دليل نوادي الكويت الصحية

[bambena]

مشاركة: دليل نوادي الكويت الصحية

اموره بجم اشتراكهم ؟؟

 

[كويتية أمورة]

مشاركة: دليل نوادي الكويت الصحية

خمسين دينار بالشهر

 

[bambena]

مشاركة: دليل نوادي الكويت الصحية

حق كل شي والله زين

 

[شـــــاهـــــه]

مشاركة: دليل نوادي الكويت الصحية

معقوله شاتو فيب

بخمسين دينار


قبل كان الشهر 120 دينار

ترا اهو اقدم نادى راقى بالكويت


بس ترا اكثر من مره صكروه ومره كتبو بالجريده انهم لقو مواد او ادويه ممنوعه بالكويت

 

[كويتية أمورة]

مشاركة: دليل نوادي الكويت الصحية

اي حبوبة كل شي بخمسين

 

[كويتية أمورة]

مشاركة: دليل نوادي الكويت الصحية

صح كان غالي ونزلوا اسعارهم
بس مادري عن سالفة الادوية
عموما انا ما اخذ ادوية الا من الصيدلية

 

[شـــــاهـــــه]

مشاركة: دليل نوادي الكويت الصحية

ترا فلكس فيه استار بوكس انا شفته ونااااااااااااسه حق المتن


اهو صغير بس وااايد مرتب


انا اشتركت ابتشامبز من سنين 0000 اتصدقون ما ارتحت

ما اعرف اتكلم انجليزى توهقت مع المدربات ههههههههههه

وجهاز البخار مالهم كله مسكر وانا اموووووت بالبخار

 

[بريسم]

مشاركة: دليل نوادي الكويت الصحية

ما فيه نوادى سنعة فى محافظة الفروانية ؟؟؟؟؟؟؟؟

 

[كويتية أمورة]

مشاركة: دليل نوادي الكويت الصحية

شاهه شلون يعني مسكر البخار؟

 

[jaggy-cat]

مشاركة: دليل نوادي الكويت الصحية

في بعد نادي وايد يمدحونه البنات اللي مشتركين فيه
اسمه باينبل painable بالشعب البحري نفس الشارع اللي فيه فلكس
واشتراكهم بالسنة 400 دينار بالشهر بصراحه ماادري جم، وعيبه انه مافيه حمام سباحه.

 

[كويتية أمورة]

مشاركة: دليل نوادي الكويت الصحية

انا خابره صالون باينبل بس نادي اول مرة اسمع

 

[عيون@@جريئة]

مشاركة: دليل نوادي الكويت الصحية

ماعجبني فلكس كلش يمكن نظيف واللي فيه مو هيلق بس مادري الجو العام يقمت

تشامبيونز حلو وشاتوفب بعد مع انه اصغر بس هم حلو

 

[مستشاره قانونيه]

مشاركة: دليل نوادي الكويت الصحية

انا بعد والله سجلت 3 اشهر بفلكس بس كلش ماعجبني احسه صغير وقمته وحوض السباحه بعد صغير

نفسه حق السباحه والاكوا

وبصراحه انا افضل تشامبينز لاني كل صيف اسجل فييه 3 اشهر والصيف اللي طاف سجلت 6 اشهر بس حسافه الحين اشتراكي خلص

واييد حلو ونظيف وحوض السباحه كبير وفي حوض ثاني حق الاكوا ويعطونج حصص مساج مع الاشتراك بس حق ال3 اشهر وفوووق

بس عيبه الوحيده ان بالصيف يسوون مخيم اطفال ويصير لويه وازعاج وكله يهال

بس لو الله يهدي نوال قبازرد وتسوي نادي حق اليهال وتفكنا من هالازعاااج

والعيب الثاني ان يسكر يوم اليمعه


بس نصيحه اللي تفكر انها تسجل بنادي

تسجل بشامبينز فضييييييع

 

[شـــــاهـــــه]

مشاركة: دليل نوادي الكويت الصحية

كويتيه اموره 000

يطرى على انى اشتركت فيه اذكر سنة 2002

مثل ما قتلج غرفة البخار مالتهم كله مسكر فيها البخار 00000

انتى روحى شوفيه احسن وطلى على غرف البخار مالتهم اذا انتى نفسى اتحبين البخار

 

[كويتية أمورة]

مشاركة: دليل نوادي الكويت الصحية

شاهه اختي سجلت بس للحين ماداومت سليحط انطرها تشوفلي شسالفة البخار

 

[b6o6a]

مشاركة: دليل نوادي الكويت الصحية

ها كويتية وين اشتركتي ؟

 

[مستشاره قانونيه]

مشاركة: دليل نوادي الكويت الصحية

اي نادي مسكرين البخار ؟؟

وقولو لهم يبطلونه عادي

 

[ميراندا]

مشاركة: دليل نوادي الكويت الصحية

اسم النادي : شاتوفب
عنوان النادي : عالبحر مقابل فدركرز
قيمة الإشتراك الشهري : 50 دينار
نسبة النظافه : نص و نص نص على قوله نانسي ... يعني جيده
هل يوجد حمام سباحة او لا : فيه حمامين سباحه واحد مايه بارد و واحد مايه حار
مميزات النادي : ارخيص و اكويس ..
عيوب النادي : وايد .. ما فيه متابعه من احد اذا انتي تلعبين عالاجهزه .. اجهزه قليله و صاله الاجهزه صغيره .. و و و و .. الخ

 

[النية الصافية]

مشاركة: رد : دليل نوادي الكويت الصحية

النادي :سيدتي
عنوان النادي : السالمية شارع البلاجات
قيمة الإشتراك الشهري : 30 دينار يوم وترك و كل يوم 40
النظافة: جيد
هل يوجد حمام سباحة او لا : نعم بس حجم متوسط
مميزات النادي : بس للسيدات وكل يوم ما يستعملة الرجال مثل المبرور
عيوب النادي : عيبه الوحيد المدربات ما يهتمون ذاك الزود والاجهزة المشي بس 3

 

[omneyaty]

مشاركة: احسن نادي صحي؟؟؟؟؟؟

فليكس يقمت القلب كله درايش وحمام السباحه عليه المنور


الناس أذواق