اللي امأجرينها ناطرتنا..


واتجه فينا السايق الى فندقنا ..


وهذي صورة مدينة نيويورك من ابعيد..



والصوره مو واضحه لأنه السياره تمشي..

 

[UMSAROON]

والحمدلله بالسلامه وصلنا فندقنا sheraton manhattan



وبعدها ريحنا اشويه في الفندق وبعدين طلعنا وتمشينا في ال time square

 

[UMSAROON]

طبعا هالشارع جدا مشهور وأكيد شايفينه في الأفلام والمسلسلات الأمريكيه..



ويشتهر هالشارع ابكثرة الإعلانات فيه المدينه كلها تشتهر بالتكاسي الصفرا <<< امطفق حدهم

 

[UMSAROON]

طبعا أول يوم كنا تعبانيين حتى نمنا قبل لااتظلم الدنيا
وثاني يوم قعدنا من فجر الله وأول شي سويناه حجزنا توور في الباصات الحمر المكشوفه من فووق وكان الجو يهبل
هالباصات اتفرنا في المدينه واتورينا أهم المعالم..



أول شي نزلونا عند ال EMPIR STATE تقريبا أطول بنايه في نيويورك اذا ركبناها انشوف البنايات العملاقه نمل..

 

[ام رغودة]

:ggdw:ماشاءاللة خوش تصوير ناطرة الباجى

 

[ام رغودة]

عندى سؤال
جم خذيتو وقت من مطار نيويورك لمنهاتن؟

 

[UMSAROON]

وهذي صوره ثانيه للمبنى بس ابعدستنا



وهذا المدخل للمبنى..



ولمن صعدنا البنايه في الأصنصير انسدت اذنا , كان سريييع ..
وشفنا بنايات نيويورك العملاقه ابهالشكل..

 

[UMSAROON]

حبيبتي ام رغوده تسلمين على التشجيع

من المطار لي منهاتن تقريبا ساعه وربع مو لأنه ابعيد بس الطرق ازدحاام..

 

[UMSAROON]

واحنا فوق بالمبنى لجحنا شي ولمن قربنا الكاميرا عليه طلع..


ويمكن ناس وايد مايدرون ان تمثال الحريه موجود في جزيره وسط البحرتمثال الحريه وهالصوره مو من كامرتي..

 

[هيون و بس]

حبيبتي ماشاء الله خووش صوور كملي و انا معاج
انا رايحة نيويورك بالصيف ياليت تعطيني اماكن و مطاعم و كل شي يسوى الواحد يشووفه انا بصراحة اول مرة اروح امريكا و احتاج المساعدة
و مشكوووورة حبيبتي

 

[vooom]

ونااااااسه
بس اشلون اسعارهم غاليه؟

 

[UMSAROON]

حبيبتي ماشاء الله خووش صوور كملي و انا معاج
انا رايحة نيويورك بالصيف ياليت تعطيني اماكن و مطاعم و كل شي يسوى الواحد يشووفه انا بصراحة اول مرة اروح امريكا و احتاج المساعدة
و مشكوووورة حبيبتي

حبيبتي انتي تابعي تقريري وراح أحط فيه أهم الأشياء اللي ممكن اتسوينها في نيويورك
بس ماقلتيلي انتي بس ابتقعدين في نيويورك؟

 

[UMSAROON]

ونااااااسه
بس اشلون اسعارهم غاليه؟

بالنسبه حق نيويورك تعتبر من المدن الغاليه وخصوصا السكن والمعيشه بشكل عام ., أما اذا رحتو ولايه ثانيه راح اتحسون ابفرق السعر..

 

[UMSAROON]

ولمن كملنا رحلتنا في التور ودودنا الحي الصيني كله صينيين وبضاعه صينيه وحتى هذا بالصيني..


وبعدها نزلنا تمشينا في الحديقة ومنها كنا نقدر نحجز قارب يودينا تمثال الحريه بس مارحنا والسبه الزحمه ..

والقوارب ورى لو اتلاحظونهم بالصوره..

 

[UMSAROON]

وهذي صورة مسجد يقولون كان يصلي فيه محمد علي كلاي بس مادري صج جذب؟!


وهالمبنى عجبنا وصورناه

 

[UMSAROON]

وهذي ال central park مالتهم..



ويم الحديقه كان فيه apple store..





وهذا الستور من داخل..

 

[UMSAROON]

بنات وين التشجيع علشان أستمر؟!

 

[UMSAROON]

يالله ميخالف دام انه عدد المشاهدات قاعد يزيد هذا أكبر تشجييع لي..

عاد اقولكم قاعدين انتمشى بالشارع جان انشوف ميكي وميني بس تقلييد
صورنا معاهم وهذي صورتهم..

والحيين نيي حق محل m&m`s شي خياااااال وأخليكم مع الصور



وهذا شكله بالليل..


وهذي الككاوات اللي داخل..

 

[كـلا كـلا]

الله ماشالله تبارك الرحمن خوش تصوير وخوش تقرير
مرتب
بانتظار التكملة!
عليج بالعافية